金記冰室 (康怡廣場北座)

營業中

休息中

I remember it’s previously a pancake cafe at the entrance of Kornhill Plaza and now it’s this cha chaan tang. I had a breakfast here recently.I tried their satay beef instant noodle and an egg toast. Both dishes are typical Hong Kong style cha chaan tang breakfast. I’d say they’re fair at best - the satay soup is a bit bland and watery, while the toast is too dry. The milk tea is quite nice though.Maybe I’ll try other dishes next time I come here!

最近經常在這間冰室買外賣，因為菜式比較多元化，除了有焗豬扒飯、乾炒牛河、常餐這些比較熱門的種類外，還有中式小菜。有時吃得多焗飯炒飯，人都比較熱氣，今晚選了小菜做晚餐。一個套餐包了餐湯和飲品。餐湯可選羅宋湯或青紅蘿蔔湯，我覺得羅宋湯比較好喝，裏面有好多蔬菜。<金銀蛋肉碎浸時蔬>有很多白菜仔，亦有皮蛋、鹹蛋，湯中亦有蒜頭的香味。<芝麻黑糖醋骨> 份量較少，不太夠喉，黑醋汁調得不錯，味道不會太甜，排骨肉質不韌。最後飲杯熱檸檬水和咖啡。下次會再外賣呢！外賣做緊77折優惠，真抵食！

茶餐廳必食莫過於西多士($35)，雖然好多茶記都有西多，但喺金記冰室呢個西多士別有一番風味。由於每份西多士都喺即叫即整，凡叫外賣的都要等10-15分鐘。師傅將西多士的外皮炸得金黃酥脆，值得一讚嘅喺西多士就算外賣返屋企，都唔會流失原有嘅香脆，相信師傅俾咗好多心機。切開入面內層花生醬的夾心，咬落去有一粒一粒嘅原粒花生，用料十足，吃落去增添不少口感。另外仲叫咗半份鹽焗雞($118)，不得不說嘅喺金記為食客選用最新鮮的食材，肉質嫩滑，脂肪豐滿，味道鮮美，有別於一般的冰鮮雞。師傅喺整作過程中別出心裁，仔細地考慮放在焗爐中悶熱的温度和時間，令非調味的鹽焗咸味唔單止停留喺表面的雞皮，仲滲透至雞肉入面。總括言而，金記餐廳食材新鮮豐富，師傅烹調技巧高超，無論堂食定外賣，都會喺不錯的選擇！

落雨濕濕去到金記冰室竟然大排長龍所以決定買外賣返屋企慢慢食今次點左一個晚市小菜套餐估唔到選擇都幾多除咗特定嘅碟頭飯之外仲有咖喱同埋港式美食只要加$15就可以轉套餐有湯有飯有餸 另外再加咗個口水雞兩個人食啱啱好Xo醬蝦球炒西蘭花鮮味十足估唔到蝦球份量都幾充足西蘭花都好新鮮 加上XO醬非常惹味 送飯一流套餐另外包括餐湯都幾抵食口水雞 例牌雞肉非常嫩滑 而且例牌份量都唔少辣到十足 令人流晒口水最後嘆番杯凍檸茶 天氣咁熱真係爽

今晚沒有煮餸，加上近日想減少吸取碳水化合物，所以便決定買些小菜回家吃。在康怡附近逛了一個圈，從遠處便已經看見金記冰室充滿了人群，原來這麼多人像我一樣會買外賣回家吃🤣！拍薑炒時蔬菜心炒得夠鑊氣！有脆脆的口感，夠鮮嫩，而且薑味十足！椒鹽豬扒賣相吸引，紅的辣椒配襯綠的蔥粒，未食已經垂涎三尺！豬扒肉軟腍，辣椒辣味又帶出椒鹽的鹹香，確實是香口惹味！令人一口接一口！雖然外賣的人有很多，但是我只是等了一會便很快取到外賣。這次的外賣體驗整體感覺不錯，相信下次會再來光顧的！😍

