銀都冰室

營業中

休息中

今日打算去南港島一帶遊玩，瀑布灣的美景和華富的獨特格局，相信不少朋友也略有所聞。體力活動完後當然想食下野，銀都冰室位於華富邨，外觀十分傳統，令我不禁想入場一試，感受一下買少見少的老冰室。內部裝修依然維持冰室格局，加上位於舊屋邨區，什有舊香港風味。雖然朝早食左一個豐富的早餐，但經過半日體力活動，都感到十分肚餓，所以我點了一份煎豬扒配沙律，份量看落不算太大份，其實份量都算夠喎，豬扒不過不失，不至於太硬，油份充足，至於沙律則是常見的茶餐廳味道，口味偏甜飲品則點了凍奶茶，活動過後飲凍飲特別令人精神為之一振！儘管我要求了小甜，但凍奶茶仍然偏甜，不過茶味充足，唔會覺得飲緊糖水，想起會想再飲！總結餐廳傳統裝修有味道，食物是典型舊式茶餐廳味道，質素也可以，有機會的話會再來。

來到冰室，最重要的當然是杯奶茶，香濃又滑，飲得出茶葉確是與別不同位於華富的冰室，內裡環境也值得一看，保留了傳統的三葉風扇而格仔磚牆也和木椅雅座非常配搭，實是休息飲啖茶食個包的好地方地板上亦是有花紋圖案的格仔磚，整個環境讓你繼續體驗到多年保存下來的冰室西多士看到已經十分吸引，原諒我急不及待搽好牛油才記得拍照，這是下午茶餐，內裡餡料適中夾著的包軟軟的外層也炸得香口。聽說這裡的菠蘿油也很出名，希望有機會嚐到

食左個tea，貴過大快活，意樂，但難食的，吉豬冇味，鹽味都冇，薯條都係。整個餐得杯凍華田最好味.... 本身都冇咩期望間野會好好食，但今次真係冇味。態度又麻麻地，做野太慢，（叫俾多隻碟，都等左10mins) 

之前去香港仔華富村瀑布影相，咁就叫埋朋友一齊黎食呢間老字號冰室。以前黎打波食過好幾次，不過不失啦！今次黎到都好多人，好彩俾我地搵到個位。坐低左之後我朋友就叫左個午餐，雞扒火腿意粉。坦白講，我都試過味，其實真係有啲唔及水準，意粉又林，汁太酸，雞扒就好普通，真係唔會再試。講反我食嗰個就常餐，食沙嗲牛通配蛋同多士。沙嗲牛黎講汁就好重要嘅，但係呢到嘅沙嗲牛汁好稀，牛有難，真係唔會再食。入黎之前話買個菠蘿油走，但係食完個晏已經放棄左呢個諗法，冇下次啦呢間。

幫襯這類街坊食店一般都不抱著有優質服務，事源叫了個 A 餐 (火腿通，煎雙旦). 在我差不多吃完通粉時候，侍應便奉上一碟旦治，好自然我就回應佢"不是我的"，然後我再話我只係有份煎雙旦未到。隨後侍應問我煎旦到未，我便回應"未到"。 再過7，8 分鐘因為餐室開始多人，我便再追問另一位侍應煎雙旦整好沒有 ?! 兩位女侍應走到廚部，之後以責罵方式向我奉上煎雙旦，還叫我別追完再追。到底，街坊對懷舊餐室既人情味最後還能活多久 ?

