鉄腕日本拉麵店 (已結業)

上個月同bf 去試左呢間新野, 之前都係睇左OR comment 先. 我地都好鍾意食烏冬, 而且對烏冬既要求高, 夾起要滑, 食落口又要滑口, 咬落又要有d 煙un. 一坐低即叫一個燒餅先.(要叉燒) ($28), 因為要等15-20 mins.Bf要既“叉燒拉麵(豬骨湯底)”($37)我試左一啖, 拉麵有咬口, 對辦. 湯底唔算好濃,但都好味. 一碗有4大塊叉燒又幾底既!!! 叉燒偏肥. 不算入味. 我要既: “鰻魚烏冬(麵豉湯底) “($42 +$5)鰻魚有兩件, 分開上又放得靚靚. 好吸引. 先夾一下烏冬, 好滑呀!!!!再食一口, 係佢\喇!!! 佢\係我第三間o係香港食到口感好既烏冬. (NO.1 係TST “兔角”, NO.2 係”讚岐”). 不過湯底似乎有點失色, 麵豉湯味好淡. 呢個時候, 燒餅到!! 好靚仔既一個. 真係好香!!! 裡面有好多菜絲, 應該仲係溝左雞蛋同麵粉, 正!!!面頭就係切左片既叉燒, 醬汁同少少SALAD DRESSING~ YUMMY!!P.S 仲見到有人ORDER 定食都好正!! 下次要試~

上星期同ONON去左依間食晚飯....我地叫左一個大板燒餅,炸雞,漢堡,冷麵同埋提子梳打....大板燒餅- 真係好好味...比D大鋪頭更有水準~未食過禁好食....炸雞- 好好食,又唔多油漢堡- 麻麻地冷麵- 好好食...夠涷提子梳打- 好好飲,一D都唔稀,好重提子味....平時係第2D鋪頭飲都好稀..D員工服務好好...有禮貌有笑容..下次一定會再黎~

本來諗住同男朋友o係元朗食西餐...但點知搵極都唔岩...路過就地入左e間*小飛俠*主題ge日式餐廳~!我叫左鰻魚定食($48):我覺得都抵wor~鰻魚好多汁~唔錯唔錯~d湯都幾好飲~個沙拉就庥庥地~~碗飯都幾大碗呀(對女仔而言)..我都食唔晒~~不過佢d O 茶...淡到好似飲水o甘..==" 但...整體而言..我都滿意~^^~男朋友仔叫左炸蝦定食($48):佢覺得都ok ga..有4隻大大隻炸蝦...不過唔多夠蝦味wor~我地仲叫左壽喜燒($35):好多料哩...好味..不過d湯底淡左少少...埋單total $148e 到d service 好好呀...d姐姐勁nice勁有禮貌!!d效率仲快到...好似食快餐甘...唔洗等..呵呵..可能係因為唔多客ge關係~~~你地有機會都試下啦~~^^~~~~~

見倒鐵腕o係openrice零劣評, 我好耐無食日本野就'liu"起條筋走去食。我懶醒費時轉輕鐵, 行左3、4個字先去到。裝修都好骨子, 但就少少迫la。我地叫左:鰻魚飯定食($48): 鰻魚係細條果d, 唔夠肥同厚; 醬汁ok; 但最敗筆係唔熱。而碗飯係勁細, b仔要叫多碗, 最慘係d米煮得好爛, 唔合格而個定食仲包湯(無試)同薯蓉沙律(無味好淡), 仲有餐飲。吉列豬扒鳥冬($42): 吉列豬扒新鮮炸起, 但炸層偏厚, 食完第一舊已經膩了; 鳥冬就好好, 好煙un, 份量都可以la; d配料都多, 有紫菜、粟米、嗚門卷。大扳燒餅($28): 呢個係幾好食。好多椰菜, 但又唔會散又或者濕; d醬汁同沙律醬都唔會太多; 刃．又夠大, 好抵食!埋單$137(有加一), 都有d貴, 未必會再來

