銘記潮汕牛肉粉麵

營業中

休息中

收工後好鬼攰, 但又唔覺得太肚餓返到屋企又冇心機煮d野食, 求其係附近搭車地方食個面算之前都有食銘記, 諗住普通牛面鋪頭點知有d驚喜, 同以往食既好唔同今次就試試佢既牛丸先, 早排連某位網上KOL都黎介紹佢坐底要個牛丸米, 加個生菜, 搭杯凍檸茶個湯底夠鮮甜, 唔會太咸, 而且有鮮味牛丸有驚喜, 好鬼彈牙, 仲有牛肉味, 同平時買凍肉鋪既牛丸好唔同食食下, 對面坐左個阿姐, 望我碗野又叫埋一樣我就食米粉既, 尼間比較特別, 面唔會好長, 好容易夾到一小拙放入口再加口牛湯, 簡直冇得頂, 次次來都一定食佢米粉佢既油菜都好好味, 應該係加左D豬油, 好鬼香, 食落好鬼好味食完一菜一丸一米一檸茶, 8成飽, 夜晚食尼個成數夠晒, 太飽好難消化

好失望！專程食牛頸脊坑腩今次特登去食嘅牛頸脊同坑腩，真係令人失望至極！牛頸脊竟然未試過咁un，煮得小牛味，唔係大家期望嘅牛肉濃郁味道。至於坑腩更加出奇地un，竟然冇牛味，令人摸不著頭腦。湯底個湯雖然濃厚，但係師傅嘅味道太重，令人感覺有啲單調唔夠平衡。最後，食嘅嘢唔算多，但係收費竟然要$70，真係有啲過份。總括黎講，呢次食牛頸脊坑腩嘅經歷真係令人負氣又失望。如果你想試呢間食肆，最好有心理準備先，唔好期望太高，免得落差太大。

入到去係咁對你講普通話😅，淨係俾大陸人坐，一啲禮貌都冇，食物質素一般，就係普通既牛肉粉，衛生惡劣，大陸人飯堂，唔會再黎。想試吓俾人極度無禮貌對待可以試吓😂😂😂

鄰近油麻地B2出口，一行入去已經聞到好大浸牛肉味，點左個牛魔王河粉，入面都幾足料。牛魔皇河粉🍜 $70+$8轉稻庭烏冬呢個河粉入面有牛頸脊、牛丸、牛柏葉、牛黄喉同牛骨髓，係幾豐富嘅組合。牛肉好鮮嫩，牛丸就好彈牙，第一次食牛骨髓，估唔到都幾爽口😍，至於牛黃喉就比較軟腍腍。烏冬方面，口感煙韌彈牙。另外，成個湯底都好有味，旁邊仲有辣椒油、辣椒醬同花生醬可供個人喜好添加。🍹凍檸茶+$3叫河粉套餐凍飲加$3，大大杯有好多片檸檬🍋。🥬油菜（菜心）配蠔油 $12

油麻地呢間唔係好起眼嘅麵店竟可以食到特別啲嘅牛部位，而且佢自家製嘅辣椒油好夠辣🥢牛魔皇河粉 $70一碗牛魔王可以食到好多款嘅靚料。有牛頸脊、牛丸、牛柏葉、牛黃喉、牛骨髓。推薦必食牛丸同黃喉。牛丸彈牙多汁牛味又濃，黃喉爽口新鮮。牛柏葉大塊爽口🥢新鮮雪花牛頸脊米粉 $54牛肉嘅份量唔少，煮到啱啱好呈粉紅色。肉質幾嫩滑。湯底牛味濃郁。🥢淨手打牛丸 $36🥢淨腩汁蘿蔔 $19除咗牛丸係必叫之外，腩汁蘿蔔都好推薦大家嗌！蘿蔔清甜冇喳。$19份量多抵叫好食

終於俾我食到真·沙嗲牛肉麵。呢間銘記除咗有牛腩牛丸之外，仲有潮汕牛肉粉食。平時食潮汕牛肉通常都係打邊爐，呢度就可以散叫，仲可以叫牛肉粉添。牛肉部位都好多選擇，牛頸脊、牛胸爽、吊龍、牛舌、牛骨髓乜都有。識食一定要叫撈麵，有幾款三拼可以揀。吊龍伴、牛柏葉、牛黃喉最推薦。吊龍肉味夠又淋滑、黃喉爽脆，柏葉彈性質地又好。 最緊要係佢地枱面個三個調味料，潮洲辣油、自家辣椒醬、潮洲沙茶醬。用嚟點佢地嘅牛肉就fit曬，沙茶醬點牛頸脊仲唔係真沙嗲牛肉麵。

