銘陽車仔麵

營業中

休息中

夜晚荃灣上完堂想食啲野入左呢間車仔面店同朋友兩個分別叫左兩個面其實原本自己只係想食餸但係佢哋既最低消費係$30/要叫兩餸一面最後自己叫左粗面 炸蒜 沙嗲汁豬肚 冬菇 雞翼尖 豬紅 韭菜$64👦🏽朋友叫左油面 腩汁豆卜 豬頸肉 魚皮餃 墨魚丸$55首先環境唔算太乾淨，得覺得有空間改進令客人坐得舒服啲😌面底分為我認為不過不失但係湯底簡直係破壞左成個面因為個湯真！係！好！咸！都有睇過有食客評語係讚佢地湯係無味精但係真係咸得有啲誇張所以影響左冬菇 豆卜呢啲索湯既餸好難食而且落單既紙仔有啲唔清晰👦🏽朋友剔左腩汁（後面個碗）佢係以為清湯加腩汁但係佢黑文文嘅湯底太濃 根本感覺唔到係有腩汁係裡面魚皮餃 墨魚丸 韭菜-不過不失冇乜特別豬頸肉好硬 唔好食豬紅質地可以豬肚好食 都洗得乾淨無怪味雞翼尖係滷水 但係唔知係因為經過左一日佢本身真係咁嘅味 因為佢嘅咸度 真係冇辦法接受最後價錢真係良心既💛性價比都高 但係首先湯底真係要改一改😖

Intro: 荃灣路德圍真係有好多野食，而今次去左食銘陽車仔麵，呢到有好多餸嘅選擇，有得叫豬頸肉/豬軟骨咁，仲有唔少湯底做選擇，最後埋單50內，但食到飽住番屋企～___________________🍽 豬軟骨+豬頸肉+通菜+河粉+沙嗲汁💰 （14+13+9+11=47）⭐️7.75/10✍🏻 豬軟骨炆得好冧好入味，肥肉同硬骨少✍🏻 豬頸肉好大舊，口感彈牙而肥肉少✍🏻 通菜好綠好爽口，仲帶點甜✍🏻 呢到嘅沙嗲汁唔算係最濃最香嘅味道，但都令到呢碗湯底好夾所叫嘅餸___________________🏠 銘陽車仔麵📍 荃灣路德圍40號地舖⭐️ 7.75/10___________________

呢間之前食過一次酸辣米線，覺得唔錯，所以呢次都係叫返酸辣米線～因為佢呢個偏向辣味多，酸味比例偏少～加上米線都淋。。唔會太硬，所以個人鍾意呢類型口感🙈😀.如果鍾意偏硬少少米線口感，可能到時要講🙈呢次揀左酸辣米線配豬軟骨🐖🐖豬軟骨麻麻地。。反而上次配豬頸肉好d 🤔豬軟骨酸辣米線 $39.加$11 珍珠奶茶味度一般🤔.另外兩配朋友揀餸叫的。。。感覺上好似酸辣米線的配搭較好🤔另外散叫。。。我地話加加下都唔平😁😁

離曬大譜，直情係冇譜😤🤬今日同同事放lunch，諗住開開心心，點知入去食嘢，點咗碗車仔麵，同杯珍奶茶，唔知個職員城府深，定係黑心，一杯珍奶倒一身，做事唔認真，仲死口唔認錯，又賴係我地唔小心，最後打個95折，條褲都值幾百蚊，原本開開心心，而家一蠖金，食餐飯都唔順心，唔會再幫襯。離曬大譜，離曬大譜！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

不知所謂！離天下之大譜！之前食過幾次，覺得呢間車仔麵都唔錯，就黎last day，於是就決定同同事黎食lunch。點知竟然發生以下咁荒謬嘅事。店員上菜嘅時候，錯誤推撒了一整杯珍珠奶茶，還淋濕了整桌人的褲子和鞋子。但係店員竟然惡人先告狀，態度惡劣，推卸責任，說係我們擺筷子嘅位置太差，才令到奶茶倒瀉，顛倒黑白，真係好過份。最後，佢哋只給我們10元優惠，無賠償清洗費，何其壞哉！非常憤怒。而家我哋幾個仲要著住濕嘅褲同鞋做嘢，非常唔舒服。

