影片
開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味；其台式小食及珍珠奶茶亦有水準。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 22:00
公眾假期前夕
11:30 - 22:00
*截單時間: 21:15
以上資料只供參考, 請與餐廳確認詳情
有關獎賞計劃
相關文章
很久沒吃台灣菜，掛住台灣的味道了，所以今晚跟友人來到這間主打台式小火鍋以及牛肉麵的餐廳，入口位置在地庫又確實比較隱閉，不過店內環境好明亮整潔，卡座位好大坐得幾舒服。台灣本味麻辣鴨血鍋 $138只需一百幾十元左右就可以食到勁多配料的一人鍋其實都算幾抵，可選配西班牙豬肉片或是加$10食安格斯牛肉片，另跟白飯或新竹米粉。呢款麻辣鴨血鍋其實唔算太辣，湯頭好麻香好惹味，配料當然係鴨血最好食，好嫩滑入味；真係好台灣味道的米血糕、芋頭貢丸；其他配料仲有蜂巢豆腐、魚餃、響鈴、娃娃菜等，索滿辣湯汁尤其好食。雙重芝士牛奶鍋 $148好邪惡的雙重芝士，不過食一次半次就無所謂啦！奶白色湯頭上面有大量芝士粒，車打芝士味道好香濃，火鍋配了安格斯牛肉片，牛肉肥瘦適中雪花好靚，估唔到牛肉夾芝士一齊食都幾好食，入口好嫩滑好香。其他配料包括魚豆腐、芝士丸等等，比較特別的竟然有雞蛋，有「營」又好味。鹽酥雞拼夜市小香腸 $48鹽酥雞可能炸粉有點不同，入口感覺沒有太像台灣夜市中的鹽酥雞，當是普通炸雞粒而言都算好食；至於小香腸則已切成片狀再加上蒜頭片同食，都唔錯。綜合滷味拼盤 $56拼盤有齊滷得好入味的滷蛋、軟軟糯糯的滷大腸，以及咬落彈牙的豬耳爽。南投縣百香果QQ $46、宜蘭金桔檸檬蜜 $40其實有見到閏蜜紅豆珍珠奶茶及大甲椰椰芋香都好想飲，但又怕已太飽，都係飲返解喝解膩的百香果及檸檬蜜就好。
繼續閱讀
鐵牛台灣已經喺香港牛肉麵界好多年，最近見佢哋餐廳翻新過裝修，感覺靚咗好多，唔知啲食物有冇跟住進步呢？等我試吓先😆見到佢地新主打係臭臭鍋小火鍋，鑑於未試過嘅好奇心，今晚同朋友就點咗個嚟臭吓🤪鐵牛臭臭鍋 （配安格斯牛肉片）主打嘅臭豆腐十分濃味，一上枱已經聞到嗰種發酵嘅臭豆腐味道，喺香港少數唔係用炸嘅方式製作嘅臭豆腐，聞落味道比較突出，但係食落唔會難接受，個人感覺良好👍🏻另外仲有唔少配料，鴨血、芋頭貢丸、米血糕、蜂巢豆腐、蟹柳、燕餃、雪枝揚、響鈴、娃娃菜、金針菇、粉絲、冬菇。粉絲同所有配菜吸哂臭臭湯底精華，食落好惹味，份量多，一個人食都夠哂飽🤰🏼朋友秉承去牛肉麵專門店一定要叫牛肉麵嘅傳統，點咗嗰久違嘅牛肉麵。招牌嘅總鋪師私房牛肉麵。有金錢鍵、牛肋條、牛筋、牛肚絲，十分豐富。湯底沿用台灣傳統方式熬煮，飲落十分濃厚，牛肋條、金錢鍵同牛筋炆得非常軟腍，處理得好唔錯，果然配得上元組級牛肉麵店嘅稱號👍🏻另外我哋仲加配咗小食✨鹽酥雞拼夜市小香腸，台灣香腸唔會過甜，配上蒜片食簡直一流，鹽酥雞炸到恰到好處，唔會出現過油嘅情況，炸粉亦都啱啱好🍗紅蔥燙青菜食咗咁多肉，梗係要叫返個健康嘅蔬菜啦🥬紅蔥酥香脆，醬汁連生菜一齊食好夾，好快已經俾我哋清哂🤣椰椰芋香、宜蘭縣柑橘檸檬蜜2杯都好推薦！椰椰芋香少甜，飲落香濃順滑。柑橘檸檬蜜走甜，飲落酸爽開胃。