去行瀑布灣前選擇了呢間舊式茶餐廳落車行過黎都好容量搵到架呢個舊屋邨真係好有味道，希望一直保留餐廳食物也唔錯架 ！ 杯茶走都唔錯！腿通配熱好立克👍🏻牛肉包個包好鬆軟價錢也合理。

Honey 在華富村長大，如華富村一類的屋村，都被拆得所餘無幾。趁華富村還在，Honey帶我重遊他成長的地方；還有，重嚐少時的屋村茶餐廳的風味。舊式屋村茶餐廳，外觀是這樣的。餐廳外多數有西餅玻璃櫃。食肆名是凸起的毛筆字體。紙皮石地面，牆上鑲玻璃。正值是下午茶時段。價錢很相宜。我點鮮牛肉通粉和凍奶茶。一般。但，通粉煮得透，湯夠熱！Honey叫熱奶茶和蛋撻。蛋撻一般。奶茶好飲！茶夠濃！香濃，入口香滑。熱騰騰的！既然是重遊舊地，吃的，當然不止是食物本身；還有吃環境、吃風味、吃氛圍和吃｢老味道｣……一種快將消失的｢舊味道｣！

廿年前搬入華富邨渡過少年青葱時，如今舊地重遊一切都有不同，在銀都冰室亦然。顧客都是年邁街坊—坐便是半日，吹水天南地北，我食完佢都未動筷子，顧客店员老板都—樣的心態，莫怪出品亳無水準可言。奶茶等了五分鐘先來，面上都已封上—層膜了，無茶味，基本上係奶水成份，估計—壶茶做—日生意，early bird 先有囗褔，波羅包最拿命，涷架仲要未焗得透，半生半熟好明显焗爐壞咗照焗。滿懷心情來回味，失望嘆氣快走人。

1) 沙爹牛肉麵，牛肉淡而無味。2）快餐啲雞肉又硬又不新鮮。3）坐位又迫又窄。4）個別職員不太友善，又情緒化。沙爹牛肉麵，牛肉淡而無味。沙爹牛肉麵，牛肉淡而無味。沙爹牛肉麵，牛肉淡而無味。(因為好重要，所以要講多3次!)

華富邨，曾是香港最大的公共屋邨，到今時今日，更是香港數一數二的舊屋邨。而太太大伯的一家，也就是在華富邨長大的一群人，每逢過時過節見到面，太太與堂兄姊他們懷古的地方，就是邨內的 "瀑布灣"。在食方面，他們印象最深刻的，是華富北商場的一家酒樓，我們當日去到發現該處早已經變成一所老人院。回到華富南，太太同外父共同想起的，我們打卡後，太太的堂姊立即 like 的，也就是眾華富人的飲食記憶所在地之首位《銀都冰室》了。《銀都冰室》地方很簡陋，而且古老，不需要因為是華富邨的歷史地位，此等的舊冰室，位於任何一個香港舊區，我都會抱一個極大的興趣走入去。這一種既簡又不華麗的食肆，才是香港平民食堂的典型風格。用眼睛周圍看了一看，原來他們的奶茶曾經得到黑白淡奶的表揚。雖然，這是黑白淡奶同茶餐廳的宣傳手法，但有這一個東西的出現，就知道這裡的奶茶唔會差得去邊。下午茶不會多吃，但我們會大吃。三人行，只太太一人沒有吃，而《銀都》的其中一個名物是炸雞骴，於是，我同外父二人就一人一隻肥美的炸雞骴。雞骴，不算是坊間最肥美的款式，但味道是非常之美妙的。因為雞骴是用豉油鹵過後再不加粉炸的，入口時，雞皮帶脆，而且豉味十足，再好的

朝早空氣並非一定清新開朗 就好似你經常幫襯去食個早餐都唔擔保唔會出事 今日叫咗果菠蘿油套餐 要咗杯熱嘅black coffee加多3蚊要多個迷你麥皮菠蘿油個人認為要用個包嘅溫度令到件牛油處於半軟不硬嘅狀態 同時部分溶化嘅牛油被麵包吸收 一啖咬落去 外皮脆 包鬆軟 牛油又騷又香 真係一絕 可惜今日唔係 但我大哥個菠蘿包係熱嘅