衣加疫情緊 。 你番工食野唔係問題🙆🏽‍♀️ 。 但可唔可以唔好帶手套食 。 你個手套拎黎收錢又拎黎出菜又拎黎食真係好 dirty 🤮🤮。佢係食邊樣就逐樣收費嘅 。唔餐具唔洗問佢拎既 ， 因為你坐既果張枱個櫃桶有 。我錯喇。😭😭 麻辣金肚五香牛肚河粉 $37 。 我唔應該叫兩樣牛肚呀 😭😭。 佢比左好多舊 ， 但係 👉🏽👈🏽 好硬 。 咬唔開呀 。 我浪費哂呀 😭😭 我寫紙既時候唔記得左兩樣都係牛肚黎呀 。 但其實佢硬得制又係事實喎 🤔 。 所以我都錯唔哂 。

又一間抵食車仔麵。銘陽嘅金牌什錦六餸麵大大碗都只係 $48，仲有七個組合可揀。由於每個組合都有啲我唔食嘅嘢，例如豬腸、豬紅、豬脷、酸菜等，所以喺排除法下，最後我揀咗 H7 組合，包括金錢肚、辣筍絲、牛丸、餃子、餐肉同時菜。咁多樣最正係辣筍絲，味道偏濃，微辣爽口，份量又夠多。同樣份量多嘅係金錢肚，炆得又腍又入味，雖然黑媽媽嘅外並不討好。其他配料則正常味道。另外，值得一提嘅係呢度嘅炸蒜好好食，記住一定要加。

老婆聽説這間車仔麵唔錯，見假期又一於過嚟試試；由荃灣D出口行過嚟也不是太遠，大約幾分鐘路程吧！店子很細還要背貼背而坐，以膠紙作為分隔；到店時剛好已客滿，在店外等了一會才可進入，看來幫襯的人也不少，但不知水準如何呢？我們各自叫了一碗車仔麵及飲品，另加一碟小吃。清湯/蠔皇冬菇/香菇貢丸/惹味豬紅/鮮甜蘿蔔/豆卜/油麵(忌廉跟餐$8)～本想叫鮮切麵或刀削麵，但見食評說麻麻哋，咁就叫我自己喜歡的油麵吧；湯底標明不含味精，當然食得更加安心；多款食材也不算突出，而最喜歡係當中嘅冬菇及貢丸，本來甜蘿蔔也不錯，可惜食落有根，選料差咗啲。炸墨魚/鮮蝦卷 4條～叫了雙拼則每樣兩條，一次過可以試曬兩款味道；兩款外貌非常相似，不小心觀察，實在不易分明；本來味道不錯，可惜返炸，口感太過煙韌。水準平平未見突出，有機會經過，一試也無妨！銘陽車仔麵地址: 荃灣荃興徑17號地下C舖電話: 28868099

.📍銘陽車仔麵📍#饅頭去荃灣 #饅頭的港味道 #饅頭食台灣菜呢間喺荃灣路德圍嘅新式車仔麵黃店食物質素其實都唔差，有勁多款式嘅餸可以畀大家揀，價錢合理，大家可以支持下。------------------------------1️⃣ 自選車仔麵🔹招牌鮮切麵 辣醬($13)鮮切麵形狀同西式扁意粉相似，味道上冇乜特別，口感方面就因為煮得過冧而有啲稀爛，唔需要試，建議大家可以嗌翻平時食開嘅車仔麵麵底。湯底方面，我就揀咗佢哋嘅辣醬，飲一啖首先會感受到湯頭嘅濃郁同辣醬香甜，辣味同蒜蓉香隨之而上😜，惹味得嚟又唔會好油好口渴。🔹炭燒豬頸肉 ($14)豬頸肉燒到外邊香脆，食到調味嘅醬汁甜甜地同脂香😆，口感爽彈鮮嫩，唔會片到好薄，唔怕肥嘅朋友仔可以一試。🔹椒鹽金沙骨 ($13)推薦嗌佢哋嘅金沙骨，燒到外皮焦脆骨肉分離，未食就已經聞到超香嘅香茅味😍，金沙骨醃得好入味，啖啖肉都嫩滑軟腍有脂香💕。🔹臺式五香腩肉 ($12)腩肉脂肪部位偏多，瘦肉部位就有少少嚡口，整體味道正常冇咩特別。------------------------------🔸整體評分：7.5/10🔸小編回頭率：6.5/10

