金鳳大餐廳

營業中

休息中

中午同屋企人去食扒，家姐問職員欠餐包，只係提一提，但男職員態度惡劣地答(等等啦欠咗你架)🤬唔會有以後同會跟所有想去金凰食架人講唔好再去，有其他選擇好過佢。。。。。。。。。。。。。。。。。。。。。。。

之前放假經過見好多人等位先知原來屯市開左間鐵板港式扒餐，我地平日夜晚去食都要等大約20分鐘先有位。餐廳除左扒餐仲有飯、意粉、沙律可以揀😳而我同朋友揀既鐵板扒餐已包餐湯、餐包和飲品✨白湯（粟米洋蔥忌廉湯）白湯充滿香甜的粟米味，唔太稀幾好，餐包暖粒粒搽埋牛油食🤤又香甜又香口✨鴛鴦扒餐 $124鴛鴦扒餐分別係豬扒同雞扒，我地專登+$2 要新鮮蒜蓉🤣雖然食完口會臭d 🫣但真係好食好多🤤雞扒 豬扒都幾大塊 熟到剛好 ，豬扒一啲都唔「鞋口」，整體不錯👍🏻✨美國牛小排 $198我地嗌左美國牛小排 5成熟用鐵板上，配黑椒汁，肉眼呈粉嫩色剛剛好，肉質食落軟腍，牛肉味夠香濃，黑椒汁微辣香濃超惹味。✨檸檬茶茶底夠香濃

金鳳應該係平民港式扒房既代表，有時想平平地食牛扒都會去金鳳，分店多，價錢貼地，大部份既鐵板餐都係一百中左右，味道又唔錯，今日收工就去左屯門分店，呢間分店裝修都幾新，冇乜油煙味，平日等左十分鐘左右就入得餐湯&餐包白湯都香忌廉味同比較杰身，紅湯就香番茄味，又有唔少蔬菜，餐包外表有輕微脆度，中間就微暖同軟熟，我習慣係餐包搽少少牛油，再點餐湯食，唔知有冇人都係咁食呢帶子牛柳餐鐵板餐喺飲完餐湯後幾分鐘上枱，時間校得啱啱好上枱後職員就即刻過嚟淋汁，黑椒汁淋上熱辣辣嘅鐵板後發出嘅滋滋聲令人食慾大增由於係鐵板餐嘅關係，所以牛柳我叫咗三成熟，當我切開牛柳時，牛肉差唔多去到五成熟，岩岩好牛柳質素都幾好，幾香牛肉味，加上濃濃嘅黑椒汁，令牛肉味道更豐富，而牛柳上既兩粒帶子，表面有煎香，中間岩岩熟，幾好味什扒餐什扒餐有一塊大豬扒，牛扒，雞翼，火腿，香腸，份量驚人，豬扒味道幾好，兩邊煎到金黃色，肉唔會死實同埋有肉汁同肉味，牛扒對比牛柳既肉味係冇咁濃郁，但都幾好食😋😋凍檸茶質素拍得住茶餐廳嘅水平，茶底有香濃嘅茶味

金鳳大餐廳 屯門屯順街1號屯門市廣場1期G樓G076號舖鴛鴦扒（豬雞）（蒜蓉汁） $109鐵板上 夠哂熱氣 請拎張餐紙好好保護自己 店員會幫係淋上汁汁 豬肉比較嫩滑 而雞扒煎得較爽脆可能因為雞皮問題 油煎後係焦香谷咕（熱） ＋$5跟餐會有餐包 ＋是日餐湯 ＋飲品 呢個谷咕原來係朱古力既一種 都係睇英文先知 唔會太甜 味朱味夠濃🫶🏻帶子牛柳（黑椒汁）$152帶子鮮美 牛肉中最嫩部位——牛柳，富含肉汁 口感軟嫩濃郁黑椒汁 喺鐵板上面燒焦咗仲加香口

尋晚同老婆去食晚餐，老婆食雜扒，我食西冷牛扒餐，雜扒基本上冇要求，但係冇想過西冷牛扒可以煮到完全沒有肉味，只有雪藏肉味，雖然只是$14X港幣，但比大X活的牛扒還要乾身和沒有肉味，好難食，好難食，好難食，必須要講三次，又一次證明，食嘢唔好食牌子😭😭😭。因為唔想浪費食物，最終食埋，但不可再。懷念以前的味道，現在卻變成這樣，估計現時只係靠着招牌搵飯食，如果有人監察質量，應該不會有這種情況，又多一間不會回頭的餐廳👎🏻👎🏻👎🏻。

