金鶴拉麵 (和富道) (已結業)

呢間頗有人氣嘅拉麵店係佐敦、土瓜灣、天后、中環同炮台山都有分店，打卡-able🤩🤩嘅雞白湯拉麵、軟殼蟹拉麵，仲有沾麵、串燒、鰻魚飯都有，評價都唔錯，今次就去咗炮台山分店試吓先。史上極濃雞白湯拉麵呢度主打嘅雞白湯拉麵有普通版、極濃版、沾麵版，呢個極濃版一睇就知打卡-able，大大份炸牛蒡絲堆到好高，個湯真係對得住極濃呢個名，湯底好濃郁，膠質重，飲落好似補充咗好多骨膠原咁😻😻😂😂麵質軟硬度剛好，雞肉叉燒都幾好食，無乜調味但肉質嫩滑彈牙。炸牛蒡絲唔只打卡咁簡單，甘甘地嘅味道同拉麵原來都算夾，份量好多，食哂成碗真係好飽😂浦燒活鰻魚串雖然唔係燒到脆，但勝在肉質好彈牙又厚肉，調味都幾好，少少咸少少甜啱啱好。抹茶蕨餅最後仲送咗個抹茶蕨餅，涼浸浸，口感彈牙，係一個幾滿足嘅ending😋人均消費：$200推介指數（10分為滿分）：8分

心思思又想去食以白雞湯拉麵出名既金鶴，特別係佢整既嫩滑雞肉片，厚薄適中，浸係熱辣辣既湯拉麵中最為好吃😋黑蒜醬油湯拉麵 🍜$98勁香濃個黑蒜油湯底，聞到香味已經食欲大增，加上大大塊紫菜同流心蛋，真係好滿足👍🏻辛味拉麵 $88雞肉片同辛味湯底都好夾，更能增加肉既口感層次，帶出肉鮮，仲有清爽既荀同埋木耳絲配埋一齊，成碗麵連埋湯食曬😻日本明太子雞翼 $48十分貼心用錫紙包住，食既時候唔使整污糟手，啖啖肉塞滿左辣辣地既明太子，好開胃！燒黑豚肉串 $48勁多肉汁！似似地特厚版豬肉乾但肉汁鮮嫩又彈牙😋

🍛咖喱炸雞吉列豬扒飯$108雖然係拉麵店🤭但係之前見到咖喱飯都好唔錯所以決定去試吓👅今次好貪心咁叫曬兩款肉😛 一上碟都幾驚喜，因為肉嘅份量好大，而且擺盤都相當靚 😍味道方面炸雞真係完勝於豬排🥩雞肉咬落juicy 同滑好多， 外脆而多汁💦雖然得兩件但係每件都好似大半個拳頭咁大😋豬扒相對地就乾啲， 但因為炸得好脆， 點咗咖喱汁食都好食😗要大讚拌碟嗰啲薑絲，食咗之後開胃同埋冇咁熱氣👍🏻食完個飯最後仲送兩件厥餅😋

之前已經喺天后間分店食過一次，咁啱俾我見到北角原來都有分店，就陪媽咪去睇完牙醫之後就過嚟食啦一坐低佢已經好貼心咁斟左兩杯熱麥茶俾我哋，環境就冇天后嗰間咁多裝飾，但佢就有同招牌相輝映的金鶴畫，簡簡單單位置舒適，一樣有日本的風味首先我就叫咗一個日式唐揚炸雞🍗，多春魚，金鶴·雞白湯拉麵🍜因為我地實在太鍾意食溏心蛋，所以我哋每人都嗌多咗一隻溏心蛋炸雞大大嚿熱辣辣又香脆又Juicy多汁，同埋佢加咗個類似話梅粉既粉，令到成件事唔會太膩見到佢哋啲燒物都係即叫即整熱辣辣好夠味金鶴·雞白湯拉麵🍜一擺低當然要影相呃like喇！啲炸牛蒡咁壯觀佢有個貼心位唔知大家有冇留意，佢哋用咗不鏽鋼湯勺，保持返啲溫度，唔會令琴飲個啖已經凍左 ，讚第一當然要試吓佢個湯先啦，佢個湯底係用赤雞熬制六個小時而成，啖湯好香雞味，有少少似忌廉雞湯咁，入口好順滑，完全唔會膩，飲晒成碗都唔口渴，入面有木耳絲、筍、蔥，同啲麵一齊食增加口感跟住我媽咪就叫咗個黑蒜醬油拉麵🍜第一啖入口已經覺得佢個湯好重黑蒜味，好濃郁，啱晒我哋呢啲重口味嘅人呢個湯底掛埋啲麵一齊食好夾我想重點讚下佢碗入面嘅雞肉同豬肉，我唔知佢係咪慢煮既，食落去同其他拉麵店真係唔同