今日係第一日"疫苗通行證"實施的日子，lunch出去睇下，果然條街無咩人，所有食店都靜過鬼。 趁佢第一日，去外面食嘢試下，去銘陽係因為之前食過覺得好味，加上依家情況，更加要支持。銘陽搬左後第2次來食，因為"通行證"關係，入去"do"完需要再比店員"do"多次，講真好煩，睇住隔離枱搞左好耐，睇得出無論店員定食客都好無奈。好似我咁懶唔想扲點配搭，可以直接叫餐。其實可以叫飯，但我暫時見都係叫粉麵多。H2 腩肉,牛柏葉,雞尖,芝士腸,蘿蔔,豬皮($53)記得加腩汁!睇相都feel到湯底係重點!就咁睇落去，其實係有D油的，但好濃好好味！豬皮淋身，雞尖好惹味，芝士腸正常。H5 魷魚,雞尖,豬紅,紅腸,餃子,時菜($53)車仔麵一定要叫魷魚!!銘陽的魷魚好入味，毎次必叫，紅腸都算大片，餃子就一般。叫餐包一杯飲品，試了台式奶茶，感覺都係叫珍珠奶茶或其他特式飲品會好味D。

呢日趕住時間,又無食早餐午餐就出左門口,食車仔麵應該會快啲上菜,所以揀左車仔麵一向鐘意試唔同餐廳嘅我成日聽銘陽呢個名,但就未試過,今日有機會黎試下係門口睇緊餐牌時職員都親切招呼下午茶時間個價錢真係好震撼,好耐無見過咁平嘅野食我就揀左支竹甜酸齋米線,湯底略甜,甜酸齋一般,米線口感中規中矩油麵豬頸肉豬大腸同蘿蔔咁多餸加埋可樂嘅下午茶只係$44味道不能話好出色,但以價錢同服務黎計都相當OK要趕住醫肚嘅都不失為一個唔錯嘅選擇

近年又興返台式料理，除咗飲品，台式日本料理，丼飯，連車仔麵都有。之前朋友介紹過銘陽，今日行開荃灣搵食就想試吓。銘陽嘅車仔餸有好多，除咗魚蛋、豬皮、豬紅、豬腸、雞翼雞尖、牛腩呢啲基本餸外，仲有好多大葷；豬扒、雞扒、台灣肉燥。麵食亦有好多選擇，粗、幼、油麵、米粉外，仲有刀削麵、手工切麵、蘭州拉麵、出前一丁。真係眼花繚亂，好彩佢又提供好多款特惠套餐，4餸，6餸配搭都有，又揀又睇足足20分鐘先決定好。炭燒豬頸肉＋瑞士豬軟骨＋刀削麵（沙爹汁）＋台式奶茶炭燒豬頸肉難得真係有炭燒香氣，外焦內爽，配飯配麵都好夾。瑞士汁豬軟骨，個汁甜甜地唔會過甜，豬軟骨炆到好入味。刀削麵唔係即叫即削嗰種，而係乾麵都嗰款，所以口感唔係好彈牙，但勝在吸湯力強。湯底最大賣點係無味精，原材料原味道。平日食車仔麵好少飲湯，嚟銘陽可以放心大啖大啖呷喇！H1 ：6餸麵套餐（手工切麵）＋台式奶茶6餸麵有好多選擇，總有幾款啱你口味，今日揀咗餐肉、牛腩、陳皮魚蛋、牛丸、時菜、炸麵筋，牛腩就柴咗啲，其他味道超穩陣。手工切麵唔多理想，口感食唔出係手工麵，下次食返油麵算喇！至於湯底，味道清甜，一口到底。台式奶茶感覺係沖茶粉奶粉，都係港式檸茶啱口

