鐵板燒 (已結業)

尋晚去睇星爺既新戲前,黎左呢度開餐.2人叫左Combo餐A $9x (油麥菜+魚+牛肉+魷魚+蠔+芽菜), and Combo餐C $11x (油麥菜+魚+蝦+帶子+魷魚+蠔+芽菜)每個餐都包一個飯+ 一個湯我認為這裡只提供即叫即煮(用鐵板煮)的快餐.食物不新鮮但又唔係壞,趕時間時醫肚尚可.至於份量(per combo set),蠔是蠔仔size,有２粒;魚唔霉但冇味,有半塊;油麥菜/芽菜好多;牛肉(黑椒汁多過肉)好散,散到唔可以一塊塊咁夾的;魷魚都幾多.不會有下次了.

尋晚去睇星爺既新戲前,黎左呢度開餐.2人叫左Combo餐A $9x (油麥菜+魚+牛肉+魷魚+蠔+芽菜), +Combo餐C $11x (油麥菜+魚+蝦+帶子+魷魚+蠔+芽菜)每個餐都包一個飯+一個湯我認為這裡只提供即叫即煮(用鐵板煮)的快餐.食物不新鮮但又唔係壞，趕時間時醫肚尚可.至於份量(per combo set),蠔是蠔仔size,有２粒;魚唔霉但冇味,有半塊;油麥菜/芽菜好多;牛肉(黑椒汁多過肉)好散,散到唔可以一塊塊咁夾的;魷魚都幾多.不會有下次了.

今日同朋友O黎到太古shopping,見有D肚餓去左foodcourt食O野,一入去見到鐵板燒咁咪試下囉~我地都覺得哩個鐵板燒似台式多過似日式!!!!味道OK啦,不過唔係好夠食喎....(我地叫左個牛肉片同龍魚扒)下次去要叫個大D O既~^^

今日同小朋友去左太古城間鐵板燒度食晚飯，叫左一個牛仔骨同三文魚，包一個飯，一個湯，兩樣菜，以為份量真係好少，但我自己覺得份量ok，牛仔骨有兩塊，三文魚都幾大塊，個湯望落去超清唔靚，但又有味道架喎，想飲自己支水，但被店員阻止，話唔可以帶外來飲品係度飲，不過總體都幾好。^_^

終於星期一晚上試埋此food court既鐵板燒...見到平平地咪去試下..叫左一個羊肉片及龍利柳套餐(包一碗飯, 一個湯, 青菜及豆芽)其實d set包既野都幾多..不過真係覺得似中式都唔似日式鐵板燒...佢地既青菜都係用通菜..真係幾特別...味道都係一般啦...幾十元真係唔可以有咩要求..下次食鐵板燒都係正正經經去日式餐廳度食好過.好彩我地早食唔係都要等位...基本上佢地既人手都明顯不夠...成十幾人都係得一個廚師煮野食..真奇

只食過一次lunch，感覺完全唔掂，一個set lunch 一百蚊左右，但係燒出o黎全部係醬汁還醬汁，肉還肉，o的肉係好似無「葉」過完全無味，太貴，比呢個價錢真係十分唔值，唔會再去了。

等左半個鍾先有得入....每次入十個, 十個人嘅餐一個師傅一次過整唒, 同d唔識嘅人一起分到一d炒菜, 一d大家都有叫嘅又係每人分到d...整個食物分配過程令我覺得有d似餵豬...食物質數是另一問題, 蝦仁是霉的, 黑椒牛柳好鞋(次等貨), 魚更吃不出任何味道....很失敗, 而且佢地興係食物燒緊個時加入大量調味醬...失去鐵板燒原汁原味的風格, 如堅持用濃味調味醬, 可另上比客人點啦...(鐵板燒黑椒牛柳變左茶餐廳黑椒牛扒反??) 全程不供應水..要加錢買礦泉水/soft drinks服務員之間關係極好, 不停吹水唔做嘢, 有空位又唔比客人入, 又打爛嘢, 但佢地經常有講有笑, 感情一定很好, 一位鐵板燒師傅同一個帶位嘅係情侶, 不時眉來眼去, 師傅仲應女友要求幫佢一起執枱tim....佢地個種係工作時間玩玩下嘅態度...好不專業

其實食過兩次,食過羊、牛肉同蒜香魷魚.衛生環境都算幾好, 起碼唔係好太油煙味, 唔會食完個身成陣味.不過佢地的上菜次序怪怪地,我第一次(lunch)呢就係上菜-肉, 之後食到尾先上飯, 真係好無癮.第二次(dinner)就叫幾次先上飯,明明個d飯只係係收銀處側邊~不過佢一樣一樣菜上,咁就可以坐得長少少時間食物size: 女仔比較足夠, 男仔就要叫大份d的, 一般48蚊的就唔係好夠啦.食物味道: 味道幾濃味,prefer羊多過魷魚,魷魚唔太鮮味,冇特別, 羊的就可以送飯, ok好味. 菜就一定係油麥菜(即係A菜),可以話係唔好食囉. 湯,完全冇特別, 個樣似清水泡住幾粒蘿蔔,因為冇水供應, 所以個d湯就係當水飲佢有d大少少的set,兩味肉+芽菜+A菜+1湯+1飯.但係咁的話不如叫兩個細set,同人分的話可以叫佢分兩份.不過不失啦,叫做易攞位,同朋友食food court的另類選擇