闔府統請

營業中

休息中

人情味小店，唔係話好好食，但會有好味湯水飲，唔夠飯可以加飯，一個餐都送外賣，店員都好好人，環境唔錯，上菜快手，一家大細定一條佬去食都非常滿意，座位都好寬敞值得推篤

去親粉嶺個頭搵親戚食飯都會食呢間👍🏻👍🏻價錢合理 態度友善 叫晚市野食通常都跟碗湯 或者可以要熱飲就算三個人要一碗湯都會比勁大碗 😽食完野又會比碗糖水仔好有人情味 啲姐姐都算好禮貌👏🏻小菜方面 菜膽雞 金銀蒜粉絲蒸魚片都好食菜膽雞半隻 隻雞好有肉😼😼亦算滑身 好味 呢個餸夠飽又唔會太肥膩每次都會叫呢個餸金銀蒜粉絲蒸魚片第一次食同魚片取代平時啲貝類海鮮 幾新鮮 👏🏻蠔餅不推介 因為唔係平時個種蠔餅炸粉太多 個汁又太鹹

天寒地凍梗係食番個羊腩煲啦，估唔到呢度既羊腩煲都唔錯！平時嗌小菜套餐，蒸肉餅，回鍋肉等等都做得幾好。羊腩煲羊腩皮仲有少少咬口，肉鬆軟淋，個汁都幾掛羹，佢唔係炆到極淋散晒果隻，係要你煲佢一陣先再軟淋果種，我覺得師傅做得幾好，而且羊腩份量唔少，枝竹，冬菇，筍等等都有返咁上下，就咁食成煲羊腩好濃味，送飯比較識合。之後試過買兩煲返屋企打邊爐，5個人加少少火鍋料都夠食；唔係讚到佢好好食果隻，但係我覺得性價比高。茄子牛仔骨煲牛仔骨走油得岩岩好，唔會太乾身，醃得都算可以，都食到少少鬆肉粉果浸除，但唔算過份，都幾過份……人地果d就茄子多……呢度就一半一半咁濟，你睇張相就明，上到枱香噴噴，又吸引又好味！！附近除左幾間連鎖茶餐廳之外都冇太多選擇，呢間小菜做得算唔錯。隔離有另一間茶餐廳，但衞生環境及味道相對比較差。

呢個係炸粉蠔仔唔係正常嘅蠔餅，好恐怖食完成個咀損晒😂😂其實見到嘅時候都已經好驚訝，因為咁大個都未見過咁樣樣嘅蠔餅。佢完全唔係潮州蠔餅或者街市見到正常嘅蠔餅。基本上全部都係炸粉，就連基本一啲蛋漿或者糊仔都冇落，所以完全係送唔到飯，感覺除咗驚訝就係超級失望

果間餐館， 仲要港趙成48 蚊 ， 我不知點煮。 但我每行一步就加價、貴到不磡。 通貨膨脹日加日加, 餐具跌過無洗過？我住家在附近， 無工開米又入吓去人進食。點知， 😕😩個收銀都係被我吸引同我過唔去。唔， 回想多一下 以後一個絕對唔入去

呢間舖真係可以叫做由細食到大。唔好睇佢舖仔細細，又茶餐廳格局咁，查實d質素真係好過好多大酒樓。先講價錢，普遍都係$7X一個晚餐，有飯有湯，有時仲有糖水派。聽落好普通姐~其實佢以「量」取勝😁比如湯咁，唔係一個飯碗size，係一個出面街食魚蛋粉嘅果隻確size，真係夠三個人飲。餸嘅份量亦偏向大碟，如果細食，真係一個餐兩份食都有餘。另外，呢到都好多選擇，除咗家常小菜，都有焗飯/意粉，依家仲有烤魚等等。所以極力推薦街坊之選😛

呢間餐廳已經變咗我同屋企人嘅飯堂成日都喺度食小菜🤣小菜包埋一碗飯一碗湯仲有甜品多數係綠豆沙或者紅豆沙😮.今晚叫咗一碟燒春雞椒鹽豬扒同茄子魚腩煲再加多$19一碟嘅時菜.整體質素都還可以🧐但係豬扒就有啲肥不過呢個價錢來講質素都算唔錯

睇落普通一間茶餐廳，每個細節都做得好不容易，高質真心推介: 闔府統請 叫咗個豆腐火腩飯，油占多，凍奶茶，和加一蚊餐湯，每件豆腐火腩都燜得好林好入味，瘦肉部份一啲都唔韌，汁亦都好充足，豆腐大大嚿又林又滑，蘑菇爽口入味，整體好高質，唯獨佢送漏咗碗飯，打去佢就即刻安排送返，睇吓碗+1蚊跟餐嘅老火豬骨湯，打開重好多煙好熱，飲落一啲都唔似味精湯，凍奶茶亦沒有令我失望，茶味濃，糖和奶亦調校適中。整體而言高質真心推介，外賣更是很方便