今次約左朋友放工食拉麵，好耐沒夜晚堂食啦！黎到北角呢間分店，緊係要試下佢個雞白湯拉麵啦，因為堂食同外賣嘅版本係唔同嘅。我呢次叫雞白湯拉麵，堂食最好嘅地方就係會配炸牛蒡，份量勁多，慢煮雞肉同埋叉燒浸係白色濃郁嘅雞白湯，一啖麵一啖肉都極盡滋味，真係食極都唔厭。呢碗係黑蒜醬油拉麵，湯底好濃又勁香，粒糖心蛋浸左係呢個湯度，食落好正，鍾意黑蒜口味嘅人唔可以錯過呀。對於我呢啲食肉獸黎講，叫多碟慢煮雞肉係好合理嘅事，因為真係好好食。叫炸雞都係同樣道理，食落好juicy，點少少椒鹽吊下味，不錯不錯。餃子係口痕想食就順便食埋，好香脆可口。最後仲有埋甜品做收尾真係確實正正子。

今日去開北角想食下拉麵，呢間幾有人氣既一間金鶴拉麵店，因金鶴有最馳名雞白湯拉麵真的要一試試有款北海道極濃蟹湯拉麵及京都抹茶雞白湯拉麵都非常特別黑蒜醬油拉麵$98 湯底好香濃既用秘製黑蒜醬非常豐富又多配料有片紫菜、有日式叉燒片、紫菜、木耳絲、荀片及青蔥絲，配料同拉麵一起食夠爽口。香濃既湯味，連拉麵拉條條沾有黑蒜香味追加小食$38點了日式餃子4隻。外賣回來一樣好吃，外皮煎得脆口，餡料豐富肉又多汁雞白湯拉麵 $98湯底奶白色味道濃郁，配上拉麵條，煙韌爽滑一齊吃非常夾白雞湯底香濃又甜又夠味道，鮮甜濃郁而不膩，好鐘意雞湯個香味，所以好快連湯底都飲晒拉麵配料有豚肉及雞肉，夠晒嫩滑仲有半隻溏心蛋咖喱炸雞飯 $78有三舊大大炸雞外面金黃色又脆口，而入面雞肉夠嫩滑，日式咖哩真係好岩香港人食，味道不算辣，越食越想食。咖喱汁味道香甜不辣送飯好開胃有半隻溏心蛋食過後真係不能錯過再次去既日式拉麵店。店員服務都可以金鶴拉麵 (和富道)  北角和富道6號嘉洋大廈地下A舖

今日食左金鶴拉麵出名嘅極濃雞白湯拉麵，一飲個湯就感覺到超濃厚的雞湯味，都幾creamy。個麵有兩塊雞肉同一塊豚肉，配料有炸牛蒡絲，木耳同洋蔥。坦白講我唔覺得個拉麵有openrice d人講到咁正，我覺得個炸牛蒡絲太咸，兩塊雞肉係凍嘅，雖然係幾嫩，但唔算好有雞味，個豚肉同拉麵都只係不過不失。可能鍾意食呢度嘅人係因為個雞白湯啦，但對我黎講就太漏就唔太岩我口味。不過要讚佢個炸餃子，個皮炸到好鬆脆。另外呢度嘅服務態度都好好👍🏻價錢方面都算係偏貴。

