閒悠。館 (已結業)

兩個人的晚餐選擇了燒姜汁豚肉丼 + 咖喱安格斯牛肉漢堡扒定食份量稍為偏少 本身細食嘅我 食晒都未有飽肚嘅感覺但食物質素OK 兩份食物都好好味但對於男士嚟講 可能會覺得唔夠飽

下午茶時間Menu: 鰻魚炒飯+吉列豬扒薯餅厚多士鰻魚炒飯個份量稍為炒左吉列豬扒薯餅厚多士就唔錯 不過都幾飽肚環境：餐廳內環境休閒 唔會好逼服務：用QR code 去落單 減少左同員工嘅接觸飲品方面 跟餐只可以飲烏龍茶，玄米茶或普通黑咖啡如果加飲品要另外補delta 其實佢Menu有好多唔同飲品選擇不過加埋飲品價錢稍為偏貴

今日lunch去左呢間食間店掃QR CODE落單幾方便，而且環境都唔錯，幾乾淨.兩個人食，叫左兩個lunch set，包一杯野飲一個日式咖哩龍脷柳$66 有三塊魚柳，味道正常，但略嫌太少蔬菜另外一個牛柳便當，成$88呢個無影相，但d份量少到只係岩女仔食。飯都俾得好少，一個拳頭咁少......如果男仔食真係無可能會飽..加上呢個價錢...最後就係分左另一個set d飯出黎先夠大家飽...最後仲有加一服務費，圍返食個lunch要成200 蚊都幾貴

小弟同老婆住喺附近，午餐早已食過，想去踢波之前飲杯野，行完石門冇乜邊間岩，於是去咗第一城。行過見到呢間台灣菜店，諗住試一次。其實之前行過望過個Menu，好似貴左少少，今次見有下午茶，試試佢。我地叫左個濃香芝士蛋餅 、伯爵茶窩夫，仲有杯综合水果茶。個芝士蛋餅最先黎，軟熟熱辣辣嘅餅皮仲冒緊煙，包住嫩滑炒蛋，淋上沙律醬及日式燒汁，色香咮俱全，唔，有驚喜！之後個伯爵茶窩夫 制作時間合理，香軟鬆脆，唔會太甜，擺盤美觀，個甜品係會令人個心甜左一甜。食完我忍唔住同位女店員傾左幾句，我忍唔住問，個窩夫係咪即叫即整？佢話所有甜品都係即叫即整。Ok，咁就岩啦。我幾滿意！佢全程都好nice，好客氣。最後呢間店好乾淨，坐得好舒服，啲service又幾好，下次決定去試吓食個正餐。如果你嫌佢貴，係，可能係貴左少少，要平嘅話，樓上有吉野家，唔想上樓梯，食譚仔都可以。之不過，今次嘅體驗，我覺得餐廳係用心嘅，所以我特登開個Account寫呢個食評。

叫左個名太子帶子忌廉扁意粉，加埋一盛惠97.8，無野飲，豆潤咁細碟，有圖有真相。帶子ok，意粉太咸，菜都無條。一舊水當買個教訓，以後唔會再幫襯。唔明d正評邊度黎，錢多都唔係咁樣花。朋友叫左田園素菜扁意粉，加埋一盛惠68.2，佢表示個意粉太酸，素菜帶點噥，無咩特別。加左杯芋香latte，加埋一盛惠29.7。奶味濃，反而芋頭味太少，算過得去吧。但朋友都表示呢間野偏貴，無咩驚喜，唔會再試，反正周圍好多其他選擇。

環境好 乾淨舒適員工唔太熟menu 但態度係有禮貌既 食物打卡一流閒時唔算人多 舒服蛋餅係港式蛋餅 唔難食 但唔係台式既味咖啡好淡 蛋捲正常 總括價錢算貴 聊天hea下唔錯 但係食物麻麻

