闔府統請

營業中

休息中

天寒地凍梗係食番個羊腩煲啦，估唔到呢度既羊腩煲都唔錯！平時嗌小菜套餐，蒸肉餅，回鍋肉等等都做得幾好。羊腩煲羊腩皮仲有少少咬口，肉鬆軟淋，個汁都幾掛羹，佢唔係炆到極淋散晒果隻，係要你煲佢一陣先再軟淋果種，我覺得師傅做得幾好，而且羊腩份量唔少，枝竹，冬菇，筍等等都有返咁上下，就咁食成煲羊腩好濃味，送飯比較識合。之後試過買兩煲返屋企打邊爐，5個人加少少火鍋料都夠食；唔係讚到佢好好食果隻，但係我覺得性價比高。茄子牛仔骨煲牛仔骨走油得岩岩好，唔會太乾身，醃得都算可以，都食到少少鬆肉粉果浸除，但唔算過份，都幾過份……人地果d就茄子多……呢度就一半一半咁濟，你睇張相就明，上到枱香噴噴，又吸引又好味！！附近除左幾間連鎖茶餐廳之外都冇太多選擇，呢間小菜做得算唔錯。隔離有另一間茶餐廳，但衞生環境及味道相對比較差。