影片
開飯介紹
提供多款大眾化的港式粉麵，招牌菜是新鮮爽滑的雲呑麵。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
食家推介
招牌菜
時代變遷，好多餐廳都隨著時間而作出改革同變新，也有維持懷舊風格。店內只有一張張圓枱，一張張藍/紅色圓膠櫈，一張張簡單而清晰嘅餐牌貼在牆上。圓枱置中位置放上有豉油，醋，辣椒油，筷子筒，牙籤。🍜雲吞米粉$35一碗有4粒雲吞，雲吞都算大粒，皮簿餡多，味道唔錯。米粉軟硬適中，維獨忘記湯底加腩汁，所以米粉偏淡，好喜歡枱上嘅辣椒醬，每次都會加少少，令碗粉麵添加色彩同味道。整體份量比較少。🗯️🗯️🗯️情懷係偶爾想食懷舊粉麵其中一個原因。
繼續閱讀
禮拜六去太子搭跨境巴去內地出站之後見仲有時間就係附近是但搵間麵食🍝做晚飯🥣傳統又經典嘅湯河湯麵，我地兩個人分別點佐牛腩湯河、牛肉湯麵，各💰36一碗，加豆漿或汽水🥤就8-9蚊，搭配一碟菜💰18-20蚊。兩個人食得超滿足。完全係超出預期嘅好味😋
繼續閱讀
#小秘書 對港式小食 #情有獨鍾，尤其係 #雲吞麵食🤤 不過傳統bitesize嘅 #港式雲吞 已經買少見少，進化版 #雲吞 已經變到乒乓波咁大先至叫做真材實料😅 有啲舖家為咗做到平價錢，所以只可以將貨就價，好多時都係攞啲雪到冇晒味嘅蝦仔嚟做餡料，味道真係搞唔掂😑早兩日我又返去太子攞藥，誤打誤撞嚟到「錫記雲吞麵食」，一間外貌非常街坊嘅食店。估唔到佢自家製嘅港式雲吞水準都唔錯，難得食到有鮮蝦嘅味道，口感豐富，麵質又幾彈牙，佢爭咁啲 #韭黃 囉🤔 不過今時今日$30可以食得飽、味道又唔差，確係一個唔錯嘅速食選擇。
繼續閱讀
以前去開深水埗，都會去食下啲懷舊嘢，理論上都係平靚正。去開大南街嗰間就唔去啦，今日到基隆街尾太子附近個間，試吓碗雲吞麵。基本裝修同其他雲吞麵舖大致相同，記得細個時啲雲吞麵舖，舖肉多數用黃色燈，小階磚綠白色花地板，開住把牛角扇，因為夏天無冷氣，食到標晒汗，唯一解熱嘅方法，就係整支細裝可樂。上次去大角嘴仲有一間咁上下，不過事隔多年，相信而家都未必喺度。因為間鋪叫雲吞麵食，所以簡簡單單叫咗碗雲吞麵，加個魚皮同豆漿。先講雲吞麵，麵底冇鹼水味但係都冇蛋麵味亦唔彈牙，同黃金商場附近間劉深記差好遠，湯底無香味。雲吞有四隻幾大粒，不過食開都係5粒細少少，唔緊要啦，最緊要係咪好食。好可惜，雲吞裏邊用嘅係雪蝦，而且無落大地魚，變咗係一般食開嘅雲吞麵舖，無乜特別。豆漿就明顯溝出嚟，飲到尾個口有少少糖精嘅酸味。反而炸魚皮就感覺新鮮好食，不過就鹹咗少少，放湯係可以接受。可能物價上升，如果以呢個價錢食就未必抵。考慮到太子區食平嘢都唔係咁易，所以用嚟填肚都係可以嘅。
繼續閱讀
近排有啲熱氣，唔想食西餐，又唔想食茶餐廳，經過太子地鐵站附近見到呢間舊式雲吞麵店，就跑左入去。雲吞粗面$30份量都好多，雲吞有四粒，好大粒，而啲蝦又好彈牙好爽。雖然唔係好環保，但係喺舊式麵店度食野，用即棄筷子感覺嚟得舒服、衛生同安心。油菜17元叫咗芥蘭，都好大碟，灼得好翠綠。環境方面都好闊落，都算乾淨同企理。
繼續閱讀