鐵牛台灣牛肉麵 (翡翠中心)

營業中

休息中

(Deliveroo 🏍)台灣嘢就係嗌一大堆小食share鹽酥雞拼夜市小香腸 $47依兩樣都係我fav台灣腸真係好好食🥺脆皮 又香口木魚炸豆腐 $37Surprisingly good wor 個醬好惹味炸過嘅豆腐 配埋木魚又幾夾小街滷大腸拼豬爽耳 $51我覺得一般般🤔唔係好夠味小街綜合滷味拼盤 $53又係大腸同豬耳為主😂覺得嗌返個雙拼就ok, 蛋同豆腐比另外嗰兩樣更加唔好食小碗滷肉飯 $37除咗滷肉 有好多菜脯用嚟撈飯食 真係無得頂紅燒牛筋腩米粉 $73份量幾足~湯底正常發揮啦

牛肉麵湯底唔錯，有水準，外賣🥡黎到麵同湯分開上安排很好，湯底濃厚夠正宗，麵條彈牙夠爽口，牛肉有牛味唔會硬，唔係堂食算不錯了小食揀左地瓜條甜得黎又加左椒鹽，又甜又鹹好惹味，花枝丸同鹽酥雞炸得香脆，有夜市味道。

下午茶 $38麻辣擔擔麵+鹽酥雞+台灣香腸+甘梅脆薯+大甲粒粒芋頭奶茶（+$15）擔擔麵麵身偏硬身，我超愛呢種口感😍麵條十分掛汁，淡淡食到麻辣味🌶估吾到香腸係比曬成條，係台灣腸的味道，有甜甜蜜糖味🍯其他小食普通😆 芋頭奶茶簡左微甜，甜度岩岩好，又有粒粒芋頭仔👍🏻 7.2/10下午茶 $38麻醬乾麵+滷味爽耳+木魚炸豆腐+椒麻牛肚絲+台灣奶茶麻醬乾麵偏甜，食落似日式芝麻醬味道，同樣都幾好味😋木魚炸豆腐配少少辣蕃茄汁，好好味，牛肚絲夠辣夠香，其他質素普通，整體抵食高汁 7.0/10

尋日去中環搵個朋友，同佢係「鐵牛台灣牛肉麵」食左個Lunch，又唔算太貴又幾好味😋，呢間鐵牛都有幾間分店架!E餐紅燒牛腩配黃金地瓜飯$65呢個set 係中環黎講都算好有誠意😂有飯有餸有配菜，配一樽水蜜桃🍑烏龍茶嘅嘢飲，價錢又唔算太貴😁牛腩好入味好冧👍K餐逢甲鹽酥雞肉燥湯麵$62鹽酥雞夠脆夠熱😋好怕食到唔夠熱嘅鹽酥雞😂好彩呢個係ok架😁個湯麵嘅都唔錯，個麵夠哂煙韌，加埋啲肉燥做點綴，加唔少分👍再配一杯桂圓紅棗茶，夠哂滋潤😝

若果想在香港吃台灣牛肉麵，不知大家會想起哪間店?吃過 鐵牛台灣牛肉麵 覺得還不錯的。沒想到原來中環有分店，之前吃過尖沙咀店不過味道來說其實更港式一點吧✦ 牛頭沙茶貢丸新竹米粉 ($59) - 米粉很幼身，口感頗有咬勁還帶點米香。而且還完全吸收了沙茶獨特的鹹香味道，還有顆粒感～整體十分惹味。不過貢丸就一般囉✦ 鮮番茄鹽酥雞麵 ($66) -朋友說番茄湯底幾濃郁的，但那鹽酥雞的份量看起來有點少的一碟呢✦ 招牌紅燒牛肉麵 ($63) -這個之前有吃過，都是湯底很濃郁的。✦ 香滷滑牛筋 ($49) - 滷得很入味，口感亦很軟稔。✦ 百香果QQ冰茶、荔枝冰紅茶 & 珍珠奶茶 -凡惠顧麵類點台式特飲的話只需 +$18 飲品甜度不算很高，這點頗不錯。

