阿四車仔麵 (已結業)

經過旺角豉油街，見到呢間阿四車仔麵，新開張很乾淨四正，故又入去幫襯下先得😋。喜歡車仔麵，可配搭自己想食嘅野，唔使比人限住，今晚我就食左牛腩（好入味）、蘿蔔（夠甜大件冇渣）、豬紅（冇腥味又滑）、糖心蛋（流心架）配烏冬，加芝士腸，咖喱魚蛋🥳&咖喱魷魚🦑超爽☺️，加咖哩同麻辣汁，店舖好溫馨地將麻辣汁用匙羹裝上👍。湯夠晒味，唔會似加水個d要用醬汁味搭夠，食材款款烹調入味，很好味😋。友人叫了招牌麵，有9款餸，啱晒咩都想食嘅佢🤣，大滿足啊。奶茶，檸檬茶都大大杯，真係抵食呀。

每次食車仔麵都好難揀要咩餸 因為好多餸都想食叫晒又貴又會食唔晒旺角新寶戲院 洗衣街公園附近<阿四車仔麵>係一個好選擇環境乾淨企理 地鋪位置開揚大大碗”招牌麵” $60白蘿蔔 豬大腸 滷水蛋 瑞士雞翼 雞翼尖 豬皮 豬紅 魚蛋 招牌辣魷魚可以揀麵底 我揀咗米粉 唔係一般茶餐廳米粉米粉好索腩汁 😋蘿蔔好甜唔苦無渣豬大腸滷得好入味招牌辣魷魚 好爽口 如果辣多少少會更正好少食一碗車仔麵有咁多餸 大滿足炸墨魚卷用腐皮包住墨魚膠 即叫即炸 香脆又鮮甜有好多學生優惠 岩晒學生午餐同下午茶總括: 大滿足而且價錢合理

今日小妹打算同朋友去Namco怒夾公仔🧸, 作戰之前當然要食飽左先☺️! 見到E間阿四車仔麵🍜好似唔錯咁就入去試下! 小店環境幾大而且冷氣夠凍🌬, 所以坐得幾舒服😊! 餐廳除左有車仔麵🍜食之外, 仲有大大碗飯🍚同各類小食! 車仔麵有多款麵底, 湯底同餸比你揀, 而且價錢唔貴, 搞到小妹忍唔住怒叫🤭!小妹果碗車仔麵要左幼麵配辣醬湯底, 餸方面就叫左辣魷魚🦑, 辣豬皮, 豬紅, 辣魚蛋, 牛栢葉同炸片頭! 辣醬味道唔算太辣🌶, 中意食辣嘅朋友可以再自行加多d! 辣魷魚同豬皮幾入味, 豬紅口感嫩滑唔腥, 整體味道唔錯!朋友果碗車仔麵要左油麵配腩汁, 餸方面就叫左蘿蔔, 仿鮑片, 蟹柳同牛腩🐂! 牛腩入味口感軟腍, 蘿蔔鮮甜多汁無渣而且大大件, 極度推介😋👍🏻!炸燒賣炸燒賣份量幾多, 外層炸到脆卜卜, 咬落去入面一d都唔油淋淋, 口感十分軟糯!吉列炸蠔小妹好鐘意食蠔, 第一次見車仔麵檔有炸蠔叫, 即刻點一個嚟試下! 吉列蠔香脆得嚟又保持到蠔本身嘅味道, 配合埋泰式甜辣醬就更加惹味😋

無意中發現呢間車仔麵望入去D位唔會好迫睇OPENRICE 食評又幾好就黎試下呀點了~米粉, 豬紅, 生菜, 辣魷魚(咖哩汁)生菜正常新鮮的唔會係黃黃地果隻辣魷魚夠入味份量都OK唔會得幾條咁豬紅無怪味幾滑米粉呢就份量幾多稍為大食少少既可以揀米粉~炸墨魚卷呢個有三條雖然似係現成果D但炸到好香口推介呀

