影片
開飯介紹
於1969年創立的老字號港式扒房，以熱騰騰的鐵板呈上親民價扒餐，再淋上香濃的黑椒汁或燒汁，非常惹味。
繼續閱讀
營業時間
今日營業
11:30 - 23:30
星期一至日
11:30 - 23:30
以上資料只供參考, 請與餐廳確認詳情
相關文章
兩舊水食個jaja 聲嘅feel。塊扒本身就無乜味㗎啦，都係靠個汁。唔好有期望就無失望。個湯又好浠，應該係溝嘅？兩舊水計，自己買塊好啲嘅扒煎一定好食啲。不過出街大概都係呢個水平
繼續閱讀
晚上一個人，尤其是一個想自己獨樂樂的一天。總會想起食牛扒。而我就趁不用加班的一天，去看看太子有什麼西餐食，有什麼餐廳可以讓我獨自一人，獨自快樂地吃一份正牛扒。看街上找來找寺，始終都是覺得《金鳳大餐廳》的鐵板牛扒最合我心意同最合我的口胃。所以，巡視了幾家店之後，都係決定去《金鳳》排隊。由於我是一個人來，店員就立即收拾門口位的一張只能容納一人的小檯給我，所以，我連小票也不用取，直接有一個自成一角的座位。可以好安心地，慢慢看 menu。而當我一打開 menu 時，就立即被他們的 50週年 special 餐吸引住了。點好餐之後，就先來一份非常 Hong Kong Style 的湯同麵包。在港式西餐廳，來一個羅宋湯是最身心舒暢的。香香的麵包，最完美就是把一整舊牛油塞入去食，再配合香濃的羅宋湯，這是香港人才回明白的西餐享受。當日，若是個羅宋湯再熱少少的話，感覺會是更美。我點的牛扒，就是期間 special 的貴族牛扒。美國牛肩扒，我配的是薯菜同蒜蓉汁。當店員在我面前把香噴噴的蒜蓉汁淋上去時，觸碰到鐵板熱力時，汁液同香味立即四散。在我面前，是充滿100% 香味同油煙的。肉厚的牛扒，吃得出是沒有用過量鬆肉粉去製作的。肉質結實，味道濃香，入口當然也是嫩滑啦。在港式扒房，有蒜蓉汁的加持，味道是更上一層樓的。但我可以說，這一片牛扒，若是沒有汁的陪伴，也會是好好吃的一片。餐飲，我選擇了奶茶。畢竟，我來的是港式扒房啊，奶茶一定會比咖啡做得更出色。而我喝得出，這是一杯真正的港式奶茶，是一杯濃香滑俱全的出品，不錯。多年來，《金鳳大餐廳》都是一間非常好的港式豉油扒房。食物長期有水準，而且一點也不貴。最重要，是這一類型扒房，一定會啱香港人口味，唔會唔好食。
繼續閱讀
真係好難搵到一間咁難食嘅餐廳，而仲有咁多人去食。午餐：紅白湯都唔得、件扒冇味而且霉、㗎啡同奶茶都淡而無味，係得個餐包正常❗️咁樣嘅質素而仲有人排隊等位，真係一絕👎🏻⁉️😞
繼續閱讀
突然之間好想鋸扒所以就去咗太子金鳳食嘢我哋叫咗兩個扒餐味道都係正正常常唔會有太多嘅雪味所以我同屋企人都好鍾意食不過食金鳳，最緊要就係多蒜真係會好食好多下次再鋸扒，又可以嚟食
繼續閱讀
我有個朋友喺群組極力推介我哋去太子有一間食西式大餐嘅餐廳，有牛扒、豬扒、羊扒、雞扒食，全部都好新鮮，好有懷舊味道，亦有多款鐵板食品選擇，仲係好多顧客要攞票喺出邊門外等候，朋友亦話這間餐廳預計要等一陣間啫，這間餐廳叫做金鳳大餐廳，位於太子荔枝角道102號金鳳樓地舖，港鐵太子站C2出口，行幾分鐘就到，非常方便。我哋入餐廳前都係等咗10分鐘啫，門口真係有唔少顧客喺度等，仲有唔少顧客來外賣，亦見到有外賣員工來接食品，真係一間好食嘅懷舊餐廳。金鳳大餐廳係舊式經典扒房，有濃厚舊式香港風味及懷舊西式風格，牆上仲掛上唔少以前香港嘅報紙，見到啲報道是讚這間餐廳扒房嘅食物好好食，亦讚餐廳店員友善及服務態度好，座位都令人坐得舒服，來這裏食真不錯。餐廳嘅餐牌入邊嘅食物款式真係好多，食物嘅照片都好令人吸引，店員仲好主動咁介紹俾我哋，唔同肉類既特質，醬汁嘅味道，除咗扒類，亦都有米飯、意粉、沙律，最後我哋就揀左美國安格斯肉眼扒餐和金鳳飯，店員仲好細心推介肉眼扒最好揀五成熟，入口好食。美國安格斯肉眼扒餐有附送餐湯、餐包同飲品，好快餐湯同餐包就來，個餐包上枱時係熱而且好鬆軟，搽上牛油就快速溶哂，真係令人食得開心滿足，而餐湯有得選擇，選羅宋湯或忌廉湯，就選咗忌廉湯，忌廉湯好有奶油味，綿滑質感，而且有不少嘅肉碎，足料好喝，而且味道同個餐包一齊食都好配合。而飲品來了經典港式飲品熱檸水，勁有檸檬香味，又係好夾食扒餐。美國安格斯肉眼扒上枱後，店員就幫手加黑椒汁，當黑椒汁淋下，啲醬汁與鐵板融合產生嘅滋滋喳喳聲來伴隨肉味香氣，令人開心開胃，塊安格斯肉眼扒份量很大，五成熟睇落岩岩好，切開係搵唔到血水，見到小小粉紅色，肉質好淋好軟，仲好多肉汁，咬落牛肉優質鮮嫩，而配菜有新鮮嘅翠玉瓜同香脆嘅炸薯條，兩樣都好配合牛扒來食。而金鳳飯份量夠晒大碟， 有雞扒、雞蛋、火腿、米飯，雞扒都非常大件，而且十分嫩滑，雞蛋亦煎得好香味，火腿食落爽口，三樣食物都好配合同飯嚟食，好有舊式茶餐廳嘅味道，真係唔錯，食得好夠飽，這間傳統老餐廳金鳳真係好值得推薦俾大家來食。
繼續閱讀