金銘潮州粉麵 (良景廣場)

營業中

休息中

我真係從來唔會係open rice 留言，但真係想舒發下。我叫咗碗牛筋米，開始食個時，發現啲筋肚痴咗少少毛，我一開始見一兩條都算，撩走佢繼續食。點知食食下越食越多毛，實在無胃口食落去。最後頂唔順，叫咗職員嚟。我指比職員睇，話碗嘢好多毛。佢仲好意思問我，啲毛係邊到整落去。。。最後職員話換過碗比我，我心諗，你鋪頭根本無清乾淨啲食材，仲叫我食多碗。。。我頂唔順埋單走咗。

4月21日晚上5點幾去到，嘟完部唔出聲嘅安心同scan 完針咭，個阿姐大大聲叫，佢打左1支針咋可唔可以食㗎，頂佢個肺，私穩黎架，仲要到我老公嘟，部死人機scan完無聲無氣，都唔知嘟唔嘟到攪到我地好煩躁，員工成個態度都超差，所以我地即走，以為都唔會幫襯。。

良景開業多年 專做街坊生意成個良景村得佢一間係做潮州粉麵既生意，所以算係獨市。無論任何時間都有人係店鋪內食緊野，而且開到凌晨兩點。今次就係因為成凌晨一點，但又肚餓。良景市集大多檔口已關門，沒有野食之下，又不想食麥當勞，唯有試下喱間潮州粉麵店。店內款式五花八門，應有既潮州粉麵種類都有。見佢推介自己既牛，就試下佢d牛筋同牛腩，要左個牛筋牛腩粗麵。可能係凌晨關係，落單的時候店員已經表現得不耐煩，到有得拎時，想要多包改賣辣椒油，竟然話要收3蚊一小杯的辣椒油。當堂say no la 番到屋企，立刻打開品嚐，廢事d麵淋哂唔好食。個湯底都幾重腩汁味，d牛腩正常不癡牙，牛筋都幾軟淋，可惜份量比較少d。外賣價成48蚊碗雙併潮洲粉麵，d餸都應該有番咁上下，而不是每樣得3塊，感覺cp值有d不太抵

住附近你俾少左野我，做街坊生意好老實咁講你送返黎俾我係好快既事，態度差不得止，電話個阿嬸講到我欠左佢咁，佢差我野收左我錢仲好似搞到我乞食咁？你係咪傻左啊？街坊街里你點對客人地一樣點對你！依家個市道咁，執咁多食肆，你地繼續啦！

如果唔係朋友帶我食，我都唔知有呢間咁好食既潮州粉！佢個貢丸真係好好食！！好有味又好彈牙😍😍😍我食完一次真係番唔到轉頭，搞到成日番黎食🤤🤤建議大家加腩汁，會好食好多

今天想晚餐暖暖胃……便隻身在1800入內食個麵。店內充滿人客，坐下2mins..便有其他食客搭桌了。。聽到其他食客也有叫丸類，牛類……代表每樣也出色？！。店舖十分光鮮！十分清潔！！！員工落單，帶位熟練！！！！！！！！！我今次食牛腩麵，通菜上菜速度好快！！ 牛腩汁湯底勁香！！！肉類品質合格！全是肉冇筋……但也無肥膏，但好彩肉質好淋！！通菜份量算多，副乳味道一流，有小小辣！十分好味。。。。總分有75分！

以前只會食牛腩麵，不過後尾望到餐牌原來有樣叫牛坑腩既野仲好食。所謂既牛坑腩即係原舊肉，無任何肥膏。根據維基百科既解說：坑腩（boneless short rib，即無骨牛小排），牛味最濃，取自牛胸前的牛小骨/肋排或旁邊牛肋條部位的的肉。間鋪最差既地方在於無得拎水飲，仲大大隻字貼出黎話唔會供應水。除咗失望，我都唔知可以仲講乜……

金銘係我由細食到大嘅餐廳，不過以前係食開位於虹橋個一間，細細個就已經見住老闆娘人手包雲吞水餃，而家已經愈開多分店，今次我黎到位於良景嘅分店，由於係中午時間，店內都有唔少客人，但都唔洗點等位就可以入座，不過就要搭枱，店內環境光猛整潔，今次我就揀左雲吞牛腩河粉配凍豆漿（$47）雲吞入面有三隻蝦，好大粒，蝦食落好爽，牛腩炆到夠晒入味，又夠淋，湯底仲加入左腩汁，食完都無口渴嘅感覺，河粉煮得啱啱好，唔好淋到爛晒。呢間潮州粉麵店真係唔錯，我隔一排就會幫襯一次。讚