«1103»港式情懷嗱喳麵 店面新凈唔up dup﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣食車仔麵最開心就係可以樣樣餸都食啲，不過如果嗌晒又驚貴！呢度嘅招牌麵就可以一碗食晒咁多款經典餸🤩▷招牌麵 $60豬大腸豬紅 豬皮 蘿蔔 滷水蛋辣魚蛋 辣魷魚 瑞士雞翼 雞翼尖大腸同豬皮煮到好腍入晒味，豬紅調味得剛好唔會太鹹～ 瑞士雞翼同雞翼尖就唔太入味，似滷水多過似瑞士汁，而辣魚蛋同魷魚係幾惹味嘅！半透明粉絲嘅加埋蘿蔔又甜又索湯汁🤤一次過食咁多餸係幾滿足嘅，逐樣分開嗌一定唔止呢個價🤗▶ 三餸車仔麵 $47滷水腩肉 炸墨魚卷 冬菇▷炸燒賣 $22友人碗麵開心share咗啲餸黎食，舊半肥瘦腩肉fatfat到呢，超肥美～～炸墨魚卷同炸燒賣都唔錯，外面脆口中間仲係軟腍口感，燒賣仲要有成10粒咁多，雖然驚熱氣但費事晒野都係清晒！好彩配泰式辣醬酸酸甜甜幾開胃🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣阿四車仔麵旺角豉油街108號地下

食車仔麵通常都係諗住嗱咋啲、hae啲，冇諗過可以食埋靚靚裝修。阿四車仔麵嘅裝修走懷舊路線，企理乾淨。枱與枱之間距離充足，坐得舒服之餘，唔會覺得好嘈傾唔到計。👆🏼餐紙配料選擇都幾多，想要讚岐烏冬或者出前一丁麵底，加3蚊就得喇！另外可以免費選配一個醬汁，醬汁會放喺匙上面，食嗰陣落幾多可以自己決定，唔駛驚太鹹/太辣。👆🏼5餸 - 瑞士雞翼、滷水腩肉、豬大腸、蘿蔔、仿鮑片跟讚岐烏冬 (加辣醬）瑞士雞翼: 入味得嚟唔會好鹹，煮得夠透，2條骨好易分開，食落好easy滷水腩肉: 滷到好腍身，肥膏接近入口即溶，豬皮都彈彈牙豬大腸: 呢個相對冇咁入味，不過清洗得好乾淨，唔係間間舖頭都做得到蘿蔔: 夠腍，冇渣仿鮑片: 點辣醬食冇得輸！辣醬香得嚟唔會太辣，唔食得太辣嘅朋友仔都可以放膽試試。👆🏼炸燒賣嘩！本身諗住隨便加個小食，點知佢勁好味！個皮脆到咬落去卜一聲，成粒唔會炸到太乾身，點埋泰式辣醬食perfect池！👆🏼炸豆腐呢個冇炸燒賣咁出位，不過都好味。炸豆腐個皮好香口，入面就滑嘟嘟，口感幾豐富，跟泰式辣醬又係好啱數！👆🏼凍奶茶走甜作為奶茶精嘅我，經常都會走甜去飲真啲個茶底嘅味道。我高度推介呢個奶茶，茶夠濃、

早幾個月之前去過粉嶺幫襯過呢間阿四車仔麵， 覺得個服務質素都非常之有水準。 今日經過旺角，見到佢嘅分店， 旺角分店嘅裝修比粉嶺更加精緻美觀，就決定再次幫襯。同朋友兩個人點左兩個車仔麵+3個小食，非常之飽， 非常之滿足。我自己就點左招牌面，招牌面有九個餸； 魚蛋、魷魚、豬皮、滷大腸、雞翼尖、蘿蔔、滷水蛋、瑞士雞翼、豬紅。 每個餸都有幾舊， 目測好似每樣幾舊仔， 但食晒會好夠飽。 - 魚蛋好彈牙， 偏大粒， 小小咖喱味，唔錯！- 雞翼尖滷水汁老得好入味，「妹一妹」就將隻雞翼尖食得乾乾淨淨- 瑞士雞翼都同雞翼尖一樣好入味，大大隻！除咗車仔麵嘅餸之外，我哋仲嗌咗小食，有炸燒賣，炸豆腐，同埋炸墨魚卷。出面食過炸燒賣都好多次，但呢間車仔麵炸嘅燒賣唔會好乾身，非常之好食！唯一覺得麻麻哋嘅就係個「麻辣醬」唔夠辣亦唔夠麻， 最鍾意食辣嘅朋友可能會有少少失望！整體來講，通常食呢啲車仔麵，餐廳嘅環境亦都比較普通，相比之下呢間餐廳無論裝修，食物質素，服務態度屬於高水準之作，真心推介！