新年諗住同男朋友揾吓好野食, 入左元朗見到間拉面鋪幾得意咪入去試吓...我地點左個燒餅, 炸雞, 朱扒烏冬, 中華泠面, 朱頸肉串燒, 個燒餅其實幾好食(比和民,別府更有水準), 但就太大個食唔哂, 烏冬彈牙爽口, 炸雞亦值得一讚!! 夠味又唔油, 但我就略嫌細碟左d, 得4舊..唔夠喉。朱頸肉串燒得好香口, 燒得好出息, 不過$25得2串..我同男朋友都覺得今餐好正, 埋單都係around $160, 可以食到超水準既野食都抵既...唯一美中不足就係呢度無魚生sushi食

昨日走咗去元朗同老婆大人食飯，老婆大人話呢間都算唔錯。叫咗個炸雞飯同中華冷麵，個炸雞就真係幾得！又脆又唔太濕(出面好多炸雞會炸到濕林林=_=!)不過個冷麵就唔多冷嘞！勝在多餸，不過個麵份量就少咗d。後來老婆大人話想食天婦羅蝦，好！一於試吓！個蝦我覺得唔多夠味，太淡了，不過面果塊脆脆算係薄身，唔似出面果d塊脆脆仲厚過本字典咁。如果以呢個價錢食到咁既嘢，我賀某就覺得唔多抵嘞！話晒係元朗咁既價錢算貴啦順帶一提，d侍應都係撞聾，十叫九唔應…

某日抱住不妨一試既心情入到去，估唔到拉麵彈牙，炸雞唔油但脆，最讚既係個大板燒餅，一試難忘，令一個唔鐘意食椰菜既人想食完再食~有叉燒同蝦兩款口味~未試蝦，因為覺得叉燒已經好好食~

1/29/2008 8M尋晚同bf 去試左呢間新野, 之前都係睇左OR comment 先. 我地都好鍾意食烏冬., 而且對烏冬既要求高, 夾起要滑, 食落口又要滑口, 咬落又要有d 煙un.一坐低即叫一個燒餅先.(要叉燒) ($28), 因為要等15-20 mins.Bf要既“叉燒拉麵(豬骨湯底)”($37)我試左一啖, 拉麵有咬口, 對辦. 湯底唔算好濃,但都好味. 一碗有4大塊叉燒又幾底既!!! 叉燒偏肥. 不算入味.我要既: “鰻魚烏冬(麵豉湯底) “($42 +$5)鰻魚有兩件, 分開上又放得靚靚. 好吸引. 先夾一下烏冬, 好滑呀!!!!再食一口, 係佢喇!!! 佢係我第三間o係香港食到口感好既烏冬. (NO.1 係TST “兔角”, NO.2 係”讚岐”). 不過湯底似乎有點失色, 麵豉湯味好淡.呢個時候, 燒餅到!! 好靚仔既一個. 真係好香!!! 裡面有好多菜絲, 應該仲係溝左雞蛋同麵粉, 正!!!面頭就係切左片既叉燒, 醬汁同少少SALAD DRESSING~ YUMMY!!P.S 仲見到有人ORDER 定食都好正!! 下次要試~

$48鰻魚飯定食:多鰻魚汁,鰻魚有別於別的食店的鰻魚.特別好食,新鮮,口感一流.$45咖哩牛舌飯(有嘢飲):夠多咖哩汁,牛脷吃落好.$22脆軟骨餃子:值得一試,超脆.$33叉燒大阪燒餅(有嘢飲):賣相一流,多菜,夠健康.*廁所比其他食店乾淨*

