金銘潮州粉麵

營業中

休息中

精神早餐，今日起身特別想食河粉，去咗一間金銘粉麵點咗一個三送河粉。都只係39文如果兩個餸嘅話就32文每加一個送加7文。潮式牛腩 豬粉腸再加片頭。除貼送一個餐牌畀大家參考一下。可以加啲辣椒油同埋菜譜更加野味啊有時候覺得，粉麵檔最緊要都係，額外嘅調味料或者牛腩汁係精髓，呢一間嘅牛腩汁唔會太濃比較清 如果喜歡濃味啲嘅朋友可能要嗌撈麵，這一種嘅配搭最值得表揚竟然係一杯凍咖啡。言語之間表達唔到嘅好飲。一杯滿分嘅凍咖啡，實在難得。路經嘅朋友記得去飲杯凍咖啡醒神一下。見到仲有炸兩，都好出色。下次有機會會試下，炸兩，粥類食品。

今日局長我又去左進修 進修完之後就搵下有咩野食啦因為唔係太肚餓 所以都係求奇搵d 輕便d既野食食下咁就見到哩間金銘粉麵啦 雖然開左有一段時間但局長我就好似未入過去食 所以就決定去試下啦一坐低 望下個環境都係傳統既粉麵鋪啦 主打街坊生意無乜特別咁 再望下個餐牌先 原來都幾多選擇 連牛腩都有分唔同部位賣 屋邨鋪頭黎講比較少見wo不過由於我唔想食咁貴 同埋唔算太肚餓 所以就點左特價餐牌既牛丸米粉23蚊咋有4粒牛丸加條菜 都係合理份量啦 本身點果陣覺得23蚊都無咩大既期望以為只係普通既牛丸 姐係好似平時係街市買黎打邊爐果款咁但今次真係好有驚喜 因為佢係瀨尿牛丸黎一咬落口果下爆哂d牛汁出黎 完全估唔到23蚊會有哩種質素既牛丸食爽口彈牙又爆汁 仲要只係23蚊 雖然味道唔算話超級超級好食但23蚊哩個價位黎講真係無得輸呀比23蚊有哩個質素就好似望住般尼茅夫大炒車路士4比0咁用蔗渣既價錢換到燒鵝咁既味道咁！好過食m記啦

逸東邨食肆較少，好多嘢新開張就會有人排隊，上次見冇人排隊就入去叫咗碗牛腩河嚟食，本身諗住牛腩河都唔會差得去邊，但係佢啲牛腩硬過我條頸，牛腩蚊得未夠淋之餘都唔夠入味，我朋友叫咗雲吞麵，雲吞又細粒，入邊剩係得豬肉冇蝦肉，而且佢講生面鹼水味勁重，而我個河粉都還可以接受嘅，見2碗麵都擺唔入口,再叫多咗個炸両，一擺入口係就係暖暖地嘅，不過入面嗰條油炸鬼係淋曬囉，仲好重油益味，如果想穩穩陣陣食碗麵，我諗去返其他茶記會好啲。

自從港珠澳大橋通車之後，又有啲其他交通工具咁樣， 搞到而家嚟東涌仲方便過去旺角咁樣， 我有好多大灣區朋友都經常嚟東涌呢一度玩， 家陣咁嘅時勢，呢度咁旺，我就算食一個牛腩粉同雲吞麵都專程嚟呢度食， 係咁樣先至夠In夠合潮流。今日我哋就浩浩蕩蕩，一班大灣區朋友十幾人一齊衝入去食牛腩粉， 場面超級熱鬧又好玩又過癮我自己就叫咗碗牛腩雲吞麵嚟食， 呢碗牛腩雲吞麵好夠味道， 麵汁係用牛腩湯嚟做嘅， 牛腩煮得好入味又夠淋又夠滑，唔洗好大力都咬得到， 而且仲有好多牛腩， 雲吞就得嗰兩粒， 兩粒雲吞好夠鮮味裏面又有蝦好好味，冇諗過原來牛腩加雲吞再加啲面辣椒醬係咁好味嘅。呢一餐個個都好滿意， 大灣區人就係要食牛腩麵。

經過逸東村呢間粥店，就同朋友試試，一入到去聞到陣UP味。不過都係決定坐低試下。及第粥真係好耐無食過，好足料，粥夠棉。粉腸洗得乾淨。牛雜面都估佢唔到咁好食，牛既份量都算多，面夠爽。炸兩腸粉夠滑，入面既油炸好脆口，一點都不普通。值得一試。

其實先前已經找到這間牛腩店，但是，來逸東邨這邊，卻遍尋不獲，地址就只寫上逸東邨街市，但是，看看逸東邨中間那些市集，只有一些外賣店，沒有這間堂食的牛腩粉麵店🤔。在街市裏面，又只有燒味舖、其他經已翻新過的街市行過幾次也找不到🤔。結果，努力不懈，再一次到來，就直接走到商場的詢問處查詢一下❓真是感動，因為上週以來，以為東涌只可以光顧連鎖店，例如大家樂、麥當勞、和民、元氣壽司、米線陣等等。終於找到這間牛腩店，確是可喜可賀。看到門外有四五名男子，站在餐牌前面等位，完全把餐牌覆蓋了，真是吃玻璃大的嗎🤔？本來以為，可能裏面沒有什麼位置，但是看看，單人位置還是有的😀，於是就立即內進，坐下看看餐牌。由於第一次來，沒有什麼比較，因此點了一個最普通的牛腩米線就算了，如果要吃牛坑腩或者崩沙腩等等較高級東西，就留待下一次吧。很快，幾分鐘之內，店員就端來了我的牛腩米線，賣相也不錯，看來，就像是平日在街會吃的清湯腩那個模樣，有些中間有些肥膏， 肥瘦相間，亦都見到有七、八件牛腩。牛味還算濃郁，比較瘦的部份，也不會感覺很鞋口很乾身，當然，肥膏部份就最好不要全部吃下。而肥瘦相間的，口感非常好，夠軟林，口味濃郁。在這麼偏僻的

