開餐 (已結業)

路過呢一間新開嘅餐廳，望落以為係茶餐廳嘅餐牌，點知我發現有一樣好特別嘅嘢，就係—酸菜魚湯河!平時喺川菜館食酸菜魚，通常都係要嗌一大煲，份量會好大，所以好少何可以自己一個食酸菜魚。但呢度竟然有一碗碗酸菜魚湯粉賣，毫不猶豫就買咗外賣。不過可能仲係新鋪開張，兼且都幾旺場下，外賣都差唔多等咗三四個字。但值得一讚佢哋好環保，外賣碗係紙唔係膠，餐具都係有需要就自己拎。本身我對酸菜魚湯粉唔係話有好大嘅期望，因為始終唔係川菜館，我預期佢都係會用酸菜魚嘅味粉開成好淡味嘅湯底。點知一打開外賣盒，已經聞到好濃烈嘅酸菜同辣味。入面好足料，有齊芫荽酸菜同埋最重要嘅乾辣椒，啲魚塊塊分明，唔係碎濕濕。十足十一個迷你嘅酸菜魚聞都已經咁香，食落個湯底當然好正，我揀咗米粉，但佢唔係平時魚蛋粉食開嘅嗰種廣東米粉，係比較幼身同有少少似台灣嘅新竹米粉，所以係好索湯，而且個辣度都有啲料到，食食吓都出汗但真係好爽

食黃店唔難， 好食嘅黃店真心唔多。.自問唔係打手，無咩前設，兩三點時間入座，唔使排，唔使等位。.首先，餐單佢係好清晰咁，影低咗每一碗食物入邊有啲乜嘢，奈何像素較低，顏色亦都唔係好吸引，但有樣嘢抵讚嘅係當中有加入素菜嘅元素，五大素球etc. 素食有善餐廳 👍🏻.正因為佢係黃店，覺得點都要俾個機會佢，最終我哋都係入咗去。.先俾個椰香牛腩飯大家睇吓 :椰汁真係唔覺有（呢樣最失望）牛筋偏軟熟，但牛腩實在太硬🙈白飯方面係用珍珠米好咬口，好食。.一開始，最欣賞佢嘅就係薯仔有炸過，心底即刻覺得加番D分。點知再認真一睇，原來係炸薯角 🤣我承認果下有啲失望嘅🙈 .之後朋友係食咗蕃茄牛肉通粉最抵讚嘅，係佢真係好大碗，男仔嘅話應該會好滿足！ 但係我哋女仔嘅話就應該真係食唔晒，浪費食物真心過意唔去。.湯好飲，粉好食，牛肉還可以～.另外我哋嗌左個小食炸墨魚丸呢個係咁多樣嘢之中最好食🤣.總括而言，基於佢係黃店所以我會再去食，但真心希望質素會有改善，店內環境不錯，尤其係壁畫部份相信其他人都已經讚不絕口。.睇得出亦都感受到係有心嘅小店，至於餐牌設計或者poster 設計若果有改善的話，相信會有更多人會被吸引入店內。

店內充滿香港人歷史，連登豬裝飾，指鹿為馬燈箱，香港加油牆畫，雖然不播榮光（我怕我食到流眼淚），但我食環境氣氛，提醒我香港人的歷史。茶餐廳常餐配搭，麵包變牛油酥，非常香口。經典沙爹牛係香港人喜歡的味道，鮮牛肉蕃茄湯底係用了茄膏，傾向濃湯狀態，牛肉都軟滑 煎蛋有脆邊，幾好。而飲品可以加錢買香港人特飲，用香港人加油的水瓶裝，很多特色養生茶：玄米茶，烏龍茶，菊蜜，牛蒡茶，杞子蜜，牛蒡茶濃郁的牛蒡味，健康香港味道，天氣熱可以買杯健康養生凍茶，還可以香港人加油。區區食玩遊－ 灣仔 開餐

一星期內食左兩次酸菜魚米粉係不錯足料 魚肉滑 酸菜好食夠酸夠辣 $57絕對性價比高香港好難搵黃嘅酸菜魚餐廳，呢個酸菜魚米粉頂住先，一解我對酸菜魚嘅饞。「好吃是良知」難食嘅黃店好難再食第二次呢間質素係不錯！絕對會無限幫襯！下次再試埋其他野食