繼續閱讀
同朋友喺尖東行開街,肚餓想搵嘢食,喺希爾頓中心嗰度見到大大個鐵牛台灣牛肉麵招牌,舖頭喺LG要落一層, 地方好似好寬敞坐得幾舒服，所以就決定去試一試.🧡魚酥皮蛋豆腐一嚟到嘅時候啲鰹魚片多到睇唔到個豆腐😂呢個價錢呢個份量都幾合理豆腐夠凍，配皮蛋配埋個醬都幾開胃，三爬兩撥就俾我哋食晒.♨️香濃蕃茄鍋配安格斯牛肉片入到嚟先知道有火鍋食咁正今日得13度，一鍋野熱辣辣勁正入邊好多配料：金菇/魚腐/魚蛋/蜂巢豆腐/雞蛋/菜/ 響鈴…咩都有啲..勁滿足個安格斯牛肉唔太肥啖啖肉又無筋蕃茄湯底好濃郁，帶蕃茄酸味好開胃配一個飯或新竹米粉 可以吸湯勁好食🧡鹽酥雞拼夜市小香腸又想食台灣腸又想食鹽酥雞仲諗緊食邊樣嘅時候就見到呢個雙拼小食會唔會太好啊？😂😂鹽酥雞正常發揮, 台灣腸份量都唔少，可以同朋友share食又多樣嘢食，very good～ 不過正宗嘅食法係要夾住蒜片一齊食🫢🫢🫢.♨️總舖師私房牛肉麵由於怕辣，所以嗌咗原味湯底湯味濃而不膩，麵底煙韌度剛好一啲都唔糊，牛肋條牛筋牛肚份量足夠男士淨係食一個麵都好夠飽另外都叫多咗兩杯嘢飲🍹桂花烏龍冷泡茶➡️勝在夠清新，啱晒食完濃味嘢之後飲🍹桔香愛玉冰茶➡️可以叫無糖少冰夠晒貼心，愛玉好好味又有口感好fresh .總結🉐 尖東呢個位有時想坐得舒服啲又唔想食啲Cafe咖啡店呢到約朋友食飯非常好地方又夠大仲有火鍋食又一飯堂get✅
繼續閱讀
好耐冇食過鐵牛啦，尖沙咀分店環境好靚，坐得好舒服。每次黎鐵牛都一定會叫佢個鐵牛台灣牛肉面 ，呢個係半筋半肉面，牛肉好軟淋，亦都好入味。牛筋充滿膠原蛋白，咬落好軟化，口感淡嫩唔膩! 湯底濃郁，第一啖仲會有少少回甘! 柚子蜜香雞排便當配滷肉飯第一次食呢個有驚喜，雞排充滿柚子香，完全係解膩! 雞排厚切，肉質好juicy。滷肉口感鬆軟，配飯食一流。而且鐘意佢呢到既配菜都好多樣!木魚炸豆腐呢款好惹味，外面炸到酥脆，再加木魚碎更加香口，中間既豆腐配上面上既汁，食落味道岩岩好，唔會咸。綜合滷味拼盤 ( 豬耳 大腸 滷蛋) 豬耳爽口，味道剛好，而大腸冇內藏怪味，!愛玉檸檬 好清新，仲可以簡無糖。閨蜜紅豆珍珠奶茶呢個好滿足，因為每啖都有野食!! 紅豆好甜。
繼續閱讀
🥢 麻辣擔擔牛肉乾拌麵 擔擔醬汁麻辣味勁香，但又唔會嗆喉，辣度啱啱好，重有濃郁嘅花生醬，同彈牙嘅麵條好夾，非常之惹味👍🏻牛肉份量都幾多，肉質軟腍😋 🥢總舖廚師私房牛肉麵 呢湯底濃郁，牛味十足，啲金錢鍵、牛肋條、牛筋同牛肚絲各有特色，尤其係牛筋，煮得好腍但又唔會溶晒，咬落仲帶少少彈性，好滿意😋 🥢鹽酥雞拼夜市小香腸 鹽酥雞炸得香脆乾身，調味啱啱好，外脆內軟，唔使點醬都好食；小香腸甜甜地噉，食完好似返咗去台灣夜市噉😁🥢麻辣鴨血 鴨血滑溜得嚟吸晒湯底嘅麻辣味，好入味，辣度同香氣都幾足，唔會太過油膩。作為配菜，絕對係一個好選擇，推介俾鍾意食麻辣嘅人！ 🥢南投縣百香果QQ 呢杯飲品真係清新得嚟好有層次，百香果味香甜酸平衡得好好，啲QQ啫喱口感彈牙，飲落好過癮，配搭鹹辣嘅主菜，超解膩！ 🥢宜蘭柑桔百佳檸檬蜜 呢杯飲品帶有天然柑桔同檸檬嘅香氣，酸酸甜甜，飲落覺得好refreshing，特別適合唔鍾意太甜嘅人。
繼續閱讀