阿四車仔麵 (已結業)

同朋友喺旺角購物，買完之後大家都有啲肚餓，朋友話想食車仔麵，印象中呢間幾好味，就帶咗朋友一齊去食。我叫咗粗麵，要咖喱汁，加豬腩肉、白蘿蔔、咖喱魷魚、豬皮；朋友就叫咗烏冬，要腩汁同辣椒醬，加滷水腩肉、午餐肉、咖喱魚蛋、白蘿蔔、豬紅；我哋仲加咗生菜🥬同炸燒賣，share食。全部食物都幾好味，特別係朋友同我都有叫嘅豬腩肉同白蘿蔔，豬腩肉好軟熟好入味，白蘿蔔好鮮嫩。仲有嗰個炸燒賣，外皮脆脆地，口感幾得意。我介紹朋友飲呢度嘅凍奶茶，自己就飲熱檸水。朋友都好鍾意呢間車仔麵店，話乾淨整齊，食物味道又幾好。

今日同朋友係旺角行街，發現呢間裝潢比較新派的阿四車仔麵，於是試下🤪自選車仔麵，醬汁同配料都非常多選擇，仲有各款小食任君選擇，正我揀咖喱汁+辣酱烏冬湯底本身比較清淡，咖喱汁配搭彈牙烏冬最夾，再加辣醬啱曬鍾意食辣既人！大大舊又甜的蘿蔔非常入味同霖的牛腩辣魷魚爽口香辣第二碗係腩汁 +麻辣醬烏冬辣魚蛋彈牙炸片頭爽口牛百葉有嚼口小食方面炸唐揚雞塊香脆可口，唔厚粉，外脆內嫩，配泰式辣醬味道一流大大隻豉油雞脾，成隻內裡都非常入味，肉嫩不會太柴炸墨魚卷薄脆彈牙，口感不錯，墨魚味出眾最後樽仔奶茶有驚喜～ 茶濃奶滑，甜度適中，好飲！環境方面座位寬落舒適～ 檯同檯之間都唔太逼，無壓感

之前一直想試呢間車仔麵好耐，因為聽朋友講呢間唔錯，今日咁岩出旺角買野，終於可順道一試！店內裝修乾淨企理👍🏻👍🏻除咗主打車仔麵之外，仲有大大大碗飯系列，價錢仲超抵食，只是$40😍呢度車仔麵最低消費$38，配料甚多選擇，如果有選擇困難症嘅朋友，可以試佢地嘅招牌麵😆我呢碗有辣魚蛋，貢丸，蘿蔔，炸墨魚卷，米粉，辣魚蛋夠彈牙，貢丸好重香菇味，蘿蔔清甜冇渣，炸墨魚卷外脆內軟😌，配埋香濃沙嗲汁食簡直絕配！想讚一讚佢哋嘅米粉，米粉幼身比較爽口，口感唔錯😋😋😋呢碟蠔油菜心超正， 全部都係最嫩嘅部份，新鮮翠綠清甜😍😍我朋友就叫咗豬紅，魚片頭，龍蝦丸，蘿蔔，腩汁，油麵！豬紅好入味，魚片頭又夠爽彈，龍蝦丸又大大粒，裏面嘅蟹籽卜卜趣，份量甚多，抵食！瑞士雞翼，雞翼醃得相當入味，肉質又唔會太腍👍🏻叫左一枝港式樽仔奶茶，香濃嘅茶底配上幼滑鮮奶，茶味濃郁，呢枝茶為今日嘅lunch 劃上完美句號！

