鐵板 (已結業)

串燒拼盤雞腎可以完全是生的... 血還在流出... 如何吃得下??? 其他串燒串尖的肉才剛剛熟的程度，串尾也可以是完全未熟。再者我叫侍應給我把雞腎串燒更換...再換上來的... 外表好像是熟透了...但放多一會... 血水還是從內面流出面...我真的想問一問... 那廚子是懂得煮菜沒有???還是覺得店內有其他如魚生，肉眼扒等的食物...所以所有的食物都不用煮熟??? 雞腎可是內臟啊!!!而且不是所有的食物都可以生吃的吧~如果連這些基本的知識都沒有... 麻煩店主先請這位廚子去讀一些課程吧...一家以鐵板為名的餐廳，肉眼扒竟然不是用鐵板上菜,菜剛放下不久就涼了... 伴碟的東西... 完全讓我覺得是為了令碟子沒有那麼空白而隨便放下去... 完全是倒人胃口,我跟朋友全碟都沒有食過就走了。我面對如上的情況，我就叫侍應生給我叫他們的經理過來，但他們的經理竟然只顧著自己埋頭苦幹，先把自己的事做好... 才過來... 我心想...顧客可是第一的啊...來到... 我投訴食物質素惡劣...她的反應只是對不起... 然後為我把串燒的帳目刪去...我說我現在要結帳... 她還問我... 扒我還沒有吃啊.

串燒拼盤D雞腎完全唔熟﹐點食? 呢排仲要禽流感添@_@除左雞腎﹐其他串燒最尾個part 都係唔熟﹐完全唔食得﹐肉眼扒唔用鐵板上﹐D野黎到已經凍晒﹐伴牒既賣相亦都好肉酸﹐D野黎到完全倒人胃口﹐我成碟都無食過就走左﹐sorry﹐真係無下次

本身諗住去赤丸，但係打蛇餅，所以最後去呢間食餐廳本身環境ok，d waitress既服務就好一般(又未至於好差)，無乜笑容order左4樣食物:火辣彩虹卷: 味道ok，無乜辣味海鮮煎餅: 薄，入面既海鮮，其實係雪藏炸魚柳，仲差過麥叔叔既魚柳飽自家製餃子:非常普通+ 鹹明太子茄子: 很油，感覺和煎釀三寶無分別食緊個陣，好多蚊蚊陪住我地.....唔會再去!!!

近來鑊氣唔錯，動不動就發脾四，趁鑊氣十足，就炒炒這間鐵板什麼的。打風，與友人行AMP，好一個鬼地方，賣衫、賣鞋、賣騎呢的應有盡有，當中有特色的點子可真不少，惟獨是吃的，見得人的百中無一。打了幾個白鴿轉，見鐵板內人不多，適合吹水，就找了友人來試試；友人見餐牌內的Grill物賣相不錯，見有羊，就穩陣的就要了燒羊架，再來海鮮手卷、軟殼蟹沙律燒日本番薯、明太子甜蛋。半條命聽著友人分享，用剩下的半條又半命瞄瞄四周環境，就得檯鐵板帶半分日本Feel，剩下的部分，中不中、西不西，加個Superman的poster算是什麼？預期的，手卷先上，加工的紫菜碎滲在眷物上，炸蝦如旗桿似的插在中間，外面貼著一片（魚立）魚片，創意無限，味道平凡；之後是燒羊架，要了5成，出到來8成，偶落手最多燒出7成，看來偶可以轉行去也哈！哈！也罷，燒得蠻香的說，臊味不重，友人邊說邊嚼，三、兩下功夫便清碟，剩下粟米、薯條一大堆配菜，紅衫侍應Tony欲快快手的收碟，偶冷哼一句：「呢堆野唔食得既咩？」，見狀，死狗般走頭，友人打趣說：「人地未訓醒無謂玩人啦。」燒日本番薯算是最正常的點子，無創意、無新意，味道略甜，中規中矩；最後的甜蛋，散

呢間野試一次就夠啦~同朋友２個人叫?１．西冷扒﹣要７成但食落口係全熟，又"UN”又冇牛肉味，係薯角比較好味２．鐵板海鮮餅﹣薄到得５mm....真係唔知入面可以有咩海鮮，除?塊皮外...只係隱約食到少少罐頭吞拿魚３．軟x crab卷﹣最正常既...但都唔係話好好食４．紅豆pancake - 塊皮勁厚...總括而言...唔會再去！

4月7日以前新開張時去過一次, 覺得d set lunch都唔錯,雖然要80幾個set,但都覺物有所值,而且環境都幾好~~係4月7日再去食lunch,價錢係平左,但d野食好唔掂,一個set約60幾元,但個賣相同味道都好差,我敢講佢只值30蚊到,我唔會再去啦

