銀咖哩 (已結業)

星期六咁啱去開禾輋，咁就緊係食完晏先返屋企啦，我又突然好想食咖哩，所以就來呢間試下。揀完又揀又唔知揀邊個好，咁揀個全包就唔使煩，所以就揀咗呢個富士山。佢好得意係為一一個係個menu到註明重量的一個飯，我都好小心叫個friend 一齊share。誰不知，我地兩個人都比佢制服，佢應該係要3個人先食得晒。佢有炸豬排，有2隻蛋，仲有2條香腸。佢的咖哩唔係好辣，但係個飯的份量好多，個汁仲有啲溜，所以2個人都食唔哂，勝在夠抵食，70幾蚊2個人。

下午茶時間經過jusco 見到銀咖哩好多人食~~見到個咖哩包已經想試，夜晚同老公去試下先：）好平，最平的咖哩汁飯才$19！最貴的特大飯$72（2-3人食） 我們點了吉列豬扒及漢堡扒（上邊有太陽旦&芝士）另外加3蚊就有磨菇及9蚊有薯角&汽水豬扒好味！但位不多~~ 2人飽曬才$76 ！抵食

這天，小妹經過Jusco，原來只打算去買麵包吃，誰知一陣日式咖喱的香甜味傳來，二話不說，立刻與友人衝到銀咖喱，滿足自己的味覺及嗅覺。其實，眨眼間，銀咖喱已經進駐禾輋商場數年，相信是因為其價格相宜兼水準穩定的關係，吸引不少學生哥，所以每每到午飯時間也不難發現長長人龍在店外排隊等候。原先，小妹打算要客朋友大讚的咖喱豬扒飯，然而到了櫃檯，赫然發現居然有「咖喱芝士蛋包飯」！腦中不禁自行想像那半溶芝士與日式咖喱結合的美味，口中便自行說出：「一客咖喱芝士蛋包飯啊，唔該！」 學生更免費贈獲汽水一杯，但本人最怕便是喝汽水，立刻與阿姐表示不用汽水了，阿姐立刻豪情萬分地說送杯水給我（水要送先有？！）。拿了牌，等了不用五分鐘，店員便捧著我的飯來到。一看，心中大喊不得了啊，除了那芝士以外，所以都可以稱作Perfect！雖說是蛋包飯，但其實只是蛋伏在飯上。可賀的是，店員毫不吝嗇，相信那大概有足足三隻蛋份量的蛋漿，即叫即煎，蛋皮仍處半熟狀態，蛋汁豐盈。食下去，蛋味濃郁，更有陣甜味，蛋皮下的飯雖不是珍珠米，但粒粒飽滿，十分配合！圍著的日式咖喱亦毫不遜色，配料十足！ 以肉眼觀察便能發現不少的牛肉粒及薯仔（不少餐廳

禾輋是學校區，每到中午一班班的中學生出外覓食，銀咖喱便是他們喜愛的其中一間食肆。這裡有一款挑戰大家食量的選擇—— 1.5公斤富士山咖喱飯($69) 噱頭十足, 外形就如富士山般， 圍着富士山的雪是煎熟了的蛋，上面放上一片漢堡扒，旁邊是腸仔及切開的吉列豬扒，甚有創意，而最令人驚喜的是...... 挖開富士山時如溶岩的咖喱汁一湧而出，很壯觀啊!味道方面，那咖喱屬日本咖喱，不太辣，比較甜，肉味濃，千萬不要用東南亞其他咖喱比較，因為各具特色，偏好哪一面也有欠公允； 吉列豬扒很軟熟，外面的吉列脆皮香而不涸，那全靠是咖喱汁的功勞； 漢堡扒和煎蛋與咖喱汁也合作無間地為這富士山的美味而努力。大地之母是日本米煮成的珍珠飯，是最不起眼但最重要的主食，Agnes 說比「住家飯」更好吃，銀咖喱成功了!一人總是吃不了，三人共享便剛剛好，不過飲品只得一杯，大家要在這方面安排一下了。