見到有200 個😋，就專登揸車去試下，唔試都唔知道車仔麵原來可以做到咁....叫左4餸腩汁米粉首先米粉- 我第一次見有人用東莞米粉做車仔麵，長知識了瑞士雞翼- 我第一次食到白色的瑞士雞翼，完瑞士汁味，唔入味，雞翼好似發育不良豬紅-一夾就散大腸-味道一般，但每舊切到手指頭咁厚，點咬？牛腩 - 牛腩先係最終boss, 去食車仔面，就預左係雪藏牛腩，無問題。 但首先因為佢都知道佢d牛腩好柴好韌，佢為左逃避，佢剪到d牛腩好碎，碎到一粒粒咁，每粒手指頭咁大。 但都解決唔到d牛腩又柴又韌的事實，自己睇相就知。 再試左炸蠔，算係比較ok 的一樣究竟呢200 個😋點來？ 真係難估🤣

今去去到旺角，就想搵下食，咁凍既天氣就想食下麵，今就去左呢間車仔麵到食。環境見佢個裝修幾有特色，d坐位都好闊落，唔似平時食車仔面個d餐廳仔同好迫咁。米線（蘿蔔，雞腎，牛腩）黎到見到個賣相完全唔似普通車仔麵，有少少日式感覺，佢另外會有個汁比你簡，咁我就簡左腩汁。食個陣d汁就撈落個湯低到，佢既米線都係會有少少彈牙感，唔會係腍哂個種，蘿蔔舊舊都好大舊，而且係好甜既蘿蔔。雞腎份量都好多都有4至5塊，食落好入味，亦好有咬口。牛腩方面，係比較砌得細粒，肉質好腍，好入味，完全係好高質既車仔麵。幼麵（滷水腩肉，豬紅，溏心蛋）幼麵簡左沙嗲汁，幼麵比起米線更好食，沙嗲汁好夠味，微辣。佢既豬紅都唔係細粒，食落去超級入味，未食過咁入味既豬紅，平時食開都會好淡味，佢呢個真係做到100%入哂。佢既滷水腩肉大大舊，食落好有梅菜扣肉既味，但佢既肉係有口感好多肉質好腍，皮就爽彈，呢個一定要試。另外個蛋都好出色岩岩好熟度個蛋白都有少少生唔會蛋白熟過頭，有溫泉蛋既感覺。滷水豬大腸$22呢個就必食既，大大份，佢既豬大腸唔似平時食開個d得一圈個種，佢係好多層，食落成個口都係豬大腸，一層層好有咬口，唔會平時食開個d咁得一層，好似

💛💛💛阿四車仔麵💛💛💛好趕時間所以喺旺角搵間車仔麵快快脆脆食Lunch。環境大，放到好多枱，唔洗點等位。食物嘅種類都好多，麵款九樣，湯底五款，餸就分咗唔同價錢有唔同嘅料。值得一提嘅係下午茶餐非常之抵，$35就已經有一麵加有三個餸，啱晒啲想快食又想平嘅人。我哋總共買咗兩碗加一款小食🥳。第一碗——嗌左冬菇、溏心蛋、炸墨魚卷、加咗$3既稻庭烏冬、沙嗲醬。冬菇 $11，非常之厚肉，本身以為咁厚肉嘅菇一定唔會淋，又或者唔會入味，食落去點知完全無以上既問題，煮到爽爽地淋淋地，100%好食🥳。溏心蛋 $11，估唔到係中式嘅車仔麵舖都嗌到溏心蛋，多數都只係滷水蛋。食落去真係溏心既，裏邊嘅蛋汁撈既個烏冬好好食😚。不過有少少咸，已經同店長反映左！炸墨魚卷 $12，好好食😍！一份總共有兩條，感覺上係啱啱炸起，熱得黎又唔會感覺好熱氣。墨魚好彈牙，鹹到適中。我諗我下次會嗌小食，因為2條唔夠喉，好食😚。稻庭烏冬 $15，額外加錢既稻庭烏冬同平時嘅烏冬真係有分別，食落去唔會話似噹噹嗰啲垃圾烏冬咁，佢唔會咬落去淋身一舊麵團咁樣。相反佢好彈牙😍。因為我唔想晒食物，所以嗌左少麵，實際上會多啲😎。湯底沙嗲醬，唔辣，好香，正

