金邊粉泰國菜

營業中

休息中

今次係第二次食，不過今次老婆唔喺我身邊我就叫咗個黑豚肉清湯，發現原來清湯又係別有一番滋味，清湯搭配薯粉配上煙韌口感，感覺非常不俗，再搭配上黑豚肉，魚蛋蘿蔔和蔥。

今日又同老婆食泰國好嘢👏，我老婆很愛吃辣看到餐牌金邊麵有四條辣椒，毫不猶豫馬上點餐，金邊面以冬陰功為湯底，看似很辣其實不然，意外的是份量非常足，除了金邊面旁邊還有海鮮菇類配料。

呢間泰國菜既位置同招牌唔係好起眼, 係兩條街既交界，好容易就行過左！朋友話呢間餐廳好多人食，今日就等我會一會佢🤭 呢度既格局係家庭式泰菜，似茶餐廳！我地一落完單就即刻有湯飲，又熱又足料👍🏾 .📌無骨海南雞飯 $55 (有骨海南雞飯48元)今日就叫左無骨海南雞飯，雞件上枱賣相整齊，食落幾滑，有脾位都有胸位，點上辣醬伴黃油飯嚟食，黃油飯飯粒粒粒分明，聞落好香，如果可以再加多小小雞油就更正😍唔錯！.📌炭燒豬頸肉飯 $48賣相吸引。豬頸肉肥瘦適中，切得有d厚度，所以保留到口感，有些少炭燒味，唔配醬汁都好食，魚露汁整得唔錯，酸酸地微辣！個人認為炭燒豬頸肉飯比無骨海南雞飯更出色👍🏾.📌 香辣肉碎蛋飯 $48肉碎好香香菜、九層塔味，而且有少少辣味，好餸飯👍🏾.跟餐一般飲品+$6 特飲+$10 我地要左兩杯凍檸茶少甜.總括黎講，以呢個價錢配呢個份量同味道，幾抵食! 可以回頭😬😬😬

聯和墟雖然唔就腳,但其實入面好多野食呢間泰國菜位置同招牌都唔起眼,聽朋友呢到經常都好多人排隊因為我地好夜先去到,唔洗等位就入得我地叫左四款野食同兩杯野飲,有泰式刺身蝦,泰式濕粉河,泰式沙嗲串燒,酸辣豬頸肉沙律,同埋一杯咸檸七加一杯大話七,全部份量都好多又好味,埋單只係$320-泰式刺身蝦(大)-泰式濕粉河配海鮮-泰式沙嗲串燒(豬,牛,雞各一)-酸辣豬頸肉沙律-咸檸七(右),大話七(左)

成為粉嶺居民 夜晚10pm想搵野食發現好多餐廳都收好早搵到呢一間泰國野 係聯和墟又收得夜 裝修睇落普普通通 但食物竟然平靚正！滷水雞腳好入味 最重要煮得夠淋 入口即融 個口感好適合我地生蝦都爽口鮮甜 價錢合理 面頭個醬辣得好過癮泰式飛天通菜相對無咁濃味 無平時咁鹹咁辣 如果煮得林少少就更好重點要盛讚既係佢既青咖哩 同埋串燒！佢地既青咖哩唔會好似有人造色素個種青綠淡淡既奶白色 椰味香濃 而且好夠辣 送飯一流串燒雞牛豬都燒得非常香 肉質都好嫩 唔un 最重要既係佢個沙嗲汁好惹味 即刻要叫支啤酒之後試過外賣串燒番去食 就算翻熱再食 都好香口 正

