鍋心粥底火鍋 (積存街) (已結業)

Happy Friday🍻今次有十人聚餐，叫左2個鍋心粥底火鍋既5人餐總共$2000，份量十足，有大量海鮮🦀🦞🦐🦑🦪十個人夠晒有餘，我地都食唔晒除返每人$200真係好抵套餐有海鮮之餘仲有埋菜同肉🥬🥩🥓用粥水打邊爐，最後再倒粥落去煲🍲個粥吸收晒海鮮既鮮味，好正！佢仲可以2位起計，有時想打邊爐人小小都可以訂外賣唔洗自己去街市買料真係好方便，試過之後返唔到轉頭👍唯一係暫時冇送貨服務，訂左要係鋪頭羅~

鍋心粥底火鍋 (積存街) (大圍)📍大圍積存街14號地下來吃窩心粥底火鍋要注意的事情：1. 盡量唔好加太多粥水，會影響粥底嘅味道2. 海鮮粥先加入不同配料再加入粥再食較理想3. 要跟住海鮮最佳時間黎煮，最快個個食物30秒就食得啦，旁邊會有張list寫住品嚐窩心海鮮最佳時間大家留意！ 另外，店舖都會有一個計時器等我地計算海鮮的時間不過用餐限制咗時間，食得有一點趕，佢系分左兩段時間，包括： 6:00-8:00 / 8:00-10:00小編當然跟住店舖嘅建議去食，總共系分咗幾步👉🏻第一步 ： 七款海鮮 鮑魚： 大大隻，幾爽口；花甲、蜆：新鮮，無沙，食得出個種fresh 既感覺； 蟹：多蟹膏，拆殼煩；蝦：大隻不過不失👉🏻第二步： 打邊爐 有 墨魚丸、腸仔、金菇、豬肉丸、肥牛 ，正正常常無話好好味👉🏻第三步： 食粥落南瓜同芋頭，店員會問你想要稀定濃 🔔總結黎講呢間餐廳比之前食過既分店(佐敦店)相比，呢間算唔係好得，店員狂吹你落海鮮，食完野就逼你走因為夠鐘😂個粥又無之前個間甘好食。不過海鮮係非常新鮮值得一讚👍🏻而且埋單價錢都係230左右，所以都好扺！但大家就要預準時間走同食快少少啦😂美味指數：⭐️⭐️

「鍋心粥底火鍋」——————————————店鋪地址：位於大圍積存街18號地下——————————————粥底火鍋🍲, 一定係鍋心最出名 !!!!一坐低, 首先你可以調配你喜歡嘅醬油味道先,之後你可以揀你想要嘅海鮮🦞😚今次我揀咗顯鮑魚、花甲、蝦同埋蟹!!!!啲海鮮都勁好食😋 啲蜆好鮮甜係沙, 鮑魚同埋蟹都好好味😋食晒啲海鮮之後就可以加啲配料,今次我揀咗魚皮、豚肉片到大家食得7788嘅時候, 就可以加南瓜粒粟米粒 芋頭粒 入去粥底入邊!! 然後最後嗰啖粥, 一個字 正!!! 💯———————————————

本人一直都有光顧鍋心粥底，一直覺得性價比okay, 但今日既經歷令我同朋友都O晒咀，首先係我地坐樓上有兩個阿姐負責，其中一個阿姐上菜時，拎住張濕左既污糟紙掃過我既熟既食物同埋醬料，我即時叫停佢同佢講咁樣好污糟，佢就勁不滿既樣行開，之後佢就故意係我地食嘢傾計期間不停走黎話唔夠時間食，最後一次盡要勁串問我地: 連我EQ高既朋友都忍唔住同佢講我地盡有半個鐘，食淨兩三樣野唔通半個鐘食唔晒，同埋我地亦表明最後唔會食粥，之後佢就眼睥行我地，之後佢7:30派單比我地，派完唔夠一分鐘走黎我地依枱收錢又話趕時間，但靜係催我地依枱，無催其他枱，完全玩針對性。之後佢就故意大大聲同前面佢兩枱佢既熟客係度講我地，説話十分難聽。食飯食到比人當監躉咁真係第一次！！之後落樓下同負責人投訴，果個阿姐盡要走出黎鬧我地，負責人就話會同佢講就敷衍我哋。之後返到屋企盡要肚痛肚屙，真心建議想食依間餐廳既顧客認真考慮一下其他良心食店！

