阿不小館

營業中

休息中

味道幾好，燒雞有水準，皮脆肉嫩多汁，胡椒蝦夠惹味，配上沙煲上餸，令蝦可以一直keep到熱度，唔會食食下就凍咗，值得加分！！！薯仔絲如果可以炒得更有鍋氣那就更加好了。

話說我哋事前book咗枱，有八五折，所以我哋嗌咗成枱餸。到臨埋單嘅時候個reception四眼金髮阿叔同我哋講，話我哋遲咗少少到，張枱最多hold起10分鐘，所以做唔到個八五折俾我哋。我問佢我哋遲咗幾耐，佢佢口震震咁講10幾分鐘。。。係囉，我都好肯定我哋係遲~12-13分鐘到嘅，即係而家爭左幾分鐘都唔俾埋個折我哋？？😌仲要，點解要喺我哋嗌曬餸，臨埋單嘅時候先講，而唔喺我哋一入到嚟嘅時候就講？係咪想我哋嗌晒成枱餸之後先至伏我哋？雖然我哋真係遲咗少少，但我真係好無語囉😂😂😂 講真，類似situation, 我真係冇喺香港其他餐廳遇過呢啲對待😂😂呢個四眼金髮阿叔係咪第一日出嚟返工？其實我哋唔係care嗰少少折，而係覺得如果香港餐廳用呢一種方式對客嘅話，真係唔會有人再喺香港餐廳幫襯！到時全部人返晒大陸消費，香港冇晒生意，就唔好喺度怨。

尋日食咗意大利嘢今日就揀返粵菜啦😉諗住等一兩張飛是但啦,點知側邊啲人入曬都未到我😓諗住走㗎喇,有突然到我喇😅成間舖都滿曬客,侍應匆匆忙忙就行開咗. 點咗一壺普洱,再睇下有乜好食,點咗一個雞油花雕蒸馬友,欖角一字骨,清炒萵筍.馬友魚唔覺得好腥,用雞油花雕蒸都幾特別☺️一字骨正常發揮,清炒萵筍專登叫侍應同廚房講少油少鹽,都係正常發揮啦😉兩個人埋單,四百幾蚊,還可以啦

原本唔係去呢間，點知我想食嗰間要等好耐….咁啱經過見到門口張海報就試吓 …… 真心伏…餐牌不是太多選擇，招牌菜花雕蒸雞 我覺得似酒精蒸雞多啲！ 咁大家可以諗到個味係點，以為呢個已經係一個大伏 ，點知一食嚿雞…柴過腳皮！ 大佬已經係雞髀位 -.- 成碟其他部位都係咬完吐返半件出嚟….. 唉 伴碟嗰幾隻大顯蜆一樣咁柴，真係唔知想點 其餘仲試咗兩樣嘢都算可以嘅，黑松露虎蝦炒蛋，同埋個煲仔蛋黃南瓜，呢兩樣正常發揮 服務就不過不失，只係個唔知老細定經理，好似中場指揮咁，大佬餐廳嚟㗎…大排檔咩？！茶餐廳啲老細都唔會對住啲客表現咁霸氣 ～ 隔籬枱問佢有冇停車飛仲喺度扮傻，其實你正正經經話俾人聽唔可以俾，揸開車嘅都會明白，唔會怪你，使乜扮唔明人講乜，問非所答，咁樣真係好核突兩個人埋單四百幾，airside咁多嘢食，真係可免則免

甚少係大型商場遇見供應小菜煮炒嘅食店， 一定要介紹俾大家. 約好朋友午飯，從OpenRice 訂位非常方便. 中午頗多上班族幫襯. 裝修光潔清雅，伙記招呼周到，坐位下有布竹籃供客人放手袋👍午飯套餐供應多款小菜， 雞牛豬菜應有盡有， 特別是有多款鮮魚供選擇， 還有炒粉麵飯， 午餐前菜亦有8款選擇，只睇餐牌已胃口大增. 跟朋友點了菠蘿西班牙咕嚕肉及清蒸馬友; 咕嚕肉啖啖肉味道適中開胃,菠蘿伴菜新鮮👍馬友是原條開邊蒸好鮮味，用蒸魚鼓油撈飯突然有幸福嘅感覺😄