早兩星期半夜去呢間分店食嘢，入去前旁邊舖頭買咗串炸魚旦食，食剩兩粒，入到去嗌嘢食，有個四眼呀姐話店外嘢唔可以喺度食所以唔落我單，咁我就諗住快快食埋兩粒魚旦就落單，跟住呢個呀姐語氣極差好似趕我咁叫我出去食完至入嚟，痴嘅我手中只剩一粒魚旦，我買咗盒嘢呢度開餐咩！跟手呢個呀姐比收銀位女士大聲喝佢"落單啦", 四眼呀姐唯有死死氣落單，我食嘢個陣佢做下啲幼稚動作今日晚上經過入去食嘢，又見呢個呀姐，佢遞野比我加句"哥仔"兼串串貢啤下我。 但係無理由陪佢傻架，所以無理呢位打份工嘅四眼呀姐。屯門兩間金銘都去過，食品都唔算差，但係呢間咁嘅侍應服務的確有問題

雲吞麵陪住我成長，由細食到大，有時做雲吞麵唔單止係因為好味，更加重要係個一份感情。呢間屋邨小店雲吞麵好好食，雲吞新鮮，肉質鮮嫩有質感，粒粒都有蝦，一咬入去係爽口的，一碗六粒，亦唔會好細粒，size適中啦，盛惠$26一碗，以而家的物價黎講，真係好抵食。我食野偏清淡，所以唔會加腩汁，就咁清湯都好夠味，反而加左腩汁我會覺得碗野變得油膩。另外，我欣賞間野開放式廚房，整潔度會比人有更大的信心。其實食左呢間野好多好多次了，有時收工開夜，覺得肚餓又會去食下，唔止我一個鐘意食，仲感染埋我的愛人。除左雲吞麵，呢間的墨丸都好食，同樣爽口彈牙，有墨魚味，唯一要講的係我唔明點解冇得單叫墨丸面，一定要加埋紫菜，一有紫菜又搞到價錢貴左

收工同朋友宵夜吹水，就去左屋企樓下間金銘潮州粉麵，因為突然好想食牛腩，井財街間金銘我由細食到大，依幾年屋企樓下都開埋金銘，真是好開心，多了一間餐廳好選擇。今晚點了一個雙拼麵，水餃拼牛腩麵$39, 如果想單拼就平點的, $31就有了。牛腩好林，帶少少肥，但又不會太多肥，入口不會乾曾曾痴牙，牛味亦好濃郁，而水餃都幾大隻，有蝦，豬肉，黑木耳，食完都幾滿足。如果想加底，加紫菜，加菜就加$6 ，飲品加$7。 如果想食多點菜呢，單點一碟腐乳通菜就$17，菜份量都幾大，一碗麵一碟菜都好飽了，抱住肚腩回家去。

今日lunch有同同事講起好似好耐冇食個魚蛋粉，就搵河粉食。一行五人去到等左一陣迫埋細細張小圓枱搭枱（平時條龍好長，可能學生放假無咁多人）大家都係為咗佢啲牛雜而黎。呢度啲牛好齊，可以單叫牛腸牛肺牛腩牛筋牛肚牛蒡牛雜。我地就亂咁雙併。我食呢碗係牛肚牛筋，牛肚係小胃黎，同牛筋一樣好夠淋，份量足。同事叫牛腸就肥左啲，成條腸裏裏外外都係白色肥膏。牛肺反而係有驚喜幾爽口。大家一致認為個湯頭肥左啲，河粉唔夠滑口但粉量足既。飲品就好貴⋯⋯

本來入到去唔知食咩好見果度最出名係魚蛋麵就叫一碗試下侍應問我要唔要腩汁我就話要點知到左果陣湯底變左沙嗲幾乎無牛腩汁幸好魚蛋真係彈牙三粒和三塊魚蛋幾有咬口麵底就係平時食雲吞麵果種麵可惜麵比較少加上我今晚比較肚餓食完真係無飽肚感覺埋單果陣比$26勉強可以接受啦想抵食既話比多$6元加底咁應該有多一點飽肚既感覺

order 左一個牛腩撈面 + 湯, 買完番屋企食, 一打開碗湯好大碗, 飲兩啖發覺有別於平時食開牛腩撈跟嗰碗湯, 跟住放埋一邊食個撈面, 一打開碗面, 個碗大但份量少過平時食開既份量, 一開始食....咸但吾好味, D 牛腩干到冇汁 (個撈面本身已經冇汁, 只有蠔油) , 牛腩同個蠔油撈面好似完全吾識 (融合吾到一體), 個湯用來送撈面剛剛好, 個面咸...個湯用來沖淡, 又貴過人, 最後平價.......絕對冇下次, 食過最差既牛腩撈, 又貴....