因為同朋友好耐冇食過火鍋，但又驚熱氣，於是決定黎試下呢個聽落罪惡感冇咁高嘅海鮮粥底火鍋海鮮選擇好多，我地揀左蟹，鮑魚，沙白蜆，花甲，大尾魷，蟶子，海鮮全部都好新鮮，好好食然後其他火鍋配料揀左魚皮餃，馬蹄雞滑，肥牛同各種丸子等等雖然每樣分量都唔算多，但兩個女仔食已經好夠最尾個粥真係好jeng，吸收曬之前海鮮的精華，勁鮮甜，完全就係精華粥，不過因為之前食曬d海鮮已經好飽，d粥食唔曬最後打包做第二朝嘅早餐，依然好好食

限左時間，食得有點趕海鮮整體係新鮮，每人頭配半舊魚,幾甜蟹，有羔，唔水蝦都爽甜蜆冇沙，但冇咩味就數量尚算OK另外可以加海鮮的不夠我地都夠食二百幾係合理牛肉係大路野，叫有肉食下最尾個南瓜底加油炸鬼粒的粥，真係要食，幾飽都要索哂海鮮同肉的精華

想同男朋友嚟食粥底火鍋好耐喇！終於等到呢一日，順便慶祝白色情人節啦！甫坐低，店員就俾咗一碟青葱乾葱蒜頭辣椒四色拼盆我地做前菜，等緊粥水滾起嘅時候，有啲肚餓，食咗幾粒蒜頭頂住先。然後就一邊剔紙仔，轉個頭以下嘅配料就火速送到：海鮮選擇：膏蟹、鮑魚、沙白蜆、花甲、大尾魷、蟶子、蝦首先將沙白蜆同花甲倒落去，熟透後撈上嚟。再倒膏蟹、鮑魚、大尾魷落去煮。最後再倒最易熟嘅蟶子同蝦落去。海鮮都非常新鮮，啲蝦腳仲識郁的！好多膏啊！鮑魚超軟熟，好好味！火鍋配料：西班牙豚肉片、韭菜餃、炸魚皮、馬蹄雞滑、蘿蔔、竹笙食曬所有海鮮之後，就將火鍋配料倒埋落去，一次過煮熟享用。到我地食到七七八八，以下嘅配料就送到，店員就叫我地倒落去個鍋度，然後加埋佢俾嘅粥底，滾一陣就食得。粥底配料：芋頭粒、南瓜粒、粟米，另外，仲有豬油渣、菜甫、芫荽。最尾啖粥完全索曬海鮮嘅精華，真係零舍鮮甜！一滴都冇浪費到，好開心呢！$200唔駛加一，性價比超高的！

天氣凍最啱就係打邊爐 不過收工又無時間買靚料即刻係openrice訂定餐先 外賣套餐2人份 可以打電話過去改3人份都得 包2樣指定，5樣自選海鮮，8樣火鍋餸，粥底材料，醬料佢地海鮮每日唔同 我地當日指定海鮮揀咗：龍蝦，沙白蜆自選揀左：鮑魚，花甲，海蝦，大蚌，多寶魚（睇返相仲有小量蝦同蟶子？）指定蔬菜（粥）：南瓜粒，芋頭粒，粟米件自選火鍋料：雞骨丸!!!，豬梅頭，芝士腸，王芽白，蟹粉包，響鈴，肥牛，竹笙 超級推介雞骨丸！好正，有啲軟骨咬口海鮮樣樣都好新鮮，龍蝦啖啖肉，唔係幾夠候添🤪第一次打邊爐食多寶魚，啲邊位比較多骨，好滑建議參考佢堂食既食法次序應該係先食海鮮，再食火鍋料，最後食哂啲餸先落粥底料佢有米水提供用黎加水，粥可以根據個人口味黎落蔬菜料加左南瓜粒真係好香好鮮甜🤤🤤呢個餐又方便有又抵食呀 十分推介！！！🤩🤩！

疫情又再逼埋黎，見到一個一個跳舞群組係咁中招係咁爆發🤦🏻‍♀️都吾敢出去食，唯有叫外賣番屋企啦😌下就2點打去好彩重有得叫💃order 左收工就可以拎埋番屋企喇💃💃💃揀咗龍蝦餐🦞，鮑魚，蝦🦐同多寶魚都好新鮮🤤,重有我叫左我最中意既雞軟骨丸🤤超好食👍🏻比左2樣米水打邊爐🤤同其他配料（辣椒，蒜頭，豉油）好細心，連粥既配料都齊晒🤤👍🏻，打完邊爐再食粥、好飽好滿足🤤🤤，下次可以再叫外賣👍🏻

