影片
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
今日要去上水工作，早上11:00就早啲食個午餐。行左過去上水匯，見到一間餐廳就行去睇下。呢間餐廳食物選擇非常之多，午市套餐、鑊氣小炒、點心、燉湯、荷葉籠仔蒸飯都有，連啲飲品都好有特色。真係花多眼亂。入秋就嗌一個燉湯潤一下，另外再嗌荷葉籠仔蒸飯同埋紅豆咖啡冰。首先上了咖啡紅豆冰，我點了少冰，呢杯咖啡紅豆冰用紅豆以玫瑰花造型展示，真係好靚好打卡😃，紅豆腍而入味，同凍咖啡好配合。原盅無添加養生燉湯都有成10幾款，今次嗌了姬松茸螺片燉赤肉湯好清甜、夠熱，飲完都覺得好補身，四季都好啱飲。蒜香石斑片蒸飯，一上菜時蒜香氣撲鼻，石斑片夠滑夠新鮮，炒飯底配上石斑片真係非常之夾，簡直停唔到口。姬松茸螺片燉赤肉湯同埋蒜香石斑片蒸飯係即嗌即整，所以都等左15分鐘左右。呢間餐廳裝修企理，亦有很多食客。同服務員傾過幾句原來呢度師傅背景曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，真係臥虎藏龍😃食物水準好高，下次一定要同屋企人再嚟食。
繼續閱讀
路過冇左原有茶餐廳餐牌轉左新菜單更加主打蜑家的風味多款以海鮮為主價錢較一般茶餐貴少少但食材新鮮同份量十足 🍀黑白墨丸湯米粉湯頭用左筒骨每日鮮熬鮮甜美味😋墨魚爽滑彈牙係店家精挑供應商食辣既朋友仲可以加啲潮州辣椒醬香口惹味🍀XO醬鮮蝦仔炒腸粉大大粒鮮蝦爽口彈牙加上炒腸鑊氣十足惹味可口 呢個強推好食😋🍀蒜蓉炒菜心菜心新鮮爽甜蒜香味濃🍀海蝦鮮雞炆拉麵🍜出黎同預期唔同樣點知蝦肉鮮甜香口鮮雞以為會柴身點知仍然鮮嫩炆拉麵🍜 索取湯汁再炆熟🍀紅棗桂圓枸杞茶🍀咖啡紅豆冰嘩 好靚既紅荳蓉花配上咖啡☕️同煮好既紅荳配搭好好👍係近期唔後悔既紅荳冰之一食飽先見到有個魚煲 幾抵食番茄芫茜黃立鯧跟白飯 之後再去試試
繼續閱讀
鋿晶館嘅小炒好出名，我一直都好想嚟試吓木瓜燉雪耳湯呢個湯真係不得了！燉得好夠火候，木瓜嘅清甜完全融入湯裡面，雪耳又夠曬軟糯，飲落去滋潤又舒服，個人超喜歡！-之後就係沙律醬炒蝦球，呢個餸一上枱就已經聞到好香！蝦球金黃大隻，再加上沙律醬，味道啱啱好，唔會太膩。蝦球嘅size都好大隻，咬落去彈牙爽口。-龍躉籠仔蒸飯（炒飯底），呢個飯真係超讚！用籠仔蒸飯本身就已經好有特色，底層鋪咗香噴噴嘅炒飯，上面再放上新鮮嘅龍躉，蒸出嚟嘅飯吸收咗龍躉嘅鮮味，每一啖都充滿驚喜！龍躉肉質鮮嫩，入口即化，配埋香口嘅炒飯底一齊食，有水準！
繼續閱讀
今日去鋿晶館食咗個lunch，之前去過其他分店主要係飲茶為主。而呢間分店多咗好多小炒類 。試咗幾款都好好味。燉湯都超好飲呀。木瓜雪耳燉赤肉，湯底清甜，赤肉軟嫩，雪耳帶點彈性，搭配木瓜嘅香甜，飲落好清新。蒜香龍躉片荷葉籠仔蒸飯，龍躉片蒸得恰到好處，肉質滑嫩，蒜香味濃郁，令人食得津津有味。荷葉籠仔蒸飯仲吸收咗魚嘅鮮味，米飯粒粒分明。最後，香芒貴妃大蝦球就更加唔使講，蝦球外脆內滑，裹住香甜嘅芒果醬，口感層次豐富。
繼續閱讀
小菜夠鑊氣，燉湯夠香濃，坐位闊落舒適。🍚🐟荷香籠仔龍躉蒸飯雞蛋炒飯底上舖滿龍躉魚塊，龍躉肉彈牙爽口，魚皮滿滿的膠質。一大匙蒜油和一大把炸蒜還滲著荷葉味，真的好香😍愛海鮮和蒜的，絕不能錯過。🧈椒鹽豆腐雞蛋豆腐，外皮炸到卜卜脆，灑上椒鹽和炸蒜，香脆惹味。🍤🥭香芒貴妃大蝦球蝦球好大隻，有六件。三色椒、香芒、洋蔥炒香，以糖醋醬打芡，酸酸甜甜好下飯。🍲川貝雪梨排骨燉湯肉排大大舊，湯頭非常甘甜可口，沒有味精味。天氣乾燥，潤喉一流。
繼續閱讀