影片
港鐵灣仔站 A3 出口, 步行約4分鐘
繼續閱讀
電話號碼
28850999
營業時間
今日營業
11:30 - 15:00
17:30 - 23:00
星期一至日
11:30 - 15:00
17:30 - 23:00
以上資料只供參考, 請與餐廳確認詳情
有關獎賞計劃
161 瀏覽
長輩疫後首次回港，臨返美前，其愛女及女婿專登喺灣仔「金陵會潮宮」設宴一席為其餞行，年紀兼輩份最輕嘅XO仔有份被邀，實感榮幸萬分！中菜廳佔用面積兩層，設於地面嘅招牌相當顯眼，接待處有專人帶位上樓。大堂及走廊嘅雲石地磚拼紅牆有氣派地滲出中國風味。二十人派對安排於二樓一間超大且毫華嘅廂房內進行，私人空間足，見到一邊有個大大嘅電視，心知一定有歌仔唱。廂房樓底高高，又夠光猛，水晶吊燈十分貴氣，仲有私人洗手間，相當衛生。房內有專人服務，厚墊椅櫈闊落舒適，唯一斟酒一環唔係幾夠快。每位席上都擺有自用及公用餐具，整潔齊備。主人家早已訂下菜單，當中包含鮑魚、鮑翅、燕窩，當真盛設得很！潮式滷鵝頭：據經理豪哥介紹，打頭陣嘅潮式滷鵝頭經過六個月封乾，咁咪即係好似火腿咁？！每件連皮食嘅鵝頭咬落唔油唔乾，口感煙煙韌韌，味道就比較咸，啱唔啱口味真係好個人啦，不過細佬會情願食返平時食開爽潤多汁嘅滷水鵝片同鵝肉囉！普寧豆腐：轉盤定咗以慢速不停自轉，由於自己唔可以同時撳住個轉盤單手影相，所以影出嘅相部份離咗焦。潮州名小食皮脆乾巧，雖然冇煙出，但個豆腐心嫩滑得黎好熱。椒香涼伴鮑魚：凍食嘅鮑魚件柔韌軟潤，微辣惹味，送酒一流！胡麻蕃茄：已預先去哂皮嘅蕃茄仔色澤艷紅，清新開胃又多汁。五香卷：五香卷外層酥香，無奈調味偏咸，卷心入面啲肉較為乾嚡，不吃也罷。紅燒潮州翅：二十人份量嘅翅翅喺手推車仔上用煲滾住黎續碗分，個勢強得黎熱力十足！以確保進食時翅翅唔會變涼，上枱時每隻碗底仲點住蠟燭架！潮州翅個紅燒湯底十分香濃，稀杰適中，翅翅都好軟滑。黑松露燕窩扒蛋白：透明嘅燕窩本身冇乜味，為顯足料，廚師專登舖喺蛋白面！蛋白同燕窩質感都好滑，唯一食落淡而無味，就連松露香都唔突出。鹹香煎游水東星斑：XO仔一向少食魚，完全唔講究，不過席上嘅魚王魚后就似乎各有己見，有人大讚煎東星皮脆香口，亦有長輩嫌魚肉欠缺鮮味且乾而不嫩滑，賣相好似條魚縮咗水咁，食落仲有陣腥味，如果真係游水魚的話認真嘥哂喎！潮式黃金水瓜烙：薄身嘅水瓜烙內含花生，小肥因敏感問題唔食得，結果由相機代食。七彩霸王雞：霸王雞皮光肉滑，連同啲七彩椒絲食落去即倍添芳香與清爽。鹹排骨大芥菜煲：脹卜卜嘅大芥菜好爽腍，湯底唔油，排骨啲肉又夠腍，可惜調味咸中帶點澀，啲蝦乾仲好粉嚡，甚為失色。乾煎伊麵：靚麵金黃吸睛，外表脆巧嘅麵條軟潤富彈性，又夠薄身，自行加點醋汁可一解膩感，盡顯簡單美。潮州清甜湯：糖水清甜滋潤，圓肉鬆爽甜美，混入爽脆嘅雪耳直令口感更為豐沛。灣仔潮州菜館「金陵會潮宮」面積寬廣，二樓派對廂房尤其富麗堂皇，雖則人手略為不足，經理哥哥完全冇擺架子，親自招呼並為菜式作出簡解，好客落力。十道菜潮州晚宴用上高級嘅食材，無奈演繹水準有點不穩，仍有好大嘅進步空間。
繼續閱讀
