鏞記酒家

營業中

休息中

難得週末休息，一早就係鏞記book定位同爸爸媽媽出嚟飲茶，可能出門遲咗少少，嚟到都差唔多十一點啦，第一批燒鵝已經賣晒，部長建議我哋點返個雙拼，咁樣又可以品嘗到鏞記燒鵝又可以試埋其他。點心方面都幾滿意，咸水角炸得好脆，餡料分量好足，燒賣皮薄，肉質爽，叉燒包就冇乜特別，本來想叫多份糯米雞，不過怕食唔晒就冇叫

由1942年開業到依家，絕對係老字號之中嘅老字號，每位工作人員服務態度都好nice好貼心周到。櫻花蝦翠塘豆腐，豆腐好滑，芡汁香濃，口感層次好爽。黑椒蒜片牛柳粒，高端嘅食材只需要簡單嘅烹飪，牛粒入口即刻融化，慢慢嘅牛油脂係口中散發生折拆雞絲扒豆苗，肉同菜配搭得啱啱好，唔會覺得油膩秘製咖喱牛崧飯，咖喱味好香，有少少甜口桂花蟹肉炒津絲，標準嘅傳統手工菜，宜家市面已經少

今次去鏞記食飯，真係食到掂手掂腳！先嚟強推個燒鵝，皮脆得嚟唔油，肉嫩滑又多汁，若港有個詞叫做「靚」，嗰皮真係足夠靚到出晒火花✨。再有個露笋百合炒斑球，斑球彈牙得嚟唔腥，白酒香味輕輕揮發，簡直係爽口得來又清新。肥燶叉燒？咬落去啖啖肉，燶味好足，真係肥美惹味到嚟到去💥。講到尾道鍋貼龍蝦尾，外皮焦脆，內裡鮮嫩，似乎講住話老細，我下次一定要再黎！滿足晒，真心話，這頓飯係為腸胃開嘅一場宴會😋。

作為歷史悠久嘅老牌粵菜，唔提早book定位點得，成間餐廳主打就係一個富麗堂皇！飛天燒鵝係必點嘅，呢度嘅燒鵝基本係享譽全港，每一隻出品都做到外脆內嫩多汁，最值得推薦嘅！另外都係必試嘅就係呢個酸姜皮蛋，口感好正！溫馨提示，要嚟鏞記記得一定要提前book位！

來到這家餐廳，周圍的裝潢就已經不錯，好有「花樣年華」嘅復古味道，仲有一股濃郁嘅香港味，即刻心情大好。先講講皮蛋，酸薑嫩口，雖然唔係自家製嘅，但味道正！食一啖紥蹄，海量蝦籽香到爆炸，入口即化，感覺好滿足。蝦餃啲筍尖粒又香脆，加分！望住啲燒鵝，真係等唔切要嗌聲加飯🍚，肉味甜甜哋，又唔會柴，但皮就欠啲脆。食幾啖蔬菜，平平無奇，不過啲柚皮咬落意外嘅惹味，居然係個驚喜。荷葉飯唔太濕笠，啱哂唔鍾意飯太油嘅朋友。碗豆糕做得幾精緻，輕輕甜味，同以前嘅馬豆糕截然唔同。個人最鍾意炸芋角，外皮鬆化，口感嘅層次非常豐富，每一啖都喺味蕾上迸發出芋頭原始嘅香濃。簡單咁來講，這餐吃到嘅唔單止係食物，仲有滿滿嘅文化同傳統味道，真係正到飛起，每一道菜都彷彿喺話你，呢度係香港🇭🇰！

燒鵝好好味，唔會太老也都唔會太嫩，肉質軟硬啱啱好，絕對係值得一試再試。大良炒鮮奶炒得好乾淨，冇乜雜質，應該用嘅係傳統水牛奶嚟炒，清香嫩滑。牛肉粒入口就可以感受滿滿嘅油脂係口中爆發，如果覺得肥膩可以配搭蒜片嚟食，栗子燜雞好香，最啱就係攞嚟餸飯，芥藍經過精心挑選後上台，每一條都爽脆。

呢度位置都唔錯，交通便利，就算係閒日基本都係要等位嘅，所以嚟之前最好都係提早book位。食過咁多叉燒，鏞記嘅叉燒的確可以當招牌菜咁，肥而不膩，甜味同埋鹹味配搭得啱啱好，天氣凍梗係要食臘味，呢度嘅炒臘味口感同味道都係一流，南乳香酥骨好夠鑊氣，上菜果時陣味已經令人垂涎欲滴。

服務人員態度好好，都有部分係來自內地，佢哋好細心咁介紹菜式俾我哋，例如邊啲有酒煮過邊啲係辣嘅都會解釋得一清二楚。皮蛋作為前菜不過不失，口感幾新穎，蝦籽紮蹄真係驚艷到我，多得果位姐姐同我哋講先知道係用乜材料，有少少拆盲盒嘅感覺。帶子一試就知道新鮮，好嫩滑，蟹肉茄子超好送飯。

鏞記依然係熟悉的環境同埋熟悉的味道，出品依然係一級棒，我個人比較鐘意呢度嘅炒餸。香芹枝竹浸斑球、秘製南乳香酥骨、鮮菇紅燒豆腐、良鄉栗子炆雞煲、養生五秀上素炒，每一道菜都係獨當一面！

想不到鏞記唔止以飛天燒鵝聞名，其他手工粵菜都係頂呱呱。紅燒乳鴿皮脆肉嫩，指甲留香，如果唔係因為要留肚食其他菜真係想食多一隻。炸蝦丸好夠鑊氣，香脆嘅外層底下係爽脆嘅蝦滑，層次分明，芋頭煲有雞肉同埋鴨肉，好好餸飯，呢味菜絕對係滿分之作。順德炸牛奶應該用嘅係傳統水牛奶，唔會太甜，剛剛好

裝潢高檔、很乾淨，服務人員的也不錯！因為喉嚨不舒服所以沒有點了燒鵝，當然其他菜品也很滿意，都是些比較傳統的粵菜，用料和做工都是十分上乘得，當晚用餐整體都是很滿意的，下次有機會一定要再來試試他們的燒鵝

朋友回港度假，想尋找童年回憶，食完變咗中年陰影。燉湯油淋淋原全無「撇」油、燒鵝嘅涷且硬、生炒骨、椒鹽鮮魷超細碟，竹笙雜菜個玻璃「獻」超杰⋯⋯職員極有禮貌都補唔到食物質素！唔怪得星期五晚市都大把枱

可能琴日真係太餓，啲餸一上台就忍唔住馬上消滅晒，連相都唔記得影，不過真係好好味。燒鵝好多汁，皮脆得嚟唔會覺得肥，肉質嫩滑，夾住啲皮一啖入口，層次分明，配返碗白飯簡直就係頂級享受，食飽嚟返碗紅豆沙做甜品，埋單走人

食物：酸姜皮蛋同埋燒鵝一定要試，好好味，仲有蒸蛋都係好高水準環境：午市基本都係座無虛席，今次就坐二樓夠靜服務：非常貼心，落單果陣會提前問我哋需唔需要戒口，斟茶換水都好及時

燒鵝的確係好食，足足三舊幾一份對比其燒臘係貴唔少，不過確實物有所值！幹炒牛河，牛肉好足分量，鑊氣夠，足見師傅功底十足點心就水準之上，服務貼心，作為老字號呢樣冇得輸