同兩個朋友係旺角打完羽毛球之後 就諗住搵間餐廳求其食 行過見到有車仔麪 都好耐無食過 我地三個人就走入去食下鋪面都算幾大下 起碼唔會有逼”喼”的感覺 整個鋪面既間格亦好分明, 俾我一種好乾淨衛生的感覺見到 MENU 就知道佢除左車仔麵之外 仲有頗多小食的選擇 由於太肚餓既關係 我地嗌左三個車仔麵再加三個小食同兩個菜 好似放題咁 哈哈哈我就嗌左個墨丸炸豆腐豬腸沙嗲米粉三樣餸都好味 墨丸十分之彈牙爽口 唔會好似出面食果 d 咁搓左好多肥豬肉入去 豬腸亦好夠腍 佢同炸豆腐索左個沙嗲湯底勁惹味炸唐揚雞塊 吉列蠔 吉列豬排是日式放題必叫 估唔到呢度都有 佢呢到既大概係二人份量 三樣炸物的火侯都控制得唔錯 值得推薦的是吉列蠔 外面好鬆化 咬開後都仲有好多汁 唔會”乾爭爭” 而菜心都好夠油水,亦都好腍甜而最最最重點推介就係佢的樽仔奶茶 茶底個味好濃 奶同茶既比例好夾 係一款十足十的港式奶茶整體黎講, 食物水準係中上既, 而價錢,係旺角黎講簡直可以用親民黎形容, 呢間鋪相信都會係我地三個既專用飯堂了

本土嘅文化來講，車仔麵一定要列入當中嘅範圍，不過食得嘴刁嘅我，要整體來講啲餸嘅味道都要有返咁上下時間先可以，如果喺旺角搵車仔麵唔難, 但係坐得舒服仲要有啲水準嘅，就要篩選一下啦😉！行過望到呢間，坐得舒服，地方裝修闊落，款式又多，咪入去試下！我地試咗招牌麵同埋自選四餸麵😋魚蛋，魷魚，豬皮，雞翼尖，蘿蔔，瑞士雞翼，滷水蛋，豬紅，招牌麵有咁多個餸，真係抵到呢😗食得辣嘅，可以再自選辣汁或者麻辣汁！如果小食嘅話，可以再試埋佢嘅魚皮，咖喱角，炸墨魚卷，脆口惹味，新鮮製造，掂呀😄嘢飲都多選擇喎，有懷舊紅豆冰、雜果冰呀咁，更加有支裝汽水！

今日去開旺角行街，興起想食車仔麵咁，我哋上OpenRice呢就見到呢一間叫亞四車仔麵，門面裝修幾靚同埋入邊啲枱都分隔得好開，就決定去試吓啦！去到好快呢就有人叫我哋量體溫，跟住就坐低個張圓台度，枱同枱中間都有適當距離分開，都坐得好鬆動。我入去嗰陣時都見坐滿左七八成人，咁佢個餐牌主要就係車仔麵，小食，同埋有啲飯嘅選擇。咁我哋就揀咗兩款車仔麵同三款小食同兩杯飲品。咁嘢飲就先上枱，分別叫左就凍檸檬茶同埋紅豆冰。個紅豆冰呢啲冰特別多，整出嚟個樣好靚，飲落都唔錯，而個檸檬茶都幾好飲，唔會太甜。咁跟住兩個車仔面呢就上枱啦，我哋分別揀咗唔同嘅餸啦，有炸墨魚卷，魚腐，芝士腸，瑞士雞翼，辣魷魚，龍蝦丸同埋魚皮餃。我哋都叫左唔同嘅面，一個就食米線一個就食油面嘅。飲落佢個湯都係唔會太濃味，都唔錢太味精重，都幾香嘅。啲面嗰個軟硬度都適中，不過可能對相對大食嘅人來講會細份少少咁。啲餸嚟講都有兩至三粒或者兩三塊，夾夾埋埋都得好足夠份量。另外仲叫咗三個小食啦，分別係蠔油菜心，南瓜薯餅同埋咖喱角。要一讚嘅係佢個皮唔會太厚身，入邊啲料係真材實料嘅，仲見到有南瓜皮撈左喺入邊。而且嗰薯餅都好大粒。另外個菜心同咖喱角都係食得出

