開利小食 (已結業)

我成日去呢度買腸粉食吁架，佢的腸粉同其他地方好唔同，應該係落咗豬油，好香好滑~~ 而佢的車仔麵亦好有水準，加埋香噴噴的腩汁，真係正呀~而且20蚊一個餐連野飲都好抵~

全間小小既舖頭都用黎煮食及放貨, 所以客人都係坐響街邊食麵, 比我既感覺係簡陋及污穢。經同事既遊說下, 我地買左外賣返公司食, 味道果然唔錯價錢又ok, 午餐有5”食送”1麵加埋罐裝飲品都係$20(外賣加$1)。記住一定要加腩汁及辣汁呀, 腩汁好香濃, 辣汁不太辣但幾惹味。

雨中來一個車仔麵餐, 雞扒公仔麵加蛋, 雞扒有點實和硬, 牛腩湯底香濃但偏多油, 食到一半時兩米外的街角正有修路工人想打開渠蓋, 即時加快速度盡快離開.

筆者食車仔麵三十幾年,好可惜近年太多濫竽充數,而好食既又消聲匿跡,以前落山道近鴻福門口一段唔夠一百米既路,早上8:30前,有三檔車仔麵,各有特色又好味,可惜無晒!此小店亦開了十多年,筆者最喜歡的小食不出蘿白,豬腸同牛腩:蘿白真係好少有渣,加腩汁一齊食好正豬腸以前好肥,無乜點洗,所以幾污穢,不過筆有一次同佢講過,老板娘話成本貴喎,好彩依家都去左d肥糕,好好多牛腩用碎腩, 炆得好入味又夠淋,水準之作佢仲有d二十蚊套餐,五款小食連麵底再加一罐汽水,你話平唔平?

朋友介紹已久的一間街頭車仔麵店, 上午時正好到銀行辦一點公事, 順道來一個早餐; 街頭巷尾的一間麵店, 環境一般, 半坐在街頭的吃車仔麵, 清潔比想像中要好.先來了一個十塊錢的餐蛋公仔麵, 公仔麵不像是真正的公仔麵但質感不錯, 餐肉煎蛋亦只可說不過不失, 但卻來了香濃的牛腩湯底, 帶出了一點驚喜; 再來一個五塊錢的五條腸粉, 份量不小而且軟硬適中, 而且質感偏滑, 難得的是甜醬十分香濃, 只點了一點便已足夠; 吃了一大半而飽得再吃不下了, 飽了一整個下午.