星期二去到APMshopping,大約8點幾己經覺得有D肚餓,咁就打算同朋友搵間有食煙店舖食dinner,行行下見到一間有d似X民,而且又可以食煙「team」.咁就同埋fd入去幫親,首先坐左10分鐘都冇waiter茶,當叫waiter落order都要人等等先,一等就等10分鐘,d waiter好似發緊夢咁,其實d野食一般,總之就「失敗」.*仲有果位經理成晚黑口黑面.*

早排經過呢間餐廳,見到門口覺得幾特別,menu入面d野食都幾吸引,係門口睇左一陣,但好攪笑地,有個金色長頭髮既男侍應生係度「督」我睇緊既大menu同埋我問野佢d態度係不抽不睬,態度好差囉,我真係覺得好嬲囉.有個應該係女經理既人係佢隔離都可以當冇野發生囉,本來諗住走唔入去食,但我既女朋友話想食,咁就唯有入去喇。入到去睇完menu想叫野食,但d侍應生係掛住傾計唔做野囉,等左好耐先有人應,呢間野唔係好大呀,我真係唔明點解d服務係咁差,又唔斟水,又唔執野。最後以最快既速度食完d野走,我諗以後都唔會黎間野食野。仲有呢間野既唔係木黎的嗎,點解下面有個食評張想影d食物見到張係銀色底仲要反光既呢????

今日要去apm辦事。早到了，便找個地方吃午餐先。見這裡裝修唔錯，就入去試試。要個雜錦魚生烏冬套餐。有兩舊煎餃子，但皮厚兼硬而且餡小，都算幾唔得。烏冬又無味，魚生都算新鮮，但份量就小得可憐，連我自命吃得少既人都唔係太夠食，真係有ｄ搵笨。

今晚我同好左幾個朋友去apm食晚飯還沒有想到吃什麼..便被這間teppan的日本餐廳放在門口的display吸引住..沒有考慮便進去了!我們三人叫了大約大約七八樣食物..當中的這個鍋飯..是最特別的..這個鍋飯來的時候.還未蓋著也很香..感覺得特別..只是餐牌太小種類..裝修很有味道..不過椅太硬了..所以我們吃完了便立刻回去了..在場內客人不算爆滿..但服務員很小..我問他為什麼只有三個服務員..他說:其他的收了工..有好幾個還左放假..我們在想雖然這間餐廳不是很大..有這樣的服務..他們已經很努力!!有機會的話我和我的朋友會再去的.....在些希望他們的生意一天比一天還好..

同朋友入去食環境真係幾好算唔算之一不過入到去一睇menu..........冇咩好食~一個字"小"冇咩好揀~特別係晚飯.....仲要我係男仔.......好似唔夠野食lor叫左個所謂鐵板牛肉炒飯點知d牛肉係打邊爐個d牛肉真係超呃錢!!!~叫左杯特飲.....冇咩味......我會比唔合格&價水準~我應該以後唔會再去~~

同老公仔去食飯; 老公叫左grilled 豬扒, 佢話做得唔錯, 幾好食, 可以encore; 我既就叫左燒茄子, 蟹子沙侓, 仲有費城roll; 味道一般, 冇咩特別; 不過蟹子沙律好鬼細份....overall feeling 係貴夾唔飽..食品的式...侍應懶散又唔熟食物既details...一定唔會再去!

今日去食晏, 我order一個魚生冷烏冬,跟餐的煎餃子d皮硬既, 係d魚生ok.hb order一客鐵板牛柳粒鍋飯真係好難食, 好難搵d咁un既牛柳!碗面豉湯響個木餐盤內tup tup hum, 取唔倒出黎, 好麻煩.d 侍應仲好野, 你一放底快子就馬上執野, 不停監視你食完未, 但係你個杯冇茶又唔理, 成間野得3台, 咁趕做乜??其他就各自打牙較等等, 就算門口有客睇餐牌都唔理.最好野係大既又係咁,細既又係咁!一定唔會再去.

Food is not particularly good, small portion, quite expensive in terms of serving size.

去開apm 睇7 點半,經過呢間野,見環境好似唔錯,門口既餐牌又好似幾豐富(有扒又有日式小食同串燒...等供選擇), 於是入黎試下, 六點半到達,仲未有客,選了吸煙區,雖然我地得兩個人, 侍應姐姐都照俾四人位我地坐, 坐得舒適, 而且呢度既吸煙區同非吸煙區係完全分開,不吸煙人仕應該會好滿意是日晚飯叫左:－鐵板牛肉金菇卷（一碟有四件）$40清酒煮鮮茄大蜆$42厚切鐵板牛舌（一碟有四件）$38三文魚刺身（一碟有五塊）$40節日特飲x 2 (特價$40兩杯)　由於唔太餓兼趕時間，所以淨係點左以上輕食，可能係未有客既關係，上菜好快，服務都算殷勤，食物水準一般，無乜驚喜，不過如果平時人小小又想響ａｐｍ搵地方坐低食下野傾下偈，呢度都幾好，location 又就腳By the way, 呢度門口個招牌中文係寫"燒又燒"，而唔係直譯”鐵板”