鍋卷鳴門 (已結業)

疫情期間好多餐廳都做唔住，所以今次就直接係OpenRice 睇下有咩新餐廳。見到呢間🟢鍋卷嗚門🟢新開無耐，就立即book 位啦！餐廳環境都好日式！檯同檯都唔會好逼。可愛既飲品櫃，仲有好多種手工啤～飲醉左唔記得影了🍻🍻連近期新出既牌子都有😍呢度最大既gimmick 就係可以自己夾海鮮！全部海鮮都識得郁嫁！！瀬尿蝦拍得住龍蝦咁大條😍😍😍仲有鮑魚 蝦 等等OpenRice訂座送龍蝦同吞拿魚刺身龍蝦打邊爐好鮮甜，好幸福呀❤️❤️放題魚生質素好好！唔係連鎖店質素。最愛大大粒帶子！靚肉肉～食到捧住個肚～ 好想快啲再食！🥰🥰🥰

上星期提早慶祝朋友生日，無意中發現有間餐廳有得玩又有得任食海鮮，就決定去鍋卷鳴門。餐廳設有三個套餐，今次就食下忍之卷餐廳！是日自助區活海鮮每日會吾同，但絕對系每日新鮮運到！重點自己夾自己焯，任夾吾嬲，最緊要系食得晒。夾之前要攞定冰同冰水，將夾左既海鮮浸落去筒入面，令海鮮吾洗跳反出黎。另外有任食火鍋配料，任飲汽水！餐廳系任食雪糕，又可以盡情食喇！番茄羅宋湯底：非常足料既羅宋湯，當中既番茄份量好多。但記住不時要攪下個底，以免痴底。味道甜多於酸，幾配以焯海鮮。草蝦(九節蝦)：作為愛蝦者必定要夾！夾既時候，草蝦好生猛游得好快添，夾個陣真系有啲驚驚地。草蝦焯後亦相當大隻，口感極之實肉！食左甘多隻蝦亦無一隻系死蝦黎啊！賴尿蝦：以任食方式有甘大隻賴尿蝦，真系第一次見！每隻大到長過隻手掌！賴尿蝦味道勁鮮甜，有一、兩隻會有膏添，同樣地絕無一隻死蝦來的。大連鮑魚：又系大大隻既鮑魚，就算焯後亦吾會縮到好細隻！口感吾錯，吾會太過硬口、林口。鮑魚鮮味十足，甜甜地添！藍花蟹：蟹size適中，吾系水蟹同死蟹。蟹肉好鮮好甜，蟹肉既份量吾算少。刺身：刺身選擇吾算多，但味道亦鮮。可惜每次點既數據只按人頭落，如果想食多幾片

首先作為選址比較偏，甘見到其他食評寫得好好，就約左黎，入黎只有幾台人，開始就任撈海鮮（鮑魚，瀨尿蝦，沙甲，海蝦引，水蟹）冇啦！瀨尿蝦部份死既但真係大隻，全場最抵食就它及鮑魚。但比其他有設活海鮮撈東西既桶好細，每次夾得3-5隻，夾左兩輪就唔補充瀨尿蝦然後就話夠鐘。刺身方面直程就得三文魚同墨魚，咩都冇，就連主打火鍋既配料都少過人，只有牛烏冬連丸類都係得1款。甜品有幾款，但成晚只食左兩款，因為未食夠就比叫停，差啲連雪糕都冇得拎，佢係1小時半前既5分鐘提你。未夠鐘就預先半小時停唔比出去，呢個都理解，過左十分鐘就同我講夠鐘要埋單走人，但明明我仲有成30分鐘，後來同佢哋職員講先承認自己睇錯。甘如果我唔講就已經比佢哋自動cut左半粒鐘，而且我真係最後一台，但入座時才8點前。只想知其他寫話抵食個啲係唔係槍手？？於我而言，只此一次，食左成2000蚊，寧願去酒店食。起初諗住任食撈活海鮮抵，其實就係個焯頭，有部份死咗，又唔會補充，都冇其他食活海鮮抵食。或者係我黎得唔合時又或者係要好早到場，例如食午市。。。。晚市真不推薦