粉嶺黃店唔算好多，不過都要支持下。今次黎到闔府統請食晚市，呢間餐廳真係平到好誇張，4個人都係$270, 仲要食到海鮮，不過每餸就唔係特別大份，但係都依然好抵👍🏻二人海上鮮 叫咗一條豉汁蒸魚🐟，條魚蒸得岩岩好，好滑好正。雖然唔算好大條，不過百幾蚊一個套餐算係咁。小菜叫咗京都豬排🐷，酸甜汁好開胃，豬排好大件又唔韌。仲有兩個中湯附送，正常茶餐廳水平啦。再加兩個白飯，套餐都係150有找。🙈豉汁炒蜆就$58,份量都唔算少，仲炒到好惹味🤤，咁嘅價錢真係好抵食。再叫咗個蜜桃炒蝦球🦐，都有6-7隻蝦。$78蚊再有飯同湯。蝦球都夠彈牙，唔錯。最後就係腐乳通菜🥬，一啲都唔油，點埋腐乳食就夠好食啦😋

炸魚柳拼薯條(下午茶餐) $35推薦指數：★ ★ ★ ☆ ☆份量唔算好大份，成年人未必飽肚🤭，味道剛好唔會太咸，但魚柳冇跟到沙津醬係一大敗筆😭·火腿芝士飛碟 (下午茶餐) $30推薦指數：★ ★ ★ ☆ ☆多士烘到脆邊，如果再燶d脆d就更加惹味😋·朱古力醬厚多士🍫(單點) $12推薦指數：★ ☆ ☆ ☆ ☆呢款真令人失望，厚多士唔脆，可能要額外叫烘底🤔? 朱古力醬亦都唔係話好好食😫.·📍 闔府統請 (粉嶺)粉嶺一嗚路23號牽晴間購物商場G3號地舖

12/2 我今日同媽咪約左一班朋友仔一齊去這間餐廳吃晚飯。這間餐廳環境就一般，不過食物及侍應態度超差： 我們要左一碟土魷蒸肉餅飯。肉餅一來到，我吃第一口已經吐出來，原來佢哋廚房師傅煮得唔太熟，於是我未叫侍應過來。有一位阿姐走過問我哋咩事，於是我說給佢知。點知阿姐聽完之後勁無禮貌話我們，又唔換番碟野比人，還話我地痳煩。於是我發脾氣要求見佢話事人來點知原來佢勁巴閉咁話我就係點呀？所以我決定永遠不會再過來。

星期日晚市揀左而間有位的餐廳，碟頭飯連餐飲4x到5x不等，唔算貴。叫了個生炒骨飯，凍檸茶。凍檸茶藉著通通，茶味偏淡。生炒骨同白飯分開上，份量差點以為係單點小炒，小驚喜。白飯偏林，平價貨色。賣相ok, 味道不是很突出，甜酸味不夠濃，外層不脆，但總體是可以接受。48+3 價錢來說算係唔貴，好過出邊叫一個70蚊小炒再加白飯又冇野飲。

之前食過兩三次，感覺一般，得「碎蛋沙律」好味。今日見其他餐廳滿座，只好來闔府。點左個黃咖哩什菜飯，其實等同於「咖喱菜心」 飯，全盤淨係菜心，只有少少粟米粒和兩小塊蕃薯，口感黏稠，唔抵食。熱檸茶味道好苦，感覺到食物好敷衍和唔用心，價格仲貴過隔離茶餐廳，以後唔會再幫襯

除了經常食早餐外，午餐因為選擇多，反而是最少機會光顧，如果不是趕時間出旺角，都不會來個快午。例湯是雞腳豬骨蓮藕湯，小小的一碗，又有雞腳湯渣，味道還可以更濃郁一點，或者晚餐時段再喝會好得多。如果在晚飯叫蒸菜，往往要有排等，但午餐的什菌鮮腐竹蒸雞飯，是預先蒸好，所以夠快，雞油都給蒸出來了，而雞肉蒸得過火，肉質很粗糙，而且白飯水份太多，所以一舊舊。熱檸檬茶算是近日喝過比較好的，至少有茶香。

平日休息，唔想去咁遠貪方便，就起屋企樓下食個晏就算叫左個咖哩班腩飯，原來依度有分紅咖哩同黃咖哩，咁就選擇左黃咖哩啦依度啲咖哩既味道唔錯，辣味夠，但係咖哩配班腩既配搭好似好怪，都係配牛腩好啲，兼且依度既班腩亦炸到硬曬，好難食。唯一好食既係薯仔幾淋幾好食