金豐粉麵咖啡屋

營業中

休息中

天氣炎熱，要來一客泡飯降溫。泡飯的材料有A和B組成。A項瓜類B項肉類是日點了冬瓜雜燴湯飯雜燴包括叉燒，豬肚，瘦肉等。湯底不算太香濃，飯也不是煮得太稔身，整個湯飯的味道合格，但沒有過人之處，也沒有令人一試再試的感覺呢湯飯還包一杯熱飲，價錢合理。

裝修後乾淨企理好多，光猛又舒服，又有電視睇，比以前旺左好多食物質素好左！仲多左好多選擇！今次試左個檸檬蒸烏頭，幾好食喎！37蚊，有飯，有湯，算係咁！酸酸甜甜，又有啲苦澀味，幾特別 入去冇耐就賣晒，聽講七點就有，八點就賣晒 仲食左個雲吞雞煲，$58，雞切得太細，好似冇乜肉，不過味道幾好，會再試！ 仲有個椒鹽豆腐,$43，豆腐係啖啲，但配料加埋，就唔錯！以前依到夜晚個老細態度超差！但朝早個老細返左夜晚好好多！食都食得gur d!

聽住起附近嘅朋友講，呢度嘅牛腩都0k架，今日路經此地，特登走多幾分鐘路—試叫咗碗牛腩河跟杯凍檸茶，粉麵套餐黎架，連凍飲$30…凍檸茶，完全唔掂無茶香、無檸檬香(可能用較平價嘅中國或南非貨)，又超甜牛腩:0k，太諗，諗到碎果隻，無乜口感就似碎午餐肉咁，而味道就係標準嘅柱候味，可惜…湯底:調味無過火，唔咸唔淡，味精唔多，加咗腩汁就剛好夠味河粉:略粗小小啦，唔夠滑遮

入呢間咖啡屋之前先睇睇食評先…睇完都無乜特別，就係比佢個名吸引咗，咖啡屋嘛，就入去食野兼嘆咖啡啦叫咗個豉油皇豬扒炒麵，跟杯凍咖啡$39…碟炒麵，之前落單時己叫佢小油，結果係講咗等如無講過，份量小到你唔信，豬扒係用大量鬆肉粉醃嘅，食嘅時候會知道厨房用咗好多香葉去醃，因為連香葉都上埋碟炒麵度炒麵都夠鑊氣嘅，唔計佢份過太少嘅話都算合格嘅凍咖啡提起就嬲，又淡又濃又唔香又唔甜，老板應該唔飲減十蚊個餐就差唔多麥記杯咖我都飲到半杯，呢度只飲咗啖咋

老闆態度極度惡劣、好喜歡cut人線、好肚餓+趕時間先外賣叫雲吞河食、三十幾蚊叫個雲吞河+小小菜、等左成粒鐘、間野送去我到只需路程5分鐘、打左兩次都話外賣出左、態度惡劣不特止、仲要cut線、結果最後要再等多半小時先到、送到黎成碗野無哂湯、啲河粉發脹哂、電話到重覆講左3次話要腩汁、黎到又無加、打反去、話我無講過、我成家人都聽到我有講、話我玩佢、話下次俾反啲汁我（咁都得......）之後又再cut線、我下次俾個官你做好無、雲吞河我無咩要求、只是趕時間先叫、連送外賣員工都話好多客人投訴、極差的餐廳、憤怒

雖然晚餐叫小菜食價錢較貴，不過小菜泊得住酒樓味道所以都ok既!另焗飯係即叫即整所以都係十分好食

keep 住食左成年, 真係唔錯, 雖然雲吞麵檔唔係咁欣賞, 但牛腩麵同豬手麵其實唔差. 值得一試, 又其係牛筋, 夠冧, 夠入味!廚房就幾好. 小菜夠鑊氣! 西芹班塊, 好味! 熟客既話, 栗米班腩仲會分開上, 唔會浸到冧晒! 掂!碟頭飯既話, 芙蓉蛋飯認真得人歡心, 晚餐有芙蓉蛋飯既話, 總會見到一碟又碟嚮廚房拎出黎. 豉油一定要有... 一流! 椒鹽豬扒令人一試難忘. 香橙豬扒, 西檸雞扒亦可一試. 有羊腩既話, 都可試試, 唔係話非常好味, 勝在平得黎水準唔差. 涼瓜餐肉炒蛋飯就真係一流! 另外焗飯亦算一絕焗牛, 豬, 雞扒飯真係好味! 如果叫白汁既飯都唔錯, 白汁香濃夠味. 絕對要試!咖喱汁同樣特別, 唔係太辣, 但椰香味濃, 鐘意椰香味咖喱汁既唔好錯過.飲既荼餐廳真係好小會用梳打水沖利賓納. 以前牛車水都會用梳打水沖凍檸水, 但係e+ 冇勒. 但係呢樹就用梳打水沖利賓納, 都係當普通凍飲, 唔駛我別加錢. 屋村荼餐廳黎講, 真係唔錯.

去到叫左個雲吞麵麵同雲吞勁少湯太重味精仲要收咁貴勁唔值我以後都唔會幫襯