上網見到有好多like, 唸住買黎試下，點知超級失望，一點驚喜都沒有。叫左炸蠔，墨魚卷，2碗麵(第一碗：辣魷魚、辣魚蛋、牛腩，第二碗：蘿蔔、辣豬皮、豬大腸）湯底完全無味，麻辣醬一點都辣，墨魚卷一D都吳好食，皮好硬炸蠔就叫做正常D，總結就是差，難食

我一向好鍾意食車仔麵，有日經過旺角見到有間新開嘅車仔麵，裝修幾靚，價錢又唔貴，於是入去試吓。呢間車仔麵都幾有特色，除咗車仔麵之外，亦都有好多小食俾大家選擇。飲品方面，我哋試咗佢嘅港式奶茶，茶味香濃，值得一試。跟住點左啲小食試吓，熱辣辣新鮮炸起，炸粉唔會太厚，很不錯。炸蠔炸得剛剛好，點埋個醬汁食一流👍🏻另外，呢個南瓜薯餅亦都非常有驚喜，南瓜鮮甜，食到唔停口😂終於到主角車仔麵，一碗嗌左腩肉魚腐蘿蔔芋絲配烏冬加腩汁，另一碗嗌咗糖心蛋蘿蔔魚腐魚肉春卷烏冬加沙嗲汁。糖心蛋好正，蘿蔔好鮮甜。個人鐘意沙嗲湯底多d，唔會太咸。再加埋蠔油生菜，食得非常滿足的一餐。

旺角食市林立，見到呢間車仔麵感覺唔錯，試一試先。一坐低問下店員有咩推介，好熱心介紹咗幾款給我。果然無介紹錯👍🏻瑞士雞翼好入味，吃得出熬製咗好耐，雞翼骨都入哂味。辣魷魚 爽口，配埋麻辣醬嘅湯底，好味🥰必食「炸墨魚卷」外層脆脆，包著墨魚肉，口感煙靭😍重點推介「樽仔奶茶」好耐冇飲過咁好味嘅奶茶，完全係小時候大排檔嘅味道。又香又滑。餐廳嘅環境坐得好舒適，重點係乾淨衛生，今餐食得好滿足，下次出嚟旺角，必定再食🤗

偶然路過鼓油街揾食, 老公話要食車仔麵咁喺毫無準備之下走進這裏: 門面企理光鮮, 店舖寬倘, 心想會唔會只係門面功夫而已......正值下午茶時段我便叫了個麵餐自選三餸加熱飲, 才$35; 老公則order 雞脾飯set。一送過來, 個presentation 非常好, 大大碗餸和麵很足，我選了瑞士雞翼(2隻上), 魚蛋和炸豆腐。雞翼和魚蛋入味，質感有咬勁, 那個炸豆腐也是特別調味製作, 不是求其給我豆卜或像煎釀三寶的貨式。而那個雞脾飯也是不得了, 足足佔了3/4的空間⋯⋯最後要多謝的是那杯順滑熱奶茶，絕對不是奶水，是非常balanced 的一杯地道港式奶茶, 完全沒有澀味。這杯奶茶完全替這餐漫不經意的下午茶劃上一個完美句號！

高質種類多黃店車仔麵🍜💛早排試左mk 有間帶懷舊風既車仔麵環境闊落又幾新淨 完全唔似平時既車仔麵舖😆———🥢滷水腩肉+墨魚丸+溏心蛋+油麵+腩汁 ($46)🥢牛腩+ 溏心蛋+ 蘿蔔+ 炸魚皮+ 米粉+ 腩汁 ($45)車仔麵既選擇都幾多 仲有溏心蛋添😍識食一定會嗌蘿白😎 如果連蘿白都唔好食 就唔算係車仔麵🤣 呢度既煮到入晒味 好甜 軟淋又冇渣😍滷水腩肉半肥瘦 好入味 墨丸重墨魚味少有車仔麵會出現炸魚皮 無論就咁脆食定浸湯食都好正😛overall都幾大碗 份量好足 男仔食都勁飽🥢滷水豬大腸($22)小食種類都好多 不過個日食左太多炸野就淨係叫左豬大腸 真心必試😋 大大粒勁入味 清潔得乾淨👍🏻🥢西生菜/菜心($22)一人一碗菜人都健康啲🤓🧋樽仔奶茶 ($18)最中意樽裝奶茶唔怕啲冰溝淡晒 又滑又香茶味🥰🍹雜果冰 (跟餐$15)

