鎔記潮州飯店

營業中

休息中

九龍城的潮州菜不少，也路過這潮州小店很多次，但今天才有機會幫襯，有點期望，它也沒令我失望。這裏不像一般街坊小店，它十分光猛、企理、乾淨，很難得，它還有哪些桶型座椅讓你放包包，十分貼心！由於我們只有兩人，只點了一碟什麼都有的潮州雜錦鹵水，扒白粥，一流！意猶未盡，我們還點了一條很邪惡的炸大腸，這炸大腸不是那種橙色、有菠蘿、薄薄的炸大腸，它的外皮不但炸得香脆，由於它是用大腸最厚肉的腸頭做的，所以還啖啖肉，是食肉獸的最愛 ！

黎九龍城按摩朋友想食潮州菜就係openrice揀左最多好評既去食鋪頭細細但勁多人😂就以為充滿期待...點知🙈呢度用左好出名既楊氏元朗烏頭但唔知點解烏頭係室溫 同以往凍食既唔同肉質一般 而且亦唔鮮甜部分位置會有腥味 但整體還好好彩佢個辣油 香而不辣為佢加返唔少分🙈之後見到幾檯熟客都係食大眼雞可能大眼雞比較好食？伙計推介我地叫大拼盤可以試埋滷水鵝結果鵝肉好鞋 而且好多得骨😭拼盤入面比較推介係豬頸肉同墨魚滷得入味、彈牙其他無咩特別 而且豬大腸有d臭味🤮同埋滷汁整體係偏咸比較適合送酒食單食有d辛苦蠔仔粥叫左個細 都勁大碗🤣而且十分足料👍🏻蠔仔飽滿肥美 不過食到一兩隻會腥😂😂同埋入面有方魚脆脆食落口感好多層次 唔錯❤️差唔多每檯都會叫既炸蠔餅超級大份明顯比蠔仔粥既蠔細粒d不過依然分量好多 而且唔腥👍🏻粉漿好薄身 食落唔會油同太熱氣😂洋蔥超級香口唯一唔好就係唔夠脆😔不過係成餐飯最好食既❤️餐廳除左一黎既潮州菜仲有其他好似大牌檔既菜式我地試左兩款沙嗲汁完全係茶記質素牛肉都係個種用左鬆肉粉醃到無味既勝在好大碟不過價錢都唔平同坊間食開既好唔同雖然上檯熱辣辣 但唔係脆身既而且椒鹽味亦欠奉😔入面釀左好似蛋黃既料

去親九龍城都係食泰國嘢，難得今次想試其他，就去試吓呢間打冷。但因為就快到堂食禁令時間，唯有買外賣番歸食。因為主要想食潮州滷水拼盤，但又唔知揀咩餸好，就揀咗佢哋嘅大滷水雜錦，份量真係好多！😲首先佢嘅滷水汁好夠味，啲料都係用滷水汁去滾熟，所以全部都好入味，最正緊係鵝片啦，入味有口感而且唔騷，第二最愛係鵝腸，爽口彈牙又唔韌，仲唔會好肥，真係好襯滷水汁！我地亦都好鐘意佢既鴨腎，厚度適中，而且好香。佢嘅「雜」係好多份量，真係比足滷水料我哋，又唔會有極多芽菜墊底。入面仲有魷魚，紅腸，豬腸，豬耳，豬肚等等，性價比一流！👍🏻老闆娘仲好好人，知道我兩個人share食，比多咗好多飯我，佢個辣椒油都好正好惹味，真係抵食之選！最後啲滷水汁好味到我地清晒啲飯🤭原來呢間打冷中午就開門，下次lunch經過可以再買外賣番去食😏

屋企人鍾意食滷味，呢日去開九龍城醒起同事講過「鎔記潮州飯店」嘅出品唔錯，於是我就嗌咗個滷水拼盤返屋企當加餸😛，佢哋勁開心。滷水拼盤($118)，拼盤超豐富，一路食一路夾會發現更多唔同嘅食物🥢，當中包括雞腸、豬大腸、豬頭肉、豬頸肉、生腸、腩肉、紅腸、豬耳、墨魚、豬脷同雞腎等...，如果數漏就恕我未能盡錄🙈！底部仲墊有唔少大荳芽菜、豆卜同韭菜，全部都係索味一流嘅配菜。滷水味道唔會太鹹，達到中庸之道，而且我最欣賞嘅地方係佢種類超多，就算唔食內臟都有其他選擇。呢份「樣樣齊」掂啊👍！另外，佢仲提供辣椒油同滷水汁配嚟食。總括嚟講，潮州菜館唔係度度有，鎔記或者會係一個好選擇。今次淨係食咗佢個拼盤，有機會想試埋其他菜式，睇餐牌同餐廳格局都比到人一種好傳統同好正宗嘅感覺😄。

