阿來客棧雞煲火鍋 (已結業)

找來這間新開既火鍋火鍋店環境舒適，坐得幾舒服地下完全冇痴立立既感覺餐檯好大張，一定夠位擺火鍋料先叫左湯底先滋補花膠瑤柱雞半隻湯底非常足料花膠厚身大塊雞件都幾滑紐西蘭羊肉大大塊手打四寶丸，有蝦丸，墨丸，牛丸，鯪魚丸全部都好彈牙鵝腸，鴨血，蜂巢豆腐特別鐘意鴨血同蜂巢豆腐一咬落去好多湯汁半份夠哂兩個人鮮滑牛，脆炸午餐肉鮮滑牛新鮮嫩口脆炸午餐肉外脆內軟鬼馬墨魚脆脆皮得黎不失墨魚既彈牙即炸魚皮份量多大大塊又脆身最後送上甜品涼粉完滿既一餐

自從吃過一次之後，很想念這裏的雞煲，來到才知道優惠已經結束，有點失望，不過食物就沒有令我失望。金湯花膠瑤柱雞半隻$168，雞湯的表面有一層雞油，證明是雞隻熬製而成，加上湯內有瑤柱，所以味道鮮甜，不用加任何調味，已經有很豐富的層次感。結果忍不住連喝三碗雞湯，才肯罷休。爽口豬頸肉半份$32，豬頸肉爽口彈牙，肉質鮮甜。鬼馬墨魚脆$58，油炸鬼加入墨魚膠，除了可以空口吃之外，還可以放湯。放湯之後吸收了雞湯的鮮甜味道，令到這個組合的更加美味。唐生菜半粉$20，油麥菜半份$20，萵筍$20。每次打邊爐都要點些蔬菜，才感覺健康，最喜歡就是這裏可以點半份，不會過多或過少。廣島蠔六隻$58，蠔肉味道鮮甜，蠔味十足。鮮滑牛一份$78，肉質鮮嫩可口，非常配合雞湯。

今日去銅鑼灣試咗間食雞鍋出名嘅舖頭叫阿來客棧，地方特色別緻、環境整潔。今次火鍋底我哋叫咗金湯花膠瑤柱雞，湯底入面嘅花膠超滋潤，仲有杞子、瑤柱等進補嘅材料，有半隻新鮮雞令到個湯底超鮮甜。而且呢期的雞煲仲做緊半價，超級抵食！另外食物我哋點咗稻庭烏冬、即包鮮蝦雲吞、唐生菜、蕃茄、芝士腸、串串鵪鶉蛋 、蜂巢豆腐、鬼馬墨魚脆及西班牙黑毛豬片。好多食物也可選半份，可以試多些不同食材。每樣食材都好新鮮而且上碟的賣相好看，放落去雞湯滾熟之後，其實都唔使點醬油都好夠味，同埋服務員服務一流，所以下次嚟銅鑼灣打邊爐我一定會再嚟阿來客棧。

餐廳環境不錯， 有partition, 令到人食得安心先食小食， 脆炸魚片頭，有大量炸蒜粒非常香口，魚片頭幾爽彈，味道幾香帶蒜香！魚片頭三角狀入口口感豐富！湯底是金湯花膠瑤柱雞鍋，湯頭濃夠入味！有大量瑤柱更增添咸鮮味！又有杞子幾滋補有鮮甜！花膠幾綿滑細緻，口感嫩嫩！雞肉都夠滑！整體個湯頭好正，夠入味！即包雲吞，皮很薄餡料夠飽滿，蝦幾大隻爽爽彈彈,肉汁夠香。手打墨丸幾重墨丸香，雖然細細粒！但勝在夠彈牙！再叫埋份烏冬，湯頭掛到烏冬，非常好味！價錢公道。服務不錯！

聽講來來雞保原班人馬主理係銅鑼灣開左阿來客棧，主打都係雞煲，即刻就約左朋友一齊去試吓。新鋪裝修得非常舒適，光線充足，每張枱之間都有裝簾子，可以好安心咁除口罩食飯。今次叫左雞煲，可以以優惠價加錢加牛筋牛腩牛肚牛脷，食完之後再加湯打邊爐。雞煲一早炒好連埋啲牛一齊上，一黎到就可以即刻食！雞食落好嫩口，啲牛腩牛筋索晒啲麻辣醬，非常入味！我地即使叫左bb依然覺得香口！之後加湯打邊爐，我哋叫左炸牛餐肉，豬腩肉，鴨血，鯪魚球，豬頸肉，豬肉丸，粟米同娃娃菜。材料好新鮮，粟米即使索左麻辣味依然鮮甜無比！最後再加個烏冬，食到我地捧腹而回！值得一提既係個鬼馬由炸鬼，脆卜卜加埋個梅味甜酸醬，非常開胃，做前菜岩晒！

