鐵板燒 (已結業)

今晚落太古食晚飯, 目的地係大食代個foodcourt, 去foodcourt原因係多些選擇, 去到先揀自己鍾意食的東西嘛落到去見鐵板燒的店員係咁sell, 於是俾次機會佢試試, 十幾人圍住個大鐵板床睇住個師父用兩隻鏟將食物炒熟, 感覺係幾大油煙, 先到的係炒芽菜同炒白菜, 用了黑椒粉調味, 有些少辣, 但幾好食, 跟住個魚排煎熟之後就送到面前, 煎的方法比炸的好味好多, 魷魚都好好食! 而羊肉就淡, 醃料唔夠味一個餐一百蚊, 唔算好貴, ok啦

夜晚在太古城的food court食「Express Teppanyaki」一直都想去食，終於試了，結果非常非常非常非常極之失望我平常都會為食物影相，但今次一開始只是和女朋友坐著影相，沒影食物，沒影店員，也沒開閃光燈，侍應竟出言阻止，說這裡不許影相，沒解釋原因，這已令我非常反感我在日本神戶旅遊食類似的鐵板燒時，由一位師傅專責一班同行食客，然後巧妙按序按食客快慢逐樣燒逐樣上菜...... 結果我錯誤投射了...在這裡，我看到只有1-2位"師傅"替所有食客大鑊燒；一大紮的菜，一大紮的芽菜，成堆的在炒呀炒，然後逐一分菜，佢也不會理會你是否食完了一樣，總之佢煮完就求其的倒在你面前的錫紙，結果眼前就是一堆......咁樣大鑊燒，食物就當然真的無水準，過鹹，又濃味，又很濕，份量又少，超級求其，毫無盛意；終於明白為何不許影相，因為d食物實在唔出得街最弊就好貴，我用埋信用卡9折，兩個人都要$153埋單，很不值看見出面food court的食物，也一定比此鐵板燒好味多

I regret I did not come to the OpenRice before I went to this restaurant. I was trying to give the good food for my parents last night as they never tried Teppanyaki before so I ordered the most expensive set A ($98), C ($118) & D($128). All the oysters were small and mushy, prawns were not fresh and a little tiny scallop would throw in front of your table. So to speak, they just do teppanyaki with cheap quality food with loads of black pepper sauce. Everything is no taste. Referring to th

七月廿七‧晴很喜歡吃鐵板燒，印象中，吃到如是日水準這樣低的，還是第一次。 想試這裡很久，是日沒有約人吃飯，就來一試。排排坐在鐵板燒檯前，位與位之間其實有點窄。各式套餐由六十幾至百幾也有，就選了個中等價錢的西冷牛肉套餐。 先來一碗湯，看樣子是蘿蔔湯來的。渴一口，何解會這樣淡的？沒有甜味也算是，是淡而無味，鹽很貴嗎？唯有要了些鹽來「後加」，才好一點； 鐵板師傅就在我面前，突然拿出幾大紮的油麥菜，放上鐵板上，用刀子兩下斬為三段，再燒。坦白說，感覺很「工業用」，也未見過成大紮菜放上鐵板燒及切的，當然，吃鐵板燒吃油麥菜的，都幾怪。味道還算正常，下了蒜蓉，至少是如平日的蒜蓉炒油麥菜；一大紮油麥菜後，就來一堆如山芽菜，東炒西炒，又拿了一「執」放在我面前。吃起來滿是青味，亦非常淡。生炒芽菜，水下得不夠，調味又不足的，當然是如斯難吃的了。吃不了一半，乖乖的等我的西冷牛吧！ 牛肉是一堆己切粒的，炒兩炒，卻下了不少的沙爹汁，吃放了這麼多汁的鐵板燒牛肉，一定程度上也反映了一件事~~就是牛肉的品質不佳。吃起來果如是，十分韌，只有沙爹汁的味道。雖然72蚊一客是便宜，但質數也斷不能這般差的；同來的飯，也是「散收收」

星期日悠閒地逛太古, 到用饍時間, 決定入去FOOD COURT走一轉, 開頭比佢COMBO既價錢嚇窒左, 閒閒地都一舊水, 但繞場一周後, 都係決定試試, 而且又唔洗等位, 叫做好彩. 但未入坐之前已經問你食咩, 望完一輪MENU後, 皆因自己唔食海鮮, 叫左個羊肉片, 女朋友就要個蒜辣雞扒. 先黎清湯, 個湯坦白講就唔係咁掂, 個style似人地去食炸醬面個碗湯咁, 用黎濕下口. 先黎蒜蓉炒生菜, 再黎黑椒芽菜, 味道都幾好, 之後既羊肉都唔差, 但唔食得羊既朋友就可能會覺得佢"蘇" (之不過, 如果你唔受得"蘇", 無理由叫羊架...) 而女朋友既雞肉都幾好, 只係整得耐左少少, 始終係一個廚對成十個客. 食完埋單, 兩位合共$116, 中價. 以FOOD COURT黎講, 都算係咁.值得欣賞既地方, 係佢要黎坐住你D野食既鐵板, 真係幾熱, 每一件餸入口都係熱辣辣.值得商榷既地方, 係睇你既彩數, 未寫呢篇文章前睇左其他既食評, 佢地對個廚既滿意情度麻麻, 但我呢次去都幾好, 火候足, 亦都衞生, 清理鐵板, 用後抹蓋等, 都幾滿意.值得提點(食家)既地方, 所謂COMBO,

