金鳳大餐廳 (金鳳樓)

營業中

休息中

金鳳吃扒，相信很多愛扒之必定認識！------------------------------環境較逼，像一般茶餐廳，但香港地沒辦法，在星期二晚7:40左右到達，1人，等4位，約8點多入坐，本來想試西冷，但侍應補充是沒醃及多筋，並介紹牛小排及肉眼，覺得很貼心，最後點了牛小排5成，加蒜，碟上。------------------------------首先上菜快，$200來說很好吃，中間偏紅，沒血水，份量很足夠，伴菜份量多，對於會食配菜的我來說會加分。另外少有可以選擇加蒜😌（日式石板燒才較普通有蒜）------------------------------題外話：金鳳出名吃鐵板牛扒，眼見牛扒會放在配菜上，以免煎得過熟，同時能保溫，這個十分欣賞！（我最怕鐵板其一是叫5成，上台因鐵板溫度變了7成）------------------------------繁忙時間環境感覺有少少危險，無數鐵板會在肩膊附近經過～

真係細細個已經黎過呢間餐廳，但一直因為長龍唔敢試，難得今日平日non peak hour 經過老店，梗係去試下。估唔到4點半入到去已經坐得7788，所以唔想排隊就早早去。我地簡左一紅一白湯，2個湯都保持到水準，餐包黎到熱辣辣，特別好味。我地簡左一個美國德州頂級西冷扒（美式扒）$183，一個燒汁羊扒（港式扒）$164，問侍應有咩分別，原來美式無醃，可以食到原汁原味，燒汁味道好好，又夠多，唔會食到最後好乾。牛扒侍應推介五成熟，果然啱啱好，好有牛肉味得黎又唔韌。另外港式扒簡左燒汁羊扒餐，好入味又無羊酥味。檸茶茶味好夠。最後值得一讚係有別一般老牌餐廳，侍應服務好好，收野又夠快。

間餐廳嘅朋友推介，表示人生必去食一次！餐廳充滿舊香港餐廳氣氛，唔好睇佢門面好似好細，其實入邊都有十幾張枱，迫迫地大家食嘢嘅氣氛都緊密左！別以為傳統餐廳就係要快快食完趕人走，呢度完全冇而且職員態度好好😋嘢食又平有大份⋯食完之後忍唔住要約埋父母下次去食！1.美國頂級德州西冷牛扒 $183 （套餐包含：餐包、羅宋湯或忌廉湯、飲品一杯）五成熟，其實如果唔食得咁生嘅朋友仔都應該要叫我，因為個鐵板好熱佢亦都會不停有熱氣keep住加熱，牛扒都好有牛味，而且唔會好un，咬落口都有少少質感。餐廳職員溫馨提示加蒜蓉係好食啲！當然我哋都唔執輸🤩多蒜蓉唔該✅2.美國安格斯肉眼扒 $188（套餐包含：餐包、羅宋湯或忌廉湯、飲品一杯）同樣五成熟，肉眼扒出嚟就生少少，但同樣因為個鐵板好熱所以就會整到剛剛好！*餐廳職員溫馨提示我哋要拎個餐巾遮擋，以免彈到件衫周圍都係！每分扒都配有一個汁，職員會過嚟幫手倒（黑椒汁/燒汁）！

最近突然間想鋸返個港式嘅牛扒，即刻諗起金鳳，呢間係太子嘅金鳳已經好多年出晒名成日都要排隊，因為太耐冇食所以都願意排下隊，最後都唔係排咗好耐就入得。冇變嘅係一入到去就勁香嘅扒味，同埋好地道嘅服務員🤣🤣我哋嗌咗兩個扒餐，跟忌廉湯同埋餐包，一直都好想講佢哋嘅餐包好好食！《西冷牛扒》五成熟$125加蒜蓉$2。西冷牛扒嘅牛味比較重，所以揀咗呢一款牛扒，5成啱啱好，唔會太生又keep到牛肉嘅軟嫩口感，食落好鬆軟配埋佢哋調味啱啱好嘅黑椒汁真係超級惹味！《帶子牛扒餐》$160呢個牛扒餐冇寫到係乜嘢牛扒，出到嚟都係口感非常好，同樣好鬆軟，但係牛味略冇西冷咁重，不過都好好食！而帶子煎到半熟，有兩大粒，好正！薯菜份量啱啱好，唔會食到太滯太飽。