下雨天食個雞煲再打埋邊爐係個唔錯嘅選擇。在網上隨手選了這間.。貪地點方便，聞說新開張也有八五折於是果斷決定。地方裝修雅致，只是座位都沒有靠背，可能是不想你們坐得太舒服坐成晚吧！點了大路的重慶雞煲，味道真的不錯。為打邊爐配料就真的非常麻麻。欣賞很多東西都有半份，適合二人，但性價比真的非常一般，而且建議省卻嗰啲鋪底嘅立立雜雜菜。鮮鵝腸上枱時已經是灼熟了的，當時第一感覺就係「下？如果新鮮點解要幫我灼熟」朋友們似有同感，最後成碟冇食過咁濟。這裏加湯也只是加水，後來一再要求下，服務員皇恩浩蕩式咁話「俾少少雞湯你哋」，但各位食慣重慶辣雞煲嘅人都知，再好味的煲底，不斷加咗一大棚水，味道絕對唔係一個麻辣火鍋該有的味道！所以大家好冇癮咁食咗一晚開水火鍋！黑毛豬肥得吃不下去，西班牙又點呢？肥牛以咁嘅價錢在銅鑼灣來講不值。白鱔片半份四片$68，但係響鈴半份有10件$58，都係有啲費解。服務來講不過不失，只是其中一位男店員相對冇禮貌。如店家才剛剛開業，要在銅鑼灣火鍋界立足，建議一就係貴但係好好食，又或食物一般但勝在價錢實惠，兩樣都一般就非常危險！

今日黎到銅記行街搵到新野食，常打邊爐既我地就試下呢間阿來客棧湯底揀咗養顏海底椰子煲雞湯，湯底嘅材料非常充足，鮮味嘅程度令人差啲忍唔住飲晒成煲湯！新鮮雞件熟透後每一啖都充滿着海底椰嘅香味，仲要超滑超好食！講到配料，呢度嘅選擇真係非常豐富，如果新鮮手切肥牛真係唔洗多講，睇相就知道佢嘅油脂分布非常平均，入口即溶，牛味濃郁，食完一碟想再叫多一碟！呢度嘅即炸響鈴有兩種食法，話明即炸，一黎到就可以點佢地提供既甜酸醬熱辣辣咁即刻食，真係非常脆口鬆化，另一種食法當然係浸落雞湯，運用炸響鈴專屬嘅3秒法則，就可以食到到外表浸滿雞湯，外脆內軟嘅響鈴。另外仲叫咗野生竹笙，竹笙浸滿濃郁既海底椰子雞湯，個人覺得係絕配，仲有鮮甜爽口既珊瑚蚌同手打四寶丸，分別有鮮蝦丸，牛肉丸，墨魚丸同鯪魚丸，全部都爽口彈牙，個人最鐘意既係鮮蝦丸。而家部分湯底仲做緊堂食半價！！我地揀既湯底就係有半價優惠，真係超抵食，鍾意食麻辣既朋友就可以揀佢既麻辣雞煲，半價優惠都有佢份，部分配料仲有優惠價添！

見到呢間火煱新開張D食評都幾好今日就來了~椰子雞煲(半隻)呢個好甜湯底都香濃就算加左幾次湯湯底都唔會淡呀呢樣係讚架而且雞肉都算滑半隻兩個人再叫其他野都好夠了~九菜餃呢個都真心推個皮好好好薄D肉又唔會好肥果D~竹笙同蟹棒正常~炸魚皮係即炸的黎到熱辣辣加埋炸蒜上面就算唔點湯就咁食都夠鬆化唔會炸到好干