The very last time I have been to Express Teppenyaki in Taikoo Place was on 19th Oct 2008. The staff are nice, helpful as always and they ensure the first come first serve policy. However, the teppenyaki chef are getting worse and worse (compared to 3 months and 6 months ago). It is a disgrace to the teppenyaki professional when seeing the hot plate get burned, get blacken and dirtier after each cooking without shoveling and cleaning in between cooking. The most part of the hot plate area are oi

記得好耐之前食過o個次真係有回味無窮既感覺成日念念不忘要返去再食多一次佢地個鐵板蠔佢個汁同d A菜加埋其實幾好食尋日終於有機會去 (兩人)當然要再食蠔再叫多一個肉眼扒可能師傅整野有程序總之我地兩個d野係三檯人裡面最後先整攪到我地有得睇冇得食(雖然有燒定d菜, 但要留返黎等個汁嘛....)我發覺佢地算比較好食既地方可能係因為d鐵板汁老實講佢d肉眼真係韌到爆d 蠔都唔係特別好食但個汁真係唔錯可能因為我鍾意食蒜蓉啦~不過肉眼既份量太少88蚊一個餐, 以量黎講真係算少左d仲有, 希望佢地可以整d位置俾d人放袋個個都要攬住個袋黎食同埋張凳有機會既話整闊少少我聽到唔只一檯人有呢個comment講到底其實呢間都算ok鬼唔知盛八好味咩但人地都講到明係express當然係快餐質素啦我諗我仍然會再去(以及介紹朋友去)的

特登黎太古 睇 3D版既 "地心探險記", 部戲真係好令人投入左去, 好刺激,正~好少黎呢頭, 都知食咩好, 見呢間幾特別咁, 就幫襯下先~一坐低未叫野, 個侍應比左二碗湯黎~不過似水多過似湯.男朋友話唔太肚餓, 咁二個人叫一個份量大少少既餐先, 叫左個差唔多貴一倍既餐share食先.(我以為係二人餐, 佢寫有飯, 湯, 油菜, 主菜就牛肉配蠔, 魚柳, 尤魚, 好似好多野食咁喎~)點知, 只係比左一碗飯, 同埋, 所謂貴咁多, 但其實完全一個人都唔夠食既份量.......(請看圖)一路食, 一路加d野上去,先黎菜, 然後芽菜, 一堆仔牛肉碎, 一小件魚柳, 三小粒蠔仔, 幾件尤魚咁啦.......= = !! (最多份量係d菜同芽菜)菜/芽菜: 冇特別牛肉: 一般, 太碎啦~ 魚柳k好味蠔仔: 幾鮮甜尤魚: 一d味都冇, 死硬, 似食"塑膠"咁食物食度最後都好熱...真係有d失望, 其實似分配野食多d.... 因為要等齊一行人先開始煮... 冇晒鐵板既特色~

颱風過後，雪櫃並無太多存貨，於是倆口子到了太古城搵食。太太先前已想試試這間鐵板燒，今次路過見只有幾個人等位，便去試試。食品主要靠黑椒同食鹽，再加獨沽一味o既黑椒汁調味。廚師話冇其他汁可以揀。叫o左肉眼同魷魚，牛肉肉質都可以，以 $88 計算係咁，而且切成細粒都易入口。魷魚就另有蒜粒一齊，味道合格啦。芽菜因為佢一次過炒，見到其他食客o既有o的變焦，火候唔算 100 分，而鹽亦落得唔夠平均，同時芽菜尾o既根冇切走，賣相方面要扣分。總括而言，呢個價錢都過得去，但要再去幫趁，真係要諗個理由。

上星期六長周，與男友和妹妹原打算到山頭火吃拉麵，怎知長龍到斷估要等個半鐘，於是便過去太古城中心的 food court。妹妹看到鐵板燒，好想一試。我們沒有異議，便取了籌輪候，都差不多半個鐘先安排入座。三人點了豬柳、香蒜雞扒和一個牛肉拼海鮮餐，附芠的是有蘿蔔香而淡如水的例湯，加白飯一碗。師傅先炒芽菜及青菜，手勢是純熟，不過味道就……芽菜勁多黑椒，毫無味道(還是鹽撈不勻？)；青菜就偏鹹，豬柳又係冇味，仲幾嚡口，海鮮、雞扒唔知點解狂落黑椒，吃完好口乾。埋單成 $220，十分不值！

