銀座梅林 (已結業)

滿懷期待來嘗試炸豬排，叫了一個黑毛豬排一個天婦羅蝦，黑毛豬肉質發柴，一吃就是不是新鮮豬肉，而是冷凍的，大蝦口感ok，但也是冷凍出品，不知原材料是否是日本進口原因，所以全部用了冷凍食材，如果是的話，食材成本都在運費上了，還不如用本地的溫體豬和新鮮的虎蝦代替，口感會好很多。另外味噌湯味道偏鹹，毫無鮮味。無論主食和輔食都讓人失望，唯一好吃的是米飯，應該是日本米緣故。兩份套餐一共380港幣，不值得這個價格，第一篇openrice食評獻給這家店了，真是激起了我寫食評的想法。

與友人一行三人來試這間餐廳。梅林吉列豬扒，偏硬身，但沾上梅林醬汁，味道出奇地夾。若豬扒太淋，可能反而突出不了醬汁和豬扒的配搭。推介。吉列牛扒，賣相不錯，但個人不太喜歡，感覺吉列和牛扒不太搭。牛扒的牛味也不重。鰻魚滑蛋飯，鰻魚較淋，正中我的口味，味道剛剛好，不會太鹹，滑蛋亦有蛋味，吃下去十分滿足！推介！套餐還包括了白飯和麵豉湯，豬扒和牛扒套餐另有沙律。麵豉湯不會太鹹，感覺沒有重重味精，飯前或飯後一碗剛剛好。價錢較貴，但可以一試。

先黎睇下餐牌第一次黎到呢度，梗係會食吉列豬，只不過豬扒定豬柳就要諗下最後要左豬扒定食份量都足，男士來食都夠。睇下塊豬扒先～目測都合格，豬扒都厚身，中間位都全熟。豬扒咬落都鬆化，無負"吉列" 之名。豬扒醬汁放在餐桌上自助添加，建議把醬汁倒在小碗上，食豬扒時先點，不要直接淋在豬扒上，因會影響豬扒脆脆口感。定食整體來說合格，價錢合附這個水準。個人認為未到非吃不可，或推介一定要必食。最後想說，如果這個餐有一份小小的甜品就更完美了

午市有套餐好抵食，呢間係吉烈豬扒專門店，但我鍾意呢度嘅吉烈豬柳😛午市吉烈豬柳定食（$108），有miso soup,漬物，茶碗蒸，一堆椰菜，三舊吉烈豬柳，白飯，同飲品。湯同漬物味道一般，茶碗蒸算滑，底有粒白果，蟹柳同蝦。椰菜可以落旁邊嘅沙律汁-芝麻醬/芥辣沙律汁，椰菜食完可以叫啲員工再加👍🏼吉烈豬柳比豬扒軟身，肉質唔會太實，吉烈得啱啱好，入口鬆化。豬扒汁就偏濃味，唔好點太多！餐飲點左熱薑蜜，唔會好甜。食完成個set會好飽好滿足😆而且太古食飯呢個價錢唔算貴，都幾推薦

好耐冇食炸豬排～今日lunch口痕想起公司附近有得食～即刻黎食～等左一陣就有位啦～安排左bar檯俾我地～望住師父整嘢食～我地各自叫左兩個餐～兩個d豬排都好淋～好脆～好味啊～仲有湯同蛋跟除此之外，佢d汁都好好味你5會覺得好油酸酸地好開胃～最後再有甜品送啊甜品就怪怪的類似cheese cake但又冇咩味～by the way，佢係包埋嘢飲～我叫左柚子蜜～如果想食炸豬排，我多數都popo up佢因為佢真係5會覺得太膩～而且d肉夠鬆化～！

唔睇OpenRice 都唔知道，原來而家得返太古城一間銀座梅林！其他已經全部結業！今日去開太古城，就諗住去幫襯吓！我叫咗吉列豬柳定食（黑豚）！個set嚟到，個樣都算吸引，不過只係得3件豬柳，好似少咗啲！啲豬柳都炸得幾好味！啲粉漿唔算好厚，而且炒得唔乾，保留到肉汁！佢有2款沙律汁配椰菜食，分別係芝麻醬同紫菜芥末汁！我覺得啲椰菜配埋佢啲紫菜芥末汁好好味！其實整體都覺得幾好味，如果可以多少少豬柳會好啲，3件實在太少喇，唔夠飽！

星期六晚來，排隊五分鐘入座，環境ok, 叫了個二人套餐，前菜海藻沙律同魚生還ok,但主角的吉列豬排，吉列蠔及吉列蝦，炸漿超級厚。之前喺佢另一IFC分店(已關閉), 及東京也試過呢間吉列豬排專門店，都喺非常好食，但估唔到今次來太古呢間分店就中晒伏，以後也不會再來。

其實已經嚟過呢度食好多次㗎啦無論係吉列豬扒定係吉列豬柳都係非常好食今次見到個餐牌有每日限量10份嘅吉列牛見之前已經食過咗多次豬就諗住試下啦喺我點呢一份吉列牛嘅時候店員特別提醒啲牛會係三成熟我即刻心諗 嘩！正呀！medium rare我最愛但係當個吉列牛嚟到嘅時候我發現車~都唔係三成熟嘅係5成！食落口就覺得吉列嘅炸粉味完全掩蓋咗牛嘅味道牛嘅肉質亦都比較韌好後悔呀早知叫返豬啦朋友叫嘅角切魚生飯都仲吸引過我果個吉列牛