路德圍美食多籮籮，有間黃店平到不得了但又唔算好多人幫襯，今次要介紹既就係銘陽車仔麵🤪-佢有好多配料可以揀，我就揀左雞翼同生菜，再搭個腩汁炸蒜沙嗲醬🙈湯底撈左沙嗲醬之後辣得黎幾香口，雞翼煮得好入味👍🏻另外仲order左杯珍奶，茶味比較濃，所有野加埋先$40，好抵食😍之後我都仲去左幾次，每次都係$3X就食飽，味道又幾好，推介大家去食😉

🍜自己揀餸車仔麵💰$47😈邊個話食車仔麵係慳家😂我今日同朋友仔就表演叫到成枱都係叫左成百幾蚊💛銘陽車仔麵呢到啲種類成頁紙咁多😔勁想加唒佢😢我地每人都叫左碗車仔麵🐤就叫左豬皮豬紅蠔皇冬菇菜心💛佢話推介個蠔皇冬菇炆得超入味同埋好厚身😢好有質感而豬皮又係好厚同唔會一咬就梅👍🏻個口感係偏爽口🌶佢都係揀左辣既湯底都係話辣得爽🍜自己揀餸車仔麵💰$51😈而我就偏肉食獸所以就叫左啲重味野💛我叫左鹵水豬大腸招牌香菇餃🥟生菜炸麵筋🤤而知特別推介就係鹵水豬大腸🐷佢個豬腸都係係我車仔麵Top3入面🤤佢食落地個皮係炆到超入味同好淋😍而個心有少少彈牙🤤最緊要佢個豬腸唔會有個種臭💩同Up臭既味道👍🏻而另外我都推介佢個招牌香菇餃🥟佢個餃子大隻到痴左線😞係好重手同埋個餡好有自家媽媽味道👍🏻唔會大隻到爆唒皮😝同埋佢係會俾超多蒜好重手🦑椒鹽魷魚鬚圈💰$42😈佢癲到小食都十幾款🥺我下次真係要Call馬去搵人黎食先可以試得唒😞佢個椒鹽魷魚鬚圈個面唔係烚左咁簡單👍🏻佢係沾左啲秘制醬汁咁甜甜地🤔之後表面係加左椒鹽好似燒過咁😈佢係好入味不過有少少Un我地都咬到牙都少少軟😂不過味道係唔錯🦑脆炸墨魚餅💰$26 (6塊)😈見到餐牌咁多小食

三餸腩汁米粉 $49腩汁湯底正常發揮 夠味 送米粉一流炭燒豬頸肉 $14 🙆🏿‍♀️邊位做到有焦香 唔錯 👍🏿蠔皇冬菇 $11 🙆🏿‍♀️冬菇size大隻 而且蠔油入晒味 推柱侯牛腩 $14 💁🏿‍♀️炆煮得軟腍三餸小麻辣日式烏冬 $44麻辣醬喺晒隻匙羹度 自己鍾意落幾多都得有層次 少少辣 鍾意食辣嘅可以試試通菜 $8 💁🏿‍♀️正常發揮脆炸魚皮 $10 🙆🏿‍♀️夠脆 份量多 但太碎 食得冇咁盡興 可接受嘅😆椒鹽金沙骨 $13 🙆🏿‍♀️雖然冇另上但啲味醃得啱啱好 識落又夠淋 個人推呢個👍🏿罐裝汽水 $8❎ 加一服務費✅ 學生優惠