影片
更多
2022-02-23
589 瀏覽
近年又興返台式料理，除咗飲品，台式日本料理，丼飯，連車仔麵都有。之前朋友介紹過銘陽，今日行開荃灣搵食就想試吓。銘陽嘅車仔餸有好多，除咗魚蛋、豬皮、豬紅、豬腸、雞翼雞尖、牛腩呢啲基本餸外，仲有好多大葷；豬扒、雞扒、台灣肉燥。麵食亦有好多選擇，粗、幼、油麵、米粉外，仲有刀削麵、手工切麵、蘭州拉麵、出前一丁。真係眼花繚亂，好彩佢又提供好多款特惠套餐，4餸，6餸配搭都有，又揀又睇足足20分鐘先決定好。炭燒豬頸肉＋瑞士豬軟骨＋刀削麵（沙爹汁）＋台式奶茶炭燒豬頸肉難得真係有炭燒香氣，外焦內爽，配飯配麵都好夾。瑞士汁豬軟骨，個汁甜甜地唔會過甜，豬軟骨炆到好入味。刀削麵唔係即叫即削嗰種，而係乾麵都嗰款，所以口感唔係好彈牙，但勝在吸湯力強。湯底最大賣點係無味精，原材料原味道。平日食車仔麵好少飲湯，嚟銘陽可以放心大啖大啖呷喇！H1 ：6餸麵套餐（手工切麵）＋台式奶茶6餸麵有好多選擇，總有幾款啱你口味，今日揀咗餐肉、牛腩、陳皮魚蛋、牛丸、時菜、炸麵筋，牛腩就柴咗啲，其他味道超穩陣。手工切麵唔多理想，口感食唔出係手工麵，下次食返油麵算喇！至於湯底，味道清甜，一口到底。台式奶茶感覺係沖茶粉奶粉，都係港式檸茶啱口
之前朋友介紹過銘陽，今日行開荃灣搵食就想試吓。
銘陽嘅車仔餸有好多，除咗魚蛋、豬皮、豬紅、豬腸、雞翼雞尖、牛腩呢啲基本餸外，仲有好多大葷；豬扒、雞扒、台灣肉燥。麵食亦有好多選擇，粗、幼、油麵、米粉外，仲有刀削麵、手工切麵、蘭州拉麵、出前一丁。真係眼花繚亂，好彩佢又提供好多款特惠套餐，4餸，6餸配搭都有，又揀又睇足足20分鐘先決定好。
炭燒豬頸肉＋瑞士豬軟骨＋刀削麵（沙爹汁）＋台式奶茶
炭燒豬頸肉難得真係有炭燒香氣，外焦內爽，配飯配麵都好夾。瑞士汁豬軟骨，個汁甜甜地唔會過甜，豬軟骨炆到好入味。刀削麵唔係即叫即削嗰種，而係乾麵都嗰款，所以口感唔係好彈牙，但勝在吸湯力強。湯底最大賣點係無味精，原材料原味道。平日食車仔麵好少飲湯，嚟銘陽可以放心大啖大啖呷喇！
H1 ：6餸麵套餐（手工切麵）＋台式奶茶
6餸麵有好多選擇，總有幾款啱你口味，今日揀咗餐肉、牛腩、陳皮魚蛋、牛丸、時菜、炸麵筋，牛腩就柴咗啲，其他味道超穩陣。手工切麵唔多理想，口感食唔出係手工麵，下次食返油麵算喇！至於湯底，味道清甜，一口到底。
台式奶茶感覺係沖茶粉奶粉，都係港式檸茶啱口味啲。
小食：墨魚餅（6件）外表望落去就知係急凍嘢，本來唔多有期望。。。 點知！細細件嘅墨魚餅除咗油咗啲之外，竟然好重墨魚味喎！作為小食，雖然係現成急凍貨，但佢合格有餘。
總結一下，銘陽嘅湯底的確唔錯，餸料味道啱啱好，比坊間車仔麵店健康。下次會再幫襯。
張貼
