金龍泰國菜館

營業中

休息中

幾年前發現這間新墟的泰國餐廳後，成了常客，老闆娘很好人，10分地道的泰國菜，屯門街坊必吃。地方闊落，很適合幾個朋友一齊來，相當之抵食。通常都會叫椰子雞湯，炒芽菜。

第一次去呢間餐廳食晚飯，侍應服務一流，有問必答，食物質素高，青檸梳打、龍眼冰、椰汁冰都係$18杯，食物調味啱啱好，唔會過咸，適合約埋三五知己食飯，冷氣都夠凍，推薦！

行過屯門新墟嗰邊 見到幾地道食物幾正宗 都幾抵食 推薦二人餐 $200有三樣嘢 生蝦都好食 最後埋單四個人$600 抵食抵食老闆娘都好nice小曼谷之外另外一個好選擇🤣🤣🤣

好食！由細食到大味道依然一樣咁好食！泰國住家菜風味 😛 做咗咁多年價錢都係一樣咁抵食！二人餐抵食 ！有炒飯 菜晒 烏頭！份量夠多😍特別推介小食拼盤 生蝦 馬拉盞通菜 蝦餅 龍眼冰！

細細個就嚟呢間度食泰國菜，水準keep得住，生蝦好新鮮，冬陰功湯好夠味，其他菜都好好味，價錢唔算太貴，值得推薦，多人嚟食又得，小人嚟食又得，飲住啤酒食住串燒，真係唔錯

這間泰國菜館位置都唔算旺區，因為我住咗屯門幾年都唔知道呢度有嘢食😆😆炒飯味都唔錯，飯粒唔會黏在一起，粒粒分散，幾有咬口，而且份量都唔少椰汁雞湯味道尚可，但略嫌雞和椰汁味不夠整體來說都算不錯，價錢亦都幾抵食👍

尋日一行四人去咗何福堂嗰邊試咗間唔顯眼嘅泰國菜， 入到去雖然唔大但食物都還ok嘅 咁我哋叫咗一個 生蝦刺身我哋叫咗個大嘅約18隻 相當好食呢個值得一推介其次嗌咗個冬陰功 還可以不過就細路啲 嗌咗個鳳爪因為我唔食腳趾所以我冇試到但係另外三個人食曬相信應該都ok嘅可以好好味嘅應該係咁另外嗌咗個燒豬頸肉 個豬頸肉就麻麻地因為考得好燶我諗對相信係用電烤爐火候唔得控制得唔好囉同埋佢個醬則唔好唔好食所以呢個扣分佢太過嗰個紅菜好都好食嘅我都食咗好多咁其次嗌咗一個烏頭魚咁烏頭魚都可以嘅成條食曬係唔錯嘅 不過你要我再去我就覺得麻麻地囉咁呀琴日食咗平均二百蚊一位到啦咁五先係太過貴但係就味道一般除咗係個酸辣湯同埋嗰隻生蝦刺身其他都一般啦我覺得

好耐無食泰國菜啦！決定唔煮飯走去食泰菜去咗金龍泰國菜館到食。點解簡呢間？因為佢哋嘅廚師全部係泰國人正宗泰國菜首先叫咗我最鍾意食嘅泰式生蝦仲泰式燒豬頸肉當然唔少得一定要叫嘅冬陰功湯啦之後仲叫泰式椰菜苗同蒜蓉包。再叫咗凍檸檬可樂我超鍾意食生蝦，每次食泰國菜必點食落好生鮮。啲蝦肉夠爽脆燒豬頸肉就男友愛吃。個人覺得普通無乜驚喜。冬陰功好足料。椰菜苗我個人就稍嫌不夠辣。味道ok，如果再辣啲就正了蒜蓉包就真係比較遜色唔脆，唔香無乜蒜蓉味成餐飯唯一敗筆。另外講下佢哋嘅檸樂。佢哋喺杯到加咗檸檬汁。然後係用青檸嘅。所以酸度好夠

價錢實惠味道正宗同老公去自助洗衣店洗衫乾衣，咁大家都未食晚餐，見到有間泰國菜就試試啦，因為都有兩年冇去過泰國，所以去回味一下泰國既味道，呢間餐館性價比高，價錢又平又好食，最緊要份量都好大

本來行開屯門市中心, 裏面連鎖店多, 諗唔到有咩食穿過輕鐵路軌向北行, 好多傳統d既地舖食肆行到尾就見到呢間泰國菜館舖面唔大, 格局簡單,餐牌全部有相參考點左以下兩樣食物整體黎講, 大份, 夠味商場以外唔錯既選擇

