錦記車仔麵

營業中

休息中

好少地方可以朝早食車仔麵當早餐最少叫三餸酸菜 豬紅 *牛腩 米粉 湯底味道清清地，似無味精，有家的感覺今次承惠35蚊，沒有連嘢飲品* 牛腩要加錢，值得加錢叫，牛腩碎碎的，偏淋，帶有牛筋，好好味錦記車仔麵 深水埗海壇街219-221號 （近玉石市場）（ 8：00am 開門 ）店舖細細的，只得六個坐位多數都係街坊幫襯只得一個姨姨做嘢------------------------------推介：牛腩🐮 水蛋🥚炆冬菇🍄

#錦記車仔麵 之前食過深水埗一間車仔麵覺得麻麻地，有網友介紹一間同區小店，主要做街坊生意，冇乜名氣但實而不華，同我有啲相似😅去到嘅時候見到事頭婆食緊飯，佢好客氣咁請我等一陣慢慢睇食啲乜嘢，我本身想叫三餸一麵，唔理價錢叫豬紅豬腸魷魚配油麵，加腩汁。但可能忙中有錯，事頭婆畀咗牛腩我冇畀豬紅，食車仔麵又點可以冇豬紅呢，所以就請事頭婆加返少少豬紅畀我🙏豬紅真係食返以前傳統車仔麵嘅味道，上一次嗰間淡然無味失敗中嘅失敗。咖哩魷魚並唔係求其加啲咖哩汁上去扮曬嘢，咖哩汁夠濃，魷魚少少硬，主要係魷魚鬚。豬腸都夠入味，有少少煙韌不過都夠淋。至於油面不得了，正常份量但有麵嘅香味，同樣食返以前細個車仔麵嘅味道，一個字，好食❤️研究咗個餐牌好耐，原來三餸一麵只係$32，真係超級平！當然個別送係要加錢，好似豬腸魷魚同事頭婆畀錯嘅牛腩各自要加兩蚊，本身我碗麵$38，加返少少豬紅事頭婆象徵式收多兩蚊齊頭$40。都仲平過上次食嗰間，但今次好食好多。呢類型懷舊傳統小店買少見少，街口位不起眼，不過就隱藏住美味，平平地值得一試。錦記車仔麵深水埗海壇街219-221號

好耐冇食過車仔麵，自從任你點執左笠之後，我都冇食過車仔麵咁滯我係深水埗都係食開佢個tea set 扣底。突然想食車仔麵，醒起屋企附近有間細舖，成日經過都未食過。去買個3餸車仔麵試下先。餸唔多選擇，叫左個油麵，魷魚、蘿蔔、豬紅，要腩汁少辣。盛惠36蚊。麵有d淋，唔知係咪拎番屋企浸耐左，豬紅同蘿蔔好入味，魷魚就普通，冇咩特別好食或難食。整體黎講，唔算話特別好味，但以價錢取性。以呢個價錢黎講都冇咩可以彈。如果醬料濃味番少少就very good。

懷舊車仔麵(三餸)🍜$28落雨濕濕，去咗間小店避雨🥸地方唔算好大，坐位亦都係得4、5個😅落完Order，煮完先收錢😉結果我就叫咗碗米線😆配韭菜餃、豬頸肉同咖喱魚蛋😬份量都Ok，豬頸肉都幾好食👌唔算貴，味道就普普通通😆錦記車仔麵 (深水埗)深水埗海壇街219-221號

📍錦記車仔麵 (深水埗)深水埗海壇街219-221號-見openrice有得直接落單勁方便，外賣自取前後10分鐘食得😍😆-懷舊車仔麵 一麵三餸🍜$25-不得不讚居然自動幫你湯麵分開上！！！1️⃣粗麵、必叫兩大隻韭菜餃🥟、兩粒咖哩魚蛋🍛、三條肥嘟嘟芝士腸、免費送左幾棵生菜🥬1️⃣比較淋身少少幼麵、入味好多舊豬紅、好多舊白蘿蔔🥕、牛腩片🐂 、免費送左幾棵生菜🥬🌶其中一碗叫左辣真係好辣大家小心🌶碗仔翅魚肉雙併🐟$23-麻油味超級香濃😍魚肉混入芫荽🌿係我至愛呀，碗仔翅🥣配料都豐富右肉絲、冬菇、粉絲等！好飽肚又大碗！燒賣（一串六粒）🥢$7-好有中學小賣感覺之勁淋身整到爛爛地地燒賣😍😍