黑雨關係 本身想試點魚(未開) 再去瘋狂小面(未開) 最後就揀咗呢間 lunch set 都多選擇 揀咗個擔擔麵 總鋪私房牛肉麵(麻辣)擔擔面食到一半 我已經飽 豬完骨夠冧入味 但我都係鍾情上海鋪嘅擔擔面 這個面較粗身 醬汁唔夠花生味 但份量很足夠 試埋個牛肉麵 佢比較出色 金錢𦟌炆得好冧 辣度適中 食到咁上下 都係後悔冇轉做米粉🥺我落order嘅時候係少甜少冰 嚟到係封口式杯裝上 心諗 嘩咁出色 杯飲品係雪凍 而非落冰😆 原來唔係 飲咗一半先發現有冰 飲品正常中規中矩啦

原本想去米缐連鎖店，但原來中環店未開！一直往上環方向走，去到決定幫襯呢間。非常錯的決定⋯⋯之前都幫襯過，預咗食物一般，但係我哋坐喺一個角落越坐越熱，想問店員，佢哋態度愛理不理，舉手示意佢哋睇到當睇唔到，態度奇差！終於有店員行過畀我截停，請佢開大啲冷氣，佢話這個角落的冷氣壞咗就咁就走左去，冇解決亦冇安排另一個位！明白呢個價錢呢類舖唔會有五星級服務，但店員如果誠懇一啲絕對可以補足，而家咁嘅態度就算五星級美食都唔值得去食啦，何況食物一般！唔會再幫襯！

今晚9:47pm. 朋友與我晚餐傾談中，差一口便吃完，男職員突然行埋嚟，直接叫「食快D啦你」.... 男職員態度之惡劣，我從未在服務性行業見過！朋友都說太誇張，從未見過會這樣招呼食客，這食店沒下次，不要幫襯！

今日難得黎到中環，就黎試下呢到既鐵牛同尖沙咀店有冇分別啦呢到既鐵牛位置十分方便，係正半山扶手電梯隔離，唔洗行上斜當日帶埋屋企人黎，記得下午茶餐好抵食，不過假日就冇左下午茶餐，唯有散嗌因為唔係太餓，4個人嗌左2個麵加3樣小食蕃茄湯豬軟骨麵 - 蕃茄湯幾濃郁，豬軟骨亦炆到好淋。麵底煙韌，唔會死死實實湯底蕃膏味濃，雖然有蕃茄肉，但稍微唔夠鮮甜，不過都收貨既酥炸排骨肉燥麵，湯底清淡得黎唔會無味，我幾鐘意排骨就一般炸排骨，唔算特別。肉燥唔算多，一撈就麵就消失左不過太多就會濃，加上已經有排骨配麵，所以我覺得okay梅子地瓜條 - 估唔到以前用黎點生果既梅子粉會可以用黎配炸物，效果又唔錯喎酸酸甜甜既梅子粉中和到炸地瓜條既油膩感，而地瓜條亦唔會炸得好乾，咬開仲有大大啖既地瓜肉不錯肉燥茄子 - 茄子皮色澤鮮豔，肉燥用作調味，但亦無馬虎厚切茄子肉，咬開口感豐富雖一缺點就係太油鹽酥雞 - 一般水準，正正常常，雞肉唔算粗糙，但亦唔算嫩口，普通飲品，薑母茶，芋香珍珠，薄荷咖啡，枝裝烏龍茶總括而言，食物水準都係一般以上，但未算特別驚喜。店內環境光線充足，有窗口位採光。評分:環境 ⭐️⭐️⭐️味道 ⭐️⭐️⭐️舒適 ⭐️⭐️⭐️優閒

比錢既時候直接將張單dum過黎，送嘢食直接單手將個盤好大力啪一聲dum落我地張臺，d女服務員態度超級差！野食中規中矩，碗很大，但餸很少，不推薦亦不會再黎第二次！

Weekday 午市黎lunch. 都知一定要排隊！而且齊人先入得。等左20分鐘度，就有台！同埋野食上得快！員工都helpful. 叫左個台灣腸魯肉飯便當。。最主要想食魯肉飯。。都算有油香。魯肉肥瘦剛好，都入味！但係，始終食唔到喺台灣食既味道。。唔知差啲乜！不過已經好好，而且配菜都好味😋。腸仔夾埋啲蒜一齊食都好夾。。中環黎講CP值好高！而且食到飽！最值得一讚，係杯紅棗杞子茶。。熱飲好好飲！跟餐都只係加5蚊！

同朋友於中環揾到呢間鐵牛台灣菜，我地叫左2碗麵（一個酥排新竹米粉同埋牛筋腩撈麵），另外叫左台灣腸同鹽酥雞。味道其實比較港式，食吾出台灣既味道，不過性在價錢中規中矩，味道亦適合香港人口味，係中環區黎講，算係平價之選。