呢早同朋友去了睇狗狗 餵食 陪玩後 到傍晚已十分肚餓 快去聯和墟揾下有咩美食先今次揀左呢間泰國菜 侍應安排了我們坐樓上 一坐低整支象啤先爽啊生蝦刺身必食 肉質好厚實爽甜 夾埋個蒜頭同吃 爽啊柚子沙律 呢個我就麻麻 因不喜愛個topping 有花生 同dressing甜甜咸咸 不過友人就喜歡這沙律口感另外都嗌咗冬陰功，味道偏酸，但加埋小小辣十分開胃，也帶了泰式炒椰菜苗醬汁偏鹹了少少蟹肉炒粉絲，粉絲鮮爽吸哂蟹肉嘅味道，正雞同豬嘅串燒都做得不錯，肉燒得不鞋，沙嗲也做得香濃要咗半邊辣雞，啖啖雞肉，醬汁香濃又辣，食得好過癮！

區內有好幾間泰國菜，這間算是比較早期開張，但每逢晚市依然大排長龍，原因自然是因為它的性價比高我們7時多到達，樓下已經滿座，上面都滿了8成，所以我們2人坐進包房，一開始沒有人，很快亦坐滿了珍多冰($20)和椰汁冰($20)份量不少，很香椰奶味，稍微偏甜但可接受泰式飛天通菜($58)非常大碟！惹味醬汁香香辣辣，加上很有鑊氣，熱辣辣上碟，很快便吃光泰式炒金邊粉($58)依然是很有鑊氣的炒金邊粉，可惜的是麵條醬汁以茄汁為基調，少了泰式醬油風味，沒那麼「泰式」，但整體味道不錯泰式蠔餅($88)掙扎了好久，吃串燒好還是蠔餅好，但想吃香口一點，所以選了蠔餅，蠔仔非常足料，幾乎啖啖都有，然而蛋餅偏向淋身沒那麼香口，幸好還配了一碟泰式辣醬，沾了後覺得好夾，好吃2人吃飽飽只是200多元，親民價錢，份量大味道不錯，沒投訴

父親節又黎食泰國嘢啦🥰平時食開夜晚 今次下晝黎一樣可以揀$408四人餐🤣冬蔭公湯唔算好辣 都幾足料入面仲有好大隻大頭蝦🤤蝦肉入味又易脫殼 岩晒我口味👍🏻海南雞都幾滑 但整體偏淡不過都仲食得出唔係純白切雞🤣味道唔錯 雖然覺得泰國菜中間有個西蘭花肉片有啲怪😂海鮮炒飯同以往一樣都係味道偏淡 飯底偏濕上面兩隻青口幾吸引 其餘就係蟹柳蝦仁等一般炒飯料外加左一個每次必食既咖喱蟹！甜既黃咖喱適合唔食辣既媽媽食🤣今次既蟹份量比之前多 可能時間仲早仲有貨🤣啲汁用黎撈炒飯岩岩好！！條魚唔算大 但焗得幾好 入味又唔會太老仲有好多黃油🤤btw唔記得影金邊粉😂😂覺得今次既金邊粉失色左有啲太濕同偏淡跟餐一般飲品+$6 特飲+$10我叫左椰汁珍多冰 幾大杯同足料👍🏻—————————————————————總結店員服務好好👍🏻 好有耐心👍🏻食物份量好足！價錢唔貴又食到咁豐富🤤每次都食唔晒所以都會自備食物盒打包haha🤭不過味道普遍偏淡 香口啲會好啲最後基本5人份量 $600有找☺️雖然佢唔係我食過最好食既泰國嘢但應該係最抵食既🤣

粉嶺唔少美食，好多人都推介呢間泰國餐廳，於是就走左過去試下啦。嗌咗個四人餐嚟試吓，每一份菜都好大份而且質素高，材料足！依個套餐包括左生蝦，生菜包，咖喱蟹包，仲有個冬陰功湯。全部都真材實料而且味道十足泰國風味！

入嚟粉嶺一轉都以為無左半條人命，因為真係好遠。係粉嶺食埋夜晚先走，試左呢間個個都話好食又抵食嘅泰國菜。叫左一個四人餐，每碟餸都大大碟，生蝦，海南雞，炒飯等等，仲可以用優惠價加嘢飲添！