今天(jan 10, 08)5人來lunch,叫咗 : 1) 餃子拉麵餐-餃子可以,炸得個皮都脆身-拉麵亦算合格-湯底夠味-餐飲好特別,汽水唔包喺個選擇裡面2) 炸雞拉麵餐-d雞只喺表面有味,d肉無嘜味-其他如上3) 帶子烏冬-散叫,surcharge+$5-個帶子無鮮味,好1般-但個烏冬就都帶d彈口........唔錯4) 2人套餐1i) 鉄腕拉麵-個叉燒無試過ii) 炸餃子(5隻)-如上iii) 大阪燒餅-好少食燒餅,呢個好味,因多料先呈厚身,蝦肉就喺爽ge,面頭+d沙律醬,不俗-上枱後才麻煩侍應攞入廚房分成5份iv) 餐飲-呢個餐就可以唔洗+$$$叫汽水- d嘢食都ok,不過烏冬同燒餅都食得過

「鉄 腕」的前身是「竹下通」，數年前在元朗大榮華附近經營，由日本人主理，拉麵、叉燒、大阪燒都很正宗，已成我的飯堂。後突然結業，令我失望不已，現在終於等到它捲土重來。前兩天踩場，我們叫了豬扒地獄拉麵，豬扒非常鬆軟，炸粉沒有厚厚的弊病，湯頭速得有勁。叉燒味噌烏冬，叉燒好好吃，肥肉瘦肉夾雜，軟軟香口，不過其中一塊有點韌，已向店主反映。烏冬很有口感，另加$5也值得。該店最窩心是我和bb 一起到來，店員會送上膠食具，雖然我的bb 未懂自行飲食，但對那些hello kitty 膠碗膠叉膠匙也玩過不亦樂乎。下次要試串燒和大阪燒，是他們的手本菜哩！

1月4日晚試了HK$101二人套餐: 漢堡牛肉餅、日式叉燒飯及炸雞拉麵, 連飲品兩杯牛肉餅:自家製, 整體花心思, 牛肉味濃, 肉餅內有洋蔥及紅蘿蔔碎, 唯一美中不足係比較乾身, 但已合格有餘, 現在太少食肆不肯花心機做漢堡了! 順帶一提, 隨漢堡付上的醬汁很好味, 似乎是照燒汁加mayonaise之類, 酸甜醒胃, 彌補了肉汁不足。叉燒飯: 叉燒很大塊, 雖然不是卷心那種, 但醃味不錯, 有地道風味, 但再薄少少應該更好; 飯用珍珠米(當然不要期望這種消費會用日本米啦), 叉燒上淋上豉油汁, 伴飯吃很不錯。炸雞拉麵: 炸雞和拉麵分開上, 雞肉新鮮炸, 外脆內軟, 有水準; 拉麵有海帶、粟米、筍、鳴門卷, 正宗不花巧, 豬骨湯底喝得出不是行貨, 之後不覺口渴, 雖然沒有其他湯底選擇, 但貴精不貴多, 總好過其他店舖巧立名目的什麼咖哩湯、麻辣湯等等聞所未聞車仔麵式日本拉麵!!上一次試過大阪燒餅, 味道如何看其他食評已知道, 下次會試咖哩豬扒或牛舌, 看見隔離檯吃豬扒好像很滋味, 相信不會失望。這樣有誠意和日本人主理的小店, 堅持日本食肆理念, 不加一不收小費而又不失優良服務態度, 在元朗

聽朋友介紹話幾好食所以就係Tea time去試下..真係唔錯嫁!!!d拉麵好好食個湯地好正仲好味過味千!我最仲意食係"大板燒餅"個Source好有味又唔係太咸口感好好食完仲想叫多個嘻下次一定再黎食=]

今日再去食, 食左天婦羅烏冬--好食, d 烏冬巑崎烏冬.好彈牙. 另外燒物拼盤-每樣有一串好食.尤其係肉骨腸同鹽燒肥牛--好味, 佢係唔使加一o既.

比起味千拉麪好食超多，叉燒好食，價錢又唔貴．D 烏冬仲好彈牙, 其實我都係睇左新假期個介紹去食下, 佢話佢D野係日本入口,日本人開O既, 不過佢淨係鳴門卷都好彈牙同有魚味, 唔咪淨係麪粉味.