有華富邨就開始係度打開門做生意嘅銀都 大大話話都50+年 老香港式茶餐廳裝修格局 街坊式招呼 平民又親切 好感自然增加不少望望餐牌本來想叫個菠蘿油餐 但諗諗又驚晨咁早quota就用咗一大截 忍下口 改叫個E餐 鮮油多加太陽蛋 奶茶熱嘅 多奶 唔該

茶記之旅貳@華富華富邨~~細細個就聽過佢個名。印象一直係極南之地遙不可及。最出名梗係倚山望海+UFO事件。人人住到風生水起。因而得到公屋豪宅之名。貝沙灣就係隔黎少少咋噃雖然有巴士直達。原來卅幾年從未踏足過。今趟難得黎到。極度陌生之餘又帶點親切感。因為都係井字加一字型樓。連色水都差唔多。而且成個平台街邊都滿佈老人家。吚喂！同我樓下有乜分別呢～再加埋領匯既神級複製技術鋪頭都差無幾。仲要有我最愛既“意樂”添。不過今日一別不知何年何月再見。最後揀左間舊式茶記探索一下一入鋪就衝向死角坐低。貪佢睇晒全場同方便自閉一下唔好阻人。極高既樓底再加上幾把吊扇。牆身顏色淡黃配淺木色卡位。Well成個感覺都唔精神一D都唔吸引噃。撞岩食飯時間比較多後生黎食。當然都有唔少手騰腳震既老街坊嘆茶啦。眼見好多人叫碟頭飯。但黎得都係堅持試菜之選～常餐熱奶茶~多士！又係秒殺多士。其實用心烤完配上適量牛油。要好食又有幾難呢？厚邊熱茶。睇色水都知茶味濃郁口感豐富絕不欺場。今次爭議點出係牛面度。見有人寫話淡貿貿好似用水開希咁好難食云云。無可厚非佢顏色咁淺未食都知乏味。之但係衰在佢個淡嗲味同個環境係絕配喎。清淡可能就係呢樹老街坊既

位於香港仔的華富村堪稱老牌屋村，而且擁有絕無僅有的無敵海景，實屬難得。可能是舊式屋村人口老化之故，消費力不及新屋苑，連鎖店進駐該村的情況少之又少，因此華富商場仍存在濃厚的老香港屋村格調，有著一種時光倒流的氣氛。1968年於華富村開業的銀都冰室仿佛將時光停住，裝修格局都讓人進入懷舊時光。這舊情懷吸引我與友人，既然來到華富村，就一試銀都冰室。然而老牌冰室雖然有年資歷史，食物卻令人失望，當日點了兩份下午茶：1. 沙爹牛肉公仔麵配熱奶茶所謂有圖有真相，沙爹牛肉公仔麵的賣相跟味道一樣，不太靠得住，公仔麵湯不夠熱，沙爹牛肉像溝了水般啖而無味；熱奶茶水準是連鎖快餐店以下。2. 炸雞脾配紅豆冰如上圖，炸雞脾不算大件，賣相口感像柴皮，亦沒甚麼調味，可幸的只是炸得夠熟，沒有血水；至於紅豆冰，應屬冰室必定處理得好的經典冰品之一，否則枉為老牌冰室。可惜令人失望，不夠冰凍之餘，紅豆份量太少，而且最敗筆是以膠杯上！個人認為，冰品或凍飲用玻璃杯上最有透心涼感覺，至少一般茶餐廳磨沙膠杯也算合格，老牌冰室居然用膠杯上紅豆冰，將整份懷舊感情完全破壞！至於環境及服務方面，懷舊裝修保養不過不失，整齊光猛；服務非特別殷勤，一般

早餐，菠蘿油，奄列，奶茶。菠蘿色普通勝在塊鮮油夠厚同凍。奄列裡沒有蛋汁而且上碟油淋淋。熱奶茶表面竟有不明結塊，喝下很酸有檸檬味，向侍者（老闆？）反映後，只是回覆“有d咁嘅事？"，於是大半杯奶茶便浪費了。