【油麻地•銘記潮汕牛肉粉麵】銘記潮汕牛肉粉麵以其精湛的烹飪技藝和口感豐富的牛肉料理而聞名。這裡的招牌菜包括牛魔王河粉，餐廳精心選用牛頸脊、牛丸、牛蒡葉、牛舌、牛胸爽等各種牛肉部位，融合其精華入湯，再搭配Q彈的河粉，每一口都充滿濃郁的牛肉風味。此外，牛坑腩飯也是絕佳之選，肉質軟嫩多汁，配上香氣四溢的蒜蓉白飯，令人回味無窮。這裡的服務質素非常周到，環境舒適，適合喜愛牛肉美食的朋友們前來品嘗。地址：油麻地砵蘭街35號地舖餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費：HKD 200#油麻地美食 #銘記潮汕牛肉粉麵 #web3油麻地

吊龍雖然係薄切，但係算份量同味道對得起個價錢，吊龍配河粉跟熱奶茶先50蚊，今時今日可謂非常實惠。食得出係新鮮吊龍，而樓面服務唔算，起碼有積極接待顧客。呢一點喺香港算難得！有時間會再重臨品嘗一番！

現在很多香港人喜歡週末週日回大陸吃潮汕牛肉，如果不想和其他人擠迫在一起，可以到這間油麻地的潮汕牛肉專門店。清湯牛坑腩拼牛筋粉$70，牛坑腩帶點牛的脂肪香氣，有點甘香味道，比較好外面的牛坑腩多了一種味道層次。牛筋煙煙韌韌，帶點嚼勁，又不會過硬，味道層次豐富。清湯牛坑腩拼牛丸$70，牛丸爽口彈牙，大濃郁的牛肉味道，加點自家製的辣椒油，味道更佳。河粉爽口彈牙，配合清甜的牛骨湯底，味道更佳。凍鴛鴦跟餐加$3，花奶的味道比較濃郁，香滑可口，如果喜歡咖啡多一點，可以同店員說明。

本人最愛吃潮汕火鍋，尤其在假日有空時，都會到國內嘆番個好味潮汕邊壚。在香港，平日時間較倉促，又想快快品嘗番個潮汕牛肉。我建議你來試試這家銘記潮汕牛肉粉麵！今天我點了一客新鮮雪花牛頸脊粉，然後在餐牌上竟然見到牛胸爽，就是白色的，爽爽的食落充滿牛味的那個。這是我吃潮汕火鍋必叫的款式，竟然在這裡搵到！然後店員跟我說雙併都是加十元。友人就因為天口熱，不吃粉麵，點了個咖哩牛腩飯。然後我們再點了一碟菜心和兩杯飲品。二話不說，先來的是咖哩牛腩飯。牛腩的量足，咖哩汁又不會太鹹，配上白飯確是一流。友人最後連汁都撈埋，份量恰到好處。然後就是另一主角牛頸脊粉 (我叫了米粉)份量都是充足的，牛頸脊肉嫩彈牙，牛味十足。食完兩塊牛頸脊就當然要試試另加的牛胸爽，食落亦不令我失望，很爽口。配合牛頸脊一起食用，令牛頸脊的味道提升至另一層次。不得不讚的是米粉，也是非常爽口，配合清甜湯頭和滿滿的蒽蒜，絕配！如果大家能忙裡偷閒，想一嘗潮汕火鍋的味道，可以來銘記潮汕牛肉粉麵試試！

呢排繼續尋找緊其他唔同嘅特色粉麵，上次食咗牛腩河，咁今次就食潮汕牛肉粉麵啦！於是搵咗位於油麻嘅地呢間銘記潮汕牛肉粉麵，食下到底潮汕鮮牛肉有幾特別先～新鮮雪花牛頸脊粉(河粉)💰HK$54牛頸脊呢個部位係偏瘦，肉質充滿彈性同有嚼勁，而且擁有鮮美嘅牛肉香氣！河粉麵質順滑柔軟，成碗麵整體俾人一種清爽嘅感覺！配埋自家製辣椒油，更惹味～牛魔王粉(稻庭烏冬)💰HK$78有牛頸脊、牛丸、牛柏葉、牛黃喉同埋牛骨髓，其中比較罕見嘅部位就係牛黃喉、牛骨髓同埋黑色嘅牛柏葉！黑色嘅牛柏葉非常爽口！牛黃喉則有適當嘅筋韌感，入口柔滑而唔油膩！而牛骨髓就最特別，係一種介乎於固體同埋液體之間嘅軟滑質地！另外牛丸都好出色，牛味濃郁，彈牙多汁！呢到仲可以將主食轉做口感彈牙嘅稻庭烏冬添啊～凍奶茶💰+HK$3