我同朋友今日去完旺角行街，去左太子的金鳳食晚餐。見到幾多牛扒餐幾吸引。點了兩個牛扒餐，跟餐有送餐包，餐包好軟熟，查左牛油好香滑好好食，唔錯。餐湯點左羅宋湯，少少辣但又好香口，非常惹味。跟餐飲品點了紅豆沙（少紅豆），都幾好飲T骨牛排餐（$168）牛排點了5成熟，還加了蒜蓉，食落去真係幾滑幾淋，完全唔會覺得好韌，幾入味幾好食。然後點左另一個餐：帶子牛柳餐（五成熟），$163，有大大粒帶子好彈牙睇落幾正咁。牛柳幾好食，好重牛味，好香濃。薯條又脆口好食，個味幾夾。肉質鮮嫩多汁好juicy,值得推介。跟餐另外就叫左熱檸水。最後埋單總計連埋加一都只係$377.3，2個人食到咁多夠飽的話都幾抵食，值得推介。

係太子行完街有鋪想食鐵板扒嘅癮，就諗起港式扒房金鳳大餐廳，嚟到見到門外已經開始排隊，好彩晚餐食得比較早洗排太耐🤣每個鐵板扒餐都配牛油餐包、餐湯同餐飲，餐湯有忌廉湯同羅宋湯，普通凍飲都唔洗加錢正啊！美國牛小排餐 配蒜蓉汁牛小排油脂豐富又筋膜少，啖啖肉，難怪為熱門之選，肉質鮮嫩有咬口，份量超大，個人認為必須加兩蚊蒜蓉將黑椒汁的惹味更為突出。帶子牛扒餐 配 黑椒汁呢個牛扒主要係牛柳，會有少少筋膜，肉質口感軟霖，牛味相對牛小排淡d，帶子都有三四粒正常size，蒜蓉汁不過不失，冇黑椒汁味咁出。總括而言，好經典嘅港式鐵板扒體驗，上菜時鐵板燒到吱吱聲好惹味，餐廳內煙霧瀰漫，香氣四溢🤣 所以有心理準備比四周圍嘅鐵板煙包圍。

放假陪丫姨到旺角一帶睇裝修, 順便食埋dinner先返屋企。記起之前經過有間扒房老店, 就決定同丫姨去鋸扒。門面同餐廳內裡都keep住懷舊裝修, 設有卡位, 臨近入夜, 人流不斷。今次我地揀咗兩款港式扒, 兩款都係牛柳, 而我就加咗帶子。套餐包括有牛油餐包、餐湯、餐茶,餐包暖暖地好軟熟, 自己搽牛油; 餐湯各揀咗羅宋湯, 忌廉湯, 羅宋湯都幾多蔬菜料, 忌廉湯好滑, 不過忌廉味就偏淡咗少少。然後鐵板熱辣辣隨即送上, 滋滋聲, 香噴噴, 自選汁醬: 黑椒汁/燒汁淋上扒中更散發濃烈香氣。【帶子牛柳餐】HK$163 (+$2 追加蒜茸)牛柳4成熟, 扒好厚身, 內側仲keep到嫩紅肉質, 質地好林, 肉味較淡, 沾上黑椒汁+夾集少少蒜茸食, 更為惹味。墊底有薯條同爽脆翠肉瓜, 薯條索咗個汁, 正。【牛柳餐】HK$123自選相併汁醬, 黑椒汁比燒汁比較濃味; 沒有追加蒜茸下, 較易食出原汁原味。最後送上餐茶。

約舊同學晚膳，揀了間懷舊餐廳据扒，店內裝飾依舊，服務員熟練親善，感覺很自然舒適，晚膳時間還早，門前已有客人等位了。餐前羅宋湯、牛油餐飽服務員口裏稱呼的紅湯「羅宋湯」味道仍舊保持水準，湯內雜菜軟淋入味，暖暖的餐飽軟綿可口。西冷牛扒$123上枱時吱吱喳喳，服務員在鉄板加上黑椒汁，香氣不斷騰出，牛扒份量十足，肉質嫩滑多汁美味非常。美國牛小排餐$180吸精十足份量大塊的肉排，牛味香濃，油花均勻，肉質鮮嫩鬆軟多汁，入口即溶。餐後飲品~凍檸檬茶、凍好立克，完滿飽足的一餐。

