阿嫲麵包店

營業中

休息中

一開頭係朋友介紹，話呢間阿嫲麵包啲好軟熟又多款式，加上自己係抹茶控，所以一開頭已經係試食佢既抹茶麻糬吐司，點知驚為天人！🤩包軟熟之餘抹茶味又好夠！佢有濃抹茶餡/碎碎mixed，麻糬都好軟身。個人覺得抹茶紅豆貓都唔夠呢個濃抹茶⋯⋯所以間唔時去太子旺角都一定會去買一個！BUT!!!但重點係‼️近幾次買，呢款少左好多濃抹茶餡，得面頭有，多左麵包部分同麻糬😭🥲🥲對抹茶控黎講真係幾失望，咁就變返普通抹茶麻糬包了希望唔係節省成本啦⋯⋯好驚佢越嚟越普通😞⋯⋯希望店家會見到改善下啦🙏🙏

太子一直有間網上爆紅既面包店🍞 @amore_70734988 作為呢邊既街坊，我一直都係幫襯開佢嘅常客😆.貓貓吐司一直係呢間大熱🐱地瓜黑糖麻薯（使用台農57號金番薯，台灣黑糖麻薯）三色芝士髒髒貓（朱古力）作為朱古力控我相當鐘意呢款🍫完美還原貓貓造型🐱用上日本麵粉，法國牛油，新紀元雞蛋，再放入特製貓型模具，佢地既貓貓面包係現場即切架🌟.除左大熱既貓貓面包，現場仲有Bagel，花生酥，牛角包等等🥐有多款選擇，總有一款適合你😙.呢家萬聖節，所以佢地都推出左萬聖節系列曲奇🍪蜘蛛花生酥🕷.食完面包曲奇，都口渴架啦🥵佢地呢到仲有奶茶咖啡比你選擇😆☕️.呢到樣樣野都好有新意，而且食材新鮮，食得開心又放心☺️.阿嫲麵包店地址：太子砵蘭街456號地下

👵🏻阿嫲現烤手工蛋糕👵🏻 @amore_70734988最近經過一間門店細細 但系人流勁多既《阿嫲手作》店鋪主打阿嫲現烤手工蛋糕 更有多款麵包、酥餅、巴斯克蛋糕、月餅、吐司等 每日新鮮即製 全手工製作 無添加防腐劑 真材實料😍💓阿嫲花生酥好濃郁既花生味 口感好鬆化 唔會好甜裏面仲有花生粒 好有咬口🤣一口一粒🔥每日新解製作 不含添加劑、防腐劑等💓阿嫲蝴蝶酥用上頂級法國牛油 自家制酥皮層次分明入口酥脆 食落帶牛油淡香😍💓各款阿嫲吐司• 麵包有多款口味既麵包 貓貓造型可愛特別 咸甜都有 可以半份咁買 不時推出期間限定口味😍好鬆軟 朱古力口味濃郁唔膩🥰💓竹蓆茅根奶凍飲呢一款真系寶藏系列💯本身熱熱地又口渴就想試吓呢款 點知好有驚喜🔥記得記得要撈勻左先飲😋奶凍同竹蓆茅根好夾飲落清甜解渴 細細瓶完全唔夠喉😭

人氣貓貓麵包店 「阿嫲麵包店 」主打貓貓麵包、阿嫲花生酥、琥珀合桃、蝴蝶酥、各式各樣嘅手工酥點，重有自家制樽裝奶茶、咖啡、健康茶飲等飲品，所有產品以天然低糖製作，全部在店裏手工製造，絕對即做，即焗、即賣，保證新鮮又健康👍🏻👍🏻臨近中秋仲推出咗手工製作 「阿嫲月餅禮盒」使用不同餡料配合白玉麻糬，口味獨特，坊間少有，每盒有共三款口味共六個，咁啱三款餡料分別係 「陳皮紅豆」、「芝麻合桃」、「椰蓉」都係我呀媽喜歡食，而且佢又係兩個寶貝姪女既阿嫲，真係特別為佢而設，一定要買比佢啦👵🏻🥮阿嫲月餅禮盒 $ 238 （15/9早鳥優惠價）純手工製作一盒六個共三種口味👵🏻阿嫲公仔頭🫘陳皮紅豆 | 白玉麻糬紅豆蓉口感綿密甘香，帶有淡淡的陳皮香，唔太甜，再配合煙煙韌韌既手工白玉麻糬，好美味🐰兔仔圖案 🧆芝麻合桃|白玉麻糬芝麻合桃這個組合好養身，芝麻粒粒磨成溶，但仍保留住幼粒既口感，芝麻味道濃到不得了，加上原粒原味脆合桃的味甘，唔錯唔錯🤎阿嫲字樣 🥥椰蓉丨白玉麻糬好創新既配搭，椰蓉清甜可口，仍食到一絲一絲的椰絲，椰香滿滿，配麻糬口感清新

