銀河牛腩牛雜粉麵

營業中

休息中

今日去元朗搵個朋友天氣熱又唔想食飯所以入咗去銀河諗住食碗粉麵叫咗一個牛腩米粉同埋炸魚皮牛腩肥瘦適中 淋得嚟又唔會爛到好似煲湯肉咁又夠入味 😍😍😍而且個湯底都唔錯唔會話重味精到飲兩啖就好口渴要係咁飲嘢份量又夠 大大碗又多牛腩而間麵檔既嘢食對比外面好多麵檔又平又好食另外個炸魚皮都相當唔錯完全冇油益味 又唔會油淋淋 夠脆口下次再去食麵會再叫炸魚皮😋😋😋😋😋😋一碗米粉加個炸魚皮再加杯嘢飲 買單$52～

下晝行行下街覺得有啲肚餓見到，黎間銀河門口，有塊好大既poster話抗疫價22蚊一碗粉面,就諗住入去平平地食個下午茶。之後去睇個餐牌，見到其實22蚊嘅款式只有兩款，就係片頭麵同埋魚旦麵，其他粉面大約28至42蚊，同市價差唔多。咁我就食左一碗22蚊嘅片頭面，啲梘水面質其實都幾彈牙，都有四舊片頭，雖然個片頭唔算係特別impressive,但係都唔差,22蚊哩個價錢已經覺得好抵食。個湯底都唔錯，飲完唔會覺得十分口渴。以平價粉面黎講，算係合格有突。

約左朋友去靚靚Cafe 下午茶，所以晏晝就諗住簡單食碗麵就算，點知都幾大碗下。-牛腩河河粉算爽滑，份量勁多，牛腩好入味，好腍，但個湯有啲淡，冇乜味。-南乳豬手薯粉南乳味炆得啱啱好，唔會太鹹，豬毛清潔得好乾淨，肉質唔會太腍。薯粉彈牙，份量亦非常多，湯底都係清清淡淡，落咗辣油好食好多，不得不讚佢個辣椒油，好香辣椒味，唔會得個辣字。-油菜 (通菜) 新鮮爽口，腐乳亦夠鹹香。-炸魚皮香脆但偏鹹！-凍奶茶一個套餐$40，包一杯冷/熱飲品、油菜/炸魚皮

食物質素不予置評，牛腩河湯底無腩汁，可能是這店的風格。但這店的店員是絕對服務態度非常惡劣。叫店員拎水，佢答：有咩要拎一次過講！全程黑口黑面好似唔識記枱號唔識寫單咁，拎住杯凍檸茶周圍問係邊個既。都算。野食都擺錯枱，到發現先問人拎返，人地食客話未食過但已落醋。好啦，佢收左碗野。但！佢夠膽死去廚房兜個圈又拎返同一碗野出黎比其他人！莫講話而家疫情！平時都唔會咁做啦！我地2個大人一個2歲bb，食既時候已經同佢講係3個人，佢又可以係我地仲食緊既時候，夾硬將我地既野迫到一張二人枱，叫我地手抱住bb，因為有兩人要入黎。個下已經忍唔住鬧佢，入黎既時候已經講明係3個人，有乜可能咁做生意？

淨係元朗雞地都有幾間牛腩粉麵食過幾間之後覺得銀河係最好味牛筋牛腩炆得好入味好林而且份量都好多 你見到肉係鋪滿碗面佢亦都有炸蒜 辣椒油亦都好好味好香最近仲做緊疫情優惠而且佢開得好夜 所以呢排成日食😂

想食個平平地嘅晚餐，去左間粉麵鋪諗住食個麵，點知見到有得食飯，40蚊左右有飯，加5蚊有野飲，價錢好抵，叫左個牛腩飯，牛腩同飯分開上，飯同牛腩都幾多，仲有幾條菜食。牛腩夠腍夠入味，有D半肥瘦位置，食落爽口唔黐牙，雖然應該係雪藏牛肉，但係都好有牛味，仲加左少少辣醬撈下飯，幾香幾夠味，唔係淨係得辣味，仲有少少似XO醬嘅味，杯凍檸茶都唔錯，檸檬夠新鮮，不過用外賣杯裝住就有少少唔環保，以呢個價錢食呢餐，絕對滿意，下次經過會再食呀!

同朋友聚會之前發現有啲肚餓一個人又行緊生酮我應該搵咩食好呢左揀右揀見到呢間舖頭出面嘅招紙寫住牛筋牛腩都係$44好啦就試吓佢啦普通粥粉麵飯嘅格局即刻嗌碗淨牛筋牛腩試吓先出面啲牛筋牛腩個湯底係好清呢個湯底勁濃勁黑未食已經覺得好入味咁我本人係好鍾意食牛筋嘅而呢度啲牛筋亦都非常入味一啖啖骨膠原嘅感覺😋仲有牛腩都幾林同埋份量都唔算少差啲想飲埋佢啲湯🤣😂搞到我想走嘅時候嗌多碗外賣返去拎俾老公試吓🤣下次啦😝

上星期五(10月16日)夜晚經過, 因為唔算太肚餓, 所以入來試下, 呢間粉面舖係個女的學校附近, 大約開了幾個月, 今次終於一試.店門唔算大, 大約有十幾張台,  但台與台之間沒有做任何間隔, 也沒有遵守1.5米的間距.但店面算光猛, 也委干淨,牛什米粉 (因為河粉已經賣晒), 牛什的份量夠晒多, 仲有兩條菜添.牛什有牛肚, 牛腸, 牛肺, 牛膀.肚係草肚, 炇得太淋, 無咬口了.牛腸四件, 分別是小腸, 大腸,各兩件, 夠肥好食.牛肺三件, 厚切,  牛膀一件,也是厚切, 但呢個就略硬, 湯底一般, 也有味精, 但甘的價錢, 預期之內.另外叫了一碟炸魚皮,  太薄身,  一浸湯就淋晒, 幾乎係一浸就要拎起.牛什粉 + 魚皮, 43蚊,  好抵食, 但品質仍有改善空間

係元朗住咗6年，食魚蛋牛丸粉，雲吞牛腩麵，都係食幾家如深仔記，嘉麗園，潮龍園幾間，依間銀河正常係唔會去試，因中招太多次。早幾日因為要去銀河旁買東西，又有點肚餓，就入去叫咗碗牛丸米粉。結果，錯了，D牛丸真唔錯，下次試清楚其他再介紹。

下午茶$26 + 冷熱飲品$4大大碗的 雲吞河粉，河粉份量足，有5粒雲吞，都頗大隻，雲吞以豬肉為主，每粒都儘量有一隻蝦，我有一隻無蝦。配料的蒜很香，還跟了兩條生菜。凍奶茶普通，此價位就不要求太高，可接受。温馨提示：不要錯過辣椒油，很香，我喜歡。外賣牛筋米粉 $26，牛根軟稔入味，是我喜歡的口感，讚，大大碗，很夠飽。牛雜河粉$28，有牛肺、牛膀、毛肚、牛腸、沙瓜，材料豐富得都看不見河粉了，牛雜都很入味，但牛腸有點過稔，有沙瓜最是驚喜！整體不錯。