以往已經幫襯咗銀咖喱好多次，想食o既都食過哂。今次就order咗銀咖喱飯+漢堡扒($17+$12=$29)，佢有個咖喱飯係漢堡扒+芝士+太陽蛋(盛惠$35)，大家不妨一試(小弟食lunch食唔落咁多)。咖喱汁夠哂足料，又蘿蔔又牛肉又薯仔。日式咖喱一向都帶有甜味，用黎撈飯就正漢堡扒細件咗小小，不過都食得出有肉味，唔會得咸味/調味料o既味，過得去la。上幾次lunch幫襯o既時候，都要等好耐先有，但今次進步咗，唔洗10分鍾都有。值得嘉許。衛生我比咗5分，因為我最驚就係個外賣盒外邊都好污糟，見到都唔開胃。好彩佢地整得幾企理，外賣盒外邊/膠袋都無咖喱汁。(其實li樣野好基本，但好多店都做唔到......炒麵都會飛咗兩三條麵出黎-,-)

本來想食大排檔, 但太多人, 最后去左吉之島搵食 見到間咖喱好吸引, 再睇下价錢仲吸引, 最平大約$20幾都有 我地叫左:咖喱芝士雞肉蛋包飯 $37 海鮮薯餅 +$10相撲咖喱飯 $69 (超超超超大份量, 1.5g飯) +$4 有可樂環境 : 地方雖然細細地, 但都幾好坐, 不過有d位要背對背太近了, 背面個人一郁就會郁到你.... 味道 : 咖喱一d都唔椒, 可以加錢加椒

碰巧路經，友人對其他店子都未感興趣，而其實本人見到此店子都有點動心了。惜進店前友人並未告知其前一天經已吃過咖哩友人向來愛魚柳，點了個咖哩魚柳飯。魚柳似乎炸得都不錯，不會太乾像薯片一樣，加點汁，拌飯不錯吧，友人亦僅吃剩少許本人則點了「較豐富」的咖哩蛋包海鮮飯，所以海鮮，其實有蝦、少許蜆肉及墨魚蛋，一般，某些位置過熟，某些位置卻仍是流質驚喜︰一片芝士在飯上，溶在飯內，再加上咖哩汁，相當美味btw, d汽水超多冰

今日我同亞佬去咗我小時候住既地方禾輋。經過禾輋商場地下，亞佬比銀咖哩既天婦羅同炸豬扒吸引住，結果我哋就進了銀咖喱開餐。咖哩汁味道不錯，不會太辣，只有香濃咖哩味。蝦天婦羅和豬扒都炸得香脆可口。每碟飯都可以按照自己喜好而另選多款餸式配撘。座位開放式設計，鄰近吉之島。

經過中學附近,梗要試下從未係中學時代食過的銀咖哩啦,因為太多學生排隊啦中午咁我就叫左個招牌吉列咖哩豬,即炸的,等左十五分鐘.塊豬扒炸得幾好,唔會話好多油,外脆內軟咁.加埋d咖哩汁,真係一個好好的配搭.27蚊就可以食到好飽,叫多飯唔洗比錢!仲有好多其他款式的咖哩,下次一定要去試!

去吉之島SHOPPING完, 想搵個地方食早餐+午餐, 見到呢間咁多人食, 就去試試~ 真係超多人, 不論學生/太太或SALES姐姐, 外賣或堂食, 成個吉之島得呢間咁迫爆~先去買飛仔, 完全諗唔到食乜好, 好似樣樣都想試, 又見到有下午茶餐, 但要到2PM先有, 所以都求奇叫左招牌豬扒咖哩飯~ 收銀阿姐問我係咪有學生證, 我真係笑左一聲話冇~ 阿姐真係好睇得起我~ 拎住張飛仔搵位坐低等個姐姐拎飯俾我, 我先發現真係好多學生食, 後來先知, 原來有學生證, 係會送汽水~ 咖哩冇一般日式咖哩咁甜, 不只是醬, 咖哩入面有肉碎~ 加埋米係珍珠米, 好味~ 但豬扒好一般, 好在唔係韌&硬, 但冇味~ 女仔食可能太多飯, 但如果男人食可能唔夠, 要加飯~

前2星期去過佢隔離的味吉食拉麵, 今次一於試下呢個咖哩!!! 最吸引的係佢個價錢~! 見餐牌大部份都唔過30蚊~ 我同男朋友一人叫一個飯~ 正在諗緊加唔加錢要汽水薯條的時候, 發現學生仲有汽水送tim!!! 真係好抵呀 >v< 我地叫左雞肉咖哩飯同埋芝士咖哩蛋包飯! 大約等左5分鐘左右就有得食啦!幾香丫, 咖哩入面仲有肉碎, 而且唔太辣, 好好食喎!! : ) 但佢塊cheese 唔夠熱, 溶唔到~ 如果溶埋就更加好~ 下次會再去!!!!!

