開心坊·親子餐廳 (已結業)

何文田廣場都有親子餐廳啦～餐廳環境闊落，佈置可愛，牆身更有彩色企鵝列隊歡迎你，重點是這裏還有兒童遊戲區，有一大塊Lego牆，真係好少餐廳會有一個位置專門為小朋友而設。而且遊戲區內更有洗手盆等衛生設備，認真貼心，仲有好多唔款式嘅公仔，小朋友可以一邊玩住等，當日我家小朋友玩得好開心。而呢間餐廳嘅主廚亦係前酒店會所西餐廳大廚，老闆更非常主動介紹餐廳是日招牌菜，完全無架子，態度very good！食物有套餐和單點選擇，套餐包括頭盤(可自選自家種植有機田園沙律/阿媽靚湯)。今日是日阿媽靚湯 -青紅蘿蔔牛骨湯湯入口清甜，無味精，果然係老火湯！主菜我哋揀咗紐西蘭肉眼扒（八安士）$118肉質鮮嫩，熟度拿捏得很好，男人手掌咁大塊，醬汁係平時食鵝肝上面個個醬，點肉眼扒好好味如果唔夠食可以加$5配飯或意粉！飲品絕對不能錯過蘋果羽衣甘藍見到有機 0添加物，我地2個都決定試下，果然同出面既唔同，飲到落底仲見到有渣甜品-法式焦糖燉蛋蛋味濃焦糖好正甜度岩岩好 夾埋藍莓同士多啤梨一齊食下次一定會再黎試埋個心太軟甜品~

最近聼同學仔講何文田廣場有間勁抵食的餐廳，所以放學後去試試，結果實在讓人喜出望外。一個幾十蚊餐，以爲填飽就算，諗唔到都勁有誠意。個例湯冇味精，仲日日新款，我去嗰日係山楂煲烏雞湯。同阿媽嗰啲有得揮。老實說，現在麥記叫個餐都4-50蚊，一個餐坐得舒服，可以坐成個下晝慢慢做功課都仲得，冇大x活嗰種壓迫感，唔使驚有人喺後邊等位催你走。我去是6點鐘，所以座位甚多，侍應都好友善，見對公公婆婆及小朋友都有禮貌。餐廳仲俾埋Switch你慢慢打，所以食完飯打鋪機先返屋企都仲得。

上星期去何文田做嘢，對呢區唔熟，做完嘢求其搵間餐廳食個late lunch 見到呢間非集團式嘅小店，又係我鍾意食嘅西餐就一於試下啦！ 餐廳環境寬敞，坐得好舒服😆 叫咗個套餐，黑松露蟹肉露筍天使麵，跟中湯同嘢飲，抵讚嘅係凍飲唔洗加錢😝 意粉好重黑松露味😋份量比較大，我食唔哂🤣 以呢個價錢黎講真係幾抵食，下次黎開呢頭可以再encore🤤

叫咗個娘惹喇沙雞扒飯餐，包個湯同飲品，雞扒幾大塊，煎得夠香，好食！值得一讚嘅係用珍珠米，呢個價錢都有珍珠米，完全係喜出望外，雞扒配好多喇沙醬汁，用黎撈飯一流。＄38有湯有飯仲跟茶或咖啡，仲免加一，真係唔錯。

之前都有黎呢間餐廳食lunch, 本身認為不過不失, 只係價位略貴。今日行過見到有$38 喇沙雞扒飯 包野飲, 中湯或沙律, 於是就入去試下。唔知道廚師點煮呢塊雞扒, 個樣睇落似白洽, 上菜時明顯睇到汁同雞扒分開。呢個價錢, 我都明白一定係雪藏雞扒, 好合理, 但係好似完全無醃過咁, 塊扒食落無味, 已經開始失望。點知食食下, 發現塊雞扒竟然係未熟, 中間有d 位好淋好軟身, 仲係透明, 唔係實色架! 好明顯雞扒係未熟既!店家得悉後有即時換一份俾我, 但我應該唔敢再去了……

首先食之前冇諗過咁差....所以冇影添😓😓一塊扒好地地整到似食鞋底咁，重要over cook 添叫五成就俾8-9成我非常之失望.😔個湯淡而冇味（真系值$48？）如果吾系送我都吾會俾$飲d侍應服務態度認真麻麻，坐左咁耐水都冇杯😡😡再睇有咩野飲叫，茶餐廳貨色...稍為好少少嘅羽衣甘藍......都似食緊茶葉咁，似蘋果汁加切碎左嘅羽衣甘藍咁...😡下次都系去番itamama食算🤦🏻‍♂️本人都是住何文田村既睇群組個個讚不絕口所以先落泥食，但冇諗過衣次會系最後一次宜家再睇多讚果d人😂😂果果都系今年先入群..😂😂

呢個lunch set幾抵，38蚊包埋熱飲同沙律/湯。 選了沙律，份量適中，沙律菜都幾新鮮。娘惹叻沙雞扒飯，隻汁第一啖有食到有少少辣，但係越食越順口，好啱撈飯。飯係用珍珠米，唔會太乾。雞扒煎得夠香，我食埋雞皮，仲有粒蕃茄仔同生菜伴碟，賣相同味道好唔錯。餐具，杯碟都清潔得好乾淨。