一向車仔面麻麻，成日經過呢間錦記都無望佢有一日見到佢貼住有「重慶風味：香辣米線」咁就試下啦佢個香辣米線係28蚊，但個餸係雞腎，我唔食，我話走雞腎，咁佢好好話可以幫我轉餸，叫我係車仔面的餸入面㨂，咁就轉左餃子兩粒疫情關係，都係外賣返屋企食安全的，咁面同湯都分開，讚。我叫左小辣，咁都好味，佢呢個香辣米線其實係酸辣，有加左的花生粒，口感幾好。湯底都好味，但個兩粒餃就唔得，的肉同皮分開左啦。 呢個香辣米線可以encore

呢間車仔麵小店好低調，全靠朋友介紹先可以搵到間咁足料嘅車仔麵😋。.店主見我揀唔到食咩，索性咩都俾我試少少，結果都只係收$45😆。佢哋嘅豬腸超好食，夠晒彈牙之餘仲保留左少少肥膏，食落去豬油味好香😈。豬紅香滑無渣，連平時唔食豬紅嘅我都覺得好好食。豬皮入味得嚟又唔會炆到太爛，保持到爽滑彈牙😌。.佢哋嘅魚肉碗仔翅（$25）都好有驚喜。魚肉係店主手打嘅，食得出比起外面嘅多魚肉少粉😮。至於碗仔翅個湯底比平時食嘅更加清甜，所以唔使加胡椒粉都好夠味🤗。.🍜錦記車仔麵深水埗海壇街219-221號

28蚊三送一麵的車仔麵加多個送就$7蚊，我就分埋湯的，照加外賣盒錢雞翼，大大隻的好入味冬菇，又淋又大件，好食牛腩，薄身的，不過味道都OK蘿白，唔算甜，但無渣的粗麵，無鹼水味，唔知點解D麵好爽口哈哈，好食仲有幾條菜食下之後再加少少辣椒油細豆漿 $5蚊枝$42蚊食到飽一飽

$23就可以食到2-3送車仔麵，認真低食，我經常點蘿蔔牛腩➕滷水雞翅米粉或河粉。有時候會點蘿蔔豬皮。距蘿蔔好好甜而且好入味好軟，滷水雞翅都好入味，最欣賞距豬皮無沙夠味道，個湯底又好味，而又唔一般出面好好味而好重味精果種。總體好味道又便，附近街坊好多一直都有幫襯

為了要準時到惜食堂當義工，所以一早便乘巴士到海壇街，下車後，趁著還有時間便去找餐廳吃早餐，記憶中附近有一間車仔麵店，走呀走，幸好還在營業。我選了三餸麵，豬紅、冬菇和蘿蔔粗麵，我要求粗麵煑至較軟身，店主十分友善，樂意效勞。先嘗嘗蘿蔔，香甜又軟身，冬菇入味、豬红爽口，麵條軟硬剛剛好，正是兒時的那個味道，保留著傳統車仔麵的精髓，是一碗頂級車仔麵。還有只是$20，真是物超所值。我一定會再來光顧。

三送車仔麵15蚊―碗,平得來又唔難食,係我的至愛!其實以前仲平,10蚊碗咋,麵底推介大家揀油麵,河粉同米粉我今次揀米粉必食牛腩,好好味,煮得好腍口揀牛腩必搭蘿白,之後要埋魚蛋盛惠15蚊其實係4送致岩.因阿姐淥麵個陳淥多條生菜入去