上次試過吉烈豬扒；見今日凍凍地就食下吉之島既咖哩啦！下午兩點、人吾多、不用等！試下牛肉咖哩飯啦！$29 + 6 蚊有炸薯角和汽水！日式咖哩、甜甜地吾同泰印式、其實各有各好；等幾分鐘、食得！牛肉ok 最少吾係鬆到散晒！但只係合格、比吉烈少油！反而係炸薯角即炸、夠熱、好食；只係加6 蚊、抵！結論係合格既日式咖哩但吾值特別去食！

這個食評已經是9月的事情了，突然心血來潮想寫番呢！有次經過沙田的吉之島，發現一間非常便宜的日式咖哩店，當時覺得非常好奇，加上價格便宜得有點不可思議(好像有10多元已經有一份咖哩飯...)，所以原本就已經打算試食，抱著「那麼便宜，難食也ok呀」的心態XD在9月的一個晚上，試食的機會終於來臨了，因為我們身上都沒有錢，人在沙田就突然想到這家店試試。銀咖哩原名是「銀カレー」，與「築地銀だこ」是同一家公司，在台灣、泰國、新加坡及上海都有分店，有點興趣知道他們在不同國家的價格是不是也是如此便宜@@....?我們到達店子的時候，店內沒有很多人，只有數名10~12歲左右的小孩與幾位青年，所以根本不用等候已經可以入座。店內的佈置以日式飯堂FEEL為主，木製長板凳加長桌，感覺非常"日本平民飯堂"呢!我點了"招牌名物"的吉列豬扒咖哩飯，而男友點了"手作漢堡扒煎蛋咖哩飯"，另加飲品。等待的期間在看旁邊的小孩，也許是因為這家咖哩店價格便宜，讓他們也可以負擔得到？他們在說下一次要來吃這兒最貴的咖哩飯(笑)...其實我也有點興趣試呢!等待了約10分鐘，吉列豬扒咖哩飯及手作漢堡扒煎蛋咖哩飯都送來了，用鐵碟裝著賣相是很

由於銀咖喱價錢實惠，味道頗佳，所以難得出街食飯既我又幫襯佢喇。今日lunchtime真係多人到爆，好彩學生們都係外賣多，男友早到有位就攝，我地就算有餐安樂飯食下話說,上次叫餃子麻麻，豬扒okay今次男友唔記得上次經驗又叫左餃子，但今次明顯好食左，餃子飽滿多汁curry同之前差唔多都係幾好食，有肉碎著仔，平時例叫少飯既我都將一碟正常size既飯清晒。個汁實在太開胃喇!!!!!!!!!!!!!! 食完之後好飽足既感覺 值得繼續支持

9月30日, 早幾日先食過咖哩, 今日咖哩癮又起, 仲要山長水遠入到沙田~ 上次嚟過禾輋商場見到有間銀咖哩, 快餐店式經營, 但裝修配備都充滿日式風味~ 都幾吸引wor, 決定嚟試一下~::: 招牌吉列豬扒咖哩飯 + 可樂 ::: $27 + $4招牌嘅吉列豬扒雖然唔稱得上juicy, 但係炸起嚟都叫做香脆, 又唔會炸粉豬扒分開晒咁, 一咬落去都唔韌~ 而相對地咖哩汁都唔錯! 大大堆嘅咖哩汁撈晒成個飯仲有剩~ 味道唔係好辣, 有少少甜甜地咁, 都似係嗰d日式盒裝咖哩味~ 整體質素當然冇前幾日食嘅coco咁好, 但係如此價錢有日式咖哩食真係超值!::: 芝士蛋包咖哩飯 + 雪碧::: $24 + $4賣相好靚仔!! 蛋皮煎得軟熟, 雖然無乜蛋汁但都幾嫩滑~ 面頭嘅一塊半溶芝士令蛋包更豐富~ 兩者再加埋香甜嘅咖哩汁味道堪稱無敵!! 以呢個價錢食到呢個味道真係抵到爛! 唯一唔好係呢度d冷氣都幾勁, 搞到d咖哩飯好快就凍, 一凍就乾硬, 變得無咁好食. 另外呢度都有醃籮蔔任添, 味道酸鹹, 用嚟吊下咖哩味都唔錯!印象中喺日本食過銀咖哩, 都唔差的, 開喺香港嘅可能以成本掛帥就將貨就價, 不過都