咩話？打邊爐都竟然有游水海鮮食？冇錯，真係冇睇錯，仲要係可以自己撈自己夾既游水海鮮！咁正，真係除左呢到邊到搵！有幾個ＰＬＡＮ我揀左最平果個因為今次我目標係食海鮮！已經好夠食！見到呢到咁生猛既海鮮真係即刻餓到肚都叩埋本身以為得Ｄ蝦啦除來佢除左蝦仲有兩款蜆、大大隻蟹同埋瀨尿蝦想食豪Ｄ既仲可以加錢食其他海鮮添，正呀當然亦有唔同既蔬菜、火鍋食物同雪糕啦關東風壽喜燒湯、秘制麻辣鍋壽喜燒甜甜地清清地，打邊爐最岩秘制麻辣鍋唔會太辣，而且辣中帶麻有層次呢到Ｄ蝦勁新鮮如果就咁放落火鍋到佢會彈走所以一定要先放落冰水到雪到佢唔識郁先要特登咁樣做證明真係幾生猛所以基本上你都唔洗擔心佢既質素食海鮮只要夠新鮮既話真係唔洗搞咁多野食佢既本味已經好夠又新鮮，又爽口，又彈牙就算你去海鮮檔食都未必隻隻咁新鮮呢到隻隻自己夾，包保新鮮但係人頭四百幾蚊你去海鮮餐館可以食到Ｄ咩？所以呢個價錢真係超值睇下Ｄ蜆幾大隻隻隻蜆煮完都識開口證明堅係新鮮最重要係佢爽口又鮮甜真係食多多都唔夠呀呢到既肉亦都十分之高質牛方面有美國牛小排同澳洲牛板腱，豬肉亦有熊本豚肉眼片樣樣都各有特色我就最鍾意美國牛小排啦，因為佢既油脂又多又平均，令你食到油脂香之

呢間位於旺角既火鍋店，最大賣點係任食游水海鮮，咁著數，梗係即時衝去食啦雖然比一般火鍋貴少少，但係以可以任食游水海鮮黎講，直頭係超值環境都幾舒服Ｄ海鮮多到好似去左西貢長洲Ｄ海鮮店咁，隻隻都又大隻又生猛而且種類都唔少，有蝦有蟹有蜆仲有瀨尿蝦，見到都流晒口水除左常見既飲品竟然仲有生啤各種蔬菜同雪糕就當然唔少得秘制麻辣鍋／關東風壽喜燒湯個麻辣鍋真心高質佢辣得黎唔係得個辣字佢係辣得黎會食到有唔同層次陣麻香係會慢慢滲出黎而且唔會過辣而蓋晒食材既原味至於壽喜燒湯底就夠晒穩陣呢到既肉品可以揀熊本豚肉眼片、澳洲牛板腱同美國牛小排豚肉眼片口感勁軟熟，而且有陣陣豬肉香，仲要食落唔會肥膩感澳洲牛板腱特點係油花唔多，但分佈均勻，最重要係佢肉味十分香濃，怕肥人士岩晒至於美國牛小排就油脂味香得黎口感細膩，必食之選另外當然唔少得既就係呢到既海鮮仍連蜆都有分兩個品種，一隻大Ｄ一隻細Ｄ，但係各有特色細Ｄ既蜆就鮮味Ｄ，大Ｄ既就啖啖肉最重要係兩款都幾乎冇沙，勁有誠意但令我最驚喜就係呢到既蝦真係勁生猛，捉佢上黎都幾考技巧將佢放落冰水到浸暈佢先煮咁一來佢唔洗咁痛苦，二來都唔怕佢彈到周圍都係呢到既蝦新鮮生猛到連夾都難夾，因為個夾一

同媽咪補祝生日, 知道佢中意食海鮮, 唔想自己買料又要洗又要煮, 出街食又唔想挨海鮮價, 同事介紹旺角新開咗間海鮮火鍋放題, 仲要親自即撈, 即放入鍋打邊爐, 百分百新鮮, 聽完即時book檯同媽咪去試試。新開關係, 環境舒服又新淨, 門外展示出每晚供應嘅活海鮮種類, 三個價錢套餐選擇, 分別在於用餐時限同埋火鍋肉類, 而每個價錢同樣都食到同款海鮮, 所以對於為海鮮而黎嘅我地, 最basic最平個套餐”下忍之卷90分鐘”已經足夠。入座前先揀湯底, 我地揀咗人氣嘅蕃茄羅宋湯。入座後店員簡單介紹去自助區夾海鮮注意流程, 每張檯都有個小筒, 用以到自助區夾活海鮮。自助區設於餐廳一個角落, 放置了一些火鍋配料 (例如丸類、蔬菜)、麵食, 當然仲有主打嘅魚缸, 放了鮮活生猛嘅海鮮, 包括有蜆、花蟹、草蝦、賴尿蝦、鮑魚,飲品方面以樽裝為主, 有汽水、果茶將冰塊加落小筒中, 再將海鮮夾落筒, 目的係將生猛海鮮凍暈, 雖然極為殘忍, 但自己夾, 絕對保証到所食嘅係百分百新鮮, 而且幾有玩味。雖然呢款蝦叫草蝦, 但size大大隻, 超肥美, 熟後超鮮甜爽彈。賴尿蝦size更誇張, 大隻得有如手掌般長,

