影片
打去叫外賣，態度極差，講兩句想同你嗌交咁，都未講完就急住收線，問多兩句仲要串你打嚟叫外賣唔係打嚟受氣。以後都唔會再叫呢間，啲嘢又唔係好食又貴，主要貪位置夠近。。 。。
繼續閱讀
我嗌肥叉 大家又不妨睇下我食緊乜我就係唔食瘦先嗌肥 嚟到乾柴咁 出聲同佢講仲話呢到冇咩肥叉 好瘦你估我信唔信丫拿^^食碟叉燒飯收我$60唔緊要 俾啲咁嘅野人食仲好意思話呢到冇咩肥叉lol
繼續閱讀
食物還是一般，其實也不抱什麼期望，但態度極差的一間扮高級茶記，待客人如工人，呼呼喝喝，尤其買外賣，等了又等，啲阿姐又鬼死咁惡，嚟幫襯你好似嚟乞咁。雖然態度極之差，但不得不讚佢地夜市啲煲仔飯係好好味。
繼續閱讀
幫襯咗咁多年嘅餐廳，呢次嘅外賣真係好驚喜。呢間餐廳我一向只食沙嗲牛肉麵或者乾炒牛河，呢兩樣野一直好岩我胃口。點知一轉就出事了。我未食過雜扒飯係咁樣嘅組合嘅。成盒飯唯一嘅扒係豬扒，外加一條廚師腸、一細片火腿、一條中翼。味道一般，但牛扒雞扒呢？仲有，話明要燒汁，結果係洋蔥汁。算！唔係比個豉汁我都由得佢。禮貌什麼的喺呢度就算啦，無得要求。呢次嘅外賣經驗話比我聽，以後食雜扒飯一定一定一定要問清楚雜扒有咩！
繼續閱讀
年初三晚去食飯，入面坐滿曬人，所以就開台係出面俾我地坐馬路邊！ 我地4大4細！天氣好凍，拿拿聲叫煲肥腸豬潤煲仔粥暖下！好足料！另外仲叫左魚柳蒸豆腐，魚柳同豆腐索左d汁好好送飯！梅菜扣肉，肥瘦岩岩好，竟然d小朋友最鐘意食依樣！生炒骨，勁好食！粟米魚肚羹，一心諗住叫俾d小朋友，但反而佢地麻麻！勁大兜，有d淡，最後大人清曬！新春小菜，無咩點加價，價錢好合理！我地叫左五樣野，賣單$474，好抵食！仲要因為新年，隔離d村屋有人放煙花，可以一路食飯一路近距離睇煙花
繼續閱讀