閒悠。館 (已結業)

返工返到好悶， lunch嘅時間忙裏偷閑一下，今日嚟到呢間閒悠館食個午餐，裡面唔算多人，都有文青feel，坐落都舒服嘅。一個書櫃俾人拎書黎睇，但係食咗咁耐都冇見人拎書來睇，可能個書櫃太隱蔽。第一城食嘢都係偏貴，最少都$60、$70，今日叫左個照燒雞扒蓋飯，配冬瓜茶（$75，未加一）。賣相唔差，有幾棵西蘭花，感覺有啲菜食健康啲，但係應該係白烚，所以無咩味，雞扒食落都算OK，煎得幾香，唯一係個飯細咗啲，同埋冇乜汁，如果多啲飯同汁就好好多，依家有少少乾。冬瓜茶就中規中矩，唔差既。整體來講中規中矩啦，無食評中咁差（可能我要求唔高），但得主餐同飲品，就真係偏貴左少少。

自從開店後第一次幫襯呢間，佢地使用網上落單。坐低後店員會給你一個QRcode，坦白說沒有說明怎樣落單都算，顧客自己探討下。Menu 沒有說明食品是冷是熱，所以叫服務員解釋一下。怎料她聽唔到我問題，之後大聲「下？」左一下，「大聲d丫」，服務態度完全不熱誠，請問這裡是茶餐廳嗎？問佢呢個麵是冷是熱（因為餐牌冇寫），又唔熟餐牌要問老闆，又冇講有蔥亦冇得走蔥。咁仲要收10%服務費？究竟佢哋比左咩service？遞餐嗎？本身諗住試吓，ok，我現在完全blacklist左了～

今日是在家工作的第一天，午餐的時候就選擇在家附近的餐廳，平常我主要幫襯Reactors, 見佢對面開了一間新食肆，就即管試試看！原來是台式小店，啱晒我這個偽文青！可惜因為疫情的關係，我只好選擇外賣自取。我買了鰻魚蓋飯和鹽酥雞回家跟女兒分享，午餐送冬瓜茶或烏龍茶。吃完覺得很幸福，感覺這是一間很有heart的小店！我自己喜歡幫襯小店多於連鎖式的集團餐廳，尤其在疫情下，很多小店也是掙扎求全。太好了，現在第一城除了我喜愛的Reactors ，還有悠閒館！吃完飯便要返回現實，繼續努力工作！

裝修算係幾靚，但d 位排得好逼，點「閒悠」呢？食物賣相算ok，隻碗勁大隻，但食物份量極少，兩、三啖就食完，小朋友都唔夠食啦！收你七十幾、八十蚊，得幾條冷麵、蛋絲、青瓜絲，雞得幾片，個醬係普通超市買到既芝麻醬，毫無誠意跟餐果杯飲品話就話送比你，但其實只係一杯「糖水」冬瓜茶，或者一杯普通熱烏龍茶，要飲其他台式飯品或咖啡就要加三、四十蚊，即係一個人要過百蚊收人咁貴，但其實係冇 service 架，所有飲品食物要自己用手機落單，但樓面又有成六、七個伙計唔知響度做乜本身都唔諗住打咁長既食評，但原來OpenRice 要人打夠 200 字先可以評分，希望少d 第一城之友中伏啦一句講哂，徙 quota，冇下次！

家附近開了一間新野，一路都未有時間。今日終於有時間去食環境不錯，好舒服，員工好友善個menu 好簡潔，不過，如果加番啲圖呢，就好了重點當然係食物啦！今日我哋order了生薑燒五花肉水菜蓋飯及台式雞胸麻醬蕎麥麵。五花肉肥瘦適中，雞胸好食，預先混了麻醬的麵，更加好味。另外，冬瓜茶甜甜地，好舒服😌

在這剛開業的日台式 cafe 和好友 afternoon tea，估不到食物質素和 cafe 印在帳單上原本的名字 “Hea Maison” 一樣，得個 “hea” 字！ 要快快改善才可留得住客人呀！ 😉😉😉

食物選擇少，味道好一般，啲汁基本上係無味。價錢唔平，要$60-$70一碗飯，唔包飲品。另加飲品要$23。職員服務態度一般，根本未有客，卻不斷叫我哋拎開個袋。唔會再幫襯。

叫左個 雞扒蔥油面 完全無味 面質又差。特色蛋餅 所有野都分開晒 餅還餅 蛋還蛋咁！冬瓜茶 擺足10粒大冰落去 冬瓜水 都不如！好差！唔係見佢新開 根本唔會試 亦都唔會再有下一次！超難食！

成間野都係差，難食過自己hea煮。成間野主食得幾款撈麵同幾個飯，有幾款仲要賣曬我同女友叫左碗黑蒜蟹柳撈麵同雞扒腸飯。我碗飯d飯硬過d生米，雞扒鞋過雞胸，台灣腸仔得兩片，同佢個圖完全少一半，個碗就大，個飯得一半，成碗都勁細碗，仲要賣成$80蚊。女友叫果碗撈麵仲差，碗麵鹹過海水，d蟹柳又係一條撕開幾片咁，完全食唔落，仲要賣$6x。成餐飯得杯罐裝冬瓜茶係飲得落到比錢果下真係呆左，收$15x，睇番先知道仲要收+1，到而家條氣都係唔順

下午2点幾問有冇午餐……有，要自己用QR code 点餐，才知魯肉售罄，理應在我詢問時提一下……点了唐揚雞飯……份量好少，女仕勉強夠，男仕一定唔夠，個飯太多汁又咸👎👎, 一D都唔扺食$65 + 10%……唔包嘢飲

新店試業中，抱著期望點選了溏心蛋豬軟骨飯。下單是近年流行的透過QR code用手機點餐，套餐飲品有熱阿里山烏龍或冰冬瓜茶選擇。食物送到時有點意外因醬汁竟是帶辣的（餐牌沒有註明），溏心蛋也沒預期中吸引。吃了一口飯後更覺失望，雖然似珍珠米但口感比冷飯更差，不熱而且甚至似生米。豬軟骨也煮得很普通，與微辣醬汁不合口味。冬瓜茶沒有點少甜都只是淡淡的。最後是要到櫃檯埋單而竟然也收10%服務費，覺得不值。前面埋單的客人給了不少意見，希望日後會有改善。