火鍋放題食得多，不過可以無限次喺水缸夾活海鮮嘅就真係第一次，真係海鮮迷福音呀。放題套餐分「下忍」、「中忍」且同「上忍」，三者嘅分別係時限同牛肉種類。入座時先揀湯底，我哋揀咗鰹魚清湯同蕃茄羅宋湯，鰹魚清湯唔會遮蓋海鮮味道，而蕃茄羅宋湯就開胃，爭強戰力。第一時間出去自助區先，個水缸都好大吓，而且水質乾凈清澈，食得放心。是日海鮮有草蝦、藍花蟹、沙白、瀨尿蝦、大連鮑魚，全部都係鮮活嘅，夾起放入冰桶凍暈佢就可以拎返枱打邊爐。以為任食質素會一般就大錯特錯。草蝦都比一般蝦大隻，超生猛遊得好快好難捉；瀨尿蝦全部都好大隻，蝦殼好易就剪開而且肉唔係黐殼，啖啖肉真係超滿足；大連鮑魚有掌心咁大隻，口感爽彈；藍花蟹嘅蟹肉雪白鮮甜。除咗海鮮，自助區亦有其他火鍋配料，亦都可以掃QR code手機落單，有火鍋牛肉、天婦羅料理、刺身等等。餐廳雖然以海鮮做賣點但其他食品質素都不錯，牛肉鮮嫩味道濃郁，天婦羅係即炸，刺身厚切肥美，仲有熟食醬油蝦都幾惹味㗎。我哋兩個人分工合作，一個負責攞海鮮，一個負責淥，都食咗好多海鮮，回本有凸，超級滿足，海鮮迷一定唔可以錯過！

原來通菜街宜家有一棟專係食野既大廈叫deli23/F就係鍋卷鳴門日式海鮮火鍋放題專門店 最正係有新鮮海鮮新鮮到係係個魚缸到直接撈 想食咩就撈咩 撈完就放落個煲 麻辣/蕃茄/鰹魚清湯/壽喜燒湯個d都好基本所以我特登想揀d特別d既湯底本身想試下博多牛腸湯 有得無限追加牛腸 但賣哂了所以我就揀左 “清酒煮蜆湯”一上台已經勁多蜆 仲要真係有肉唔係得個殼個d *下忍之卷* $468/位好好玩 係水缸自己夾時令海鮮 每日都唔同同款式今日就有鮑魚、賴尿蝦、海蝦、石白蜆、蟹90分鐘任你食 勁食海鮮抵返哂自助區仲有得拎火鍋配料、甜品同飲品話明放題 另外QR code 落單都有其他野任食澳洲牛板腱、美國牛小排、熊本豚肉三文魚、油甘魚、希靈魚… 厚切刺身日式小食e.g. 即叫即炸天婦羅蝦 勁爽彈 呢個係幾正

《下忍之卷90分鐘自助日式火鍋放題》多個湯底選擇 而我呢個酒鬼就被清酒煮蜆湯吸引了市面上既火鍋店都好少見到呢個湯底成個煲底都係密密麻麻既蜆 酒味煲到揮發哂出黎所以就唔係好濃蜆淆既湯都算係海鮮湯丫用海鮮湯黎打海鮮邊爐 岩哂鮮味多款生猛海鮮 放滿多層大魚缸俾客人自己打撈 相信喺街市都冇試過呢個體驗有鮑魚、蟹🦀、瀨尿蝦、海蝦🦐、大蜆仲提供埋冰粒俾你冰住行返埋位啲蝦真係生蝦咁跳 淥熟之剝殼食肉質特別嫩隻隻賴尿蝦都咁大隻 仲好多膏添鮑魚真係冇得頂 一啲都唔韌 大大隻半隻手掌咁大 我一個人都食咗四隻除咗海鮮 當然唔少得肥牛任叫美國牛小排、澳洲牛板腱🥓薄切 焯一焯就食得其他火鍋配料：魚蛋 墨丸 牛丸 貢丸 芝士丸 芝士腸芋絲 粉絲 皇帝菜 羽衣甘藍…仲有好多款經典玻璃樽汽水🍾最後當然要去雪糕櫃度搜羅一番特登攞咗個以前小朋友成日食嘅阿波羅朱古力雪糕🍦