早幾日來開太子，聽朋友講有間扒房幾出色，就去咗試一試。去到門口發現好有懷舊嘅裝修風味，出面餐牌有唔同嘅外賣特價餐，價錢好吸引，但朋友話呢度鐵板餐先係主打，所以就入咗去堂食啦。餐廳入邊都係好懷舊嘅裝修風格，喺現今嘅香港好少有，好有特色😍再睇吓Menu，睇睇下發現原來依家係總店😱😱令人好期待二話不說先叫咗兩個鐵板餐，不得不讚呢度嘅上菜速度，啱啱先落完單，餐包同餐湯就即刻放上，餐包大大嚿熱辣辣配埋牛油好滿足😋😋飲完湯食完包冇耐，鐵板餐都送上嚟👍🏻👍🏻完全冇悶場，鐵板送上嚟夠熱，加埋呢度signature既生蒜，落埋汁咋咋聲，香噴噴，未食已經流晒口水🤤🤤不愧係主打菜式😍朋友唔太食牛，叫咗個雜扒餐，有豬扒、牛牛、火腿、香腸、同埋司華力腸，超大份超豐富，豬扒同埋牛柳識落都新鮮👍🏻👍🏻我就係一個牛魔王，叫咗安格斯肉眼扒，啲肉一望就知靚仔，肥瘦比例均勻，加埋個鐵板夠熱，煎一煎反一反，即刻有個焦香既靚面😎😎食落油脂豐富，一個字 正！

老公好鐘意食牛扒，以前係元朗就鐘意穩果滴平靚正的扒房了。宜家來到太子，都執著於穩好食又抵食的餐廳鋸扒。無意中聽朋友講金鳳好食，就來試一下。間餐廳五算大，但係坐得都舒服，服務好好，我坐閣樓仔下面，都會時刻提醒我五好撞到頭。服務其次，最緊要係食物質素。我地叫左個美國牛小排餐同牛柳餐。呢個麵包，鬆軟好味，仲熱的，我想食埋老公份美國牛小排確實令我一試難忘。牛排我都食得多，知道靚的牛確實價錢五便宜。呢個牛小排套餐180蚊，價錢係可以接受的，本來五抱特別特別好食的希望，點知入口瞬間感覺自己無點錯好Juicy 同有牛味，7成熟既肉入口即溶的感覺，老公切大大舊，擺入口都五覺得難咬，反而係食得好輕鬆。而且分量好足哦，因為平時老公買4塊薄薄的牛小排已經要220蚊，呢個係厚切同大塊呢。總之會再去食呢個有牛柳餐對比就可以知道牛小排係真係好食。牛柳都好食，正常水準，畢竟價錢五貴。btw，跟餐凍檸茶，茶味夠濃，要少甜就真係剛剛好適合我，好好飲。以後五使行好遠食牛扒了

香港舊式扒房真係香港人既comfort food🤩間中都會勁想食好想懷舊下🥰呢間係好多朋友介紹 香港有幾間分店😘今日我地去左太子分店呢間🤓真係好旺場 我地6:45去到都排曬隊😆我地大概等左20分鐘就有得入😇舖頭唔大 不過卡位都幾舒服🫶🏻呢到有唔同既扒餐！食傳統扒房其中一樣重點係前菜羅宋湯同個餐包😂平時唔太鍾意食包 但黎到呢到都會覺得好好味😋係最期待既傳統鐵板上碟🤤聽到啲炸炸聲同聞到啲煙味就覺得好開心😂啲扒幾高質幾嫩！用鐵板上特別有風味🤩