講起食 又點少得港人最愛嘅台灣嘢❣️小編今次要介紹嘅係鐵牛台灣牛肉麵嘅中環分店~ 餐廳環境都算簡單別緻，以黑色牆身為主再用植物做裝飾🌿餐廳秉承咗香港人嘅精髓 餐廳營運非常有效率🤣放飯時間去都係等3張檯就入得。攞飛嘅時候 職員會俾埋點餐紙📝之後俾咗錢先入座。出餐時間頗快，坐埋位等咗大概15分鐘就上齊曬啲嘢。座位安排咗四人一檯 中間有透明膠板隔住，二人行要同其他人搭檯👭🏻但係餐檯面積唔大，基本上上曬菜已經無咩位剩🤥而且社交距離明顯唔夠，介意呢點嘅朋友要留意。滷肉便當跟3個配菜🍽而且都係食得落口 唔馬虎嘅👍🏻但滷肉味道普通 無咩驚喜，鹹酥雞食落有啲乾😥所以唔建議大家黎呢到嗌。至於招牌牛肉麵 真係值得一試❣️湯頭飲落似藥膳牛肉湯 有少少藥材味 但唔會濃到令人卻步😚麵身夠寬 而且彈牙有咬口🍜牛肉同牛筋夠稔😋力推！嘢飲方面，兩杯都酸甜醒胃 表現合格。青梅凍飲好重梅味😳唔鍾意梅味嘅可以試吓洛神花茶😉小編覺得呢間嘅洛神花茶 唔會好酸亦唔會死甜 平衡得幾好。總括而言，食物水準高於普遍台式餐廳，呢個價錢係中環黎講都算唔錯💰但換係其他地方性價比可能就未必好高啦。🌟 招牌紅燒牛肉麵 ($62)🌟 鹽酥雞滷肉便當

有日同朋友行完街，差唔多都8點零啦，而好多餐廳都因為疫情好早開始關店，中環更加小餐廳收得晏，咁我記得成日扶手電梯會經過呢個台灣野，所以就睇下關鋪未。咁我就叫左碗 主廚私房牛肉乾拌麵$79，而朋友就要了 招牌紅燒牛肉麵$63。個拌麵好香，個牛筋好軟，唔知個日係咪餓太耐定碗麵真係好大碗，我食極都食唔哂。野飲我哋就要 芋香珍珠奶茶$18，朋友要胚芽珍珠奶茶$18。飲野係手搖飲品既質素，唔係餐廳普通珍奶既質素👏小食要左 魚酥皮蛋豆腐$36，個賣相好特別吸引，而且我無預計到有木魚，所以好驚喜因為我好中意木魚。呢個豆腐我覺得下次可以再食，本身個汁好夠味，皮蛋加埋豆腐一齊食好香好好味，再加埋魚酥多左種口感脆脆，而木魚更加香👏佢木魚真係比好多，所以我都夾左D撈我既麵👏另一個小食係滷味拼盤$48，有豬耳 滷蛋 大腸，送上枱又另一驚喜，因為好大份。本身睇張相以為細細，每樣得小小，點知係好足料。豬耳入味好香好爽口，滷蛋正常，大腸肥厚大舊，呢個小食Cp值又係好高💝

星期六臨時被call返工放工同同事決定食好啲!去緊蘇豪區途中見到有台灣餐廳咁岩同事想飲珍珠奶茶最後決定幫襯鐵牛~Menu選擇多到不得了好多都係台灣signature嘅主菜同夜市小食諗好之後要到外面嘅cashier落單餐廳好大座位數目多食客都唔會坐得好close各自有足夠空間進食😊胚芽珍珠奶茶奶味偏重珍珠份量適中👍🏼咬落唔會好硬略嫌所有珍珠同胚芽都係飲品頂部開頭真係飲唔到佢地到最後胚芽都痴晒係杯頂🥴鹽酥雞份量唔算多味道偏鹹🤭炸粉唔會太厚梅子脆薯脆薯其實係番薯🍠原本炸完冇乜味加左梅子粉非常好食！一向係台灣夜市食地瓜球先會落梅子粉估唔到加係其他炸物都一樣咁夾~~紅燒牛筋腩麵湯底好濃麵有小小硬😥牛筋腩算多不過有啲韌鮮蕃茄牛筋腩麵同紅燒牛筋腩麵只係差個湯底可惜湯底似用茄膏溝出黎鍾意食蕃茄嘅我有啲失望☹️