作為一個出色既邊爐迷, 絕對唔可以錯過新開既邊爐店。 一直都覺得銅鑼灣唔多邊爐選擇, 尤其係依家執下一個執下又一間, 今日就揀左新開既阿來客棧。 一入門口已經覺得感覺幾好, 完全冇油煙味, 地下唔會成層油, 好乾淨, 座位舒服, 光猛!!門口仲有噴噴俾你以備不時之需~~連店員姐姐介紹MENU都特別溫柔D!最得我心既一點係仍地可以點半份, 我好鍾意同男朋友2個人打邊單點食得好少, 以前特別鍾意去個間某國強大連鎖店就係呢個原因~~依家又一新選擇啦。  可以係我大鄉里, 如果仲有其他歡迎大家介紹我XD 言歸正傳, 呢到雞煲做緊半價, 湯又有, 重慶STYLE都有~我地點左重慶小辣, 好正, 味道完美, 醬料岩岩好, 啖啖肉唔會食黎食去都係痴滿醬既皮, 果然係做雞煲起家~~依家做緊優惠可以用優惠價加料落雞煲炒, 俾大家參考下~~ 即炸響聆 ($58)我依家出街如果唔係即炸我都好少嗌啦, 盒裝個D好淋好難食不過呢到!!!!  咁大碟先58蚊!!! 仲要即炸!!!! 一上檯我已經狂食, 唔浸湯仲正, 必食推介!! 以下全部都係半份~手打四寶丸 ($48)好彈牙, 唔係普通個D魚膠, 係盲算煮左好多

最近又想食雞煲火鍋，見位於銅鑼灣新開嘅阿來客棧做緊優惠，雞煲半價，就心思思去咗試。湯底揀咗馳名重慶雞煲(半隻)，因為朋友唔食得辣叫咗走辣，不過都一樣咁惹味。雞肉嫩滑，非常入味。食完雞煲就可以加湯打邊爐，我地點咗鮮滑牛(半份)、西班牙黑毛豬片(小)、紐西蘭羊肉片(小)、爽脆鯇片(半份)、手打四寶丸(半份)、薯粉(半份)、豆苗(半份)同埋響鈴。滑牛大大塊，而且非常嫩滑，入口有牛味，值得推薦。鯇魚片夠新鮮，亦都夠爽口脆身，唔錯。黑毛豬片同羊肉片都非常新鮮。四寶丸有齊墨丸、牛丸、鯪魚丸等四款丸，一次過可以試多款口味。響鈴即炸非常鬆脆，輕輕浸一浸湯汁，就吸哂湯底嘅精華。。。阿來客棧銅鑼灣渣甸街50號渣甸中心25樓。。

話說今日嚟到銅鑼灣有嘢做所以呢就順便搵嘢食見到渣甸中心呢度有好多新開嘅餐廳就決定試吓食雞煲因為都真係好耐冇食❤️入去見到呢間雞煲雖然五臟雖小但係啲座位都幾好坐我哋要咗馳名重慶辣雞煲一隻😛成煲大概等咗15分鐘❤️雞肉油脂豐富 多肉而且醬汁調校得非常rich👍配料方面我哋要咗1脆炸午餐肉!!呢個好推介 食落去好酥脆👍2炸魚皮, 配合炸蒜嘅味道卜卜趣而且唔會碎 快快都好大塊😙3 著名芝心丸 食出嚟就係會拉絲嘅感覺真係好邪惡😍4 鴨血 , 因為朋友講個雞煲辣辣地配合台灣鴨血嚟食嘅話會好好味 ,今次即管一試!!推介推介 食落去好滋味 同麻辣煲味道一樣😎5 手打墨魚丸 ❤️👍👍呢個一定要嗌 因為食落去真係有淡淡墨魚粒 而且爽口彈牙 而且仲好juicy😎6 粟米 係超甜粟7 超滑牛肉 肉質嫩滑 加埋牛味豐富 , 用嚟襯呢一個麻辣雞煲其實都好配合到😍8 毛肚 爽口彈牙!! 呢個其實都係第一次試 原來都幾好味😛另外我哋仲嗌左薯粉 ❤️吸晒湯嘅精華真係好正啊😁嘢飲方面我嗌左佢嘅特飲柚子梳打😂柚子蜜同埋soda 既感覺好適合打邊爐 !! 而且價錢一啲都唔貴到最後居然仲有佢哋自家製嘅糖水😍❤️好窩心

很久沒有到銅鑼灣逛街了今日放假便到港島一天遊，順路試一間雞煲火鍋位於商廈高層的阿來客棧主打食雞煲一坐下便給餐紙吸引了，竟然有半價優惠急不及待點了數款重慶辣雞煲及火鍋配料重慶辣雞煲 半隻雞 $74香辣的雞煲再加配牛腩，金錢肚每一口的雞肉都好嫩滑，加上濃郁的醬料，真是停不了口。先食雞煲再加湯火鍋都不失風味鬼馬墨魚脆 $58用墨魚膠抹在油炸鬼上一齊炸又軟又脆的口感真是不得不讚除了可以當小食，亦可以放入火鍋湯吸味後再食，更加美味特級雪花牛肉粒 小份$68牛肉粒油脂分佈平均，就算不小心淥久了都不柴，還是一咬就開，充滿牛的味道，不由自主繼續食鮮蝦 半份 $58新鮮的蝦，店家貼心地串好一串，讓我們更易處理入口桂花蚌 半份 $68很少火鍋店會供應桂花蚌，所以見點餐紙上有便點了一份，真係十分脆口，爽爽的。餐廳環境舒服，加上疫情的隔離裝備做得好好，可以安心與朋友慢慢享用美食。