車仔麵食得舒服，一定係呢間~ 乾淨得黎亦都唔洗同人迫，價錢都好合理，地點都好近地鐵站，可以一試😋車仔麵都係自己✔️想食D咩，另外仲有大碗飯、特色小食揀，都算多選擇~車仔麵 (芋絲、蘿蔔、炸墨魚卷、沙嗲醬、讚岐烏冬) $46欣賞佢既醬汁係另外上~ 就算個醬汁係好辣都唔怕😂 不過沙嗲醬都係極少辣的，可以放心~ 炸墨魚卷幾好食，墨魚味都幾出，雖然炸過但唔係好油膩~ 蘿蔔都幾淋幾入味，芋絲就普普通通~車仔麵 (仿飽片、溏心蛋、腩汁、出前一丁) $36溏心蛋幾正，係一整隻蛋上，入面都幾滑👍🏻 不過腩汁有D鹹，建議按自己既份量倒入湯~ 出前一丁都幾多份量，應該有2個麵🤣 南瓜薯餅 $26呢個好好食!! 雖然得兩塊，但每一塊都好足料，即叫即炸，入面既南瓜蓉好正😍 甜甜地，食完都覺得幾飽下，可以當做飯後甜品👍🏻炸唐揚雞塊 $26雞肉都幾鬆軟，熱辣辣上碟，配埋泰式辣醬，都唔錯~ 車仔麵冇叫到肉類，叫呢個小食都好足夠😂 最後叫埋個腩汁菜心同埋兩杯野飲，幾中意佢用樽裝麥精，夠環保👍🏻 平平地食一餐，呢到係個唔錯既選擇~

大大碗而有質素的車仔麵，以價錢來說，值了~炸墨魚春卷~腐皮炸得脆卜卜，內裡的墨魚餡料軟軟的，外脆內軟，小食挺好的招牌麵~ 有蘿蔔，辣魚蛋，辣魷魚，豬皮，雞翼尖，豬紅，豬大腸，鹵水蛋及雞翼，大雜錦麵，對心多的我來說，真的是大滿足❗❗蘿蔔很嫩沒有渣，還要是有幾件大大件，相比平日的車仔麵蘿蔔，至少多一倍份量~而辣魚蛋，豬皮魚蛋及豬紅，更是車仔麵必備食物，少少辣，索晒味，而豬大腸則軟冧度適中，特別愛吃😍蠔油菜心~菜葉很翠綠，吃起來也鮮嫩炸豆腐 ~又是很足料大份，豆腐也炸得乾身表皮香脆炸燒賣~很多粒，很多粒，要說2次，抵食❗❗炸得脆卜卜樽裝維他奶~不多地方可以喝到樽裝的，味道比盒裝好喝

跟朋友想簡簡單單吃碗車仔麵，但又想吃得有質素，那就決定在這裡吃吧！價錢合理，而餸也是很多很大碗，感覺抵吃很多座位來說，也算很寬鬆，跟隔離枱的位置也有距離，坐得蠻舒服，不怕鄰座偷聽我說話車仔麵揀了蘿蔔雞翼，蘿蔔很嫩沒有渣，雞翼也夠味的，至於小食方面，我揀了豬大腸，炸唐揚雞塊及雞翼先說豬大腸，是腸中腸那種，這樣做會比平日吃到的乾淨得多，而且質感也多了幾層;炸唐揚雞塊，26元有5大件，價錢還算蠻實惠，雞肉有水份感，蠻不錯

見咁多好評，上星期五開完OT晚上九點幾去食，好多座位任坐可能快關門。坐低見order紙有寫最低消費，叫左兩餸麵。首先要讚是服務，哥哥仔態度友善，不過最重要的食物上埸了，滿心期待結果好失望！個湯底超級唔熱，豬紅又唔入味好難食，成碗野唔夠熱騰騰，食落已經大打折扣！餸的份量亦偏少。講真車仔麵其實有好多更好的選擇，我應該唔會再幫襯。

今日來旺角豉油街阿四車仔麵食我最愛的車仔麵😋店內裝修簡潔舒服👍車仔餸的選擇款式超多，我都叫咗超多😂叫咗粗麵，份量好多呀。豬紅🐖配沙嗲湯底好夾✌️。豬大腸，非常乾淨冇一舊舊的肥膏痴住，好林好入味。滷水蛋，牛腩都係勁林和有味的。吉列豬扒🐷，火喉剛好，外脆內唔鞋，唔油膩。另一碗的辣魚蛋香辣度十足，咬落爽彈，係我最愛👍。瑞士雞翼🐔都幾入味。枱上還放了自家製醃菜脯😋😋可以任意潻加😋😋