今晚同老公拍拖仔，去咗屯門行街街， 雖然呢頭有好多大型嘅商場同肯定有大把好野食。但係我兩公婆就鍾意周圍逛睇下街邊有咩食多過留向商場揾食。行到甘上下，走左過去新墟，入左間好平民式既泰國餐館試下。 由於我哋太早食飯，所以冇乜客人，服務員任何選擇位置。我地叫咗一個併盤(蝦餅、春卷、雞翼、串燒。) 呢個拼盤最好味係蝦餅，好彈牙。春卷都幾特別，入面有塊火腿嘅。雞翼就肥膩咗少少，好多油。 串燒就真係一般。炭燒豬頸肉係我哋第二個菜式，好食呀！燒得好乾身，但仍有好多肉汁。再加埋自家製辣汁配答唔錯呀。至於馬拉盞炒芥蘭，就唔夠辣同埋個芡汁就重手咗少少。最後個泰式炒金邊粉，唔知點解好似黐埋一住咁，麻麻地。今晚無飲汽水，改飲青檸冰，酸酸甜甜咁，幾開胃。整體上ok嘅，價錢屬於好平，可以來幫襯下。

昨晚和朋友看完captain marvel後，他問我屯門有甚麼好吃的，我就帶他去何福堂那邊，讓他選擇，他說這裡大部份都是新金榮小廚賣小菜，但他剛才在戲院吃了不少爆谷，所以小菜他吃不了，反而金龍泰國菜館可以一吃。我們一人選一款，以免點太多又吃不完，我點小食拼盤，朋友則選乾炒豬河。朋友說乾炒豬河份量挺多的，而且香氣撲鼻，河粉醬色均勻，光是這數點已覺得很不賴。他盛讚乾炒豬河鑊氣十足，豬肉軟嫩，亦不死鹹，風味滿滿的。朋友高度評價小食拼盤，雞翼皮脆肉嫩，且帶陣陣香料香味，肉汁豐腴。蝦餅炸得金黃香脆，蝦膠部份彈牙極致。沙嗲豬肉控制火喉恰到好處，沒有乾巴巴的嚼感，仍保有它的原汁。春卷意想不到的驚喜，原以為是素菜春卷，怎料一咬怎麼會外脆內彈，帶點香辣，原來是蝦春卷，68元的小食拼盤居然吃到蝦春卷，超值。

最近朋友介紹之下黎左金龍泰國菜館試試；雖然成日經過附近但係黎親都係去食新金榮柚子沙律沙律菜新鮮爽脆配埋柚子酸酸甜甜食落好清新；蝦仁都算幾多配埋醬汁微辣好食生蝦刺身生蝦鮮甜而且肉質彈牙；醬汁微辣帶酸調味好好馬拉盞炒通菜通菜幼嫩加埋馬拉盞咸香微辣鑊氣十足辣椒膏炒蟶子蟶子都幾大隻而且份量都唔算少；蟶子洗得乾淨食落冇沙而且味道鮮甜口感彈牙泰式炒金邊粉配料豐富有齊芽菜韭菜雞蛋；味道微甜而且金邊粉炒得夠乾身唔錯冬陰公湯雖然叫左細煲但都分到四個細碗份量；配料好足而且味道偏酸微辣好上癮

本身想開心星期五準時下班去通淋巴，怎料最後8時半才放工，因此通淋巴的時間推遲了，最後通完後已10時半，市中心的食肆都關門，我們最後去老地方吃泰國菜做晚餐。朋友問我椰青是否可清熱，不如一人一個，我非常驚奇她居然喝椰青水，因為她平日都不愛喝，甚麼事讓她口味轉了? 椰青水非常透徹，喝起來清甜十足，重要的是它的止渴生津讓我們舒暢。蠔仔餅超大碟，朋友反問其實蠔仔餅才是主菜吧，份量比泰式炒金邊粉還要多。剛通完淋巴的的我不想吃得太熱氣，不挑炸的，煎蠔仔餅就好了。蠔仔餅充滿蛋香，每顆蠔仔更是飽滿肥大，滑溜溜的，當遇上滋味的辣椒醬，美味可口程度破表。泰式炒金邊粉炒得不俗，酸甜的醬汁發揮得淋漓盡致，均勻地滲透麵條中，條條分明，加上豆腐乾，芽菜，椒絲香炒，倍添味美，開胃極致。最後也要來碟炒菜才飲食均衡，今晚通菜都賣光，那就吃馬拉盞椰菜苗，亦是好選擇。很多泰國店的馬拉盞嚐起來十分死鹹，但這裡鹹香得宜，讓嫩綠的椰菜苗更為惹味，不一會已被我們吃光。

合理價錢，雖然賣相平平，但味道確不錯個人認為比排長龍既 ' X 曼谷 ' 更好食當日六人去食，職員開左間獨立房比我地泰式豬頸肉 & 泰式鳳爪 大讚好食到秒殺兩樣都即刻再點多碟除左 '咖哩軟殼蟹' 味道麻麻地之外整體都幾好值得推介