銀座梅林 (已結業)

唔睇OpenRice 都唔知道，原來而家得返太古城一間銀座梅林！其他已經全部結業！今日去開太古城，就諗住去幫襯吓！我叫咗吉列豬柳定食（黑豚）！個set嚟到，個樣都算吸引，不過只係得3件豬柳，好似少咗啲！啲豬柳都炸得幾好味！啲粉漿唔算好厚，而且炒得唔乾，保留到肉汁！佢有2款沙律汁配椰菜食，分別係芝麻醬同紫菜芥末汁！我覺得啲椰菜配埋佢啲紫菜芥末汁好好味！其實整體都覺得幾好味，如果可以多少少豬柳會好啲，3件實在太少喇，唔夠飽！