影片
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
將軍澳區都有傳統既港式羊扒餐🥩🔥熠熠聲真係好有氣氛又滋味一個套餐連埋餐包餐湯嘢飲🧃夠晒飽🍅羅宋湯酸味味有好多菜 都幾鮮甜🥫嗌咗10分鐘左右已經好快上菜😻熱辣辣嘅鐵板上面有三大塊羊架、薯格、蘿蔔、翠玉瓜🥦我揀咗蒜蓉汁🧡侍應就會行過嚟幫你倒啲汁倒瀉晒 真係沙沙聲！🥩羊架好香脆，多肉少肥，慢慢食真係幾寫意仲有啲羊味好香 係食牛扒既另類選擇🥩嗌五成熟就岩岩好 一啲都唔會硬得濟再嗌埋杯凍檸茶🍋🍸
繼續閱讀
放假去咗朋友將軍澳屋企佈置聖誕裝飾，之後去咗附近嘅金鳳大餐廳食晚餐，餐廳是港式扒房老字號，以平民懷舊鐵板餐而聞名。扒餐包牛油餐包、羅宋湯或忌廉湯、餐飲（指定凍飲不另收費）牛油餐包鬆軟，忌廉湯都好大碗，入口順滑。香燒羊扒餐份量十足，羊扒揀咗五成熟，用鐵板盛載上枱，侍應將醬汁淋在鐵板，（醬汁有兩款，分別是黑椒汁和蒜蓉汁，）醬汁四濺， 隨著熱力發出滋滋聲響，煙霧瀰漫，香氣四溢。羊扒燒得香脆肉嫩，肉味濃而不羶。加上黑椒汁，十分惹味！香煎雞扒餐份量亦好足，雞扒有兩大塊，肉質鮮嫩入味，配黑椒汁，食落啖啖肉超惹味，所有扒餐均有薯條和翠玉瓜墊底，十分豐富。凍檸茶芳香清新，茶味香醇濃郁。
繼續閱讀
今次路過將軍澳新都城，見到開左金鳯大餐廳，之前聽聞係開業超過50年的平民扒房，油尖旺區經常客滿要排隊，今次路過將軍澳呢間門口已經有十多人圍住，一於試下！😌我們一行三人，每人叫一個餐再share。我地分別點左：晚餐A $178，包括沙律、帶子西冷牛扒、沙律及餐包、湯及飲品，我地揀左牛扒七成熟及蒜蓉汁，仲可以加$25 轉海皇酥皮湯！晚餐B $188，包括沙律、芝士焗大蝦西冷牛扒、沙律及餐包、湯及飲品，屋企人都係揀左牛扒七成熟及蒜蓉汁，再加25 轉海皇酥皮湯！再點左個金鳳皇牌焗豬扒飯 $82！整體黎講，牛扒係鐵板上，個presentation 充滿老香港風味，而且西冷牛扒又鬆軟，好易咬開，熱辣辣食最好味！而酥皮湯都真係好耐冇試過咁熱上枱的食法，酥皮好酥脆，個湯好creamy！好味！個焗飯大大碟，炒飯底唔乾，豬扒又軟又易咬，酸甜度適中！而帶子大大粒又軟綿，大頭蝦肉質就略為不夠爽脆…😅侍應普遍都有禮貌，整體體驗令人滿意！👍
繼續閱讀
如果想食鋸扒，然後仲要係鐵板嘅話應該就淨係得金鳳可以選擇～今次同屋企人六個人一齊食可能因為舖頭細嘅關係啩？一定要齊人先入得去…但係齊咗人都仲要等好耐，因為舖頭有啲細如果你係兩個或者四個嗰啲就可以即刻入五個人以上等大枱嘅話嘅話就要喺出邊食風，差一個人未到都唔得😂入到去我哋叫咗五個扒餐，然後一個芝士焗西蘭花我哋叫咗兩個dinner set嘅帶子西冷牛扒餐，一個T骨，一個帶子牛柳餐，同埋雜扒餐～然後佢話醬汁可以揀黑椒汁或者蒜蓉汁，兩者都偏鹹😂😂😂其實唔係好明，點餐嘅時候會問定嗰個扒係黑椒汁定係蒜蓉汁，咁佢應該mark定咗？但係個扒嚟到嘅時候汁嗰個職員又問多次係黑椒汁定係蒜蓉汁，咁其實問嚟做咩？雜扒餐數量都幾多！如果對肉嘅質素冇乜要求，而且好肚餓可以試呢個然後牛嚟講，我覺得T骨係最好食～因為其實每一款牛我都食得出落咗鬆肉粉🫠T骨相對地少啲（我感覺）帶子都有兩大粒嘅，不過凍嘅😂😂😂同埋鐵板上到嚟每一個嘅溫度都唔同因為店員醬汁嘅時候渣渣聲會有分別…湯我自己就揀咗飲紅湯都幾好飲～啲菜已經淆到好腍！最後嗌咗杯凍檸茶不過不失冇乜特別～不過我dinner set嘅話會配埋雪糕，今次係朱古力味，說得好凍其實都幾好食！最後嗰個芝士焗西蘭花個樣都幾靚！不過超級明顯食得出，佢係烚熟咗之後先擺到咁靚再焗一陣因為係西蘭花勁腍，然後芝士好少反而食到勁多白汁，但係又食唔出焗嘅味😂我覺得可以再叫嘅偶然食一次，因為佢傳統扒房嚟講啲裝修都幾靚，但係西蘭花就唔會再叫
繼續閱讀
新都城三期（金鳳餐廳)環境可以,食物味道也可以,想同太太懷舊一下輕鬆食餐飯,點知食了四分一就埋單走了,原因坐緊一張枱,店員叫我起身坐去枱的另一邊,讓出另一邊給其他客人坐,而且店員態度非常差😤,真的唔食好過食😔
繼續閱讀