阿來客棧👻好耐無打邊爐啦見到銅鑼灣依間既雞煲做緊優惠有半價咁抵當然要試下😆仲要好多款料都有得揀半份咁樣先可以試多幾款夠哂貼心抵讚😛.🔅重慶辣雞煲 HKD 119(半價優惠)雞煲當然要辣先過癮我地揀咗小辣初初食都偏向唔辣佢愈煲就會愈辣咁好正啲雞夠哂嫩滑調味調得啱啱好夠惹味好滿足🥰🔅廣島蠔6隻 HKD 58佢廣島蠔會加埋落個雞煲煮大大隻既蠔又唔會點縮水配埋雞煲啲調味大隻又好食🔅爽脆白鱔片 HKD 68片得好靚既鱔片完全無骨唔可以碌太耐咁就夠哂爽脆😚🔅鮮墨魚滑 HKD 48好彈牙既墨魚滑入面都幾多墨魚好足料🔅鮮鵝腸 HKD 45好新鮮既鵝腸淥完放入口仲脆既🔅鴨血 HKD 35好濃味既鴨血放落湯底吸下汁好正🔅爽口豬頸肉 HKD 32爽口又唔會太肥🔅油麥菜 娃娃菜 HKD 20🔅稻庭烏冬 HKD 18.整體黎講：惹味雞煲 高質邊爐😚.🎈 阿來客棧 (銅鑼灣)銅鑼灣渣甸街50號渣甸中心25樓

熱辣辣當然要打下邊爐～同冬天食雪糕既原理一樣😂呢度既打邊爐同雞煲都好有質素而家仲做緊湯底半價優惠想飲湯滋潤下當然就點花膠雞湯鍋個湯底膠質都幾重飲落都好濃好足料我足足飲左三碗先開始打邊爐呢個份量係半隻雞全部都係可以點半份呢個係新鮮鵝腸唔算好多肥膏係我最愛嘅貴妃蚌碌落湯到大概20秒到就好拎返起啦手打蝦滑～好夠彈牙兩個人食半份剛剛好黑毛豬腩片～肥瘦適中鬼馬墨魚🦑～～呢個做前菜真係一流🤤超香口其實我一個人可以食一份仲有是日糖水送添～～

- 今次黎到銅鑼灣既阿來客棧，呢間鋪主要食雞煲加打邊爐，鋪頭雖然細細間，但係都幾雅緻，服務亦都唔錯。- 今次，小編叫左一個養顔養生既海底椰子雞煲啦！雞煲一上到黎，職員就叫我地可以先飲個湯底先。呢個湯底用左印度椰子同新鮮雞🐔熬出黎，飲落真係相當清甜，而且好有椰子香🥥。淨係個湯底，小編都已經飲左三四碗啦🤤。 - 咁飲完湯之後，我地就開始食雞啦，雞肉意外地好滑又好嫩口，一啲都唔會覺得鞋。- 之後，我地就叫左幾款野食。當中，包括左招牌特級手切肥牛、手打墨魚丸、爽脆鯇片、即炸響鈴、油麥菜、鮮滑牛、蓮藕片、金菇同埋特級雪花牛肉粒。- 招牌特級手切肥牛一上枱，賣相就已經好靚好吸引，咁緊係即刻淥一塊試下啦！食落口呢塊肥牛有超級柔軟既質感，簡直係入口即溶。價錢黎講，$218就食到咁好味既特級手切肥牛，同朋友一齊食就絕對唔貴，性價比超高。- 除左肥牛，我地同樣叫左滑牛肉。呢碟滑牛肉令人有意外驚喜，軟滑既口感，真係叫半份都唔夠。至於特級雪花牛肉粒，打邊爐黎講就相對地就比較煙韌，但整體都係唔錯，幾新鮮。- 其次，仲有手打墨魚丸同爽脆鯇魚片。呢款墨魚丸超級彈牙有口感，而爽脆鯇魚片真係好脆口同好新鮮，不過就要小心