夜晚終於可以出去堂食梗係捉緊機會約朋友見個面揀咗朋友屋企附近嘅金鶴拉麵大概夜晚7點3去到門口舖頭細細但都坐咗好幾枱相信都真係幾好食之前見朋友啲相都其實幾吸引梗係要試試佢一坐低店員已經好有禮貌會主動幫我哋換熱茶又會介紹下啲招牌菜所以我哋好快落咗單平時食日本拉麵好怕嗰種好咸嘅湯底所以今次雖然知係雞白湯但都唔敢叫特濃🙈叫咗普通版雞白湯拉麵同黑蒜油拉麵一嚟到第一時間試咗個湯奶白色感覺好濃郁一試真係默默地講咗句「好好味呀」完全無豬骨湯嘅油膩感絕對無豬骨湯咁咸咁油雞白湯拉麵會跟兩塊慢煮雞胸肉同黑豚叉燒仲有溏心蛋半隻加埋好特別嘅炸牛蒡食落口好香脆又甜甜地愈食愈停唔到口會點黑蒜油因為我哋兩個都好鍾意食出X一丁嘅黑蒜油公仔麵咁當然餐廳食係兩回事果真無令我哋失望一上枱 店員有解釋因為雞胸肉太細所以師傅特別準備多一塊（好公道）不過個人覺得嗰兩塊都唔細呀～同樣有跟黑豚叉燒不過黑蒜油就無炸牛蒡換來嘅係兩塊紫菜（無咩特別😂）黑蒜油味都幾重又比雞白湯重口味不過都幾清真係兩碗拉麵都無令我失望同埋份量好多食到最後都好飽 差啲想打包另外仲叫咗一串烤鰻魚同炸雞由於鰻魚飯都幾貴下所以就決定點串烤鰻魚試試味先一食即刻明

🌈 金鶴拉麵 (北角) ✦✦︎ ▶︎ 北海道極濃蟹湯拉麵 $138 ❤️ 期間限定一上檯已被香濃蟹湯吸引😛湯底味道好鮮甜呀！濃厚杰身🦀值得一試！蟹肉碎都足料～叉燒唔會太硬🙃呢個湯底！最後一滴不留食哂🤤襯埋流心玉子～正💕▶︎ 史上極濃雞白湯拉麵 $138🤣湯底食落好似用左好多隻雞熬製而成🐓雞味十分濃郁～雞肉幾驚喜喎😛口感係軟滑咖！幾特別💕至於炸牛蒡賣相靚靚～脆身但有d油膩感🙈由於雞湯都幾濃味，食到後段有小小漏😌味道 🌕🌕🌕🌕環境 🌕🌕🌕🌕價錢 🌕🌕🌕🌗服務 🌕🌕🌕🌗回頭率 🌝 8/10整體：店員親切介紹menu😊喜愛濃厚味道拉麵既朋友～應該會岩口味❤️下次黎會想試埋呢度串燒 😬

講起金鶴拉麵，大家都一定會諗起雞白湯拉麵。 今次再來的原因，卻並非一如你所想，又吃雞白湯，因為有座銀在前，未必做到最好，再來這分店，為的是這碗酥炸軟殼蟹香辣拉麵。 除咗呢個新拉麵，見到新推薦仲有綠茶雞湯拉麵。同樣是新嘗試，可惜，我地為左軟殼蟹以來，目標正確，下次先食綠茶。 和朋友來到自然可以分甘同味，當然要叫多一下餃子試試。 感覺不錯，美味得來不會太過熱氣，有點大阪王將feel。 我哋叫咗一人一碗軟殼蟹拉麵，朋友大食，話一定要叫兩隻，點知上場嚇親。 見到咁大隻軟殼蟹，自然非常吸晴。 同個名一樣，非常酥軟，香口又夠野味，絕對像大型居酒屋般做得非常對辦。 另外附上一條腩肉，經燒過後，又係香氣撲鼻，肥脂嘅部位更加係非常吸引，好食到就算肥都唔驚，成條入哂口。 麵條可接受，不過最重要係佢個香辣湯底，冬天食就最啱，整碗湯，一滴也飲完。 唯一不好嘅就係麵條唔夠掛湯，有美中不足之處。 整體來講，我覺得金鶴拉麵感覺唔錯，上次叫外賣水準都係仲爭少少，但試過堂食之後，至少感覺不差，說係城最好嘅拉麵，當然太過誇張，但來吃過簡單午餐就絕對不會失望，至少係中上水準。

沒有晚市堂食的日子，只好日日買外賣回家食，當然要選擇平靚正的，見到屋企附近的金鶴推出了外賣優惠，立即買來試下。活燒蒲燒鰻魚飯 $238醬汁與鰻魚分開上，肥美鰻魚燒得香口，油脂香味完全迫出，性價比高之選。溫馨提示︰由於鰻魚是即叫即燒，需時大約15分鐘，所以記得先打電話去order。日式唐揚炸雞  $38鹹酥香脆的外皮包住鮮嫩多汁的雞肉，好滿足。日本溏心蛋 $12色澤很美又入味，最喜歡溏心蛋半熟的口感。

