影片
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
講起香港地道嘅西餐廳🍴，金鳳大餐廳絕對係唔少人心目中嘅老字號☺️！今次嚟到將軍澳寶林分店🚇，裝修完全擺脱咗老店嘅嗰種老土感覺💫，入邊光猛乾淨💡感覺幾時尚✨，加上價錢合理💰質素唔錯👌所以係區內嘅人氣餐廳🔥，經常都坐無虛席！佢哋有四款特色「牛」飲品🐮，跟餐加錢就可以飲到🍹，我哋就揀咗「紅牛」🍓，係士多啤梨雪糕🍨加利賓納梳打，甜甜哋又帶點汽水🥤嘅清爽，係港式西餐嘅經典口味👏！牛油餐包🍞熱辣辣🔥，外脆內軟，搽埋牛油🧈真係好香。忌廉湯🥣味道濃郁，口感creamy😋，暖胃又開胃👍，係食鐵板餐嘅最佳拍檔。主菜方面🍽️，我哋叫咗兩款經典鐵板餐🔥。首先係「50週年紀念出品：貴族牛扒餐」👑，呢個牛扒真係好有份量💪，美國牛肩頸肉質鮮嫩🐄，煎到外層微焦🔥，裡面仲保持住粉嫩嘅色澤💖，肉汁豐富🥩。我仲加咗$2要咗生蒜蓉🧄，呢個「牛扒伴侶」真係冇得輸👏！蒜蓉嘅香辣味🌶️同牛扒嘅肉味完美結合🤝，再配埋香濃嘅蒜蓉汁🧄，真係滋味到爆💥！另一款係「招牌牛柳餐」✨，牛柳肉質更加細嫩，切開之後🔪，粉紅色嘅肉質令人食指大動🤤。配上經典嘅黑椒汁⚫，微辛帶甜🌶️，將牛柳嘅鮮味提升到另一個層次🥩。兩款鐵板餐都係熱辣辣咁上枱🔥，滋滋聲響，香氣撲鼻😍，真係視覺同味覺嘅雙重享受🎉！總括嚟講📝，金鳳大餐廳作為香港嘅老字號🇭🇰，真係名不虛傳👍。大大份又高質嘅鐵板餐🥩，令人回味無窮👏！
繼續閱讀
餐廳係50年老字號，全港多間分店 ，門口長期有人等位就知人氣旺盛。今日黎左將軍澳寶琳分店 ，裝修新淨、坐得舒服。🌟套餐包括餐湯 + 麵包 + 飲品 🥣招牌羅宋湯番茄基底，真材實料，每勺必舀到清甜蔬菜。 🔥 50週年限定「貴族牛扒餐」部位選用肩胛部，筋肉發達，肉味超濃。廚師處理得好好，粉嫩肉理肉質軟腍。🏆 銷量冠軍「招牌牛柳餐」肉質柔軟、近乎入口即溶 ，廚師火候精準，選用高品質部位 。🌟揀左鐵板上桌，儀式感滿分，職員淋醬視聽享受,激發食慾 。而且鐵板持續加熱令牛扒在食用全程保持完美溫度，外層微脆內里鎖汁。🍧懷舊特飲🌟紅牛:利賓納+梳打+士多啤梨雪糕🌟黑牛:朱古力雪糕+可樂回憶翻晒黎，係香港的味道！🌟餐廳價錢平民，味道出色。必試限定貴族牛扒或直接點擊招牌牛柳！懷舊飲品更是必點彩蛋，體驗地道港式風味～
繼續閱讀
【西貢區】【金鳳大餐廳】同美女朋友喺寶林嗰邊買啲嘢，之後就去食嘢。諗極都諗唔掂，揀極都揀唔到之下，就嚟咗食金鳳。食扒都好嘅，同枱食飯又可以各自修行。佢就食「每月精選晚餐」，應該都穩陣嘅，有「牛油餐包」、「是日忌廉湯」同「胡麻醬田園沙律菜」做前菜。主食佢揀 $178 嘅「帶子西冷牛扒」，要鐵板上、五成熟同蒜蓉汁，我有食啲，牛味冇乜，其實加蒜蓉會開心啲。個餐仲有甜品「意大利配方雪糕」，都可以嘅。餐飲佢加 $18 飲「紅牛」，唔係提神嗰隻，係士多啤梨雪糕加利賓納，我冇飲，佢話 okay 就得啦。我食 $206 嘅「美國牛小排餐」，主菜都係鐵板上、五成熟、蒜蓉汁，我就有加 $2 加蒜茸，彌補到牛味嘅濃度不足，純粹食個爽皮。牛油餐包不變，餐湯我就加 $25 升級海皇焗酥皮湯，可以啦。嘢飲就加 $18 飲「白牛」，即係雲呢拿雪糕加雪碧，埋單 $488。。。（地址：將軍澳寶琳貿業路8號新都城中心三期地下G19-20號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：深水埗區分店：1am1564油尖旺區分店：1am1739#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #將軍澳 #寶琳 #金鳳大餐廳 #每月精選晚餐 #牛油餐包 #是日忌廉湯 #胡麻醬田園沙律菜 #帶子西冷牛扒 #蒜蓉汁 #意大利配方雪糕 #紅牛 #美國牛小排餐 #海皇焗酥皮湯 #白牛 #1am1753 #1ambackup
繼續閱讀
金鳳真係由細食到大嘅餐廳，一間好老字號扒房，講真食扒一定要食鐵板先好食，儀式感唔再講，熱辣辣食先叫正，最開心係前面落汁個下，仲要彈到周圍都係先興奮😂😂😂今晚叫左雜扒餐，兒時我次次都叫，因為佢樣樣都有，貪心嘅我樣樣都想食，有牛柳、豬扒大大塊、雞翼、火腿、腸仔，其實最鍾意墊底d薯條😂😂😂今次選擇左蒜蓉汁，超級正。另一個餐叫左牛柳餐，選擇左黑椒汁，仲加埋生蒜，聞到已經好香，真係大大滿足。其實佢地紅、白湯都好經典，飲左好多年都覺得好好飲，加埋餐包、牛油🧈簡直絕配。我仲叫左經典飲品，登登登…就係黑牛，而家仲有金牛，芒果雪糕加忌廉，你話唔正呀…
繼續閱讀
金鳳大餐廳 (將軍澳).今日心血來潮好想食扒，將軍澳依家都有金鳯食！.▪️貴族牛扒🥩加生蒜▪️.其實就係用牛近肩頸嘅部份去做扒，打邊爐大家都識食牛頸脊，咁食扒就緊係要食番高質部位肥瘦脂肪比例適中，有肉香另外鍾意食蒜嘅朋友，一定要加佢哋呢度嘅生蒜，即刻香好多！貴族牛扒🥩嘅配菜仲會係薯格.▪️ 牛柳餐 ▪️.牛柳嘅價錢大概百零蚊一份，好腍身本身呢啲比較平嘅餐嘅薯菜就會跟薯條.▪️ 黑牛•白牛▪️.我個人其實勁鍾意飲黑牛，雪糕再加汽水真係好邪惡嘅配搭第一次飲白牛，係雲呢拿雪糕再配埋雪碧.📌 金鳳大餐廳 (將軍澳)將軍澳寶琳貿業路8號新都城中心三期地下G19-20號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️
繼續閱讀