灣仔金陵會潮宮, 顧名思義, 係一間高級會所形式的潮州菜館.有專用電梯, 由接待員帶上一樓, 裝修美侖美奐, 好有氣派, 宮內有兩層, 二樓有私人廂房, 一樓有卡座, 擺脫了一般中式酒家格局.濃濃中國風, 有高級木雕, 國畫. 雲石大堂, 私房菜形格, VIP 房, 裝修不俗, 私隱道高. 大廳食堂面對灣仔, 景緻開揚, 裝飾以綠色為主題, 吊燈, 餐具都好精美. 服務員招呼好好, 水滾茶靚, 餐牌紅卜卜, 好有喜慶感, 我們點了 服務員介紹美酒配佳餚, 將道酒.........高粱, 小麥制白酒, 由將道股份國際有限公司出品. 即開一枝試試.話梅聖女果, 好亮麗. 蕃茄已去皮經話梅醃制, 味道少酸甜, 清新開胃.梅羔骨, 調味有點像東坡肉, 滑溜順口.普寧炸灌漿, 色澤金黃, 賣相吸引. 薄脆皮內包滿了甜美美的蘿蔔蓉, 入口香脆好有層次感.滷水鵝肉拼盤, 擺碟靚, 顏色鮮明.拼盤食材: 鵝片, 鵝翼, 豬大腸, 豬頭肉, 滷水蛋, 碟底有滷豆腐 鵝片, 肉厚, 嫩滑可口. 有鵝味, 食落啖啖肉. 豬頭肉口感爽彈, 富濃濃滷水味, 食出潮汕真風味. 滋補藥膳燉竹絲雞湯, 每人一盅, 熱熱的送上, 天氣涼, 飲燉湯最合時.滋補養生湯, 湯料足, 火喉夠, 圓肉, 竹絲烏雞, 入口略帶點藥膳味, 湯燉得清香, 慢慢品嘗.中芹蘿蔔半煎煮黃花魚, 師傅巧手, 魚肉保持塊狀無鬆散.黃花魚肉半煎香, 魚肉嫩滑肉厚, 好滋味. 用中芹蘿蔔煮, 有助降血壓, 又令到 魚鮮味倍增, 魚味更突出. 青花椒炒牛仔粒, 青花椒炒得爽脆, 清甜可口, 牛仔粒嫩滑, 牛味濃, 伴上了洋蔥菇菌, 口感好調味正. 吃過多道濃味菜式, 最適合是一客 鹹骨春菜煲, 春菜配蘿蔔同鹹排骨一起煮, 中和了排骨的油膩感. 鹹排骨美味肉質稔滑,春菜甘香清甜, 湯味也不錯.乾煎伊麵, 伊麵煎得香脆內軟, 配來鎮江香醋. 香濃醋味再添加砂糖, 係潮州菜必食的好味道.餐後精美甜品, 紫米露, 香甜軟糯, 滋潤美顏, 非常好!金陵會潮宮, 巧手潮州菜, 用料新鮮, 用心制作, 服務態度好, 值得再來. 離開時, 在電梯大堂, 行經那小石柱設計, 好有心思. 印象難忘.
繼續閱讀
今晚和朋友食中菜做冬。餐廳的環境金碧輝煌，寬敞舒適。大家都唔想煩食咩，就揀咗精選六位套餐。上菜前，淺酌一杯將道酒。🔸普寧炸灌章外表炸至金黃色，裏面的口感似蘿蔔糕，但食到一條條蘿蔔。🔸話梅聖女果咬開時啲汁飛晒出嚟，酸甜又開胃。🔸梅羔骨排骨入味，醬汁酸中帶甜，令人食慾大增。🔸滷水鵝肉拼盤拼盤有掌翼、鵝肉、豬耳、大腸和雞蛋。我覺得個滷水可以淡返少少。🔸滋補藥膳燉竹絲雞湯雞湯夠熱，雞肉頗滑，有藥材香，但入口唔會有甘苦味。🔸中芹蘿蔔半煎煮黃花魚黃花魚煎香過，魚肉嫩滑，芹菜清香，蘿蔔腍甜。🔸青花椒炒牛仔粒牛仔粒有嚼勁，仲有青紅黃椒和幾種菇菌伴碟。🔸鹹骨春菜煲排骨肉質軟腍帶鹹香，最驚喜是春菜一啲都唔苦，而且口感爽脆。🔸乾煎伊麵一邊的麵條煎得焦脆，另一邊麵條軟身，帶少許鹼水味，可以加糖和醋食，但我只鍾意加白砂糖。🔸精美甜品甜品係熱辣辣，香甜軟糯的紫米露。呢餐提前食的冬至飯很豐富呀！
繼續閱讀
94 瀏覽
