阿不小館 (已改名) 查看

話說我哋事前book咗枱，有八五折，所以我哋嗌咗成枱餸。到臨埋單嘅時候個reception四眼金髮阿叔同我哋講，話我哋遲咗少少到，張枱最多hold起10分鐘，所以做唔到個八五折俾我哋。我問佢我哋遲咗幾耐，佢佢口震震咁講10幾分鐘。。。係囉，我都好肯定我哋係遲~12-13分鐘到嘅，即係而家爭左幾分鐘都唔俾埋個折我哋？？😌仲要，點解要喺我哋嗌曬餸，臨埋單嘅時候先講，而唔喺我哋一入到嚟嘅時候就講？係咪想我哋嗌晒成枱餸之後先至伏我哋？雖然我哋真係遲咗少少，但我真係好無語囉😂😂😂 講真，類似situation, 我真係冇喺香港其他餐廳遇過呢啲對待😂😂呢個四眼金髮阿叔係咪第一日出嚟返工？其實我哋唔係care嗰少少折，而係覺得如果香港餐廳用呢一種方式對客嘅話，真係唔會有人再喺香港餐廳幫襯！到時全部人返晒大陸消費，香港冇晒生意，就唔好喺度怨。