呢間舖晚晚都好多人排隊，很多街坊幫襯，多人到要同人搭臺😂😂今日黎食，嗌佐個海南雞套餐😋內有半隻海南雞加一碟菜我地揀佐芥蘭，兩碗油飯，再加錢一人一杯特飲😚😚海南雞無論係咩部位都好滑，如雞胸肉，唔會柴😳雞皮好香，配埋辣醬送飯一流😋😋油飯不會太黏，粒粒分明聞落好香不會膩，齋食都可以食好多碗。芥蘭很脆，係芥蘭仔唔會老，個汁少少辣很送飯😍另外個人不是很推介龍眼冰😂😂椰汁珍多冰好飲啲比較推介😚😚

唔知食咩好決定入聯和墟搵食，聽同事講呢間平平地又唔差咪試試佢，點知就領野喇。冬蔭功海鮮湯第一次飲冬蔭功入邊係落冬菇，海鮮竟然有蟹柳咁巴弊。味道只係得辣味，冇酸味冇底味冇椰香味冇香料味。黃咖喱雞呢個黃咖哩水流流成碗湯咁，所謂雞原來係幾條雞絲仔。仲流過茶餐廳。馬拉盞炒通菜食完成碟底都係汁，我又以為自己叫左郊外油菜。成餐飯最正常應該就係蒜蓉包，亦都係唯一一樣有食晒嘅食物。總括黎講如果你諗住食飽就算都ok 嘅。

新界各地很多墟市，是歷史的痕跡。有些餐廳營運經年，一代傳一代，經營以人為本。顧客與侍應相交相知數十載，感情深厚。漸漸光陰逝去，老人離世，老闆又或侍應都會出席對方喪禮，送別故人。這是人之於餐廳，與現今講究服務之硬生生口號式「歡迎光臨」有天壤之別。聯和墟城鄉交替過程，文化學術界稱之為urbanization，標準化之營運模式驅逐個體之經營。大集團相同的裝修、相同的餐牌燈光枱椅服務及味道驅逐原有之經營個體，味蕾呈現單一化，少了刺激，少了幾分真情。原先欲光顧另一間老舊餐廳，可惜星期日它沒營業。轉到另一街口金邊粉泰國菜，被內裡座滿客人的場景吸引，想必味道應不錯吧。門口沒餐牌招徠，入座後侍應遞來下午茶一頁之過膠簡單餐牌，沒有圖片，只有菜名。價格如十年前，一個海南雞飯才賣$34，相當超值。泰式濕炒河煮法千奇，視乎主廚者之泰國故鄉位置，有些味道偏甜，有些色水偏暗，各施各法，但都講究濕字，將芡汁混和河粉進食。這裡味道合格，芡汁加上魚露生抽，再炒熟豬肉及雜菜，倒在河粉即成。海南雞飯海南雞醬自家用泰國香料制作，辣中帶點酸，非常醒胃。雞件賣相整齊，夾上一件雞肉，點上辣醬伴飯來吃，確實泰國味道。總括而言，這餐廳

今日有幸去到粉嶺做嘢，同事講呢度啲泰國菜同茶餐廳好好食比我簡。咁當然想食下泰國嘢啦。一入到都有唔少人食嘢喎。心諗都應該好有信心，一來到碟飯，賣相一流。黃飯夠晒香，又夠味。雞有雞味😆😆😆又滑，不過得雞胸雞翼，無得食雞髀有少少失望🤣

晏晝會有幾個特價粉麵飯。試左泰式炒金邊粉，炒粉難免會比較油。但勝在夠火侯，而且配料足，豬肉，雞肉都有D。整體黎講都唔錯。但係之前另外試過佢地嘅海南雞飯，味道就一般般啦，油飯色水都唔夠，而且食落冇咩雞油香味。  雞件份量都多，夠滑但唔夠香。飲品午市就要加8蚊, 奶荼味道正常.