許久沒有吃過滿意的潮州翅了，並非香港沒有得食，只是無刻意去找，適逢其會，周日午餐來了金陵會潮宮，點了每位$398的午市商務二人餐，包括一道 鮑參翅肚羮，可適量配香菜及陳醋，香濃軟糯，味道豐富，淡淡滋味，至今依然回味無窮，絕對是水準之作，為了它已經值得短期回味！每位$398的午市商務二人餐：話梅聖女果、潮宮五香卷、凍馬友午餐的前菜有三款，話梅車厘茄浸得入味，正是我喜歡的味道。潮宮五香卷有驚喜，唔算好脆，但裏面有大大粒的爽口沙葛，倍添口感，醮些甜醬，更是錦上添花，吃得心都甜。凍馬友方正細緻，高雅的鮮美，輕輕的鹹香。滷水鵝肉拼盤剛好是二人份量，有鵝肉、鵝大腸、雞蛋及豬耳等，滷水清香。年糕豆漿煮鯧魚片鯧魚肉厚味香，湯汁清甜，年糕軟韌度恰到好處。碧綠川椒雞色澤亮麗，熟悉的味道。家鄉菜飯菜飯炒得很好，米飯粒粒分明，每粒皆有油光，混合蛋花及菜粒，清而不寡。精美甜品以喳咋作結束，雜豆淋透但保特粒粒口感，甜度適中。金陵會從前是做淮揚菜的，約一年前轉型為潮州菜，迎合市場需要，現在灣仔的店，豪華氣派，裝潢華麗，食用大廳落地大窗，光猛雅致，設置很多私人廂房，更有雪茄房。1至2樓招呼無需入會的散客，3樓是私人會所；適合不同需要的客人，價錢合理，晚上平均消費約$1000而可以訂私人廂房。值得介紹一吓飯店自己品牌的茅台酒，獨特的酒香，用8年的茅台酒製作，售價每瓶$1688，樣板裝$168。
繼續閱讀
朋友移居多侖多近十年了, 對中國飲食文化好陌生, 盡地主之誼, 我請他們晚飯去了 金陵會潮宮.中式酒家, 主打潮州菜, 雲石大堂好有氣派. 金陵會潮宮 的裝修用了清新脫俗....翠綠色, 擺脫了一般中式傳統大紅色, 大廳食堂用了翠綠色間格, 酒吧燈光及佈罝也統一用翠綠色.食中國菜, 備有中式名酒. 我們訂了 VIP 房, 房門顏色一致.高級會所有私隱度, 座位舒適優雅, 餐具精美. 招呼 不錯,茶有蠟燭助熱, 冬天更體驗暖笠笠的香茶味. 我們點了......六位精選套餐, 等候上菜時間, 飲杯熱茶, 吃些開胃小點: 炸脆花生及甜酸菜, 好極了.萬綠從中一點紅, 這個前菜....話梅聖女果, 外型紅潤頂吸引, 蕃茄味道加上話梅的酸甜, 好開胃.普寧炸灌漿, 潮州小食, 外脆內軟, 入面有蘿蔔蓉, 朋友話比薯條更好食. 第三款前菜, 梅羔骨, 滑嘟嘟, 味道醇厚. 排骨肥瘦平均, 外層炸漿很薄, 炸得微脆, 除了酸甜味還加了些蜜味, 好好的潮州風味. 吃罷前菜, 服務員介紹中國美酒, 將道酒 (用高粱, 小麥制的白酒) 味道順喉, 一試愛上. 主菜, 先送來 鹵水鵝肉拼盆, 擺碟靚, 份量足, 有鹵水鵝肉, 鵝翼, 豬大腸, 豬頭肉, 鹵蛋, 豆腐. 配埋秘制醋汁, 有蒜茸辣椒味.正宗潮式鹵水鵝, 用古法鹵水汁烹煮, 鵝肉好入味, 肉質油脂感都豐富, 嫩滑可口. 口感不錯, 沾些秘制醬汁令味道更高了一線. 鵝翼, 鹵蛋, 吃得滋味. 墊底還有鹵豆腐, 口感滑, 富豆香. 這個拼盤, 食材組合不錯, 鹵水香料咸度適中, 調味好好.滋補藥膳燉竹絲雞湯, 湯料足, 火候夠,竹絲雞, 瘦肉, 個湯好滋補又清甜, 冬天飲至正.青花椒炒牛仔粒, 嫩滑的牛仔粒 配上新鮮青花椒炒, 有鑊氣, 是個惹味開胃仔的小菜. 中芹蘿蔔半煎煮黃花魚, 潮汕風味, 吃到魚的鮮味. 黃花魚外皮焦脆酥香, 肉質滑. 用上中芹蘿蔔和蒜蔥, 提升了魚的鮮味, 連魚湯也飲清. 鹹骨春菜煲, 潮汕家常小菜. 春菜好食好健康. 春菜配同排骨一起煮, 中和了排骨的油膩感. 排骨美味肉質稔滑,乾煎伊麵, 伊麵煎得十分香脆, 食落吾會乾, 配上醋及砂糖, 酸甜香脆, 好美味. 餐後甜品, 紫米露, 香芋椰味濃, 滋養潤燥, 好好食.家鄉潮菜, 有風格, 美味好食. 餐廳裝修靚, 大家都滿意 . 設有專用大型電梯上落, 招呼很不錯.
繼續閱讀