星期日同老婆仔仔一齊去試新野High tea叫左兩個甜品, 心太軟配抹茶雪糕, 個賣相好吸引, 擺碟靚, 味道都好正朱古力味濃, 真係流心熱, 配埋個綠茶雪糕好夾見佢個甜品整得幾好, 老婆再叫左個, 唔記得左個名都好好食, 外脆中間好creamy 重點係入面既遊戲, 個仔一見到已經衝左入去有switch 機打, 足球機同lego wall, 入面已經有其他小朋友打緊機, 要輪住玩, 佢地都幾乖難得偷到個時間同老婆食下甜品, 嘆下二人世界, 唔使擔心個仔真心要讚下間餐廳, 夠多位, 呢類形親子餐廳係香港開多幾間就正食得又玩得D相唔知點解會反轉晒, 整唔到正常, 管理員幫下手

今日平安夜同家人聚餐，原本想訂大x樂，但朋友話試下這家，結果喜出望外，非常好味、食品新鮮及服務態度很好。首先我們到取，同事主動幫忙送去車！一開錫紙食物熱騰騰有煙出，小朋友很喜歡薯餅及薯格。個人最愛燒雞，鮮滑多汁，而柚子雞翼同紫薯栗子薯餅勁收歡迎，大人小孩都喜歡！16人套餐只需＄1988，下次開party 可以encore.

一個人諗住搵個地方食個飯順便做埋個Proposal, 意外見到間幾特別既餐廳, 多位唔使等,  一於試下新野叫左個星洲肉骨茶湯粉, 有藥材味又唔會太濃, 味道剛剛好幾好, 肉質夠稔, 女仔冬天補下唔錯! 想讚下個湯, 店員話冇味精, 真材實料, 值得試下整體來說間餐廳ge 座位好好坐, 位多又鬆動, 佢用圍欄做分隔令空間感增加, 提升左舒適感睇得出係為家庭親子設計ge, 裡面有遊戲玩具俾小朋友玩, 中午時就多大人食飯, 傾計都舒服食物份量好足, 食完好飽, 仲可以加錢叫特色飲品同加小食, 飲品都幾多選擇, 雜果賓治,紅豆冰呢D通常得茶餐先有, 呢度午餐都有得叫波子汽水有童年回憶如果同幾個朋友黎可以叫幾個餐一齊Share 試多幾款, 仲可以加配小食好唔錯, 食完仲可以一齊打下機價錢都算合理, 可以來試多幾次

門面好有冒險樂園個種開心既感覺鵝肝包配薯條熱辣辣好好食!焗疏乎里好綿, 個面烤脆左正! 座位幾闊落, 整體簡單舒服呢間新開既親子餐廳同小朋友黎一流! 唔擔心佢地坐唔定亂走, 有好多野俾佢地玩, 玩具, 遊戲機, 公仔... 放假來食Lunch or Tea都夠玩幾個鐘, 以後多左個選擇帶小朋友去玩, 今次係同個仔來試下, 可以推介俾個仔既同學一齊來玩下, 唔使成日係屋企,去公園咁悶, D野都唔係貴, 質素都幾唔錯, 即叫即整夠新鮮同朋友來食飯都OK, 坐得舒服, 坐位都多唔使等咁耐 

被間餐應充滿童真既設計吸引左入去, 食左個午餐, 叫左個煙三文魚忌廉汁意粉, 味道幾好鐘意佢個湯, 店員話冇味精, 足料好好飲! 因為今次趕時間, 冇影到相見佢入面有遊樂設施係比小朋友同家長玩, 完全感受到老闆既用心, 平時小朋友都係去公園玩或者去Play group下次會帶埋家姐個仔來再食, D位都幾舒服, 環境唔錯, 價錢合理, 服務OK, 想試下佢個紐西蘭肉眼扒, $118 比起出面平啦!見到隔離台有叫, 都幾大份下, 可以幾個人一齊Share食

先見到門口高高瘦瘦的接待員姐姐，真係好有心和認真的侍客，還有笑容可加！到餐廳主要係帶2個仔來可以玩 TV games n 足球機，lunch set 味道80分啦！中湯好味雖然侍應們不善對答但其實有心待客，有笑容喎。整體用膳氣芬良好

見到呢間餐廳門面個午餐牌有黯然銷魂飯，張相咁吸引就試一試。出面見到$48up，抗通漲價，以為成個餐牌都係咁上下價錢，點知個叉燒蛋飯（黯然銷魂飯）原來要$78，未加一。叉燒都是瘦叉，味道不錯，只是飯不夠熱。跟餐的沙律居然有發泡膠，跟職員反映，他就直接收走，沒有換新的。老火湯最高質，有蟲草花，味道很好。加$10的奶茶，味道正常。加一後，人均要$91。總結：其實坐低後見到餐牌和預想的價錢相差很多，（一個叉燒煎蛋飯要$78，加一？！熱飲都要加$10？！）我想離開，但是男朋友說不要緊，儘管一試。老實說，味道只是正常，說不上很好吃，這個收費，真的不會再來了。

見到新開既餐廳忍唔住走去試下新野，親子餐廳以為係有小朋友先可以入去，問左員工原來係有設施比小朋友同大人玩，員工亦都強調嘢食係無味精，餐廳環境都好舒適呢个布甸既賣相亦都十分吸引，味道都不錯，大大的布甸焗到岩岩好，切開就有龍蝦汁同啲青口大蝦魷魚流出來有啲似心太軟的感覺。同朋友都喊左個黑松露帶子意大利飯，黑松露味好足，啲飯又五會好濕好多汁，真係同其他既港式意大利飯五同，好難得可以係屋邨附近既商場入面食到傳統小小既意大利飯餐廳員工個個都面帶笑容，都幾好服務，仲見到老闆好有心機教小朋友玩遊戲機🎮 原來都幾有新意，值得一試，價錢都合理對得住啲嘢食質素，唔錯唔錯