開心餐廳 (已結業)

開心餐廳座落於華都中心二樓，經常都在一樓商場經過，很少會上二樓。昨天下午，跟太座一起搵食，就來了這裡下午茶。要了兩個茶餐，分別是水餃牛腩上海麵、雲吞豬扒米粉、熱杏霜及凍奶茶。牛腩，雲吞及水餃水準一般，豬扒水準就幾好，炸得酥軟好味。熱杏霜及凍奶茶普通正常質素。這裡勝在地方闊落坐得舒服，價錢亦算是便宜。

當時未係通脹o既時候,所以 $24便可order 支竹炆排骨飯~呢種價錢可以吃到呢款飯,真係幾抵呀!但當時12:30個場已經差唔多full,我地坐0係餐廳外的桌子就唔駛聽到咁大o既吵鬧聲tim,約8款lunch set~送例湯-花生眉頭豬骨湯~幾清甜,而眉豆+花生的口感不錯喔~足料呀 我order完之後碟飯唔駛5min後便送到呢 waiter用一架推車仔盛載食物,方便waiter一次過可扲好多碟食物俾客人tim! 支竹炆排骨飯 隻長方形碟幾大,但係可惜白飯帶點硬.....而獻汁略為咸......而支竹的口感還好,排骨唔會好大件~份量足夠~原來食到差唔多最尾,仲見到有少量的椰菜!

因為午膳時間和星期日的關係，很多食店都滿座，最後我便同同事到了此餐廳吃午餐，被吸引的原因無他的，是因為多「吉」位。我簡單地選了香腸雞排飯加燒汁，再配凍飲總數$28，不算貴。不過對於我的食量來說飯是十分不足，幸好可以加飯，這一點值得加分。其實這餐廳算是不過不失，食物水準中規中矩，求飽的已可如願。但若希望在味覺上有多點滿足卻還有一段距離，在舖位方面此店佔有相當地利，地大和坐得舒適，大夥人一起都能夠應付。我覺得此餐廳是有潛力，期待下次光臨時會有所突破。

同家人一齊食dinner,我點左個小菜套餐--瑤柱珍菇扒時蔬 $34 送餐湯--豬骨菜乾湯~勁大碗呀,加上唔會多油!幾好味~唔似係曾經翻煲的感覺!上菜時間並非很久,白菜仔爽口,份量多~新鮮的~但茶餐廳的瑤柱,當然唔係好好味,一睇都知係罐頭貨來的 幸好冬菇及草菇好味~白飯好快到,不過略為硬身~沾上小菜的獻汁吃還可以接受的~ 小菜套餐--粟米班塊當中的粟米粒就唔係咁新鮮~班塊的味道幾好,油炸的水準還好,咸度岩岩好~班塊的獻汁上有滑蛋~我地等呢碟班塊只需5min多,已經有位waiter推一架細細的車仔,好似盛酒樓的點心似的~ 之後上菜喇!!!waiter幾好人,全是女人上陣~到7pm多就開始越來越多人喇,waiter很殷勤地待客呢!

在華都頂樓的開心，由細鋪做到開埋隔離幾個位，都算係呢幾個商場中的異數。平，絕對是其賣點，難得是味道其實都不錯。近三十款的下午茶餐，絕對令人花多眼亂，而且兩點三已經有，真是遲起一族的福音。因為人流太多，所以今日坐左係隔離房，電視長期供應，今天看著一級方程式，係度消磨時間的大有人在。即炒干炒豬扒烏冬，豉油均勻，味道適中，當然炒出黎係油左ｄ，但香港正常茶餐廳有邊間唔係丫。豬扒香口，價錢唔算貴，真係唔錯。吉列豬扒公仔麵，豬扒和公仔麵分開上，其實本來都驚佢會放埋塊吉列豬扒係個麵度，好在佢都算醒目。豬扒整件上，還好這裡的刀叉是隨手可得，因為都是放在桌上任拎。吉列得異常香口，相比之下烏冬的豬扒只是一般貨色，吉列好味好多，論豬扒鬆軟度更是吉列大勝。湯底很有趣，甚似平時食上海麵那些湯底，一ｄ麻油味都無，算是很清，也連帶公仔麵都是清淡型，我其實是喜歡這一類的公仔麵的。但遺憾是油份過多，碟底ｄ油可能會令你見到都唔開胃，殘念～下午茶餐再包飲品，不細杯，廿多蚊一位真是便宜。能做得住咁耐，的確是有其原因的

來開心, 晚飯我通常都是吃歐陸扒餐其實小菜也是不錯的, 吃過椒鹽鮮魷夠鑊氣也夠椒鹽, 但扒餐實在又平又飽肚, 十居其九我也會選歐陸扒餐餐廳有兩台電視, 通常都是播不同台, 慢慢坐邊看電視邊吃飯, 是一個不錯的選擇位與位之間有足夠空間, 坐得舒適, 因為上層人流比較少, 所以路邊也沒問題, 易搵位是這裡另一好處點了一客燒汁腸仔雞扒飯, 份量一點也不少, 尤其燒汁非常地多, 喜歡用汁撈飯的真的一流, 腸仔略為煎過, 反而雞扒煎得不夠, 雞皮比較肥也不夠脆, 這一點以前做得比較好, 莫非大廚轉了?是日例湯是紅蘿蔔菜乾煲豬骨, 湯渣很多, 湯味有點淡, 但勝在沒味精, 我寧可淡也不要味精是日是世界盃開鑼, 快速吃一個快餐後, 正好回家看揭幕戰

前日同左d同事去左呢間店到食晏,其實間店都幾污糟,不過都算ok平,連野飲一人都係$32到,叫左個豉椒炒牛河,跟本就咁淋d汁上去,都冇炒過,而且味道不太好,如果要試,要諗清楚.

So glad this place is finally listed, because the food is good.I walked past and saw some people eating rice with fried egg and gravy,lots of gravy too, so I sat down to try that dish.They offer many combinations: egg and frankfurter sausage, sausage and chicken, beef steak and egg, served with gravy, black pepper gravy or sweetcorn sauce.I have tried all the sauces, and think the original gravy is the best, although I think there is too much colouring in the gravy. I got some of the gravy on m