環境有啲似南豐紗廠入面嗰啲chill chill cafe，有空間感，設計簡約得嚟坐得好舒適🥰餐廳主打台式食物，亦有部分西式主食。午市時間有好幾個set menu便當。餐廳要用手機落單，冇menu揭吓睇相，如果有圖睇吓會開心啲🤣我地叫咗兩個便當：和風三文魚便當 配冬瓜茶 $82 （唔記得影相🤣 不過係靚嘅）都幾重三文魚油味，三文魚粒唔會過熟，係煮得幾好嘅👍🏻 便當精緻但份量細，加埋啲配菜其實得好少飯同肉🙈醬燒紐西蘭牛柳便當 配冬瓜茶$86牛肉外香內軟，肉味濃，係有水準嘅菜式🤣 不過都係嗰句，精緻嘅便當份量都係偏細嘅如果有時間坐下，飲吓嘢食吓嘢傾吓計，呢個都係一個唔錯嘅地方。如果好似今次咁lunchtime 嚟食個飯就走，就有少少可惜同肉赤💰💰🤣

呢間餐廳最近應該換咗餐牌，印象中記得之前呢度有滷肉飯食，而家餐牌就轉左較西日。午市黎食，價錢中等，唔算平。吉列豬扒便當，吉列豬扒即叫即炸，唔乾，旁邊仲有漬物，幾開胃！三文魚西京燒定食，平時食開銀雪魚西京燒，今次用三文魚都幾新穎，不過性價比唔算高，差唔多$100。

呢間開左幾個月，終於有時間去食啦～環境都幾舒服 😌 有個書櫃可借書睇下入座後，職員會比個QRcode你用網上落單因為無Meun 所以要慢慢摸索下先見到有包餐飲 .今次我哋order左 （另收加一服務費）1️⃣ 唐揚炸雞蓋飯 $65 炸雞份量都算多，真蓋哂飯面 加埋溫泉蛋，味道唔錯但醬汁唔多夠，食到中間就撈唔到汁2️⃣ 滷肉台灣腸乾拌麵 $58味道一般，拌麵都夠Q不過台灣腸好味，多一條仲好3️⃣ 鰻魚蛋餅 $40職員送上這碟嗰陣我真係呆左 左睇右找先睇到少少鰻魚絲 我明 #圖片只供參考 但..... 真係唔識講4️⃣ 冬瓜茶 跟餐送的 清清甜甜好飲

本身跟朋友食左晚飯，想外賣甜品同飲品。食品質素高，呢樣令人inpressed，仲有另一樣野好抵讚，就係佢哋嘅外賣熱飲，個蓋用biodegradable嘅紙蓋，而唔係好似一般咖啡店咁為咗節省成本用不能回收嘅膠蓋，呢樣野香港冇乜幾間店舖做到。感謝餐廳為環保出一分力！當然，食物好，環境亦舒服，枱櫈亦令人感覺舒適，價錢reasonable，亦唔係賣一啲呢個商場都有嘅野，有佢selling point! 值得再去！

1️⃣ 滷肉台灣腸乾拌麵 $58 (6/10)呢碗雖然係乾拌麵，但係食落偏濕，食到最後仲見到有好多汁😕可能因為啲麵唔夠乾就加咗卓滷肉，令到啲滷肉汁都淡咗🤭滷肉半肥半瘦👍🏻麵底仲係Olaf好中意食嘅粗刀削麵🤤台灣腸外皮好脆，不過，多一條就好了🤪2️⃣ 迷你滷肉拌麵 $43 (6/10)下午茶版嘅滷肉拌麵😂份量少咗一半，但$43好似唔太抵🤭3️⃣ 九份芋圓刨冰 $40 (6/10)口癢想食多個甜品就叫埋個刨冰，有好多配料簡，我地就叫咗白玉、芋頭、仙草，樣樣都好足料，但如果唔加埋黑糖醬就無咩味😅芋圓唔太煙韌，又太大粒🥴不過，加咗黑糖醬嘅刨冰會令你食到停唔到😂