高質車仔麵！唔係講笑，呢間真係有質素，大大碗3餸都只係$38，環境又夠晒乾淨企理！我地兩個分別叫咗唔同嘅餸，諗住樣樣都試下！以下有幾樣車仔麵餸都係一致認為係正嘢！豬大腸、魚腐、蘿蔔同埋素牛丸！豬大腸同蘿蔔夠味之如又夠腍，素牛丸有驚喜，真係好似食緊牛丸咁，係食到有牛味架！而魚腐就索晒腩汁湯底，真係超正！唔知大家通常食車仔麵會揀咩麵呢？呢到我推薦大家食讚岐烏冬！烏冬夠晒爽口彈牙，仲要一啲都唔貴，加$3就有交易啦！另外我地仲叫咗3款小食，辣魷魚、素炸春卷同埋炸墨魚卷！素炸春卷同埋炸墨魚卷我地都一致認為係正嘢！而辣魷魚因為平時成日都食得到，所以即刻被比下去！原本都唔諗住講嘢飲，但呢度竟然有樽仔奶茶！茶同奶比例調得幾好，飲落香濃幼滑！又唔會太甜！最緊要係香港製造，100%港式奶茶風味！呢枝嘢我超愛！極力推薦！

一入到去第一個感覺就係原來食車仔麵都可以坐得禁舒服。環境乾淨，坐位又闊，食係上嚟都特別舒服。餸方面份量剛剛好，味道都尚算ok，但我最欣賞係佢地既小食，特別係個南瓜薯餅真係超好食，同平時係日式餐廳食到既水準一樣，甚至更好味，所以我絕對會為左食個薯餅而再去幫襯😋👍🏼

約咗朋友喺旺角食晏，佢話想食車仔麵，咁我就帶咗佢嚟呢間乾乾淨淨嘅小店😁我叫咗出前一丁麵，朋友就叫咗讚岐烏冬，我哋各自叫咗4-5個餸，有啲一樣有啲唔一樣，包括：滷水腩肉、大紅腸、午餐肉、瑞士雞翼、豬紅、白蘿蔔、辣魷魚、溏心蛋，基本上全部都幾好食，其中特別美味嘅有：- 滷水腩肉半肥瘦，肥嘅部份好滑瘦嘅就好軟熟，非常入味😋- 白蘿蔔超級鮮甜、嫩滑😋- 午餐肉煎得極香口😋- 溏心蛋非常溏心、好美味😋我哋仲叫咗生菜同菜心，幾好食😋我要咗熱奶茶，朋友就叫咗凍嘅樽仔「港式奶茶」，兩個都香濃好飲😋朋友食得好滿足，仲非常感謝我帶佢嚟呢間美味嘅車仔麵店😁

收左工，同屋企人一齊去旺角諗住食車仔麵，見到豉油街有間14車仔麵，再入去試吓。入到去首先叫咗個滷肉油麵，一支樽裝嘅港式奶茶同埋幾樣小食。個油麵軟硬適中，啲滷水腩肉半肥瘦，啱啱好。啲腩汁聞落有陣南乳味，食落都唔錯。小食方面叫咗唐楊雞，南瓜薯餅，炸蠔同炸燒賣。唐楊雞既肉，非常嫩滑。炸燒賣做得啱啱好，炸蠔既甜酸醬同蠔本身好夾，非常好味。最後想推介係係佢嘅南瓜薯餅，南瓜甜度適中，咬落去入口即溶。舖頭環境乾淨企理，值得大家一試。