九龍城老字號潮州飯店一開番晚市堂食就客似雲來，位都book唔到一於就買番盒 拎返屋企加餸味道無騙人，一吃就知道是源自正宗潮州滷水，一打開盒已聞到淡淡的滷水味墨魚片爽又彈牙鵝腸洗得乾淨，紅腸切得大大片雞腎 夠爽口大腸厚肉好食不得不提底下的芽菜及豆腐卜， 入味之餘送飯亦都非常一流入口濃濃的滷水味道，吃後不會覺口乾，一盒豐富的潮州滷水拼盤，簡單伴飯吃，滋味已叫人回味十足。不得不提店主附加的自製辣xo 醬， 為整合潮州拼盤加添惹味的味道。

💁🏻‍♀️ 鎔記潮州飯店 (九龍城) 🍴-放工經過呢間打冷店，心思思想試吓，所以就買左個外賣當加餸～　 鹵水細拼盤雖然話係細就其實都幾大份同足料，同埋仲包埋一盒飯，超級抵食啊!拼盤入面有腎片、豬肚、豬大腸、 鵝腸、紅腸、墨魚，同埋醃左既芽菜，食落全部都好入味，個人較喜歡墨魚同腎片，一個夠彈牙一個夠入味，唔錯唔錯！ -📍 鎔記潮州飯店 (九龍城)#九龍城 城南道33號地下#小丸子搵食記 #小丸子九龍城-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #泰國菜

今日去咗食呢一間滷水嘅外賣，因為見到佢12點已經有得叫滷水外賣，唔係間間都有。試咗呢一個滷水拼盤，有墨魚，有腎，有芽菜，有豆腐，生腸，啲滷水好入味。不錯不錯！墨魚好彈牙，而且口感好實在，好有質感。而且好鮮味！另外，腎係我最鐘意食嘅部位（有無人都同我一樣好鐘意食😆）芽菜同豆腐，我既屋企人都好鐘意食，成日都爭食到不得了，好在佢拼盤嘅份量都好多，夠哂我地一齊食，唔洗驚食少左紅腸都係滷得好入味，越食越停唔到口阿！生腸都好出色，依間店洗得好乾淨，完全食唔出膻味同見唔到有污糟野痴住！所以食得好放心！不過真係好少有中午就拎得滷水外賣既店，所以我地都勁興奮，因為中午就有得食😆😆☺️！建議買拼盤嘅話，要煮多啲飯，因為真係好開胃口😆😆睇黎中午都想買滷水外賣嘅人就有口福啦，中午都有得食😆

邊個話去九龍城就一定要食泰國菜，原來九龍城都有老字號既潮州打冷店，叫“鎔記潮州飯店”。有3款凍魚，分別係大眼雞/鳥頭/馬友，款款都咁大條。好多滷味，款款都好新鮮。原來間野都幾有名，都有幾多名人黎食，就知間店幾有魅力，幾好食。佢地原來除左打冷出名，小菜都好出名，又多款式，而且價錢都好貼地。入面環境都好舒服，未到晚飯時間，已經有幾枱客係入面食緊。依間店唔難搵，城南道轉入去就見到。今次因為老婆大人要食打冷，所以突登黎買，下次先堂食試佢地d小菜。返到屋企打開個外賣打冷一睇，嘩！好足料，好滿足。

九龍城大部分都是泰式餐廳及泰式雜貨舖，但城南道就有間食潮州菜的鎔記潮州飯店，今晚經過，就順便買了個鹵水細拼盤回家。餐廳不是很大， 裝修都比較簡潔 ，現在是疫情期間， 差不多將到六點，將會是關閉堂食時間，所以現場都不會有很多人。潮州菜式出名就是打冷及鹵水菜式， 我今日要了個細鹵水拼盤，面有腎片、豬肚、豬大腸、 鵝腸、紅腸、墨魚，還有芽菜 …等一般的鹵水菜式。腎片腍中帶點咬口，鹵得也入味。 豬肚、墨魚中規中矩。 豬大腸、鵝腸等都較入味。 較喜愛鹵水拼盤多款式，很適合我喜愛食多幾款款式的人。

現在疫情還未開放晚市，今晚在九龍城城南道龍城大廈地舖的鎔記潮州飯店買外買回家加菜。餐廳是以潮州菜色為主菜， 都很多潮州菜式， 門口櫥窗的鹵水菜色，十分吸引。鹵水拼盤買了一個鹵水拼盤，有豬肚、豬大腸、 豬頸肉、紅腸、墨魚，還有芽菜 …等。豬肚、豬大腸、 豬頸肉等都有鹵水味， 跟外賣送了兩個可以點鹵水拼盤的醬汁，一個鹵水汁及一個辣椒豉油。最愛食墨魚、豬大腸及鵝腸，其中鵝腸還帶點爽脆，味道不錯，開多個汽水送鹵水拼盤，都很美味。