今日一試佢既晚餐疫情期間，坐卡位，仲加塊透明膠膜簾，冷氣唔太夠，略嫌焗，空氣唔太流通。例湯幾好飲松露翠玉瓜海蝦配白飯，都幾油，偏重味椒鹽豬扒，真係好鹹好鹹，超超鹹...........支竹燒腩.....都係偏口味重d....整體來講，重口味重偏鹹。廚房師傅真係可以唔使咁重手，減鹹一半吧

今天中午與朋友到太古 康怡食午飯，與朋友多年無見，佢仍然年少輕狂，而我就自問多了幾分成熟😂😂😂😂😂😂😂一坐低先叫野食先，我叫馬來咖哩豬扒飯，朋友叫魚香茄子飯，不消一會已到，果然有茶餐廳特點，夠效率😂魚香茄子飯朋友話無什麼味道😂😂😂我那個馬來咖哩豬，咖哩都幾好味，豬扒夠鬆軟，就是茶記貨色我以前食過好多次舊金記冰室，早餐通粉，可能有對比，知道以前係咩樣，所以對仍用金記冰室名字時有期望，能食回以前的味道，但可惜..明白的，亦不是現時經營者的問題

今日去太古買完野，見到金記，所以買外賣回家同屋企人食，見到晚餐餐牌，都有好多選擇，叫了無骨海南雞$76同XO醬豬扒炒烏冬$72，等緊期間見到有個放了熱辣辣的蛋撻和多款懷舊麵包的麵包櫃，無骨海南雞，味道好鮮甜，肉質嫩滑，配埋雞湯味濃的雞油飯，好食，連個甜豉油都好正，蘸雞一流，湯叫了一中一西湯，中湯係粉葛赤小豆紅蘿蔔豬骨湯，夠清潤，西湯，蕃茄味濃郁，唔會太咸。豬扒好大塊，厚切，烏冬份量都多，抵食。嘆埋杯濃滑奶茶，茶香味濃。

外賣自取彷彿成為港人的日常，要找快靚正的，焗飯會是不錯選擇，我已經試了不同餐廳的，今日就同大家分享這一間。鮮茄濃汁焗豬扒飯，汁比較濃，蕃茄味突出而多芝士全覆蓋了飯面，使豬扒及飯保持濕潤，豬扒是厚切的，鬆軟多汁，豬扒份量也足夠，最重要的是炒飯底，炒飯粒粒分明，而且沾上了蛋汁，整體是不錯的焗飯。另外這個馬來炒貴刁是一個大膽的決定，因炒貴刁落了大量的油，如堂食因温度較高不會影響味道，但外賣因油温的下降，食物的質素也同行下降，打開外賣盒，這個貴刁的香味四散，面質爽滑沒有油膩感，而且味道香辣不嗆喉，要給讚。味道: 極之好衛生: 整潔環境: 等候外賣地方較多人服務: 尚可以抵食: 超值因有折

你地D早餐好D困為你地D煎旦好食，希望你地公司增加小食吸引客人，小菜可以出D特價小菜吸引客人，人手希望你地可以增加 ，仲有希望你地D麵包做多D吸引D人來買，仲有有希望你地公司出多D外賣紙比人知道你D食物OK

今天下班遲了，便同朋友在商場内買點外賣做晚餐。今天比較想吃港式的食物，便在這家金記冰室點食物。今天特別餓便叫了沙爹牛肉包，焗豬扒飯，熱奶茶和瓦熱杏仁茶。幾樣都是我們喜歡吃的食物。沙爹牛肉包長形大大個，沙爹汁和牛肉填滿在包內。包內也有牛油，所以一口的包可吃到牛油的香，美味濕潤的沙爹汁和軟滑的牛肉。不單這樣，包是芝麻包，所以當吃到中間時更带有芝麻的香味，很好。焗豬扒飯很好哧，飯是炒飯底，豬扒的肉味和肉香，茄酱都浸到飯內，就是只吃飯也覺得很好味。更令你滿足的是大件厚豬扒，豬扒就算被切成細细块也有滿足的感覺。熱蛋白杏仁茶加上了蛋白，更有口感和更特別。（聞到好香，就即刻飲，忘記了拍照！ ）😅熱奶茶的茶是濃厚，不但濃且滑，这是我比較喜歡的，这絕對是優質奶茶。下次唔知食乜，就多個選擇啦！✌️

