鈺華堂小食 (已結業)

呢日去左旺中新之城同fd 食冷麵。食完之後因為口渴，於是我就帶左個fd 黎鈺華堂買杯野飲。我都算有幫襯開呢間小食店。而我今次就第一次叫左呢杯西瓜沙冰。🍉而我個fd 原本想叫個椰汁沙冰，但因為無椰汁，所以佢揀左杯巨峰沙冰。🍇總共$32/2杯。原本對佢地個沙冰無咩特別期望。點知飲落口，好味到不得了。😋首先第一，佢吾會係死甜味。然後，個西瓜味又吾會太甜。一飲落口，就即刻有透心涼既感覺。我自己就覺得個西瓜味吾似藥水味。反而似Häagen-Dazs 個限定西瓜雪糕味。🍉我個fd 就話佢飲落每啖冰都係有味道既，而且口感爽滑。而我都贊成佢既睇法。我自己就特別鍾意飲到最後一啖都有味道既沙冰。雖然個沙冰好似無用到真正西瓜打碎，但我依然會再幫襯。佢個味道就算係用西瓜汁開出黎，我都覺得好好味呀！😋下次可能會試下佢地個手抓餅。

見佢個名，都知佢立場明確；小店原本喺太子開地鋪，後尾輾轉嚟到新之城呢度開舖，見佢成日出post話靜英英，今日離開旺角就順便嚟支持下；你一個人能力有限，但如果大家路過都買一杯半杯，已經好好喇。『芋圓珍珠奶茶』$22（$32/2）芋圓係自家製，大大粒；今次「芋圓」比較軟身，但係紫薯圓同番薯圓就QQ；「珍珠」就好好咬；但係個奶茶底，實在太甜，返屋企忍唔住加咗啲水落去偷淡啲；事後發現：「原來可以有唔同甜度俾人揀，甚至走甜，可惜當時店員無講😫」。【小編的話】➡️小編同屋企人，其實唔係好好奶製品，而所有奶茶都已經調好味，無得加多或者減少，所以隨便都買咗一杯嚟試吓➡️佢social media會成日出團，會去天水圍、將軍澳，大家可以留意下，幫襯幫襯

終於有時間去賀一賀鈺華堂喬遷。由太子涼茶鋪到旺角小食店，初心始終不變。一貫樸實裝修加心思文宣，價錢依然親民。茶飲$16起，平到我以為我睇錯價錢，原來是番了我中學年代。仲有一系列小食自家製英式薯蓉好吸引，但約了人食飯，只能先試飲品，留待下次試吧。芋圓奶茶 $16先試試芋圓奶茶台式奶茶夠滑夠甜，不用少甜也甜度適中。喜歡它没有冰但也夠凍，非常適合夏天喝。自家手搓芋圓口感Q彈，每種味道也突出，而我最愛就是地瓜圓，但略嫌芋圓太大條，切半會吃得較方便。紫薯芋圓P.S. 160cm+嘅同路人可以留意一下收銀位的彩蛋裝飾喔。閒日收工時間加上三樓太高吧？幫襯的人不多。希望大家多多支持出心出力嘅小店餐廳資料：鈺華堂小食地址: 旺角亞皆老街65號旺角新之城3樓301號舖電話: 51198710