難得放下假朝早打完波緊係要醫下肚架啦雖然住喺東涌但實質上都好少喺度食野經過街市原來開左間新麵鋪還掂要醫肚一於試下新野先本身個人比較喜好撈河今次就叫左筋腩腩撈河加腐乳通菜另外叫多杯凍咖啡上枱嗰下自己都嚇親個麵大份到係一個人未必食得哂而牛筋牛腩就炆得剛剛好唔會話好硬身而且都幾入味腐乳通菜就正常貨色佢地用既係辣腐乳所以唔好辣既人未必接受到而凍啡唔會話特登爆冰偷工減料少甜之下依然重咖啡味總結黎講50蚊有加埋咁多野又大份都抵食既

呢間餐廳價錢偏貴 食物細份 食物質素一般都唔緊要最差既係門口阿姐 態度極差 當日我去買外賣，佢用極劣態度教訓我 話叫我問清楚有冇下午茶先落單啦！食到一肚氣。如果唔想比錢買難受 就唔好幫襯呢d餐廳 周圍咁多餐廳 大把選擇

今日行過 發覺有間金銘在逸東粉麵在公屋一旁 門面光鮮 價錢合理 叫左碗特價牛丸河 分量不算細 感覺好好加左一匙冬菜 味道不俗 價錢合理 香港難得 還有很多會來試 東涌終於有平又好味的餐廳了

小妹最愛熱可立克，點飲品必點熱可立克，飲得多就發覺各間餐廳調配的比例唔同，或濃或淡。而金銘的熱可立克比咗我驚喜，微稠、發揮到可立克的清香，而粉末亦充分融在水中，唔似其他餐廳經常有一堆未溶的可立克粉痴係杯底。總結，一般水準以上。至於一齊點的手打魚蛋粉，只可以話普通水平，不過不失啦。

我家附近終於有粥食喇！忘穿秋水等了多時終於有碗似樣啲嘅粥滚，金銘潮州粉麵最近賣埋粥呀，老婆大人之前試過話唔錯架，今日一於走去試試先得，先嘆杯奶茶質地好一般，茶味亦不夠試過便卓！老婆大人係凍檸檬茶的超級粉絲，絕無半點異心，聽講都係一般但勝在夠大杯抵飲。本來老婆大人想食豬心粥，可惜沒貨了，唯有改食肉丸粥啦！佢話呢個肉好有肉香，我食落質地好有口感，但不似一般的彈牙，老婆大人超like呀。艇仔粥好多料大大碗，內裡有牛肉碎，豬皮，水魷和花生，除咗豬皮有D味外其它都好味道，粥底夠綿吃完唔會頸喝唔錯喎。最後叫多碟炸兩，油條夠脆口，腸粉須然冇米香但都算滑口吃得過呀。

搬入黎二年，都好少係東涌食野但自從街市裝修後，多左d食得過ge野之前想食粉面都要出反去富東，重要係唔好食今日去左食新野，叫左碗牛腩河+蘿白。。。蘿白無渣，牛腩又唔會咬唔到，不過不失，會有下次其次見到佢每日有特價粉面，都幾抵食

東涌夜貓一族終於有宵夜喇！唔使望天打卦盼小販，自從街市裝修後在外圍有數間小食檔外，在上月尾更開了金銘潮州粉麵，營業時間更至深夜兩點，好似我呢D夜收工的朋友有著落了！這天十一點回到便跟老婆大人去食宵夜，入到店內見到裝修好得意，而且比一般的企理。我哋各選心水粉麵，很快已嚟齊，忽然想飲鹹檸七$22，老婆大人好專一的飲凍檸茶$8(配粉麵價)。上湯蘿蔔$20都算抵食，蘿蔔淋而冇渣但不夠清甜，上湯味幾清香，廿蚊雞收貨啦另外叫份炸魚皮$12，咦有料到喎！夠薄夠脆味道啱啱線，真心覺好食我的牛肚河$32,可選金錢肚或草肚，我揀咗草肚貪佢淋啲食落味道很清而香，真的軟淋好咬口，仲鬼咁大碗河粉，下次要試埋牛腩先得

自從8月逸東街市大裝修後變得超有特色，而且乾淨又企理令我哋一衆街坊受惠不少，之前的臨時街市到昨天變身成為金銘潮州粉麵，今天的午餐我便到來看看我的小希望有否驚喜先！一踏進店內看見這吸睛的餐具裝飾，好有新鮮感喎！ 貫徹街市懷舊的風格，店的盡頭展示懷舊特色的壁畫 。我點了牛筋雲吞河$42，有三粒的式可愛的雲吞 ，可惜粉淋沒爽口，味道亦沒多鮮味，而牛筋不是軟爬爬的質感，味道不蘇但略鹹，不是我杯茶囉！但河粉夠滑溜，而且超大碗，我只能說夠份量好抵食！另加$12轉了香菊蜜(原價$22)，清香不過甜好喝喔。