放假陪丫姨到旺角一帶睇裝修, 順便食埋dinner先返屋企。記起之前經過有間扒房老店, 就決定同丫姨去鋸扒。門面同餐廳內裡都keep住懷舊裝修, 設有卡位, 臨近入夜, 人流不斷。今次我地揀咗兩款港式扒, 兩款都係牛柳, 而我就加咗帶子。套餐包括有牛油餐包、餐湯、餐茶,餐包暖暖地好軟熟, 自己搽牛油; 餐湯各揀咗羅宋湯, 忌廉湯, 羅宋湯都幾多蔬菜料, 忌廉湯好滑, 不過忌廉味就偏淡咗少少。然後鐵板熱辣辣隨即送上, 滋滋聲, 香噴噴, 自選汁醬: 黑椒汁/燒汁淋上扒中更散發濃烈香氣。【帶子牛柳餐】HK$163 (+$2 追加蒜茸)牛柳4成熟, 扒好厚身, 內側仲keep到嫩紅肉質, 質地好林, 肉味較淡, 沾上黑椒汁+夾集少少蒜茸食, 更為惹味。墊底有薯條同爽脆翠肉瓜, 薯條索咗個汁; 至於帶子有兩粒墊底, 大大粒, 剛剛熟, 稍為爽甜。【牛柳餐】HK$123自選相併汁醬, 黑椒汁比燒汁比較濃味; 沒有追加蒜茸下, 較易食出原汁原味。最後送上餐茶。

今晚同朋友去金鳳大餐廳食牛扒餐😆😆我們7點9到左餐廳，店員寫左飛仔讓我們在出面等，等左20分鐘可以入得，可見平日夜晚呢間餐廳都好受歡迎。Order完，等左無耐，先上一個羅宋湯同一個忌廉雞湯 & 牛油餐包，牛油餐包還是温暖的👍🏻👍🏻我們兩個牛扒都揀左黑淑汁😋剛上鐵板時淋上係出哂煙，一定要用餐紙擋住。今晚點的兩個牛扒，一個係T骨牛扒餐、另一個係蘇格蘭牛扒餐，呢個蘇格蘭牛扒值得一食，牛肉好嫩、口感超正，無根唔黐牙；而T-骨牛扒就好大塊，厚肉，價錢都高於蘇格蘭牛扒。牛扒6成熟剛剛好，切面中間有紅色既肉，好吸引。加上蒜茸令牛扒同黑淑汁好夾，各位朋友仔都可以試下。為左送牛扒既肉，我們叫了一個$8蚊白飯黎share ，份量就剛剛好。👍🏻👍🏻餐飲方面我們就叫了一冷一熱的奶茶。金鳳大餐廳有好多不同種類的扒可供選擇，下次我想試下牛柳餐、因為我聽到身邊既幾枱都叫呢個牛柳餐，應該都係餐廳推介之選。食過今餐，我覺得蘇格蘭牛扒真心掂👍🏻。

金鳳餐廳可以講話係港式扒房嘅代表。今次去這間太子嘅金鳳餐廳已經開立了50多年(和店員查詢之後確實)！而其中一位店員也已經做了20多年！經歷了時代嘅變遷。今次和朋友試了兩款港式扒。❤️美國安格斯肉眼扒餐HKD188 (配牛油餐湯餐包及餐飲) - 叫了一款比較貴嘅牛扒，和另一本比較平嘅牛扒對比一下。這塊牛扒比較薄身，面積十分大，蓋過整個鐵板。牛扒油脂豐富，很香，牛味重！配上黑椒汁，味道不錯。❤️牛柳餐 HKD125 (配牛油餐湯餐包及餐飲) - 份量十分足！牛柳十分嫩，但牛味不及安格斯肉眼扒，勝在性價比高，配上蒜蓉汁，十分惹味，吃了整個扒，十分滿足！餐廳面積比較少，有幾張卡位，服務十分周到。午餐數十元也有交易。

今日同兩個朋友約咗去食牛扒，6:30去到門口已經好多人，等咗大概10分鐘就有位一坐低就已經俾咗麵包我哋，好快咁我哋就落咗單，呢度上菜嘅速度都幾快🥳我揀咗羅宋湯，呢間真係傳統得來而且個湯都好足料，好濃郁呢間始終都係舊式傳統嘅牛扒店，裝修都好簡單，好有懷舊嘅味道😎之後我叫咗個五成熟嘅西冷牛扒，汁我就另上，因為我怕啲薯條會林晒🤪如果鍾意食蒜嘅朋友都可以架蒜佢嘅牛扒唔會太韌，有適當嘅筋位同肥肉位置，而且肉質都唔錯，唔似其他外面餐廳求其煎，佢哋真係煮到五成熟另外最值得稱讚嘅係，服務員嘅態度都好好，佢哋唔會因為外面好多人等位趕住叫你走，仲好熱情咁拎我哋需要嘅嘢俾我哋，全部都有禮同埋有耐性少少建議如果大家真係想去食一定要早啲去排隊拎位因為外面長期都keep住好多人等位