星期五晚跑馬地運動場跑完步，一試新開的開餐之前睇過介紹，今次開到港島區，第一次來食好有驚喜，首先係店內牆身全部大型漫畫，記錄住2019年一幕幕畫面...店內又擺咗唔同造型嘅連豬，係香港人嘅餐廳！食物方便有好多選擇(選擇困難中...）由湯粉麵、越式生牛河到鰻魚飯、湯飯、油渣撈飯都有仲要價錢平！跑完步就唔好咁肥啦，所以點左溫泉蛋雞扒番茄通粉，個番茄湯底🍅好入味好正！當然一定要加香港人加油系列飲品，當我哋仲猶豫緊要茶定珍奶時，店員哥哥話今日珍奶已經賣曬最後點左菊花蜂蜜同明目杞子蜜養生下，只係加$10就可以帶走香港人加油靚靚樽，下次可以帶埋去跑步🏃！PS原來外賣自取有9折添！可惜唔係附近住...

終於約到女神同我食晚飯，比我開餐啦快啲！終於開到黎灣仔喇，本店係佐敦對女神黎講真係有啲遠，叫個酸菜魚河粉（$5x）河粉好快就漲哂，又唔係波，漲左就唔好食🤨佢就叫左喇沙麵，睇佢 #含 羞答答唔出聲應該就唔算太好食。無忘初心 （蜜糖菜心）名就改得幾好，但菜心加左蜜糖都幾奇怪，可能fusion既野我唔曉啦～最好食竟然係炸流心包！都話波波從不令人失望，愈大愈好，又圓又夠脆卜卜，咬一啖就可以吸啜哂裡面啲暖液，正到喊 #仲要睇住佢啜真係一流

【支持黃店】在門口已經知道這家是好香港人的小店啦！(*´˘`*)♡ 本來以為是茶餐廳，進內先發現餐牌比想像中吸引，有不少素食！點了份秋葵炒素肉配豬油渣飯，豬油渣飯真是好地道！⸜(๑⃙⃘'ᵕ'๑⃙⃘)⸝⋆* 小安好喜歡食豬油渣撈飯，豬油味好香，加上炸蒜，令飯好有口感，純食飯都沒問題！( •̀ᄇ• ́)ﻭ✧ 不過這款豬油渣撈飯就冇楚撚記的好食，豬油不夠熱同香。秋葵炒素肉做得不錯呀，份量比想像中多，加上炒辣椒，夠惹味～(๑´ڡ`๑) 最最推薦的是香港人加油的飲品！一枝枝內有不少材料，好足料又夠味。( *´꒳`*)੭⁾⁾ 小安飲的是杞子桂圓茶，不會太甜，又養生～最開心是可以帶走該水樽，重複再用又環保。( ´͈ ᗨ `͈ )◞♡⃛

平日約咗朋友喺銅鑼灣食晏，大約一點嚟到呢間新開嘅餐廳。原本以為要等位，我地唔駛等位就入得去。 諗住叫酸菜魚河但係賣晒，最後揀咗招牌蕃茄牛肉通粉，再加配杞子茶。飲品要額外加$10，印有香港人加油既樽裝飲品。👍🏻 食物味道一般，勝在係扭扭粉，平時好少見餐廳有。同其他專賣蕃茄通既店舖比係差少少，當係茶記質素係ok。杞子茶飲嘅時候要小心隔走啲杞子嚟飲，少少偏甜。而朋友揀既飲品就有茶包，飲既時候冇咁麻煩。 💰 人均消費：$50-70

今日去咗銅鑼灣食lunch，見到以前食餃子間餐廳轉左間新野，就諗住試吓啦！🔍到達餐廳嘅時候12:30左右人數未算好多，但去到1:00就差唔多滿晒啦！🙊菜單上嘅菜式都非常有gimmick，睇到人會心一笑！💛明目圓肉杞子蜜 (跟餐 +HK$10)嗰樽非常特別，寫住香港人加油💪🏿！雖然有加到堂，但係好在唔算好甜，係可以接受嘅程度。🙂香港人雜扒飯 (HK$57)雖然叫做雜扒飯，其實只有雞扒，其他就係香腸午餐肉等等。分量充足，都幾飽肚㗎 ！🤣👍🏿由於都幾多人等位嘅關係，食完就好快要埋單啦。