去咗間人氣扒房食個dinner, 見佢早午晚都咁多人就搵個夜晚試下佢餐廳環境闊落光猛，裝修懷舊feel, 人流旺帶子牛柳餐$173有牛油餐包，紅湯足料濃郁沙律新鮮鐵板隨後上枱，揀咗黑椒汁，即場淋落鐵板，吱吱聲，聽聲都興奮，香氣同熱氣隨即散發出黎牛柳份量大，煎得香口，肉質幾淋帶子都大粒爽嫩最後仲有一粒飯後甜品，雲呢拿味雪糕糯米糍，甜甜地鴛鴦扒餐（雞扒+豬扒）$128一上枱大份到嚇親我，雞扒同豬扒都滿晒成塊鐵板。雞扒肉質較嫩，豬扒就靭左一點，汁都比較濃烈左一點要特別讚係薯格好好食

金鳳餐廳係一陣間懷舊扒房餐廳細細個嗰陣時爹哋媽咪都有帶我去排隊食過時隔多年分店越開越多搬咗嚟屯門住之後，原來發現市中心都有一間避開咗最高峰食飯時間座位比以前寬闊好多，空間感都大左頭先上咗餐包先，好香好軟熟，加埋牛油一齊食餐湯可以選擇忌廉或者羅宋湯用返回憶中既牛牛鐵板上🐮上枱吱吱聲😂香氣熱氣迫人，蒜蓉汁一倒落去，即刻香噴噴牛扒份量十足，一啲都唔嗇色，牛柳肉質偏向軟淋，脂肪偏少。而西冷就加埋生蒜🧄好邪惡，肉質比較有咬勁，我偏向會比較中意西冷多少少牛扒下面其實仲會配咗啲薯菜，而意粉另外加$18，是茄汁意粉🍝2個人Share就岩岩好。

家人突然想鋸扒，所以就決定由元朗坐車到位於屯門的金鳳。周末的繁忙時間，都要等大約30 - 45分鐘先有位。4人叫咗唔同款的牛扒，貴族牛扒，小牛排，西冷扒，什扒。食物大致上美味，牛扒方面貴族及小牛排唔錯，普通版本西冷都唔差。曲薯條唔係好多餐廳提供，同埋係即炸，起碼夠熱辣辣。不過細節位要改善，鐵板就唔係塊塊都夠熱，我地4個人食，有1塊係要換過，另外2塊亦唔夠熱，做得鐵板餐呢樣要留意。服務一般，算係啱啱合格。坐位就略嫌擠迫，坐得唔算舒服。

今日午餐去咗食金鳳大餐廳，先講杯凍奶茶，啖啖都係香滑的奶茶味，茶味非常濃郁，正宗港式奶茶😋🍹忌廉湯同牛油餐包，都係作為扒餐嘅前菜，忌廉湯十分濃郁唔會太稀，牛油餐包上到嚟仲係熱辣辣配搭上牛油超級香口🥣🥖美國安格斯肉眼扒餐主菜方面，今次試咗金鳳推介的美國安格斯肉眼扒餐同牛柳扒餐.美國安格斯肉眼扒餐，扒面金黃酥脆，一刀切下去，嫩滑多汁的牛肉露出來，真係令人食指大動配搭上生蒜嘅調味非常惹味🥩🔪牛柳餐牛柳鮮嫩，肉質之間有嚼勁，扒面煎得恰到好處，依然非常嫩口🍖🍽️總結而言，金鳳大餐廳真係實至名歸香港老字號扒房嘅招牌，香港嘅經典味道🇭🇰😇🥤

金鳳算得上係香港歷史既扒房之一，重好記得細細個屋企人帶我去食。屯門市中心既呢間分店，裝修得幾靚，入面位置都算多，但仍然大排長龍，可見係幾咁抵食我地叫左兩個扒餐，都包左餐包、餐湯、餐飲。餐湯有紅/白湯揀，我地揀左紅湯，雜菜都幾多，微辣。叫餐既時候會叫埋扒餐要咩汁，黑椒/蒜蓉汁，個扒上枱後，職員就會過黎倒汁招牌牛柳餐 $138牛柳叫左七成熟，份量好多，有兩大件，而且係好厚身，男仔都好夠食。牛柳肉質嫩滑，牛味香濃，加左$2蒜蓉，更加滋味。配有薯條、翠玉瓜、紅蘿蔔貴族牛扒餐 $208貴族牛扒既係美國牛肩肉，呢個應該係最貴個款扒，有分鐵板/碟上，係一樣價錢既，所以緊係揀鐵板😌。職員建議叫五成熟，因為鐵板上淋完汁熟度會再高少少，黎度又真係熟度岩岩好，易咬無筋，一樣加左$2蒜蓉。呢個應該係最貴個款扒，有分鐵板/碟上，係一樣價錢既，所以緊係揀鐵板😌。職員建議叫五成熟，因為鐵板上淋完汁熟度會再高少少，一樣加左$2蒜蓉。

