金豪粉麵飯茶餐廳

營業中

休息中

咁啱經過諗住求其食，嗌咗常餐沙嗲牛肉麵。點知送上嚟勁大隻曱甴起啲麵下面，佢話重新幫我煮過，但係好明顯冇重新煮過，因為啱啱煮好啲沙嗲汁應該起面，有曱甴果碗我本身撈勻咗，佢拎入去唔夠2分鐘就拎返出嚟...隔離仲有燒味舖同大家樂，下次記住經過要食其他阿...結果哩碗曱甴麵加奄列同熱華田，盛惠$44，真係多撚謝晒🙂

剛搬去呢區 今日早餐諗住試下新野野又上得慢, 同啊姐講叫佢快少少, 即係已經好唔老黎.一來上個牛面比我, 我已經奇怪點解係一丁, 佢一寫34$ 我就知佢聽錯 (定係特登比錯收我貴D). 點知個面得牛肉同少量菜個餐牌明明寫明以上套餐包蛋/腸仔, 咁都可以話唔包BTW, 杯啡都好難飲, 完全無奶味.呢間野入到去好大, 好多位, 9點得個幾個茶客咁大間野, 得一個阿姐同水吧啊叔而家我明啦 街坊都唔會黎 可以永久BLACKLIST

芬蘭朋友來香港做交流生,今晚我無時間同佢食飯,佢就自己出去搵食,入左呢間餐廳度。由於朋友係魚素者,咁我就寫左句中文比佢話比人知佢唔食肉。餐廳求其炒左個齋同豉油炒麵,收佢165蚊。佢食食下whatsapp同我講話覺得唔對路,明明餐牌上樣樣野都係四、五十蚊咁上下,點解張單咁貴。所以我就whatsapp左句中文幫佢問,個侍應居然話呢個係特別炒比佢所以係咁貴,但又心虛減佢5蚊咁大把真係多謝晒。本來芬蘭朋友對香港印象好好,但因為呢間餐廳令佢今晚感到難受被欺騙。簡直整衰香港形象

上星期二夜晚唔想落街, 見之前收到這家的外賣紙, 分咗星期一至日的餐單, 當晚叫咗支竹石斑飯, 飲熱華田, 張紙寫全部$22來到竟然要收$25, 話係那些職員派錯外賣紙, 我話派o個時明明話星期一至日外賣全部$22, 而且再上個星期阿哥先食過, 但送外賣o個個話張單係寫$25, 仲話依加佢一定要跟張單去收錢, 叫我有咩唔滿意就打電話同間餐廳講........"焗"住要去揾多3蚊出嚟, 非常有被騙的感覺！未食已經無哂mood個飯d汁偏咸, 而且非常多, 浸住成個飯, 而且d飯好似有好多冷飯, 好爛好無口感！魚柳都唔錯, 有成四、五舊, 正常,炸魚柳好難唔好食 支竹好少, 只有兩舊, 而且好un熱華田是全凍的!完全錯誤的決定!食物唔掂, 服務唔掂, 一定無下次！