諗住同朋友黎試吓。見到一堆人響門口等，以為唔洗攞飛。跟住聽到有人叫飛，先叫朋友去攞張二人飛。因為係午市，所以都預咗要等陣。等左六七分鐘，有一group五個人黎攞飛。再過幾分鐘，竟然叫五個人入去先，我哋攞飛先就話下一張。如果係咁安排，我想知攞飛排隊黎做咩？

試過三次堂食之後，今日試吓響香港人飯堂買外賣。外賣有九折優惠，今日叫嘅鹹蛋黃蕃茄甜酸雞球，加上嘢飲都係$62，價錢合理。雞球香脆唔錯，不過我實在好欣賞佢林喺飯面嘅豉油汁。至於鹹蛋，都係果句我覺得唔夠多。我係去到先至叫嘢食，等咗差唔多10分鐘先有，響我去嘅期間見到原來有唔少人係先打電話，之後先落去攞，減少左等待嘅時間。我估我下次都會咁做。另外一樣我好欣賞嘅係佢哋相對環保。當然外賣始終有好多即棄嘅餐具，首先飲品嘅樽好靚可以重用。飯盒亦都係用紙盒而唔係降解比較困難嘅膠盒。

While sitting on the tram, I noticed a new restaurant had opened in place of the colorful dumplings place. It was 開餐 (English name: Dine Inn). I recalled eating there in Jordan and wasn't sure if I like it or not. So as boyfriend and  I couldn't think of what to have for lunch, we got off the tram and headed over.The place had lot of murals on the walls and mascots placed all over the place. Menu is in Chinese only. There is no English and no 10% service charge. You pay on your way out.We ordere

開餐終於開到黎灣仔啦❗️❗️之前一路聽過其他人對佢既好評，但奈何一路冇機會去食，今日終於有機會黎開餐啦❗️❗️❗️黎到梗係要叫佢最出名既酸菜魚片河粉 $57雖然好平，但質素好高，酸菜魚湯底充滿酸菜香味，辣辣地，好好食❗️❗️而魚片量多又厚肉，魚肉又滑，一流👍🏻👍🏻👍🏻而加$10有個特飲，跟住叫咗個香港人雜扒飯 $57洋蔥汁雞扒飯，配煎蛋、午餐肉、廚師腸，雞扒好口好Juicy，已廚師腸都好有心機地用蜜糖煮成，好味😋鍾意食肉一族不容錯過😂😂

黃店的表表者-開餐起灣仔開左新店啦一定要來食下呢間又黃又好食的餐廳選擇都唔少 樣樣都好唔錯不過因為太新的關係可能請唔設人  有時可能慢左少少叫左呢到最出名的酸菜魚片湯河-$57一如以往好食 好食過譚仔多多聲魚都係無骨的 D湯夠哂酸喇沙雞球帶子湯面我轉左做河粉 唔洗加錢因為之前食過 呢間D 河粉好滑好細 岩哂我口味雞球比較多骨 但肉質都係嫩滑仲有好多粒帶子喇沙好有椰子味 但一點都唔辣好香好惹味加左$10 一樽的特飲養生牛蒡冷泡茶明目圓肉杞子蜜養生牛蒡冷泡茶苦苦甘甘的 最岩降血壓明目圓肉杞子蜜最推介 甜甜地 仲有超多的圓肉同杞子真係食到超飽

店舖開咗唔係好耐，短期內我已經幫襯過兩次，味道覺得相當唔錯，今日想食個早餐就行咗入去，結果反而有少少失望。$35一份早餐屬於一般茶餐廳合理嘅價錢範圍之內。麵包佢哋唔係用白方包，而係用丹麥牛油酥麵包，換句話說即係比一般麵包更加油同埋多咗酥香。奶茶一般一般，下次我都應該會加$10飲佢嘅加油飲品。我叫咗炸魚煙肉，炸魚用一整條龍脷柳，渣漿唔算太厚，煙肉係一般一般。味道方面普普通通，又唔算唔好食。但相比起佢午飯晚飯嘅菜式來講算係失色及冇乜特色了。