金記冰室 - 街坊最愛冰室最近都實施在家工作，我也不例外，但每星期也要回公司一兩天，工作後，於是就光顧在工作附近的一間冰室，叫個小菜，由於疫情的關係，決定外賣回家慢慢食。咖喱牛腩飯香濃嘅咖喱汁，汁底不會太辣，當中有炆煮得非常軟身的薯仔粒，然後就是主角牛腩，牛腩入味，肉質有層次，油脂夠，啖啖肉。無骨海南雞配油飯分量有誠意的海南雞，海南雞雞件嫩滑，而且是起了骨的，吃起來非常方便，有甜豉油和薑油伴著，最後就是油飯，油香十足。

近排真心好多餐廳外賣都好抵，在太古的大型超市掃完貨，見到金記又有外賣優惠就買了兩個飯回家吃。六時多真是很多人，不論等外賣或是堂食的都一起在等。【金磚風沙炸豆腐】這是金記的招牌菜，不得不試，外賣的確沒有堂食即煮即食的滋味，脆皮有少少淋了，半軟半脆外皮，不過中間熱辣辣，加上調味足夠，味道仍然出色，是口感遜色一點。【無骨海南雞配油飯】海南雞又鮮嫩無比，白滑的雞肉又有點雞汁，沾少少醬油更加惹味，不過我更加喜歡雞蓉，而油飯香味都不錯。【熱奶茶】首先想講外賣的紙杯很有香港特色，奶茶非常濃郁茶底夠厚。

剛放工，在疫情下，都係買外賣回家慢慢嘆最安全。行過金記冰室，平時食早餐多，今次就買下小菜炒飯做晚餐看完餐牌後，叫了菜膽雞、五色素菜炒飯，及甜品馳品蛋撻兩個。很有懷舊風情的門口熱辣辣的蛋撻及麵包櫃，見到都非常吸引吖一入門口，已有店員量度體溫，並有消毒液可供客人使用防疫工作做得好妥善落了order，話咁快就有得拎啦菜膽雞味道很有驚喜，雞肉鮮嫩入味，白菜仔鮮綠，連個汁送飯都一流五色素菜炒飯非常健康，打開盒蓋時已聞到好香，飯粒炒到粒粒分明，及不油膩，誠意推薦給素食者酥皮蛋撻外脆內軟，蛋味十足，食到舔舔脷啊原來晚上6時後，外賣晚市做77折吖，一於下次再買過

在康怡廣場買了京菜外賣，好讓媽媽晚飯加餸，正想打道回府，沿途經過「金記冰室」，看到餐廳門外大排長龍。在心奇心驅使的情況下，八卦走近並查看餐牌，發現這家餐廳食物的選擇非常多，而且價錢貼地親民，門外更放了大大個的麵包櫃，內裏放了一個又一個漲卜卜的麵包。最後，我就買了兩個新鮮出爐的菠蘿包與媽媽一同享用。菠蘿包菠蘿包色澤金黃，外層鬆脆，酥皮不算容易剝落，味道香甜，而包身鬆軟，帶有點點空氣感，入口有雞蛋香味。雖然已經買了京菜外賣，但最後還是忍不住點了半隻菜膽雞回家。菜膽雞推介！雞件份量足，雞食肉質超嫩滑，雞味濃，入口啖啖肉，雞皮爽滑，最重要是雞肉肥瘦適中，雞油不多，吃後不會滿咀雞油，雖然不是用芥菜，而用上了白菜，但白菜吸引了滿滿的雞汁，吃起來既爽脆又鮮味，佐飯一流。購買後才發現晚市外賣自取有77折，但就要留意時間，這次下午茶時段購買，就不能享有優惠了~