　　呢間位於太古城中心入面大食代（即係俗稱美食廣場）既舖頭，同一般美食廣場既形式好唔同，有固定座位、要排隊、價錢貴…　　我一行兩人誤打誤撞黎倒呢間舖，坐低招呼唔算周到，只係擺低左個例湯，但轉頭都主動過黎同我地落單。落單後就開始等…呢間野特式之一係睇住個師傅即場炒即刻有得食，熱辣辣送到你面前。每一set都包一個主菜 ，白飯，例湯，青菜同芽菜。首先黎到既係青菜同芽菜，個芽菜就不過不失，而個青菜就唔錯，不過略為咸左少少…由於個師傅預個份量唔夠，剛去到我同我朋友時，只得一份青菜，結果要等另一為師傅再補炒番。我地試左兩個師傅手勢後，味道明顯有分別。第二份明顯無咁咸，不過都幾好！　　最後就係個主菜，我地分別食左羊肉片同雞扒，點知個師傅一個唔小心俾錯份西冷牛，食左一舊後發覺唔對路同師傅講，佢都好有禮貌講唔好意思同再補番俾我地，結果反而益左我地試埋個西冷牛！份量方面其實係比較細，味道方面：羊肉片我覺得幾好，不過其實都仲有少少少少”蘇”味，雞扒就普普通通，西冷牛唔錯呀！（另外，個青菜同芽菜份量係好大！唔似得平時出去食野求其俾兩條菜就話跟埋菜咁…）　　我地兩人都好滿意今餐，最後仲加多個青菜食，埋單一百二十

我好耐之前都有食過這間類似快餐式的鐡板燒,近幾個月就食左幾次.....最近個次係昨天,有一件事想講的就是他們一代不如一代.由第一代的新加坡師傅到現在香港年青新力軍.食物品質真是.......,佢地個汁係一代傳一代.我問個師傅,佢係咁講.但係個味道why差左咁多.)我開始懷疑係師傅問題.我好注意d師傅炒完之後客人唔食個d食物份量....我覺得咁樣會知道個位師傅的炒作好唔好食....我注意到所有炒的師傅方式都不一樣之外....份量都不一樣...就好似這網上有他照片的那位..份量是少得可憐的一個...真想不到!!最想不到的就是多了一位女師傅炒,因為有d好奇....入左去試下佢d手藝....可能是新來的吧!又或者是女師傅吧!準備功夫比較長.我叫左佢地的招牌菜(牛肉片餐)...睇下個女師傅會炒成點......ok!好味~~~雖然有點淡,但真係好好味...可以試下這位師傅....其他的....我細心試過再說吧!!

我覺得好好食........., 我最鍾意係佢\\\地既牛肉,豬肉同羊肉.....個醬汁真係好好味......雖然lee個鐵板燒唔及台灣果d夜市咁正宗, 好味, 但香港真係無乜lee方面既選擇........所以我已經覺得好好食.....唔好意思,個人喜好....p.s 有個師傅幾靚仔.....有d似陳鍵峰...ha

睇戲之前無聊搵飯食, 總覺得太古城無咩好食, 今次貪得意走去呢度試試一個餐都要成$60元, 不平不貴啦, 點了一客鐵皮雞扒, 坐下才知道餐廳內長長的鐵板只有一部份是用來煮食, 其他都是用來睇的, 廚房內捧出一堆炒好的芽菜及A菜, 超多蒜頭, 賣相也只是一堆垃圾一樣, 吃了一口都是GARLIC味, 附送的蘿蔔湯又淡如清水, 白飯又冷又硬等了很久才有雞扒送上, 煎得過時, 又咸又硬, 份量又少, 令人吃得很不愉快, 廿三十人一齊等一個廚, 煮一堆難食的晚餐, 真不值

前2日...年初七...人日...我妹妹和媽媽帶我去佢地聲稱一間又好抵又好味的鐵板燒餐廳度食野...我起初想..太古城都有抵野食...於是不虞有詐去了...去到才知是foodcourt...感覺有點似曾相識...因為台灣的sogo都有類似的...但人地(台灣的)真是好味過佢二十億多倍...首先..食鐵板燒..無特製醬汁都算...等了五分鐘終於有野食..連給了兩個菜，分別是芽菜和油麥菜...食完足足等了十五分鐘那個"廚師"才燒肉..我還以為自己是一頭牛..只有草(菜)食..我亞妹和媽還叫我太要那麼"唵尖"...我下次都唔會再信他們和我以後都唔會再去呢間死人鐵板燒