假日去油麻地行街🚶🏻‍♀️🚶🏻‍♀️竟然見到一間主打潮汕牛肉嘅粉麵店🍜🍜當然要試一試佢啦🤩🤩🤩咖哩💛💛牛坑腩飯咖哩嘅辣道係固定🍛好彩唔算超辣🌶️連唔太食得辣嘅我都接受到👍🏻👍🏻牛坑腩我個人係幾欣賞🐮🐮牛味濃之餘肉質腍度適中肥瘦均勻😍😍就算混入咖哩都保持到鮮味❤️配飯一齊食一流🩷🩷🩷🐮🐮牛魔皇淮山麵呢個牛魔王set非常之豐富😋😋牛頸脊，牛丸，牛黃喉😊😊牛骨髓，牛柏葉，加$10仲可以配埋吊龍件❣️❣️粉麵都好多選擇除咗粗麵幼麵米粉米線之外😊😊都仲有公仔麵淮山麵俾我揀，咁我就揀咗彈牙入味嘅淮山麵😆😆湯底好清甜😋我最鍾意就係爽口嘅牛頸脊😍😍牛丸亦都夠晒Juicy🈵💚蠔油菜心💚蠔油菜心都十分扺食🥬🥬夠綠夠新鮮💛💛食落都有菜甜味💙💙性價比高📈📈凍奶茶🧋凍檸茶甜度適中，啱晒我哋口味😍😍

佐敦潮汕牛肉粉麵店喱間位於佐敦嘅潮汕牛肉粉麵店除了提供來自潮汕嘅牛肉外，還有特別的牛肉部位提供，以粉麵店黎講真係較少見新鮮雪花牛頸脊拼吊龍伴 配准山麵 ($64) - 牛肉放在麵上，用上湯淥一淥，肉質剛熟，帶微微粉紅色，肉質鮮嫩，不會難口。雪花牛頸脊肉質較嫩滑，帶油脂香氣；吊龍伴是肉和筋膜之間的肉，肉味較濃。非常推薦准山麵 ，幼身又滑溜，而且好掛湯。牛肮腩、牛骨髓、牛栢葉 配河粉 ($64) - 牛肮腩炆得入味又夠冧，牛骨髓有牛骨香，撈埋炸蒜及蔥花落湯更惹味香口。另外餐廳有自家製辣椒醬，配上牛腩更滋味。淨手打牛丸加紫菜 ($46) - 牛丸爽口彈牙，咬開勁多肉汁，加了紫菜更香。炸魚皮 ($15) - 炸魚皮脆口，不會有油溢味。

潮州粉麵，不嬲喺香港都好多間，但係呢間做咁多又唔同部位嘅，真係好少有。餐廳主打不同牛部位嘅粉面，就算係牛肉都有好多種，最平30幾蚊有埋嘢飲，所以未到晚飯時間已經非常多人新鮮嫩牛肉，牛黄喉,牛根河粉以高品質的牛肉部位, 今次叫咗黃喉和牛根與鮮嫩牛肉，順滑的河粉搭配在一起,新鮮嘅牛肉配埋特製嘅沙茶醬同埋辣醬，真係一絕，聽講醬料仲係老闆自己炒的👍🏻👍🏻牛根牛骨髓撈麵試埋佢嘅撈麵，份量十足,牛根及牛骨髓質地都非常好，牛筋夠林夠入味，牛骨髓亦都非常之滑，而且唔會好似出邊嘅撈麵咁太重蠔油味，呢度反而係腩汁味多啲✅淨手打牛丸潮州人擅長手工製作各種肉製品,這道淨手打牛丸就是其中的代表作。新鮮牛肉被手工打製成爽口彈牙的牛丸,入口鮮甜多汁腩汁菜心，腩汁白蘿蔔非常新鮮，冇渣，時間啱啱好

潮州粉麵喺香港非常多間，但係唔係間間都好食今日經過油麻地買完嘢，見到呢間銘記潮州粉麵，雖然都係夜晚六點幾，但係裏便超級多人，所以決定試一試餐廳主打新鮮牛肉，有唔同嘅部位吊龍件、牛栢葉、牛黄喉河粉吊龍又係稀有部位，牛味香濃，而且質感非常好，食得出非常新鮮牛柏葉係少有嘅黑柏葉,口感清脆爽口,牛黃喉非常爽，但亦都夠入味三個餸都係50幾蚊非常之抵食，而且份量非常多，呢個價錢已經包咗嘢飲✅新鮮嫩牛肉牛根河粉採用新鮮嫩牛肉和牛根作為食材,搭配柔軟Q彈的河粉。牛肉和牛根的肉質鮮嫩多汁,與河粉的口感形成了完美搭配。手打牛丸牛肉丸唔會一啖粉，牛肉成份非常高，而且湯到已經有生菜，食起上嚟唔會單調😋😋另外仲叫咗一個正蘿蔔同埋油菜都非常抵食，非常建議試一試👍🏻