因為住係附近，而且學校都係附近平時都會黎e到食，今日就介紹埋自己嘅同學一齊黎左e間叫閒悠館的台日式店舖。一進門口就有個綁馬尾啡色長頭髮女生問我地幾多位，幾有禮貌嘅，我地講唔該會講翻唔洗客氣個啲，令人感覺幾舒服。因為放學時間都係想黎食小小野，e到係用QR落單嘅方式落單，我覺得幾好，可以比我地慢慢諗，咁我地3個人嗌左兩個飯3杯野飲仲有一個小食然後分享，佢係收銀隔離有個書櫃，裡面有好多書，有講咖啡有講旅遊都有啲心靈雞湯嘅書，不過可能個位置太隱蔽，唔係每個客人都見到。講翻食物，平時我女仔好少食炸雞，但e到嘅炸雞飯好好食，又唔會太乾身，裡面有汁嘅，加埋個溫泉蛋簡直絕配。我朋友就嗌左一個茄子味噌鯖魚飯，e個食落去唔會話太腥，可能係用左味噌嘅關係，意外地好食，佢都話冇介紹錯，凍豆腐就散叫小食黎，上面有肉鬆同種食落去脆嘅薄片，仲有芝麻醬，如果幾樣夾埋一齊食好好食。講到最驚喜就係杯抹茶Latte，平時我一係飲紫薯一係飲抹茶，今日就飲抹茶，平時都有拉花但係啲心心，樹葉個啲，可能今日客人唔算多，水吧有個男同事拉左隻大猫比我，我覺得好窩心，睇得出整e個都好花時間真係大力推介，當初我朋友見到下面食評覺得係伏，我

見網上食評有好有壞，但還是和朋友選擇了閒悠館一進門口店員態度很好，很有禮貌，是位綁馬尾齊陰啡頭髮女孩，這店是用QR下單，不太會用也很耐心教導我然後叫了一個炸雞飯和冬瓜茶，飲品是免費跟餐的，應該是最近轉了新菜單，樓下所說的菜單和拍照的相片食物我沒看到，不過整體感覺良好朋友叫了一個牛油果吞拿魚飯，因為他很愛牛油果，想不到意外的合襯。所以我和朋友還會再來的，在附近有一間會再光雇的店照片在朋友手機，會後加的

去食下午茶，下午茶時段人唔多，都算靜。啲枱椅杯碟都算新淨，所以整體環境都舒服。落單用QR code 自己落，唔難用。服務員都主動俾水我地，態度良好。下午茶時段嗌左個迷你鰻魚炒飯，份量ok 既，不過炒得好濕，所以食落有啲膩。另外嗌左份肉鬆蛋餅，唔係傳統台灣果種蛋餅，略嫌個皮有少少厚，但整體味道都可接受。再加左杯凍烏龍茶，杯茶又反而算係幾好飲。總共食左一百蚊，性價比算係正常。同朋友吹水傾計都係個好地方，但對食物就唔好太有期望喇～

本來想揾另一間車仔麵，點知行左成個商場都揾唔到，見到呢間個環境幾舒服又唔多人，就試下。野食款式唔算好多，飯/麵/甜品/輕食都有，係scan qr code自己落order既。因為我唔太餓，所以叫左個蛋餅，我係明太子lover, 佢只係面頭有少少明太子醬，都有d味既。 蛋餅唔係好傳統台式嗰d, 但都幾好食，薄薄既餅皮包住好飽滿軟熟又滑既蛋，上面再有d菜(但我個人唔太喜d菜，陣味太raw). 雞扒拌麵個雞扒正常，個麵係台式闊麵，但有d overcook左，個質地好糊口，no good😣仲有個跟餐既冬瓜茶，淡左d, 仲要好多冰，越放越冇味。Service幾好，上菜時主動俾碗仔同水我地。 環境好闊落坐得好舒服，幾啱同frd飲杯野吹下水，或者拎部notebook喺度做下野。