抵食有特色吐司｜📍阿嫲麵包店♡抹茶麻糬吐司♡｜💰$33攞上手都幾重，份量都幾多💚打開包裝已經聞到好香，切開可以見到吐司顏色鮮綠唔係扭紋抹茶+原味💚所以抹茶味濃，麻糬質感偏向軟糯唔洗加熱都有微微拉絲不過份量唔算多🥺有啲失望♡奶茶（少甜）♡｜💰加配價$22奶茶有得揀無糖同少甜，奶茶玻璃樽裝🫶🏻仲有好得意嘅阿嫲標誌喺樽上面❤️‍🔥作為玻璃樽收集控即刻買咗😂講返味道先，飲落似茶餐廳奶茶但偏甜啲，我自己會偏向飲無糖🫶🏻(๑•̀ㅂ•́)و✧題外話，店員好熱情介紹每一項產品仲送1粒花生酥同2粒腰果酥俾我😂♡花生酥♡｜贈品呢個口感好鬆化，而且好香花生味💓size一口一粒啱啱好，唔會跌到周圍都係碎🫡味道似龍鬚糖內餡🫶🏻推薦！♡腰果酥♡｜贈品呢個就普通啲，食落脆口腰果香🤔但無乜特別😂正常發揮

一向都聽唔少人大讚佢嘅花生酥好濃香好好味，但因為我係麻糬控關係，我今次就試佢嘅芒果 & 芋頭麻糬酥.▪️ 芒果麻糬酥 $20▪️ 芋頭麻糬酥 $18.整體食落好有層次，麻糬口感軟滑，但我自己就鍾意再煙靭少少🤏其他麵包款賣相都好吸引，下次再試

阿嫲現烤·手工·蛋糕店咸蛋黃肉鬆包咸蛋黃味唔係好食得出，麵包整到一層層，好實在感，絕對不是‘空氣包’，加上有不少黑芝麻，肉鬆分佈得也好平均，不錯.#麵包#bread#太子#早餐#肉鬆#咸蛋黃

太子見到有間賣貓貓樣既麵包，覺得好得意，好可愛😍比貓貓吐司吸引阻，我揀阻呢隻味：金地瓜黑糖麻糬，自己中意甜麵包同埋煙韌口感，呢2樣口感都滿足到我😋另外仲出阻好多味，下次會再試其他口味～

經過聞到好香麵包味，原來係新開呢間阿嫲麵包店👵🏻麵包控嘅我忍唔住入去兜咗個圈，竟然見到有呢個咁可愛貓貓形狀吐司有啲雖然係原味，但係到整到七彩顏色唔同花紋，好靚💗原先見到有個伯爵茶橙皮厚吐司都好吸引，不過依然俾貓吐司吸引咗🐱▶️ 「青BB」- 宇治抹茶紅豆貓 ($18)呢個係半份，一袋有兩厚片，一片等於平時兩塊方包嘅厚度，攞上手都幾重㗎！(磅過加埋有成190 g咁重㗎)一片係方包底部，另一片就係軟綿綿嘅部份🍞寫話係新味道！麵包係白色綠色雲石feel嘅，之後有粒粒紅豆🫘紅豆嘅份量多到遍布成片方包🤯一開個袋已經有陣陣飄香嘅紅豆味🍵紅豆粒起沙，味道唔會太甜，有日本大福入面紅豆蓉嘅味道抹茶味就比較淡，有甘甘地嘅味，抹茶控唔好期望太多，不過就同紅豆好夾味💚麵包皮質地少少煙韌，而麵包肉新鮮食完全唔需要焗熱都仲軟綿綿▶️ 花生酥店員最尾仲送俾我嘅🥰一咬就散開，入口即化微微食到少少花生碎🥜花生味道好香少少鹹鹹地又少少甜咁幾好係佢冇傳統餅店食到嘅咁油👍🏻感覺健康好多個人覺得似一個傳統中式花生酥mix西式曲奇餅好好食，佢係有得成袋買嘅，啱晒新年用嚟送禮！🧧-除咗賣吐司之外，仲有其他手工麵包，例如金地瓜麻糬包🍠全