生日月，朋友同我嚟一個瘋狂海鮮夜！喺門口已經睇到自助區活海鮮嘅是日精選，竟然有賴尿蝦，好耐冇食過，有期望呀！放題有三個級別，湯底亦都有唔少選擇，想加錢食個清酒煮蜆湯，可惜今日冇，如果唔係用嚟煮海鮮應該好正！場內環境幾大，我哋兩個人就已經有一張大枱，可以放到好多嘢食。唔理咁多，即刻出去夾海鮮先！夾海鮮個筒比較細，一次夾唔到好多，如果大返啲就好喇。出到去個魚缸有好多新鮮嘅海鮮，隻隻生猛，揀啱邊隻就即刻夾起佢，再放入冰筒冰暈佢先。見每枱食客都好努力咁食海鮮，而我全晚都係去夾、淥、剪、拆、食，不停loop，好忙碌。 賴尿蝦咁大隻，肉質比較腍同鮮味！仲有九節蝦，肉質結實、爽彈，而且每個蝦頭都有蝦膏，滋味無窮；大連鮑魚唔使淥咁耐，咁就會有嫩滑口感，第一次無限食鮑魚，點可以唔食多幾隻呢，正！另外我好鍾意日式醬油蝦，係需時製造，上台嗰陣時熱辣辣，香味四溢。醬油味滲晒入隻蝦入面，咸香有特色。雖然美國牛小排同埋澳洲牛板鍵都好好食，不過今日佢唔係主角，我只係食咗每樣各一。飲品有支裝汽水、咖啡、朱古力、美祿、蜜桃茶、金橘蜂蜜綠茶⋯⋯最後要食埋甜品。吃喝玩樂嘅一晚，瘋狂又開心！

朋友超鍾意食海鮮，今日就約佢嚟食旺角嘅「 鍋卷鳴門 」！第一個感覺係坐得舒服，然後就覺得好正因為見到海鮮區！全部海鮮都可以自己打撈㗎，我呢啲活生生夠晒新鮮，淨睇都知高質！【 下忍之卷 $468/位 】限時90分鐘除咗包括海鮮區活嘅鮮活海鮮，仲有蔬菜、丸類、任飲飲品、啤酒，電子落單仲有得任點牛板腱、牛小排、豚肉、天婦羅、沙律、熟食等等，好豐富。+$50 點咗 雙拼火鍋湯底 ：《 蕃茄麻辣湯底 拼 傳統鰹魚湯 》以前拍拖活海鮮佢有鮮活大鮑魚、兩款鮮活大蝦、兩款鮮活蟹及中蜆！客人自己可以自助夾海鮮，真係好食又好玩！蝦好大隻 蝦頭好香 肉又厚身鮮甜又爽彈；飽魚好大隻，滾耐左都無變韌，仍然鮮嫩彈牙；兩款蟹各有特色，我地都食咗十幾隻。細嘅啲肉實結實啲甜啲，大隻嘅就蟹膏香口，肉鬆散啲但都甜。另下仲食左好多冰菜、同其他蔬菜同火鍋配料；除咗海鮮呢度嘅肉類都幾高質，必食！我個人喜愛呢度嘅肉類切得夠薄，輕灼就食得，鮮嫩又有肉味，我地都enocore咗每款好幾次！任點炸物、熟食都唔錯！我覺得呢個炸甜薯餅好好味～邊食海鮮、邊嘆啤酒已經夠正！最後當然要留肚食雪糕！因為雪糕、雪條都係任食，我地食咗好多盒movenp