一個人肚餓想食豪小小唔洗稔，食肉獸一定啱金鳳最近多分店，所以食佢都方便左d lunch set 夠平，所以lunch 飯堂地點方便，donki 樓下貴d 嘅menu, 仲有其他 lunch menu夠哂熱，合哂格凍檸檬茶，跟餐貴族牛扒可以碟 or 鐵板上打卡緊係鐵板，夠old schoold 肉淋，又夠厚，最正宗嘅港式西餐份量好足料，一定飽冇飯意粉都ok仲有d 炸薯條同菜地址: 屯門屯順街1號屯門市廣場1期地下G076-G080號舖

第一次食，入到嚟門口個位完全冇冷氣，34度天氣，要客人門口等，入到嚟落單流程OK，首先個湯，正常茶餐廳罐頭，冇乜特別，有餐包and 牛油，個湯一路飲，一路滴汗，熱到嘔，有冇風扇，用餐體驗十分之糟糕，明知呢啲天氣，連把風扇都冇，隱約聽到有人講好熱。牛扒上到，老到，唔得，雞扒同樣，一句講晒不推薦不過，同桌嗰個叫咗個D 餐，黑松露炒飯，還算不錯，炒飯正常發揮，黑松露味幾香另外一樣嘢抱怨，不停上錯，原本炒飯係炒意粉，齋啡變咗加奶

第一次寫食評, 食完嬲左成晚, 一肚氣, 不吐不快先講結論: 超差服務, overpriced 價錢, 超差環境等位安排超差, 混亂, 有無得入, 睇門口阿姐心情Waiter 語氣極差, "食乜, 要咩汁, 飲乜"點完餐隨手飛餐牌落地下上鐵板時撞落枱上D刀叉度收枱大大力扔野, 成枱汁都唔抹枱,  但仲有野食未上態度衰過中午大排檔D阿叔侍應環境污糟, 嘈吵不堪, 滿地垃圾張枱窄過老麥 (好好奇竟然有人話坐得舒服)D員工收工係我食緊野, 餐廳張枱隔離, 除哂衫, 吹水換衫最離譜係夜晚九點半, 剛剛上牛扒, 食左兩啖, D熱氣都未炸完收銀就叫我出去門口俾錢先幾個人排完隊俾完錢先可以返去食埋餐飯自稱扒房, 收近$200一個餐, 實際係茶餐廳的水平, 仲要收加一服務費我覺得服務係全區最差

行過屯門市中心，無意中發現依間金鳳大餐廳，仲見有扒食，就入去試下。初初以為係普通茶餐廳，但原來個環境都幾靚，服務都好好。今次同朋友叫左兩個扒餐，都包餐湯、餐包同飲品。個餐湯好出色，忌廉湯好夠味，又唔會覺得好有麵粉味，而羅宋湯亦都唔會話太辣。餐包亦都係我最鍾意食嘅甜餐包😆食完都好滿足。唔流等好耐就上扒，扒餐可以揀蒜蓉汁同黑椒汁，我哋兩個汁都有揀，由侍應幫我地淋汁，初初仲驚唔夠汁，但原來佢地係好豪落好多。帶子牛柳餐：帶子煎到岩岩好，唔會好實肉。牛柳叫左5成熟，唔會好韌身，煮到啱啱好。佢仲有我最愛既薯條，好正👍🏻美式什扒餐：入邊有腸仔、火腿、豬扒、牛扒、雞翼，豬扒好厚身，又夠口感，唔會覺得太淋太韌。出邊什扒餐既牛扒通常都會比較薄。但依間餐廳嘅牛扒係厚身嘅，而且仲到好香，又唔韌。食依個餐有咁多款野食真係滿足！整體都好好味！係會想再食既一間餐廳👍🏻👍🏻

🍽️🌟 必訪！金鳳餐廳：前菜一流，鐵板晚餐讓你回味無窮！沙律新鮮爽脆，配料豐富，每一口都令人愉悅！羅宋湯濃郁鮮美，湯底濃厚，令人食指大動！無論係沙律定熱湯，金鳳餐廳嘅前菜絕對唔會令你失望！🥗🍲🤤不過最令人津津有味嘅係佢嘅鐵板晚餐！蒜蓉帶子牛排餐帶出咗帶子嘅鮮甜同牛排嘅嫩滑，真係令人陶醉！鐵板上嘅滋滋嘅聲音同煙霧瀰漫嘅情景更加增添嘆為觀止嘅食慾！而帶子卡邦尼意粉更係一道完美嘅結合，意粉彈牙，卡邦尼醬濃郁香滑，帶子嘅鮮甜更加提升咗整體味道！🍤🥩🍝😍金鳳餐廳真係一個餐廳值得你去探索！無論係前菜定主菜，每一道菜都帶出嘅風味獨特而美味！快啲約埋親朋好友一齊去享受佢地嘅精緻菜式啦！🍽️🎉✨