6點後冇得堂食，只好選擇外賣晚餐番屋企食。經過見金鶴拉麵做緊「外賣自取有85折」優惠，即刻二話不說即刻入去買✌️以前試過雞白湯拉麵🍜，覺得個慢煮雞胸肉冇得頂👍！！所以今次再order全雞宴😄厚切日本雞胸肉飯（200g)日本米煮的飯果然唔同特别好食，粒粒飽滿又軟熟，啲雞胸肉鋪滿整個飯盒，肉質嫩滑又好彈牙，咬落去仲好多肉汁添😋，雞胸肉都可以煮到咁既水準，一定要推薦👍👍咖喱炸雞飯外皮鹹酥香脆日式餃子🥟皮薄肉汁多，餃子煎得好香脆可口

金鶴拉麵(北角店) - 位於北角和富道，距離北角或炮台山地鐵站均差不多十分鐘路程，位置雖稍偏，但和富道餐廳林立，故人流亦算多。由於疫情關係，晚市只能外賣，餐廳對打包外賣非常細心，麵湯分裝固然正常，前菜醬汁連沙律醬亦一一分裝及用膠紙固定，值得一讚。活鰻蒲燒飯製作需時約15分鐘，餐廳即時烤製，鰻魚份量非常多，物有所值。黑蒜醬油湯拉麵，分別有雞肉與日式叉燒，湯底味道濃郁，外賣回家亦能保持堂食水準。除鰻魚飯及拉麵外，餐廳亦有日式串燒選擇，種類繁多，可以一試。

每逢年尾，總會去維園年宵巿場迫吓！唔買花都行去睇吓靚花！係疫情之下尋找樂趣嘛！另外順道去埋金鶴拉麵食碗濃湯拉麵！食濃湯拉麵全因為鈎起條引，早排食咗碗所謂嘅濃湯麵，濃度同金鶴嘅濃湯簡直差天共地，食得唔夠滿足唔夠喉，所以走去金鶴補翻數.去過佐敦同天后店，今次嚟和富街分店，質素不變，濃湯味道質素一樣，無分別.一路飲濃湯，一路發出滿足之聲！感恩！點嘅雞肉濃湯拉麵，雞肉幼嫩得唔似雞肉，正！另外女友點咗個炸軟殼蟹香辣拉麵，佢話湯底唔覺辣，我就辣到跳舞，唉..... 相信我女友係件辣妹.... 我受罪了... ~~>_<~~平時去大排檔食飯都會點炸軟殼蟹，但係食過N咁多次，都唔夠眼前嘅炸軟殼蟹咁大只！而且唔係單單齋落炸醬攪到大大只！大只之餘外脆內軟！中意食蟹嘅人士大力推介！好多時食拉麵，份量總係不足，到喉唔到肺，放心，金鶴嘅拉麵份量足夠，拉麵彈牙，滿分.食拉麵習慣點餃子，餃子皮脆餡料足，日本風味足.滿腹就行去維園睇年花！

今日難得到北角，依度真係好多特色小店，其中一間係我最愛既拉麵店，就係”金鶴拉麵店”,佢地既拉麵真係好有水準。套餐好抵食$128起，仲有5款拉麵揀，包埋小食飲品，仲可以加錢食其他款拉麵。牆身仲有一幅好靚既畫，令成個環境upgrade晒。佢地d麵即叫即煮，如果叫外賣既話，d麵會再幫你過一過冷河，保持麵質既質感。今次叫左佢地既招牌“金鶴雞白湯拉麵”，我問佢點解d湯白色，佢地話d湯係好多隻雞拗出黎既精華。所以好甜，料個份量都好足。燒黑豚肉串：燒得好有心機，剛剛好，唔會好韌，好濃豬肉味，肥瘦適中，必食。明太子雞翼：入面塞滿晒明太子，好飽滿，外皮燒得好香脆，入面充滿晒肉汁。依家疫情下，冇晒堂食，只可以外賣，仲做緊正餐牌8折優惠，真係超級抵食。佢地仲有儲分制，多食多送，密密食說密密送。臨走時見到佢地大大個宣傳牌賣鰻魚定食，應該都係佢地主打，下次一定要試埋。另外有樣野一定要提，就係店員個服務態度，超級好，好細心，餐牌上既食物都好用心介紹，由於佢地既食物都係即叫即做，係等既期間，佢仲問我要唔要飲佢地既麥茶。真係好貼心。