🍪【#太子】阿嫲麵包店💥次次經過都要買！超鬆化花生酥專家💥.🍪值得不停回購嘅阿嫲花生酥！只要你鍾意花生味，阿嫲花生酥係唔會令你失望！~~~~~~~~~~~~~🍽 阿嫲花生酥 16粒 (大) $53 ．8粒 (小) $28結實得嚟又鬆化，近乎入口即溶。花生香超級濃郁，每次食一兩粒都好滿足。由於花生酥冇落防腐劑，保存日期較短，首次買建議揀細盒裝。~~~~~~~~~~~~~🍪除咗必買花生酥，買過兩次bagel，麻糬好軟滑唔會凝固到變硬，小店仲會送新鮮cream cheese。另外試過麻糬鳯梨酥同多士，品質皆有保證。反而冇試過吸睛嘅貓貓多士。~~~~~~~~~~~~~味道 Taste：🍪🍪🍪🍪🍪/5💸消費 Spending：$28 /人 Person🔥推介度 Recommendation：5/5.📍 阿嫲麵包店@amore_70734988.

真.蝴蝶酥（$64/8個）牌仔寫住用左法國牛油同加拿大小麥粉，而點解叫真.蝴蝶酥，因為佢的確同平時買既蝴蝶酥唔同，係立體既蝴蝶黎🦋打開包裝聞到好香既牛油味，食落亦無平時買個d咁甜，亦鬆化😎不過正因為佢立體，所以食起上黎有小小唔方便🙈同埋呢個價錢，個人認為試一次就足夠。牛角包 （$28/2）份量都算大個，買到番去食都仲脆脆地，不過食落就無乜感覺到有大分別，無乜驚喜。竹炭芝士吐司（$18）望個名覺得好吸引，而且佢個吐司真係好有份量，夠厚。食落就無乜味道，講真都唔算話好食到有芝士，所以有少許失望

週五本身去隔壁買麵包，看到新開了一家小店，抱著試試的心態。.麻糬士多啤梨蛋撻很好吃 如果有別的味道更喜歡！.貓咪造型的吐司，很可愛，味道不算突出.最喜歡的是花生酥 味道濃郁，口感酥鬆好喜歡

Happy discovery - they opened a bakery right around the corner of their original fluffy castella cake shop. I have pretty much tried all their cakes, and it's time to try all the BAKEDS!The bakery offers all kinds of (toast) breads - in loafs or cat's head shape, candied walnuts, Chinese pastries and confectioneries. Genuine on ingredient use and taste. The owner is always friendly and enthusiastic.And wow, look at their nicely done gold spot UV packaging! Btw, their castella cake box is a litt

最近有同事向我推介，太子附近新開左一間手工中式餅店，放工經過自然要去睇睇啦💛💛💛呢一間阿嫲餅店的確唔簡單，沿着彌敦道地舖一間，店仔細細，但放工時間竟然迫滿咗客人😮😮😮我都係等其他客人買完野離開咗，先至偷到少少時間影相咋！🤭🤭🤭正所謂「麻雀雖小，五臟俱全」呢一間店嘅食品全部都係手工自家製，因為冇加防腐劑，所以食品嘅壽命大概都係10日左右，買咗就要盡快品嚐啦！🤭🤭🤭佢嘅食品款式都好多，有腰果酥、花生酥、曲奇、蝴蝶酥、鳳梨酥，仲有特別口味嘅麵包多士，真係要分好多次先試得晒！🧡🧡🧡今次我就試咗買大盒花生酥，佢嘅花生成份超高，一口咬落去，非常鬆軟，但又唔會好肥膩。不過呢類小食都係少食多滋味，同屋企人分享就更加好啦！😆😆😆返到屋企先生食到停唔到口😂😂😂下一次我會試吓其他產品，食完再同大家報告啦！爭啲講漏咗，店方仲會送咗一個合桃酥小食俾我試添，開心！

早幾日見到有間新開既店就入左去睇下見到花生酥個樣好似幾好食就買左細盒黎試外面好脆好香口 好似合桃酥咁一咬入去勁香花生味 有少少痴牙 入面仲有一粒粒既花生 好足料呀食左2-3粒就開始少少濟 下次經過會再買😋😋另外仲買左麻糬鳳梨酥 味道都幾似台灣食到既咬到中間就食到麻糬 煙煙韌韌 又幾夾!