今次去呢間好正既放題，有勁多海鮮自己撈，又有刺身、小食、炸物、煮物、雪條同啤酒飲品，全部任食任飲，淨食海鮮都值回票價。地方都好大，冷氣夠又坐得舒適。價錢分三個，分別係上忍、中忍有120分鐘同牛肉會靚D貴D，而下忍90分鐘有牛小排同牛板腱，我加左$58要清酒蜆鍋，有勁多蜆。先出去撈海鮮，有個大魚缸放滿幾款海鮮，有賴尿蝦、海蝦、蟹、鮑魚、蜆，先拎左冰粒用黎冰住海鮮，因為d蝦一夾就彈，撈鮑魚同蜆就最安全，蟹就有繩唔怕郁。賴尿蝦全部都好大隻，個裝海鮮小筒都差d唔夠位放，d肉嫩嫩地，好鮮甜。海蝦好巨大，d肉勁爽彈，口感超好。蟹唔算好大，但係蟹肉一絲絲好新鮮，d汁仲好鮮味。鮑魚比平時街市買到既大隻，好厚身但唔會硬，反而勁軟腍同彈牙，可以勁食。蜆就同個鍋一樣，都肥美嫩無沙。牛小排，雪花好靚分佈平均，肉質鮮嫩，肉味重又香。牛板腱，好咬有彈性，味道濃郁。豚肉片，嫩彈滑口又唔算好肥，食完唔膩。呢度仲有啤酒任飲，有兩款揀，配海鮮同牛肉真係好爽，仲有特別既玻璃樽裝汽水同茶，自己開同夠哂凍，都好正。炸蝦天婦羅賣相靚，個炸粉薄，蝦都大隻同明確好爽口。帶子天婦羅好食，帶子都大粒又夠嫩。炸香蕉甜甜地又綿又香。蒜片牛柳

餐廳以日式設計，有忍者元素，座位寬敞舒服，乾淨光鮮，連張枱都夠哂大張，可以放哂D食物。餐廳可以任食任飲，有分3種級別嘅牛肉及用餐時間，價錢 $498-788。我揀左下忍之卷 $498/ 90分鐘，有美國牛小排及澳洲牛板腱。湯底有六款選擇，仲可以加錢要牛腸鍋，我地加左錢要清酒煮蜆鍋，因為仲有任食海鮮，所以個清酒鍋就岩哂涮海鮮，清甜甘香提鮮。5-8款時令海鮮，我地當日有6款海鮮，可以自己出去夾海鮮，再涮熟食，非常新鮮且很好玩很有趣的體驗，d蝦真係好有活力不停彈，要用冰震方法令海鮮唔郁。海蝦超級無敵大隻，肉質扎實爽彈，蝦味很重，蝦頭好多膏好正。鮑魚亦很厚肉大隻，口感超好，肉質柔軟易咬開，好彈牙好滿足。賴尿蝦同樣大大隻，有手臂咁長，鮮甜肉嫩。蟹就有大有細，但d殼好易碎，非常易食，蟹肉鮮甜又汁，唔多膏。蜆及貝好飽滿爽甜，令成個鍋都充滿海鮮味。當日刺身好快售罄，所以只點了爽脆的馬刀貝、柔軟綿滑的甜蝦、多汁嫩彈的八爪魚。美國牛小排，脂肪豐富且分佈平均，肉質鮮嫩，牛脂香同肉香。澳洲牛板腱，牛味更濃，肉質細緻有彈性，口感更有咬勁。還有熊本豚肉片，唔會好多脂肪，但就甘甜微彈。天婦羅都做得幾好，炸衣薄又唔會

簡直係心中No. 1海鮮放題，今次我哋係平日午市2人，OpenRice 訂位有8折，埋單$1058。海鮮全部都係鮮活，有賴尿蝦，蟹，蝦，鮑魚，貝類，自己夾，不過個桶有啲細，而且每檯得一個筒，所以建議一開始夾多幾轉煮咗，先慢慢食。水缸啲水目測乾淨，賴尿蝦同蝦好生猛，鮑魚勁大隻。至於好味程度就中上，賴尿蝦有水缸啲水味，但都理解到，因為即撈即煮，鮑魚記得清理好內在先食，內臟有好多粉紅色飼料未消化完，但肉質鮮美，大啖肉咁食鮑魚真係好爽。花蟹（同賴尿蝦一樣都只有公）不過啲蟹實肉，蟹肉又嫩又甜。蝦同貝類就同其他餐廳一樣，正常水準。建議用蕃茄湯底，可以蓋過水缸啲水味。由於全程專注於海鮮，刺身只試過三文魚，感覺一般， A5和牛正常水準，沒有驚艷之處。另外有出面一堆菜，丸，粉麵，但就一定唔會試啦。飲品幾乎全部有氣飲品，只有紅茶無氣。雪糕有雀巢甜筒，石板街，阿波羅雪糕，雪糕三文治， Häagen-Dazs，Movenpick，Dreyers，認真齊全。美中不足嘅就係得90分鐘，食得好趕，晚市好似有120分鐘，不過強烈建議大家平日午市，因為幾乎冇人，我同朋友兩個人，食到尾聲先至有第二枱客，估計晚市勁多人，夾