-🔸滷水拼盤（細）$118-去得九龍城搵嘢食，但係又唔想次次都食泰國嘢，可以轉轉口味試吓潮州菜喎！實不相瞞，其實小妹都係潮州人嚟，所以自從搬咗出嚟住之後就好少機會再食到呢啲家鄉菜，因為六點後禁咗堂食，今晚就自己一個人買咗份滷水拼盤返屋企慢慢歎！滷水拼盤嘅配菜超多款式啊！有鵝腸、紅腸、豆卜、芽菜、墨魚、豬大腸、豬耳等等，份量非常多，而且全部嘢都滷得非常之入味，最正就係豆卜索晒啲滷水汁，真係可以餸晒食碗飯啊！

早排執屋搵番之前去學煮泰菜嘅食譜心思思想煮嚟玩下就去九龍城買定啲泰菜材料買完已經差唔多6點本身想搵間餐廳坐低食埋野先但時間關係都係外賣啦就喺隔離見到呢間潮州餐廳可以外賣滷水野一於試下先因為得我一個自己食嘅關係望住個餐牌都諗咗一陣 樣樣都想試 但係又叫唔到咁多樣老闆娘推介我試下鵝片後尾知我一個人食就話不如試下雜錦飯啦疫情價50蚊得喇 樣樣都可以試下 就咁決定啦！番屋企打開嚟睇嘩 咁大盒嘅裡面真係勁多料滷水鵝片 鵝腸 鳳爪 豬腸 生腸 豆卜 芽菜多到完全食唔到飯要攞個碟夾開真係成個滷水拼盤咁鵝片起左骨 鵝肉嫩滑 層皮又夠油香唔怪得老闆娘推介啦 真係唔錯喎鵝腸又有咬口 好出色生腸夠晒爽口每樣都滷得好入味老闆娘話依家中午開始就可以外賣滷水野自己去鋪頭買又得 用外賣app又得勁nice咁係咁介紹😆好啦 下次人多我會嗌多幾樣野試㗎仲有好多野都想食呀

新年就黎到，趁得閒再去辦下貨先，今日去左九龍城。買完一輪野，已經四五點。咁睇下有乜野食買埋返去做晚餐，經過見到鎔記潮洲飯店，掛出黎既紅腸、墨魚、豬腸都好新鮮，色水又靚。行到埋去飯店門外，店員熱情介紹，問我地有咩唔食，亦建議我地可以叫拼盤試下，乜都有啲。咁我一於試下，拼盤有紅腸、生腸、豬大腸、 雞腎、豬頸肉同墨魚。我就最鐘意墨魚，生腸，夠哂爽口，好咬口。另外紅腸都好鐘意，夠哂入味。點埋啲汁醬，好醒胃。

今日去九龍城到買泰國嘢，順便買埋個晚餐返屋企食，行過見到呢一間鎔記潮州店門口都好多滷水野！門口見到佢老闆同一啲明星嘅合照！咁就揀咗鵝腸豬腸雜菜飯。加埋價錢又唔貴喎！抵食之選！滷水豬腩肉唔錯！又唔會太淋身！滷水鳳爪好入味！而佢嘅菜係潮州嘅特色菜😊攞嚟送飯一流！而佢的鵝腸夠彈牙爽！不錯呀！滷水豬腸亦都不錯！夠爽脆！白飯又唔會太硬身！淋上店舖特製嘅滷水汁，夠開胃！配菜仲有芽菜同埋豆卜！全部都係潮州野食！

琴日一心諗住到九龍城食潮州菜，因為聽聞好多間都好好味，咁就嘗試用Openrice搵下邊間好，就搵到哩間好評如潮，但係就無詳細咁睇個內容係真係假。如是者，入到去個環境都可以接受，安排左我地兩個人坐係一個門前面，被逼要兩個人坐格離，無得面對面坐，因為就係要就佢地上落，咁點解係度要放張長方枱？真心唔明白。無所謂啦，咁就叫左個蠔餅，滷水鵝片，麻辣田雞煲。首先講下蠔餅，講真未食高咁厚粉，完全無香味蠔餅，未食過咁難食。第二講下鵝片，講真好似食緊豬肉咁，完全搞唔掂。第三，麻辣田雞煲，田雞味 同辣味是分離，田雞係新鮮，但係煮出黎個味，個個都煮到。食唔曬打包，店員問點解食唔曬，就答翻佢難食，咁當然佢會維護翻自己鋪啦，都明白既，無下次。