係太古附近返工 聽同事介紹就去食左 本身無話特別期待 因為係香港 都好難食到好有日本風味既炸物 一坐低 大家都叫豬扒或者豬柳 中午黎講價錢都唔平 但我可以話比大家知 好值得 成個set有湯有前菜有蒸蛋 非常夠食 個個都食唔曬既份量！而主角—豬扒亦都炸得好好 唔會好乾 最怕食到d吉列豬又乾又硬又無味 呢間絕對唔會 外脆內𥚃juicy 怕唔夠味既話唔洗驚 店入面有三隻醬比大家揀 同行既同事好鐘意麻醬 拎黎配沙律菜簡直係perfect match 連平時唔食菜既都食得曬如果大家想係香港感受下日本既感覺可以一試

之前去札幌旅行,當地就算普通一間炸豬排小店也能夠做到炸粉鬆脆，裏面肉質鮮嫩。所以返到香港都一直想食炸豬扒。假日經過這間餐廳入去一試。味道很一般，炸粉很厚，調味醬是超市貨色，連最基本的磨芝麻也沒有，所以雖然打住日式餐廳旗號，包裝到好日整3咁，但食物水平只屬一般，想食好野的人就唔好咁大期望。不過，香港整日式炸豬排的餐廳大多都好一般，暫時未食到令我滿意。 我去果日是星期六中午，很多家長帶小朋友一起來，相信主要係太古城居民。啲座位好迫，聽到晒隔離2、3張枱遠啲人對話，所以我全程同老公都係眼神交流。一個lunch set, 加埋一價錢$150左右。

I always go to Taikoo for movie and window shopping and most of the time I eat in the shopping mall. This time I pass by 銀座梅林 and decided to have a try.The restaurant reminds me the experience of eatting in a Michelin pork chop restaurant in Japan. The pork chop is not too oily and the rice can refill once. Would try agin for dinner next time

There is a little Japanese community in Taikoo Shing, so it makes a lot of sense to go try Jap restaurants there. There is a few Jap restaurants to choose from. We feel like Tonkatsu ( Japanese style deep fried) today, so we to this one. Tonkatsu beef cutlet. Beef is very juicy and tender and covered by a light batter. Very yummy indeed. The beef tonkatsu was served with finely sliced (shredded) cabbage. There Is a curry sauce for the beef and 2 types of sauce (seasame and wasabi sauce) for the

熟門熟路的朋友帶領下穿過太古城商場，下了一條長長的樓梯，抬頭一看，銀座梅林就遠離煩囂，在黑夜裏寧靜的一角佇立着。打開餐牌，旋即被吉列豬扒（白豚)定食吸引着目光。而朋友則點了豚肉生薑燒。吉列豬扒定食上菜熱辣辣，金黃色的外層脆得發出聲音來。裏面的肉質紮實，肉汁緊緊鎖着裏面，是難得一見的好吃吉列豬扒。記得要加上梅林豬扒汁，甜甜酸酸令豬扒更添風味。配菜是椰菜沙拉，如果吃完不夠可以請店員再加，我也加好幾次。配上青芥辣和芝麻沙拉汁後完全停不了口。飯的份量剛剛好。豚肉生薑燒燒汁淋在肉上，配上三色椒，令菜色更香氣滿滿。豚肉juicy不韌，下飯一流。服務態度很好，店員主動為客人添加沙律茶水。餐廳氣氛寧靜舒適，令人不願離開。

今日下午突然心郁郁想食吉列豬扒，諗起附近有間銀座梅林，專攻日式炸物，覺得實無死所以去幫襯下啦…宜家諗返轉頭都好後悔…先講下叫左咩食，兩個人分別叫左黑䐁豬扒同豬柳套餐，啲嘢食上枱果陣除左分量小啲之外，望落都ok既…點知咬落去果下先知出事個豬扒無味既？唔信邪咬多一啖，終於食到有啲味啦…喂頂你，苦既？？？係真係苦既，淡淡地一陣奇怪既苦味百幾蚊一個餐你唔係俾咁既質素我掛… 唔怪得叫你點醬啦我諗用餐環境都有影響，果日三十幾度，入到去果下只係feel到有“微量”既冷氣，啲汗一路食一路滴，我去桑拿房都無出咁多汗呀妖綜上所述，嘢食唔掂，環境九流，推薦俾想挑戰自己忍耐極限，或者想花幾舊水邊食嘢邊焗桑拿既朋友

再次來這間食肆。 可能我們到達時間尚早, 沒多客人在內。餐牌上的食物選項跟我上一次到來的時間沒甚變化。 我上次嚐了吉列豬扒(黑豚), 今次要試一試其他食物。 最終我選了滑蛋鰻魚飯。 而家人選了吉列豬扒定食(白豚)和牛吉列定食。 滑蛋鰻魚飯 : 鰻魚算肥美, 蛋香滑, 鰻魚汁味道甜, 但有點過鹹。 味噌湯鮮味, 有紅蘿蔔丶白蘿蔔和肉片, 湯料豐富。 吉列豬扒定食(白豚) : 吉列豬扒炸得皮薄脆, 而豬扒仍然肉汁豐盈。 但我個人較喜愛黑豚 牛吉列定食 : 依然是有四種醬料 - 芥末丶山椒鹽丶 吉列醬和咖哩醬來配外脆內嫩的牛柳。 質素仍然能保持水準。