今日去咗大圍試吓粥底火鍋，二百幾蚊一位，呢個價錢算抵，而且海鮮都好新鮮，性價比好高！ 左邊嘅肉蟹餐就$200一位，右邊嘅波士頓龍蝦餐就$220一位。再自選五款海鮮，八款火鍋配料。我哋揀咗波士頓龍蝦加沙白蜆餐，海鮮就揀咗鮑魚、大尾魷、花甲、貴妃蚌、蟶子。總共有七款海鮮。店員問我哋加唔加象拔蚌，$30/2隻，我哋叫咗4隻。食完晒所有海鮮之後，店員就會上火鍋料開始打邊爐。佢會比一碗南瓜粒、芋頭粒、粟米俾我哋放落去個火鍋度。火鍋配料我哋就揀咗自家製手打雞骨丸、西班牙豬梅頭片、萵筍、竹笙、粟米餃、豬腸、花膠仔。食晒所有火鍋配料之後，店員就拎啲粥出嚟，再加埋菜甫粒、冬菜、大頭菜粒、芫荽、豬油渣粒，有啲咩唔想食嘅話可以叫店員唔好落。然之後佢就會幫我哋撈晒啲嘢。全部海鮮都好新鮮，好鮮甜，有啲海鮮仲郁緊，好生猛。而且都好多肉，好肥美，口感好好。每張枱都有個計時器同埋有張教學教每樣海鮮煮幾耐，清晰易明👍🏻而火鍋配料就同平時打邊爐差唔多，但係自家製手打雞骨丸就好好味，食落去會咬到啲雞軟骨，其他材料就正正常常。至於個粥就唔覺得太有海鮮嘅味道，食到啲南瓜、菜甫味，但係都係甜既。成個餐好豐富，食到飽一飽走人👍🏻👍

本來開開心心同朋友食餐飯，但到了買單就遇到一個超級串嘅女職員，態度極差，非常囂張，唔知用咩形容佢，真係一肚氣，卡機壞咗，錄唔到卡，大概搞咗10分鐘最後都係簽唔到，俾咗現金，發票都冇俾我，唔好意思多謝都冇講一句，以後都唔會再幫襯㗎啦！貴公司應該要正視，好好培訓呢啲冇禮貌嘅員工！

二人餐，份量十足，乜都有d,最適合貪心既我地。人少少，乜都想食，樣樣海鮮又想食少少海鮮、肉又想食少少、丸又想食少少、菜又想食少少。呢個二人餐就最啱，每位$200.2人起計。我哋今次四個大人食，叫咗兩個二人餐，款式又會多好多。加錢（好似幾十蚊）叫多咗龍蝦一份， 龍蝦好大隻，好抵食。不過要一日之前訂定，同埋要七點先可以攞到貨，亦都冇送貨服務要自取。不過食物會Pack得好整齊，啲醬油同配菜都會pack得好整齊,一包包。

限聚令終於放寬，呢個weekend約左幾個好友黎到大圍食海鮮粥底火鍋，我哋預先已經book好左8點半，來到店外面需要花少少時間排隊入場。由於唔係我book嘅關係，最初我都唔知道幾多錢一位🙈，不過嘢食嚟到之後都相當滿意。我哋嘅套餐包咗好多海鮮，當中有龍蝦，鮑魚，沙白蜆，花甲，大尾尤，貴妃蚌等等，海鮮都新鮮無異味，不過d蜆仲有少少沙。而非海鮮類就有牛肉片豬肉片，響鈴，蝦餃仔，小籠包等等。當你食晒所有食材之後，店員就會幫你加粥底，仲會加豬油渣，香菜等等嘅配料煲粥，食完碗粥真係好滿足，順帶一提呢度嘅職員都好有禮貌，我相信主要原因係一個職員要負責嘅枱數唔多。我地最後埋單二百幾蚊，呢個價錢其實幾抵食，有機會會再嚟。

新鮮高性價比海鮮粥底火鍋我本身好鍾意打邊爐，一見到火鍋已經好吸引，仲要係海鮮火鍋，吸引度更加加分，未試已經流晒口水，當試完一次之後，便愛上了。我已經食過幾次，真係好新鮮，好足料，性價比極高，值得回頭的火鍋店。首先佢嘅海鮮很多唔同款式選擇，例如有蟹、龍蝦、鮑魚、元貝、帶子...其他火鍋配料我也很多選擇，主打海鮮已經足夠吸引了，一家大細食飯仲啱，因為佢選擇多樣性，適合每一個唔同口味嘅人。因為疫症及方便的緣故，我們一家人試過叫外賣，比我想像中方便，喺屋企食都OK，真心推介這間店，值得回頭的火鍋店。😁不過提一提推BB車的家長，這間店是很迫的。

非常趕客，全程望住你，係咁收你d 碟，定時定候叫你落野，仲係咁吹你快啲落粥底，我哋第一次去食，唔熟落嘅次序係好正常。好地地一餐飯，食到趕頭趕命！永遠唔會再幫襯！！！建議大家都唔好去受氣